“Mayo 20–26. Mateo 21–23; Marcos 11; Lucas 19–20; Juan 12: ‘Adtoy, ti Arim Umay Kenka’” Umaykayo, Sumurot Kaniak—Para iti Primary: Baro a Tulag 2019 (2019)
“Mayo 20–26. Mateo 21–23; Marcos 11; Lucas 19–20; Juan 12,” Umaykayo, Sumurot Kaniak—Para iti Primary: 2019
Ni Zakeo iti Kayo ti Sikamoro, ni James Tissot
Mayo 20–26
Mateo 21–23; Macos 11; Lucas 19–20; Juan 12
“Adtoy, Umayen ti Ariyo”
Bayat ti panangbasam iti Mateo 21–23; Marcos 11; Lucas 19–20; ket Juan 12, Siputam dagiti impresion a maawatmo manipud iti Espiritu Santo. Tukyoyem ti “Pangpennek ti Kasapulan dagiti Ub-ubing nga Annak” iti rugi ti daytoy a pagbasaan kadagiti banag a laglagipem bayat ti panangisurom kadagitoy a pagbatayan.
Isuratyo Dagiti Impresionyo
Yawis ti Panagbibinninglay
Ipakitaka iti ladawan manipud iti balabala itoy a lawas iti Umaykayo Sumurot Kaniak—Para kadagit Indibidual ken Pamilia, ken awisem dagiti ubbing nga ibinglayda no ania ti ammoda maipapan ti mapaspasamak iti ladawan.
Isuro ti Doktrina
Dagiti In-inaudi nga Ubbing
Ammonak ti Nailangitan nga Ama ken ni Jesus babaen iti naganko.
Bayat ti panangbasam maipapan iti pannakilangen ti Mangisalakan ken ni Zaqueo, ania dagiti mensahe a makasarakam tapno mangbendision kadagiti ubbing a sursuruam?
Dagiti Mabalin nga Aktibidad
-
Ipakita iti ladawan Ni Zaqueo iti Kayo a Sikamore (LDS.org). Tulonganyo dagiti ubbing a lasinem ni Zaqueo ken ibagada iti naganna. Mangaramidka iti tignay para kadagiti ubbing nga aramidemda bayat ti panangisaritam ti estoria ni Zaqueo ken ni Jesus—kas pagarigan, panagtakder dagiti ramay ti sakada tapno makitada iti bunggoy dagiti tattao wenno agpammarangda nga umuli itikayo. Ilawlawag a nakita ti Mangisalakan ni Zaqueo ken inawagan isuna babaen iti naganna. Paneknekam a ti Mangisalakan ket ammona iti tunggal maysa kadagiti ubbing ken dagiti naganda.
-
Mangyeg ti awan nagyanna a cuadro ti ladawana iti klase, wenno mangaaramid iti maysa babaen ti papel . Awisen ti tunggal ubing nga agsisinnublatda nga agiggem ti cuadro iti lawlaw ti rupada kabayatan a dagiti dadduma ti klase ket agkunada iti, “Ti Nailangitan Nga Ama ken ni Jesus ammona ni [ti nagan ti ubing].”
-
Awisem dagiti ubbing nga agsisinnublatda nga agpammarang nga umuli iti kayo, a kas iti inaramid ni Zaqueo. Kiddawem dagiti dadduma iti klase nga ibagada iti, “Ti Nailangitan Nga Ama ken ni Jesus ammoda ni [nagan ti ubing].”
-
Sangsangkamaysa a kanten ti “Siak nga Annak ti Dios,” Children’s Songbook, 2–3, ken makatulong kadagiti ubbing a dumngeg kadagiti banag a makatulong kadakuada a mangammo iti panagayat kadakuada ti nailangitan Nga Ama.
Ti templo ket maysa a sagrado a lugar.
Mabalina a makatulong ti pammaneknekmo maipapan iti templo kadagiti ubbing a sursuruam a makaawat a ti templo ket maysa a sagrado a lugar.
Dagiti Mabalin nga Aktibidad
-
Ipakita ti ladawan Ni Jesus Daldalusan ti Templo (Libro ti Arte ti Ebanghelio, p. 51), ken isalaysay ti estoria kas nairekord iti Mateo 21:12–14. Tulonganyo dagiti ubbing a sapulen dagiti imahen ti kuarta ken ayup iti ladawan. Kalpasanna paglilinnawagan no apay a kayat ti Mangisalakan a pagtalawen iti templo dagiti agsuksukat iti kuarta ken dagiti tao nga aglaklako dagiti animal.
-
Ipakita kadagiti ladawan ti templo (kas pagarigan, kitaen iti Libro ti Arte ti Ebanghelio,117–21), ket kiddawen kadagiti ubbing a mangibinglay no kasano ti mariknada no makakitada ti templo. Ibagam kadagiti ubbing a dagita a rikna isu ti Espiritu Santo a panangibaga kadatayo a ti templo ket maysa a naisangsangayan a lugar. Kiddawen kadagiti ubbing nga agtignay a kasla addada iti uneg ti templo. Kas pagarigan, mabalinda a agarasaas no agsarsaritada ken siraraem nga agtugaw. Sansangkamaysa a agkanta iti “I Love to See the Temple,”Pagkantaan dagiti Ubbing, 95, ken awisem dagiti ubbing a mangaramid iti maysa a tun-oyen a sumrek iti uneg iti templo iti maysa nga aldaw.
Ti Templo isu ti balay ti Apo.
Mabalinnak a natulnog.
Ti Nalingitan nga Ama kayatna a natulnogtayo. Ti pangngarig iti dua nag annak a lallaki ket maysa a gundaway a makaisuro maipapan iti kinapateg iti kinatulnog.
Dagiti Mabalin nga Aktibidad
-
Mangidrowing dagiti ladawan ti dua a lallaki iti pisara, ken usarem dagiti drawings bayat ti panangsalaysay mo manen iti pangngarig iti Mateo21:28–32. Siasino nga anak a lalaki ti nagaramid iti husto a banag iti kamaudianan? Saludsudem kadagiti ubbing a nagannanda dagiti banag a mabalinda nga aramidden tapno agbalin a natulnog iti balayda. Bay-am ida nga agdrowing kadagiti ladawanda nga mangararamid iti maysa kadagidiay a banag.
-
Awisem dagiti ubbing a mangibinglay kadagiti napadpadasanda a kinatulnogda kadagiti nagannak kadakuada wenno maysa nga paraaywan wenno lider. Kasanoda a nabendisionan babaen iti kinatulnogda? Kasanoda nga agbalin a natultulnog pay iti masanguanan?
Isuro ti Doktrina
Dagiti In-inauna nga Ubbing
No sapasapulek ti Mangisalakan, masapulak Isuna.
Mabalinmo nga usaren ti estoria ni Zaqueo tapno matulongan dagiti ubbing a agpanunot kadagiti banag a mabalinda nga aramiden tapno umasidegda iti Mangisalakan.
Dagiti Mabalin nga Aktibidad
-
Basaen ti Lucas 19:1–10, agsardeng biit tunggal sumagmamano a bersikulo tapno paglilinnawagan no ania ti masursurotayo maipapan ken ni Zaqueo. Ania ti naramid ni Zaqueo tapno makitana ni Jesus? Kasanona a sinnungbatan ti kidaw ni Jesus kenkuana a bummaba manipud iti kayo? Kiddawem ti tunggal ubing a mangibinglay iti maysa a rason no apay a kayatda a makita ni Jesus. No immay ti Mangisalakan iti siudadyo, ania ti aramidemyo tapno makasagana?
-
Awisem dagiti ubbing a panunoten dagiti tao a amammuda a kas ken ni Zaqueo, mabalin a mangbirbirok ken Mangisalakan. Kiddawen kadagiti ubbing no ania t mabalinda nga aramiden tapno matulonganda ti sabali pay a tao a makaammo ti Mangisalakan.
-
Awisem dagiti ubbing a mangibinglay kadagiti padasda idi nariknada a ti Nailangitan Nga Ama ken ni Jesucristo amammona ida ken inayatna ida.
Ti templo ket maysa a sagrado a lugar a nasken a dayawek.
Kasano a makatulong kenka ti pakaamo iti panangdaldalus iti templo ti Mangisalakan a mangisuro kadagiti ubbing maipapan iti kinasagrado dagiti templo?
Dagiti Mabalin nga Aktibidad
-
Awisem dagiti ubbing a mangbasa iti Mateo 21:12–14. Ipakitaka iti ladawan Ni Jesus Daldalusan ti Templo (Libro ti Arte ti Ebanghelio, p. 51), ken kiddawem kadakuada no ania a bersikulo ti naipakita iti ladawan. Kiddawem kadakuada a mangidrowing iti ladawan no ania ti mabalin a kita iti templo sakbay ken kalpasan ti dalusan ni Jesus daytoy.
-
Awisem dagiti ubbing a mangibinglay no kasano ti nariknada idi napanda iti uneg ti templo, nabisita ti lawlaw ti templo, wenno nakitada dagiti ladawan ti templo. Ania ti nakatulong kadakuada a mangammo nga iti templo ket maysa a sagrado a lugar?
-
Awisem ti maysa wenno ad-adu pay nga agtutubo ti klase ken agsarita maipapan no kasanoda a nagsagana a sumrek iti templo. No nakapanda iti templo, kiddawem kadakuada nga agsarita maipapan iti no kasano ti nariknada idi addada sadiay.
-
Putedem iti babassit a pedaso iti ladawan ti maysa a templo kas puzzle, ken mangted iti tunggal maysa nga ubing ti maysa a pedaso. Kiddawen dagiti ubbing a suratanda ti likodan iti pedaso ti puzzle iti maysa a banag a mabalinda nga aramiden tapno maisaganada ti bagida a sumrek iti templo. Bayat ti panangibinglay iti tunggal maysa nga ubing ti kapanunotan, inayon ti pedasona ti puzzle.
Nasken nga agbalin a nalinteg dagiti tignay ken tarigagayko.
Insuro ni Jesus kadagiti escriba ken Fariseo maipapan iti kinapateg ti pudno a panatungpal iti ebanghelio—saan laeng a panagpammarang a nalinteg. Ania ti makatulong kadagiti ubbing a makaawat iti daytoy a kinapudno?
Dagiti Mabalin nga Aktibidad
-
Bayat ti panangbasam iti Mateo 23:25–28 kadagiti ubbing, ibilangmo ti panangibinglay iti daytoy a kayulogan ti managinsisingpet manipud iti Diksionario ti Biblia : “Maysa nga agpamarang a relihioso ngem saan met isuna.” Apay a dakes ti agbalin a managinsisingpet?
-
Ipakita kadagiti ubbing ti kopa a nadalus iti ruar ngem narugit iti uneg tapno makatulong a mangiladawan ti metapora iti Mateo 23:25. Kasanotayo a makasiguro a nadalus ken nasin-awtayo iti uneg?
Yallukoy ti Panagsursuro iti Pagtaengan
Tulongam dagiti ubbing a pumidut iti maysa a pagbatayan wenno aktibidad manipud iti klase a ibinglayda kadagiti pamiliada iti pagtaengan.
Panangpadur-as iti Panangisurotayo
Suportaam dagiti nagannak kadagiti ubbing. “Dagiti nagannak ti kapatgan a mannursuro iti ebanghelio para kadagiti annakda—agpadada nga addaan iti kangrunaan a pagrebbengan ken kaindaklan a bileg a makaimpluwensia kadagiti annakda (kitaen iti Deuteronomio 6:6–7). Bayat ti panangisurom kadagiti ubbing iti simbaan, sikakararag a mangsapul iti wagas a mangtulong kadagiti nagannak iti napateg nga akemda”(Panangisuro iti Dalan ti Mangisalakan, 25).