Panagbalbaliw ti Langa ni Cristo

Ti Panagbalbaliw ti Langa, ni Carl Heinrich Bloch

Abril 1–14

Mateo 16–17; Marcos 9; Lucas 9

“Sika ti Cristo”

Bayat ti panangutobmo kadagitoy a kapitulo iti Baro a Tulag ken panangdengegmo kadagiti mensahe kabayatan ti sapasap a komperensia, siputam dagiti mensahe a mariknam a kasapulan dagiti ubbing iti klasem.

Isuratyo Dagiti Impresionyo

icon iti panagbibinninglay

Yawis ti Panagbibinninglay

No dimngeg wenno nagbuya dagiti ubbing iti klasem iti sapasap a komperensia, awisem ida a mangibinglay iti banag a nangngegda wenno nakitada.

icon iti panangisuro

Isuro ti Doktrina

Dagiti In-inaudi nga Ubbing

Mateo 16:13–17

Makagun-oddak iti pamaneknek a ni Jesucristo ket Anak ti Dios.

Ibilang no kasano a mausarmo iti pammaneknek ni Pedro ken iti sungbat ni Jesus a mangisuro kadagiti ubbing no ania ti pammaneknek ken mangparegta kadakuada a mangsapul iti bukodda.

Dagiti Mabalin nga Aktibidad

• Kiddawen kadagiti ubbing a dumngegda no ania ti kinuna ni Pedro bayat ti panangbasam iti Mateo 16:15–17. (Kitaen met ti “Kapitulo 32: Paneknekan ni Pedro ni Kristo” Dagiti Estoria iti Baro a Tulag, 76–77, wenno ti katupagna a video iti LDS.org.) Ilawlawagmo a ni Pedro paneknekkanna ni Jesucristo. Ulitem a basean ti bersikulo. (Wenno ulitem nga ipakita ti video.) Iti daytoy a gundaway kiddawen kadagiti ubbing a dinggenda no saisino ti nangibaga ken ni Pedro a ni Jesucristo isu ti Anak ti Dios.

• Paneknekkam ni Jesucristo ken ilawlawlagmo no kasano a naawatmo daytoy. Awisem dagiti ubbing nga agsapul iti bukodda a pammaneknek manipud iti Nailangitan Nga Ama.

Mateo 16:15–19

Nangted ni Jesuscristo kadagiti propeta ken apostol kadagiti tulbek ti priesthood a mangidaulo Iti Simbaanna.

Naidilig ti Mangisalakan ti paltiing iti bato ken turay ti priesthood iti tulbek. Kasano a mausarmo dagitoy a panangidilig tapno matulongan dagiti ubbing a maaddaan iti pammati kadagiti mangiturong iti Simbaanna?

Dagiti Mabalin nga Aktibidad

• Mangipakita kadagiti ubbing ti bato bayat ti panangbasam iti Mateo 16:18 kadakuada. Uliten kadakuada ti sasao a “iti daytoy a bato bangonekto ti simbaanko,” mangnayon kadagiti tignay a maigiddan kadagiti balikas. Ilawlawag a ti Simbaan ket naibangon ti “bato” iti paltiing.

• Ipakita kadagiti ubbing ti sumagmamano a tulbek ken saludsudem no ania ti pakausaran dagiti tulbek. Ilawlawag a naawat ni Pedro ken dagiti dadduma nga Apostol dagiti tulbek ti priesthood ken ni Jesus. Dagitoy a tulbek “manglukat” dagiti bendision kadatayo ken manglukat iti dalan ti langit. Kas pagarigan, dagiti tulbek ti priesthood ket mangipalubos kadatayo nga agpabuniag ken umawat iti sakramento. Ikkam dagiti ubbing kadagiti sinantulbek a papel, ken pagsuratem ida kadagiti sumagmamano a bendision a “maluktan” dagiti tulbek ti priesthood.

• Mangipakitaka iti ladawan ti Presidente ti Simbaan, ken iburaymo ti pammaneknekmo nga isu ti agiggem kadagiti amin a tulbek ti priesthood ita nga agdama, kas iti inaramid ni Pedro.

estatua ni Pedro a nakaiggem kadagiti tulbek

Nangted ni Jesus kadagiti tulbek ti priesthood ken ni Pedro.

Mateo 17:19–20

Ti pammatik mabalin a makaaramid kadagiti milagro.

No basaem ti kari ni Jesus nga ti pammati a kas iti kabassit ti bukel ti mustasa a makayalis iti bantay, ania ti maawatmo a makaallukoy maipapan kadagiti ubbing a sursuruam?

Dagiti Mabalin nga Aktibidad

• Awisem dagiti ubbing nga agsisinnublatda nga agdrowing iti dadakkel a bantay ken babassit a bukel iti pisara bayat ti panangbasam iti Mateo 17:19–20 kadakuada. Ilawlawag a dagiti bantay a kasapulan a matignaytayo ket gagangay a banag a kasla narigat para kadatayo a maaramid. Ania dagitoy a sumagmamano a banag a iti panangreknatayo a kas dagiti bantay? Usarem daytoy a panid iti aktibidad ita a lawas tapno matulongan dagiti ubbing a mangpanunot no kasano a makatulong kadakuada ti pammati tapno maaramidda dagiti banag a kayat ti Dios nga aramiddenda.

• Mangipan ti ladawan ti maysa a bantay iti maysa a sikigan ti siled, ken isurat iti daytoy dagiti balikas a kas iti buteng, duadua, wenno danag. Kiddawen kadagiti ubbing a manginaganda iti sumagmamano a banag a mabalinda nga aramiden tapno makagun-odda ti napigpigsa a pammati ken ni Jesucristo. Bay-am a iti tunggal maysa nga ubing a mangisingasing nga ias-asidegdana ti bantay iti bangir a sikigan ti siled. Basaen ti Mateo 17:19–20, ken mangipaneknek iti bileg ti pammati iti biagmo.

• Kiddawen kadagiti ubbing nga kantaen ti “Pammati,” Libro a Pagkantaan dagiti Ubbing, 96–97, ken kalpasanna mangtedka ti tunggal ubing iti bukel a maiyawidna. Awisem ida nga imula ti bukel ken ikabil daytoy iti maysa a lugar a mabalinda a kitaen ti panangdakkelna tapno makatulong a mangipalagip kadakuada a maaddaanda iti pammati iti Nailangitan Nga Ama ken ni Jesucristo.

icon iti panangisuro

Isuro ti Doktrina

Dagiti In-inauna nga Ubbing

Mateo 16:13–17

Ti pammaneknek ken ni Jesucristo ket sumangbay babaen ti paltiing manipud iti langit.

Kasano a iti pammaneknek ni Pedro iti Mateo 16:13–17 makatulong kadagiti ubbing bayat iti panangpabilegda kadagiti pammaneknekda?

Dagiti Mabalin nga Aktibidad

• Kiddawen kadagiti ubbing no ania ti makunada no maysa a tao saludsoddenda iti , “Asino ni Jesus?” Awisem dagiti ubbing a basaen ti Mateo 16:13–17 tapno maammuan no kasano a sinungbatan ni Pedro dayta a saludsod. Kasano a nagun-odna ti paneknekna ken ni Jesus? Ania ti mabalin nga aramiddentayo a mangpabileg dagiti paneknektayo?

• Tulongam dagiti ubbing nga idilig ti wagas iti panakaammotayo iti naespirituan a kinapudno kadagiti wagas nga panakaammotayo iti sabali a kinapudno. Kas pagarigan, kasanotayo a maammuan ti kintayag iti maysa a tao wenno no ania iti kasasaad ti tiempo? Kasanotayo a naammuan a ni Jesus ket isu ti Anak ti Dios?

• Paneknekam ni Jesucristo ken karitem dagiti ubbing nga manggun-od wenno mangpabileg iti bukodda a pamaneknek.

Mateo 16:15–19

Ti Simbaan ni Jesucristo ket iturturong dagiti addaan kadagiti tulbek ti priesthood.

Ti panagadal iti Mateo 16:15–19 mabalin a mangpatibker iti pammati dagiti ubbing a Ti Simbaan ni Jesucristo dagiti Santo iti Ud-udina nga Aldaw isu ti pannakaisubli ti isu met laeng a simbaan a impasdek ni Jesus idi nagbiag Isuna iti daga.

Dagiti Mabalin nga Aktibidad

• Isurat ti Mateo 16:19 iti pisara, mangibati iti sumagmamano a balikas, agraman ti balikas a “tulbek.” Kiddawen dagiti ubbing a sapulenda dagiti napukaw a balikas.

• Ipakita ti video “Dagiti Tulbek ti Priesthood: Ti Pannakaisubli dagiti Tulbek ti Priesthood” (LDS.org) wenno repasuem dagiti impormasion iti tulbek ti priesthood iti Kinapudno iti Pammati, 126–27. Ania dagiti tulbek ti priesthood? Kasano a dagiti tulbek ti kinasaserdote a kas dagiti pudno a tulbek?

• Tulongam dagiti ubbing nga mangilista iti pisara dagiti tao nga addaan kadagiti tulbek ti priesthood. (Kinapudno iti Pammati, 126–27, addaan iti listaan a mabalin a makatulong kadakuada.) Awisem ti maysa iti wardmo nga addaan iti dagitoy a tulbek nga agsarita iti klasem maipapan iti kinapateg dagiti tulbek ti priesthood.

• Ilemmeng ti adu a tulbek (wenno ladawan dagiti tulbek) iti lawlaw ti siled, ken awisem dagiti ubbing a mangsapul kadagitoy. Kalpasan a masarakan iti tunggal tulbek, tulongam dagiti ubbing a mangpapanunot kadagiti bendision a naggapu kadagiti tulbek ti priesthood (kas pagarigan, agnanayon a pamilia, panagbuniag, ken ti sakramento).

Lucas 9:28–36

Ni Jesus Isu ti Anak ti Dios.

Ti Panagbalbaliw-Langa ni Cristo isu iti maysa kadagiti sumagmamano a tiempo kadagiti nasantuan a kasuratan a nangngeg iti timek ti Dios nga Ama a mangipaneknek iti Dungdungnguenna nga Anak. Ti panangadal dagiti salaysay kadagiti ubbing mabalin a makatulong a pabilgen ti pammatida ken ni Cristo.

Dagiti Mabalin nga Aktibidad

• Awisem dagiti ubbing a mangidrowing iti ladawan ti Panagbalbaliw-Langa ni Cristo, a masarakan iti Mateo 17:1–9. Kiddawem kinakauda nga ilawlawagda dagiti ladawanda iti tunggal maysa. (Kitaen met ti balabala ita a lawas iti Umayka, Surotennak—Para kadagiti Indibidual ken Pamilia.)

• Mangted kadagiti ubbing iti tiempo nga agutob no ania ti isursuro kadakuada iti daytoy nga estoria maipapan ken Jesucristo. Awisem ida nga isurat dagiti kapampanunotanda iti pisara. Awisem ti sumagmamano nga ubbing a mangibinglay no kasanoda a naammuan a ni Jesucristo ket Anak ti Dios.

icon iti panangsursuro

Yallukoy ti Panagsursuro iti Pagtaengan

Awisem dagiti ubbing a saludsoden kadagiti nagannakda wenno dadduma pay a miembro ti pamiliada no kasanoda a nakagun-od dagiti pammaneknekda ken ni Jesucristo.

Panangpadur-as iti Panangisurotayo

Usarem ti musika. Mabalin a makatulong dagiti kanta ti Primary ken himno kadagiti ubbing iti isu amin a tawen a maawatan ken malagip dagiti kinapudno ti ebanghelio. Ti panangkanta mabalin met a mangituloy nga aktibo dagiti ubbing iti kapadasan ti panagsursuro. (Kitaen Panangisuro iti Wagas ti Mangisalakan, 22.)

panid iti aktibidad: makaaramid dagiti miragro ti pammatitayo