Kapitulo 56
Agasan ni Pedro ti maysa a Lalaki
Maysa a lalaki a saan a makapagna ti mabagkat a maipan iti templo iti inaldaw. Agtugaw iti abay dagiti ridaw ti templo ket agdawat iti kuarta. Maysa nga aldaw nakitana da Pedro ken Juan a sumrek iti templo.
Nagdawat iti kuarta kada Pedro ken Juan. Kinuna ni Pedro nga awan ti kuartana. Kinuna ni Pedro nga ikkanna ti lalaki iti sabali a banag.
Binendisionan ni Pedro ti lalaki iti nagan ni Jesucristo ket inagasanna isuna. Kalpasanna tinulonganna ti lalaki a tumakder.
Nagna ti lalaki iti umuna a gundaway iti biagna. Adu dagiti tao a nakakita iti lalaki a magmagna ken aglaglagto. Ammoda a maysa a milagro daytoy. Ammoda nga addaan ni Pedro iti bileg ti Dios. Imbaga ni Pedro kadakuada nga inted ni Jesucristo kenkuana ti bileg a mangagas iti tao. Maysa a naindaklan a misionario ni Pedro. Tinulonganna ti adu a tao a mamati ken sumurot ken ni Jesucristo.