Ti Naimbag a Samaritano, by Dan Burr

Abril 22–28

Mateo 18; Luke 10

“Anianto ti Aramidek Tapno Agtawid iti Biag nga Agnanayon?”

Ania dagiti kinapudno iti Mateo 18 ket Lucas 10 a nasken a masursuro dagiti ubbing? Denggen dagiti parikna manipud iti Espiritu Santo bayat ti panangbasam kadagitoy a kapitulo. Umaykayo, Sumurot Kaniak—Para Kadagiti Indibidual ken Pamilia ket makatulong kenka a maawatan ti doktrina, ken daytoy a balabala mabalin a mangted kenka dagiti kapanunotan no kasanom nga isuro dagitoy a kinapudno.

Isuratyo Dagiti Impresionyo

Yawis ti Panagbibinninglay

Kiddawen kadagiti ubbing a mangibinglayda no kasanoda a rinambakan ti Pannubbot ni Jesucristo para iti Paskua ti Panagungar.

Isuro ti Doktrina

Dagiti In-inaudi nga Ubbing

Mateo 18:21–35

Rumbeng a kanayonnak a mangpakawan kadagiti dadduma.

Bayat ti panangbasam iti Mateo 18:21–35, ibilangmo ti bukodmo a padas iti pammakawan ken no ania ti kasapulan dagiti ubbing a maammuan maipapan iti daytoy a pagbatayan.

Dagiti Mabalin nga Aktibidad

• Basaen ti Mateo 18:21, ken awisem dagiti ubbing a sawen ti “Napakawankan” iti maminpito. Saludsodem, “Umdas kadi ti mamimpito a panangpakawan? Basaen ti bersikulo 22 ken ilawlawag a kayat ni Jesus a pilientayo ti kanayon a agpakawan.

• Isaylaysay ti pangngarig ti awan asina nga adipen (kitaen iti Mateo 18:23–35). No kasapulan, ilawlawag a no addaan maysa a tao nga agaramid iti banag a madi kadatayo, nalabit a gura wenno kinaliday ti mariknatayo iti damuna. Ngem ti kaipapanan iti pammakawan ket isu ti kappia a mariknatayo manen. (Mabalin a mariknam ti tignay a tulongam dagiti ubbing a maawatanda a no addaan iti maysa a tao a mangsaksakit kadakuada, rumbeng nga ibagada kadagiti nagannak kadakuada wenno sabali pay a mapagtalkan a nataengan.)

• Isurat ti pakawanenka iti pisara, ken ibagam kadagiti ubbing a makatulong dagitoy a balikas tapno masuktan ti naliday iti naragsak a kanito. Mangidrowing ti naliday a rupa iti pisara, ken mangibinglay iti sumagmamano a pagarigan kadagiti ubbing a agpapakawan iti tunggal maysa. Kalpasan ti tunggal pagwadan, awisem ti maysa nga ubing a baliwanna ti naliday a rupa iti maysa a naragsak.

• Kantaem a kadua dagiti ubbing ti “Help Me, Dear Father,” Children’s Songbook,  99. Kiddawem ida a tumakder no mangngegda ti balikas a tulong. Ibinglay ti pammaneknekmo a tulongannatayo ti Nailangitan nga Ama. nga agpakawan kadagiti dadduma.

Lucas 10:25–37

Insuronnak ni Jesus a kitaen dagiti amin a tao a kas kadagiti kaarrubak ken ayatek ida.

Ti pangngarig ti naimbag a Samaritano ket maysa a makapallagip nga estoria a mabalin a mangipakita no siasino dagiti kaarrubatayo. Agpanunot dagiti wagas a makaawis kadagiti ubbing a “inka, ken aramidem … iti kasta met” (Lucas 10:37).

Dagiti Mabalin nga Aktibidad

• Saludsodem iti tunggal ubing, “Asino ti kaarrubam?” Ilawlawag nga insuro ni Jesus a no siasino iti agkasapulan iti tulongtayo ket kaarubatayo met uray pay no isuna ket saan a agnanaed iti asideg ken nasken a naayat it panangtaratutayo didiay a tao.

• Basaen ti Lucas 10:25–37 bayat iti panangyakto kadagiti ubbing ti pangngarig ti naimbag a Samaritano, agsisinublatda iti panangyakto iti sabasabali nga akem. Kalpasan ti tunggal panagakem, kiddawem kadakuada a mangibinglay no kasanoda met nga agbalin a kas ti naimbag a Samaritano.

• Isuratmo ti sumagmamano a pagarigan a kasasaad a ti maysa a tao ket agkasapulan iti tulong, ken ilemmeng dagiti papel iti lawlaw ti siled. Kiddawen kadagiti ubbing a sapulen dagiti papel ken ilawlawag no kasano a maipakitada ti kinaimbag iti tao iti dayta a situasion.

• Makipagkanta kadagiti ubbing ti “Jesus Said Love Everyone”ken “Kindness Begins with Me,”Children’s Songbook,61, 145. Bingayem dagiti ubbing iti sagdudua a paris, ken awisem iti tunggal paris a mangpanunot dagiti sumagmamano a wagas a pakakitaanda iti ayat wenno kinasayaat kadagiti dadduma. Kiddawen iti tunggal paris a mangibinglay kadagiti kapanunotanda iti klase.

• Awisem dagiti ubbing a mangisurat kadagiti wagas a mabalinda nga mangipakita ti ayat para kadagiti dadduma iti babassit a papel. Agaramidka iti papel a kawar manipud kadagitoy babassit a papel ken awisem dagiti ubbing nga ibitay dagitoy a papel a kawar iti pagtaenganda iti lugar a mangipalagip kadakuada nga agbalinda a nasayaat.

Isuro ti Doktrina

Dagiti In-inauna nga Ubbing

Mateo 18:21–35

Pakawanek ti Nailangitan nga Ama kas met ti panagpakawanko kadagiti dadduma.

Bayat nga agmatmataengan dagiti ubbing, ti panangpakawan ket narigrigat. Ti pangngarig ti awan asina nga adipen mabalin a nakallalagip a wagas a mangisuro kadakuada a ti Nailangitan Nga Ama ket kayat na a agpapapinakawantayo iti tunggal maysa.

Dagiti Mabalin nga Aktibidad

• Basaen ti Mateo 18:23–35 kadua kadagiti ubbing; ilawlawag a ti apo wenno ari mangibagi iti Nailangitan nga Ama, ti adipen ti mangibagi kadatayo, ken ti padana nga adipen ket mangibagi kadagiti nakabasol kadatayo. Saludsudem kadagiti ubbing ti, “Kaano a naammuam a narigat iti mangpakawan ti maysa a tao? Kasano a naiwaksim dagitoy a sakit ti nakem? Kaano a nagkasapulanka a mapakawan gapu iti biddut a pilim?”

• Ipakita ti video “Pakawanen Tunggal Maysa Dagiti Nakabasol: Ti Pangngarig iti Awan Asina nga Adipen” (LDS.org) tapno matulongan dagiti ubbing a mangiladawan iti daytoy a pangngarig.

• Isuratmo iti pisara ti problema ti multiplication 70 × 7, ken tulongam dagiti ubbing a mangsolbar iti daytoy. Kiddawem iti maysa a basaen ti Mateo 8:21–22, ken ilawlawagmo nga inusar ni Jesus daytoy a bilang tapno isuronatayo a nasken a kanayontayo a mangpakawan.

• Ikkam ti tunggal maysa iti papel ken awisem dagiti ubbing a mangidrowing iti ladawan ti maysa nga ubing a saan a nasayaat iti padana nga ubing. Kalpasanna kiddawen kadakuada a isukatda iti papel iti kaarrubada ken mangidrowing iti likud ti baro a papel iti baro a wagas a mabalinda nga ipakita ti pammakawan kadagiti dadduma.

• Kiddawen kadagiti ubbing a mangtulong kenka a mangpanunot iti sumagmamano a kasasaad a ti maysa a tao ket kasapulanna a pakawanen iti sabali a tao. Awisem dagiti ubbing a payakenda no kasano iti mangipakita iti pammakawan kadagitoy a kasasaad.

• Kantaem a kadua dagiti ubbing ti “Help Me, Dear Father,” Children’s Songbook,  99. Tulongam dagiti ubbing a maawatan iti tunggal linia iti kanta ken no ania ti isursuro kadatayo maipanggep iti panangpakawan kadagiti dadduma.

Lucas 10:30–37

Kabaelak nga ayaten ken pagserbian dagiti dadduma nangnangruna kadagiti agkasapulan.

Utobem dagiti tiempo iti biagmo idi maysa a tao ket “nasayaat a Samaritano” kenka. Kasano a maparegtam dagiti ubbing nga agbalin a “nasayaat a Samaritano” iti dadduma?

Dagiti Mabalin nga Aktibidad

• Tudingam ti tunggal ubing a mangidrowing ti paset iti pangngarig ti naimbag a Samaritano . Awisem ida nga urnosen dagiti ladawanda ken usaren dagitoy a mangisalaysay iti estoria.

• Ilawlawag kadagiti ubbing a saan unay a kayat dagiti Judio dagiti Samaritano isu a no agdaliasatda manipud iti Jerusalem agturong iti Galilea, lawlawinda ti Samaria tapno maliklikanda a makipulapol ti uray siasino a Samaritano (kitaen iti dagiti Mapa iti Biblia, p. 1, “Pisikal a Mapa a ti Nasantuan a Daga”). apay nga mangusar ni Jesus iti Samaritano a kas pagwadan iti kinasayaat iti daytoy a pangngarig? Ania iti isursuro kadatayo daytoy nga estoria maipanan iti panangtulong iti dadduma nga agkasapulan? (Kitaen met iti Mosiah 4:16–22.)

• Kiddawen dagiti ubbing a mangibinglay iti padasda a ti maysa a tao ket kas maysa a nasayaat a Samaritano kadakuada.

• Karitem kadagiti ubbing a mangikeddeng iti kalat nga agbalinda a kas dagiti naimbag a Samaritano itoy a lawas. Kas pagarigan, adda naysa a tao nga ammoda a masakit wenno malidlidayan? wenno maysa a tao a saan makimisa a kanayon? Saludsudem dagiti ubbing no kasanoda a makatulong iti daytoy a tao.

Yallukoy ti Panagsursuro iti Pagtaengan

Awisem dagiti ubbing a mangbinglay kadagiti pamiliada dagiti tun-oyenda nga agbalin a kas dagiti naimbag a Samaritano itoy a lawas.

Panangpadur-as iti Panangisurotayo

Suruam dagiti ubbing nga mangisurat dagiti impresionda. No masursuro dagiti ubbing ti ugali a pannakairekord dagiti impresion, mangtulongto kadakuada a mangilasin ken mangsurot iti Espiritu. Mabalin a mangirekord dagiti impresion dagiti ubbing babaen iti panangmarka kadagiti nasantuan a kasuratan, panangdrowing dagiti ladawan, wenno panangsurat dagiti simple a surat iti diurnal.