Kapitulo 58

Ni Simon ken ti Kinasaserdote

Nadamag ken namati iti ebanghelio ti adu a tao iti Samaria. Nabuniaganda, ngem awan kadakuada ti Espiritu Santo.

Dagiti Aramid 8:5, 12–16

Napan da Pedro ken Juan iti Samaria. Impatayda dagiti imada iti ulo dagiti tao ket intedda kadakuada ti sagut ti Espiritu Santo.

Dagiti Aramid 8:14–17

Nakita ti lalaki nga agnagan iti Simon da Pedro ken Juan a mangmangted kadagiti tao iti sagut ti Espiritu Santo. Ammo ni Simon a makaited ti dua nga Apostol iti sagut ti Espiritu Santo gapu ta addaanda iti kinasaserdote. Tinarigagayanna met ti maaddaan iti kinasaserdote.

Dagiti Aramid 8:9, 18–19

Indiayana ti kuarta kada Pedro ken Juan para iti daytoy. Imbaga ni Pedro ken ni Simon nga awan ti makagatang iti kinasaserdote. Ited ti Dios daytoy kadagiti nalinteg a lallaki. Ammo ni Pedro a saan a nalinteg ni Simon. Imbagana kenkuana nga agbabawi.

Dagiti Aramid 8:18–24