“Mayo 6–12. Lucas12–17; Juan 11: ‘Makipagrag-okay’ Kaniak; ta Nasarakak ti Karnerok a Napukaw’” Umaykayo, Sumurot Kaniak—Para iti Primary: Baro a Tulag 2019 (2019)
“Mayo 6–12. Lucas12–17; Juan 11:” Umaykayo, Sumurot Kaniak—Para iti Primary: 2019
Ti Nayaw-awan nga Anak, ni Liz Lemon Swindle
Mayo 6–12
Lucas 12–17; Juan 11
“Makipagrag-okay’ Kaniak; ta Nasarakak ti Karnerok a Napukaw”
Nainkararagan a basaem ti Lucas 12–17 ken Juan 11, nga agsapsapul no kasano a makatulongka kadagiti ubbing a sursuruam a makaawat iti kinapudno dagitoy a kapitulo ken mariknada ti ayat ti Nailangitan nga Ama.
Isuratmo Dagiti Impresionmo
Yawis ti Panagbibinninglay
Ipalagip kadagiti ubbing ti sumagmamano kadagiti pangngarig ken estoria a masarakan iti Lucas 12–17 ken Juan 11, ken awisem ida a pumili iti maysa ken mangidrowing iti ladawan iti daytoy.
Isuro ti Doktrina
Dagiti In-inaudi nga Ubbing
Kayat tiNailangitan nga Ama ang agsubli ti amin nga annakna Kenkuana.
Mabalin nga adda kadagiti sumagmamano nga ubbing iti klasem ti manmano a dumar-ay iti Primary. Kasano a maparegtam dagiti ubbing a sursuruam tapno siaayat a matulongam ida?
Dagiti Mabalin nga Aktibidad
-
Ikkamti maysa nga ubing iti sensilio, ikkam ti maysa pay nga ubing iti ladawan ti maysa a karnero, ken ikkam ti maysa pay nga ubing iti ladawan ti napukaw nga anak (LDS.org). Isalaysay ti maipapan kadagiti tallo a pangngarig a masarakan iti Lucas 15 ken awisem dagiti ubbing a mangitag-ay iti sensilio wenno ladawanda no dakamatem daytoy. Mabalinmo nga awisen dagiti ubbing aa mangulit a mangiisalaysay dagiti pangngarig iti tunggal maysa iti bukodda a balikas.
-
Kiddawem kadagiti ubbing a mangibinglay iti maysa a panawen idi napukawda iti maysa a banag. Ilawlawag a dagiti tao ket mabalin a mapukaw a naespirituan no saanda a marikna ti ayat ti Dios wenno no umadayoda Kenkuana. Paneknekam nga isuro dagitoy a pangngarig a kayat ti Dios a tulongantayo dagiti tao a napukaw ket agsublidaKenkuana.
-
Awisem dagiti ubbing a mangpanunot kadagiti dadduma nga ubbing a saan nga um-umay iti Primary. Tulongam ida a mangaramid kadagiti ababa a surat a mangawis kadagitoy nga ubbing a dumar-ay iti Primary wenno aktibidad iti Primary. Kasano a matulongantayo pay dagiti ubbing a makarikna iti ayat ti Nailangitan nga Ama para kadakuada?
Maipakitak ti ayatko para iti Nailangitan nga Ama babaen ti panagyamanko kadagiti bendisionko.
Kasano a makaallukoy kadagiti ubbing ti estoria dagiti sangapulo nga agkukutel tapno agbalinda a managyaman?
Dagiti Mabalin nga Aktibidad
-
Isalaysaymo ti estoria maipapan kadagiti sangapulo nga agkukutel a pinaimbag ni Jesus. Ipakitam ti ladawan a masarakan iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia ket awisem dagiti ubbing nga agbilangda iti sangapulo kadagiti ramayda. Kalpasanna paibabam kadakuada dagiti siam a ramayda tapno mangipakita iti maysa nga agkukutel a nagyaman ken ni Jesus. Kaano ayebkas dagiti ubbing ti panagyamanda iti maysa a gayyem wenno ay-ayatenda?
-
Awisem ti tunggal ubing a mangyakto iti maysa a banag a pagyamyamananna ken papugtuan kadagiti dadduma pay nga ubbing no ania daytoy. Kiddawem kadagiti ubbing a mangibinglay kadagiti wagas a pangipakitaantayo iti panagyamantayo iti Nailangitan nga Ama para kadagiti bendisiontayo.
Mamatitayo a ni Jesus ti Anak ti Dios.
Imbaga ni Marta, a kabsat ni Lazaro,ken ni Jesus: “Patiek a sika ti Cristo, ti Anak ti Dios” (Juan 11:27). Ti estoria maipapan kada Maria, Marta, ken Lazaro ti mabalin a mangpapigsa iti pammaneknek dagiti ubbing maipapan ken ni Jesucristo.
Dagiti Mabalin nga Aktibidad
-
Gupgopem ti estoria ni Jesus a mangpagpagungar ken ni Lazaro manipud kadagiti natay (kitaen met iti “Kapitulo 43: Isubli ni Jesus ti Biag ni Lazaro,” Dagiti Estoria iti Baro a Tulag, 107–9, wenno ti maitutop a video iti LDS.org) ken mangipakita iti natay a sanga ken maysa a sibibiag a mula. Iburaymo ti pammaneknekmo a gapu iti pannakabalin ni Jesucristo, agungarto dagiti tao a pimmusayen ket agbiag iti agnanayon.
-
Tulongam dagiti ubbing a mangikabesa iti ragup ti balikas a kinuna ni Jesus ken ni Marta: “Siak ti panagungar, ken ti biag” (Juan 11:25). Ilawlawagmo a gapu iti Panagungar ti Mangisalakan, makitatayonto manen dagiti ay-ayatentayo a pimmusayen.
Isuro ti Doktrina
Dagiti In-inauna nga Ubbing
Matulongakni Jesus a mangsapul kadagiti napukaw a karnerona.
Mabalin a saan nga ammo dagitiubbing nga adda dagiti dadduma pay iti klase a saan nga um-umay iti Primary. Kasano a maparegtam ida a tumulong kadagitoy nga ubbing?
Dagiti Mabalin nga Aktibidad
-
Tudingam ti tunggal ubing a mangbasa a siuulimek iti pangngarig maipapan iti napukaw a karnero wenno ti pangngarig maipapan iti napukaw a sensilio, a masarakan iti Lucas 15:1–10, ken ibinglayda no ania ti nasursuroda.
-
Isurat dagitoy a nagan iti pisarra: ama, in-inauna nga anak, ken in-inaudi nga anak. Ipabuyam ti video a “The Prodigal Son” (LDS.org) ket pagsardengen daytoy iti sagpaminsan tapno maisurat dagiti ubbing iti pisarra ti sumagmamano a rikna dagiti tao a nailista.
-
Kiddawem iti maysa nga ubing a rummuar iti siled bayat ti panagilemmeng dagiti dadduma pay nga ubbing iti sensilio wenno papel a sinan-karnero. Pagsubliem ti ubing ken pasapulmo ti sensilio wenno sinan-karnero. Ipalagip kadagiti ubbing a mabalin a mapukaw dagiti tao dagiti bendision ti ebanghelio. Awisem ida a mangisingasing kadagiti wagas a pakatulonganda kadagiti kasta a tao. Aggigiddan a kantaen a kadua dagiti ubbing ti “Dear to the Heart of the Shepherd,” Hymns, no. 221, ket paneknekam ti rag-o a sumangbay no agsubli dagiti tao iti Dios.
-
Ilawlawag nga inusar ni Jesus ti napukaw a karnero, ti napukaw a sensilio, ken ti napukaw nga anak a mangibagi kadagiti “napukaw” a tao gapu ta awan kadakuada dagiti bendision ti ebanghelio. Awisem dagiti ubbing a panunoten dagiti tao nga am-ammoda a saan nga umay iti simbaan. Ania ti maaramidanda a makatulong kadagitoy a tao tapno mariknada ti ayat ti Nailangitan nga Ama para kadakuada?
Napukaw a Kordero, ni Liz Lemon Swindle
Maipakitak ti ayatko para iti Nailangitan nga Ama babaen ti panagyamanko kadagiti bendisionko.
Ti estoria dagiti sangapulo nga agkukutel ket mabalin a nasayaat a wagas a pakagparegtaan dagiti ubbing a mangyebkas iti panagyaman iti Nailangitan nga Ama para kadagiti bendisionda.
Dagiti Mabalin nga Aktibidad
-
Aggigiddan a mangbasa iti pakaammo dagiti sangapulo nga agkukutel. Kasano a nabendisionan ti nagyaman nga agkukutel gapu iti panagyamanna? Apay a napateg a pagyamannantayo dagiti bendisiontayo ti Dios?
-
Awisem dagiti ubbing a mangilista kadagiti banag a pagyamyamannanda a mangrugi iti tunggal umuna a letra ti naganda.
-
Kiddawen kadagiti ubbing a mangaramid iti ababa a surat iti panagyaman iti Nailangitan nga Ama para kadagiti bendision nga it-itedna kadakuada. Mabalinda nga ibitin ti ababa a surat iti abay ti katreda tapno mangipalagip kadakuada ti mangipeksa iti panagyaman no agkararagda.
Mamatitayo a ni Jesus ti Anak ti Dios.
”Kasano a mausarmo ti estoria maipapan kada Maria, Marta,ken Lazaro a makatulong kadagiti ubbing a mangammo, kas iti inaramid ni Marta, a ni Jesus “ti Cristo, ti Anak ti Dios”? (Juan 11:27.)
Dagiti Mabalin nga Aktibidad
-
Isurat iti pisarra dagti sumagmamano a palawag nga insao dagiti tao iti Juan 11. Awisem dagiti ubbing a mangpugto no asino ti nangisao iti tunggal palawag, ket kiddawem kadakuada a mangsukisok iti Juan 11 tapno makitada dagiti pugtoda. Ania ngata ti mariknada no isuda koma da Jesus, Marta, Maria, wenno Lazaro? Kasano a makatulong kadatayo ti pammati ken ni Jesus no nalidaytayo wenno mabutbuteng?
-
Basaem ti pammaneknek ni Marta a masarakan iti Juan 11:20–27. Pasapul kadagiti ubbing dagiti balikas ken ragup ti balikas a mangipakita nga addaan iti pammati ni Marta. Ania iti maaramidantayo tapno maaddaantayo iti pammati no karigatan?
-
Tulongam dagiti ubbing a mangikabesa iti Juan 11:25. Ilawlawag nga agungarto ti amin, ngem dagiti nalinteg laeng ti umawatto iti agnanayon a biag ken makipagnaed manen iti Nailangitan nga Ama ken ni Jesucristo.
Yallukoy ti Panagsursuro iti Pagtaengan
Mangted kadagiti ubbing iti sumagmamano a papel wenno maysa a bassit a kuaderno a mausarda a mangisurat wenno mangidrowing kadagiti banag a pagyamyamananda iti unos ti makalawas.
Panangpadur-as iti Panangisurotayo
Ti panangulit ket maysa a tulbek iti panagsursuro. Pagimbagan dagiti ubbing ti pannakangngegda iti pagbatayan ti ebanghelio wenno panangaramid iti maysa nga aktibidad iti mamin-adu pay ngem iti maminsan. Padasem ti panangulit kadagiti aktibidad iti nadumaduma a wagas.