Kapitulo 28
Pakanen ni Jesus dagiti 5,000 a Tattao
Imbaga ti sumagmamano a gagayyem ni Juan Bautista ken ni Jesus a pinapatay ti ari ni Juan.
Idi nangngeg ni Jesus daytoy, napan Isuna iti maysa a lugar iti Baybay ti Galilea tapno agmaymaysa. Ammo ti adu a tattao no sadino ti yanna. Nasurok a 5,000 a tattao ti nagsurot Kenkuana idiay a mangnamnama a mangisuronto Isuna kadakuada.
Insuro ni Jesus ti adu a banag kadakuada. Oras idi ti pannangan, ngem kaaduan kadagiti tao ti awanan iti makan a taraon. Kayat dagiti disipulo ni Jesus nga ibaon ni Jesus dagiti tao iti kaasitgan a purok tapno gumatang iti taraon.
Imbaga ni Jesus kadagiti disipulo a mangkita no adda nangitugot iti taraon. Nakitada ti ubing a lalaki nga addaan lima a tinapay ken dua a babassit nga ikan.
Imbaga ni Jesus nga agtugaw dagiti amin a tattao. Binendisionanna ti tinapay ken ti ikan ket pinispisina ti taraon iti babassit.
Inted dagiti disipulo ti taraon kadagiti tao. Nagsobra iti ad-adu pay ti taraon para iti tunggal maysa.