Isu nga Awanan iti Basol, ni Liz Lemon Swindle

Abril 29–Mayo 5

Juan 7–10

“Siak ti Naimbag a Pastor”

Bayat ti panangbasam ti John 7–10, panunutem dagiti ubbing a sursuruam. Adu kadagiti kapanunotan para iti in-inauna nga ubbing iti daytoy a balabala mabalin met a maibagay iti in-inaudi nga ubbing, wenno ti kasumbangirna.

Isuratyo Dagiti Impresionyo

Yawis ti Panagbibinninglay

Kiddawen kadagiti ubbing nga mangibinglay iti maysa a banag nga inaramidda idi maudi a lawas a kas iti naimbag a Samaritano.

Isuro ti Doktrina

Dagiti In-inaudi nga Ubbing

John 7:14–17

Ti panagtungpal kadagiti bilin ket makatulong kaniak a maammuan iti kinapudnoda.

Insuro ni Jesus a makagun-odtayo iti pammaneknek maipapan kadagiti kinapudno nga imburayna no aramiddentayo dagitoy. Kasano a mausarmo daytoy a pakaammo tapno maisuro dagiti ubbing a iti kappia a mariknatayo no tungpallentayo kadagiti bilin ket makatulong kadatayo a maammuan ti kinapudnoda?

Dagiti Mabalin nga Aktibidad

• Gupgopem ti Juan 7:17 dagiti balikas a maawatan dagiti ubbing. Tulongam ida a maammuan a ti panagtungpal kadagiti bilin ket makatulong kadatayo a makarikna nga asasidegtayo ken ni Jesucristo, nalabit babaen ti panagkanta a sangsangkamaysa iti “Keep the Commandments”wenno “Choose the Right Way,” Children’s Songbook, 146–47, 160–61. Kiddawen dagiti ubbing a dumngeg no kasanotayo a mabendisionnan no tungpalentayo dagiti bilin.

• Ibinglaymo ti maysa a padas idi nasurom a ti bilin ket manipud iti Dios gapu ta tinungpalmo daytoy, kas iti panagbayad iti apagkapullo wenno panangpakawan ti maysa a tao a saan a nasayaat. Awisem dagiti ubbing a mangpanunot iti maysa a padas idi a nangtungpalda ti bilin. Saludsudem ti, “Ania iti nariknam kalpasan a nagtungpalka?

• Pumilika iti sumagmamano kadagiti bilin ken mangidrowingka dagiti dua nga asmang ti simple a ladawan a mangibagi iti tunggal bilin. Idatag dagiti amin a ladawan a nakapakleb iti ken awisem dagiti ubbing nga agsisinublatda a mangala ket pagkakamangenda a sangsangkamaysa kadagiti bilin. Paneknekam ti kinapateg dagiti bilin ken no kasano a ti panangtungpalmo kadagitoy ket pinapigsa ti pammaneknekmo.

Juan 8:29

Tinungpal ni Jesus ti Amana.

Kanayon nga araramiden ni Jesuscristo dagiti banag a makaparagsak ti Amana iti Langit. Kasano a matulongam dagiti ubbing a mangsarak kadagiti wagas tapno masurotda ti pagwadanna?

Dagiti Mabalin nga Aktibidad

• Tulongam dagiti ubbing nga uliten no ania ti kinuna ni Jesus maipapan iti Nailangitan nga Ama iti Juan 8:29: “Aramidek kanayon dagidiay a banag a makaparagsak Kenkuana.” Kiddawem kadakuada a mangibinglay kadagiti banag nga inaramid ni Jesus a naragsakan ti Nailangitan Nga Ama. Ipakita kadakuada dagiti sumagmamano a ladawan a naggapu iti Libro ti Arte ti Ebanghelio a makaited kadakuada kadagiti kapanunotan.

• Saludsudem dagiti ubbing no ania dagiti makaparagsak kadakuada. Kalpasanna saludsodem no ania iti mabalinda nga aramidenda itoy a lawas a makaparagsak iti maysa a miembro ti pamilia wenno gayyem. Awisem dagiti ubbing a mangidrowing iti bukodda a ladawan a mangararamidda kadagiti aktibidad a iyawidda ken mangipalagip kadakuada.

• Awisem iti maysa a naganak iti maysa kadagiti ubbing a mangibinglay kadagiti padas a ti ubing nagaramid iti maysa a banag nga nagparagsak ti naganak. Bay-am a mangibinglay ti ubing no kasano ti nariknana.

Juan 10:1–18

Ammonak ken ay-ayatennak ni Jesus.

Mabalina a makatulong kadagiti ubbing ti pangngarig ti naimbag a pastor a makaawat nga ay-ayaten ida ni Jesus ket ammona no asinoda.

Dagiti Mabalin nga Aktibidad

• Kiddawen kadagiti ubbing a mangidrowing iti ladawan a mangibagi iti maysa a banag iti pangngarig ti naimbag a pastor, kas karnero, tulisan, wenno maysa a lobo. Basaen ti Juan 10:1–18 kadagiti ubbing, ken kiddawem kadakuada nga itag-ayyo dagiti ladawanda no mangngegda a nabasam iti maipapan iti naidrowingda. Ilawlawag a kas iti “nasayaat a pastor” a mangtartarabay ken ay-ayaten ti arbanna, ay-ayatennatayo ni Jesus ket tarabayenatayo amin nga agsubli Kenkuana. Pagkawessem iti maysa kadagiti ubbing a kas maysa a pastor, ken bay-am dagiti ubbing a mangibinglay no kasano a ni Jesus ket kas maysa a pastor kadatayo.

• Ipakita iti ladawan ni Jesus ken ti kordero iti balabalam iti daytoy a lawas iti Umayka, Surotennak—Para dagiti Indibidual ken Pamilia. Kasano a maammuantayo nga ay-ayaten ni Jesus dagiti kordero? Kasano a maibagatayo nga ay-ayaten dagiti kordero ni Jesus?

• Tulongam dagiti ubbing a mangileppas ti panid iti aktibidad iti daytoy a lawas.

Isuro ti Doktrina

Dagiti In-inauna nga Ubbing

John 7:14–17

Ti panagtungpal kadagiti bilin ket makatulong kaniak a maammuan iti kinapudnoda.

Sika ken dagiti ubbing a sursuruam mabalin nga addaan dagiti padas iti panagtungpal dagiti kinapudno ti ebanghelio ken ti panagsursuro a pudnoda. Kasano a mapapigsam babaen kadagita a padas bayat ti panangisurom?

Dagiti Mabalin nga Aktibidad

• Isurat iti tunggal bersikulo ti Juan 7:14–17 kadagiti sabasabali a pidaso ti papel ken ipakitam ida iti saan a napagsasaganad nga urnos. Kiddawen kadagiti ubbing nga urnosenda dagitoy iti umno nga urnos ket Juan 7:14–17 kitaenda dagitoy no umno. Awisem dagiti ubbing a agginuduada nga agpaparis ken mangibinglayda iti pannakaawatda iti tunggal bersikulo ken iti partnerda. Kasano a nakatulong kadakuada ti panagtungpal kadagiti bilin ti Dios a mammuan a pudno dagiti bilin?

• Mangibinlay kadagiti pagwadan manipud kadagiti nasantuan a kasuratan a mangipakita no kasano nabendisionan dagiti babaen iti panagtungpalda dagiti kinapudno ti ebanghelio, kas iti Daniel (kitaen iti Daniel 6) wenno iti Nephi (kitaen iti 1 Nephi 3–4).

• Ti sumagmamano nga aldaw sakbay iti klase, awisem ti maysa kadagiti ubbing nga mangisurat maipapan iti maysa a tiempo a nakagun-od isuna iti pamaneknek iti maysa a bilin gapu ta panagtungpalna daytoy. Kabayatan ti klase, saludsodem dayoty nga ubing a mangibinglay no ania ti insuratna.

John 8:31–36

Mapagbalinnatayo a nawaya ti kinapudno.

Bayat a nataengan dagiti ubbing, maipasangodanto kadagiti tao a mamati a ti panagtungpal iti ebanghelio ket nainget. Kasano a mausary iti Juan 8:31–36 a mangsupiat kadagita a kunkuna?

Dagiti Mabalin nga Aktibidad

• Awisem dagiti ubbing a basaen ti Juan 8:31–36 ken ibinglayda no ania ti pagarupda ti pakaipapanan iti agbalin nga adipen ti basol. Kasano a dagiti sursuro ni Jesus makatulong kadatayo nga agbalin a nawaya?

• Kiddawem iti maysa nga ubing a tulongannaka a bungunen ti tali, dalungdong, wenno kurbata iti lawlaw ti pungupunguam a mangipakita no kasano nga agbalintayo a managbasol no aglabsingtayo a paulit-ulit a saan nga agbabawi.

• Manipakita ti kandado a mangibagi iti basol ken tulbek a mangibagi no kasano a ti kinapudno ti ebanghelio a mapagbalinnatayo a nawaya. Kaspagarigan, ti panakaammo maipanggep ti Pannubot ti Mangisalakan mabalin a makaited kadatayo iti waywaya ken panakapakawan dagiti basoltayo. Wenno iti pannakaammo maipapan iti Word of Wisdom makaited kadatayo iti wayawaya a mangliklik kadagiti pannakairuam.

Insuro ni Jesus, “Ti kinapudno wayawayaannakayto” (Juan 8:32).

Juan 10:1–18

Ni Jesus ket kas maysa a pastor para kadatayo.

Bayat ti panangadalmo iti pangngarig ti naimbag a pastor, sarakem dagiti kinapudno ti isursuro daytoy maipapan iti pakainaigantayo iti Mangisalakan. Kasano a mabendesionnan dagiti ubbing kadagitoy a panakaammo ti kinapudno?

Dagiti Mabalin nga Aktibidad

• Isurat ti naimbag a pastor ken patangtangdanan iti pisara. Ilawlawag a ti maysa a patangtangdanan isu ti maysa a tao a naala kas maysa nga empleado nga agobra para iti kuarta. Kiddawen kadagiti ubbing nga mangilista ti paggigidiatan a masarakanda iti Juan 10:1–18 ti pangilasinnan iti naimbag a pastor ken iti patangtangdanan . Apay koma a kayatmo a suroten ti naimbag a pastor imbes a ti patangtangdanan?

• Agdrawing wenno mangipakita iti ladawan ti ruangan. Sangsangkamaysa a basaen ti John 10:7–9, ken saludsudem dagiti ubbing no kasano a ni Jesus a kas iti ruangan. Maibatay iti bersikulo 9, ania dagiti bendision nga umay kadagiti “sumrek” ti ruangan? Kasanotayo a sumrek ti ruangan nga inpaay ni Jesucristo kadatayo?

Yallukoy ti Panagsursuro iti Pagtaengan

Tulongam dagiti ubbing a mangpanunot ti bilin a mabalinda a tungpallen nga naan-anay. Kiddawem kadakuada a padasenda a tungpallen iti dayta a bilin iti umay a lawas.

Panangpadur-as iti Panangisurotayo

Agdamag kadagiti naregta a saludsod. Agsaludsud dagiti saludsud a makaawis kadagiti ubbing a sursuruam a lumbes iti naikeddeng a maipadamag. Imbes, yallukoyem dagiti ubbing a mangibinglay dagiti pamaneknekda iti kinapudno ti ebanghelio. Kas pagarigan, no paglilinawaganyo dagiti bilin, mabalinmo a saludsoden dagiti ubbing a mangibinglay no kasano a ti panagtungpal kadagiti bilin ket nabendisionan ida.