Mayo 13–19

Mateo19–20; Marcos 10; Lucas 18

“Ania Pay ti Pagkurangak?”

Basaem ti Mateo 19–20; Marcos 10; ken Lucas 18, a pampanunotem dagiti ubbing. Isuratmo dagiti ania man a parikna a naawatmo. Ti panagsaganam ket mangtulongto kenka a mangisuro kadagiti ubbing no ania ti nasken a maammuanda manipud kadagitoy a kapitulo.

Isuratmo Dagiti Impresionmo

Yawis ti Panagbibinninglay

Awisem dagiti ubbing a mangsarita iti klase iti maysa a banag nga ay-ayatenda maipapan iti pamiliada. Mabalin pay a kiddawem dagiti nagannak dagiti ubbing a mangtedda kadagiti ladawan ti pamiliada ngabinglay dagiti annakda iti klase.

Isuro ti Doktrina

Dagiti In-inaudi nga Ubbing

Marcos 10:6–8

Kayat ti Nailangitan nga Ama nga agkallaysatayo iti templo ket maaddaan kadagiti agnanayon a pamilia.

Kasano a mairanud dagiti ubbing a sursuruam manipud iti panagsursuro maipapan iti doktrina ti agnanayon a kallaysa? Maakatulong ti agibasar iti “Ti Kaamaan: Maysa a Waragawag ti Lubong” (Ensign wenno Liahona, Nob. 2010, 129).

Dagiti Mabalin nga Aktibidad

• Ibasamn ti Marcos 10:6–8 kadagiti ubbing, ken i-display ti maysa a ladawan ti agassawa. Kiddawem kadagiti ubbing a mangitudo iti lalaki ken ti babai no mangngegda a binasam dagiti balikas a “lalaki” ken “babai.” Ilawlawag a panggep ti Nailangitan nga Ama nga ikallaysati lalaki ken babai ti tunggal maysa (kitaen iti Genesis 1:27–28).

• I-display dagiti ladawan ti maysa a pamilia ken ti maysa a templo. Ilawlawag a kayat ti Nailangitan nga Ama a mailantiptayo kadagiti pamiliatayo iti templo tapno makadennatayo ida iti agnanayon. Managriknaka kadagiti ubbing a saan pay a nailantip dagiti nagannakda.

• Kantaen ti “A Happy Family,” Children’s Songbook, 198. Awisem dagiti ubbing a mangitudo iti bagbagida no kantaenda iti “Siak,” “mi”, “datayo” ket “dakami.” Daytoy nga aktibidad ket mabalin a maulit iti sumagmamano a daras. Awisem dagiti ubbing a mangibinglay kadagiti naragsak a banag nga inaramidda kadua dagiti pamiliada. Apay nga agyamanda para kadagiti pamiliada?

• Agkanta iti maipapan iti templo wenno dagiti pamilia, a kas iti “I Love to See the Temple” wenno “Families Can Be Together Forever,” Children’s Songbook,, 95, 188. Paiggamam kadagiti ubbing dagiti ladawan dagiti templo wenno dagiti pamilya ketpaingatom kadakuada dagiti ladawanda no kantaenda ti “templo” wenno “pamilia.” Apay a napateg ti agkallaysa iti templo?

Paset ti plano ti Dios ti agnanayon a kallaysa.

Marcos 10:13–16

Kayat ni Jesus nga umay Kenkuana dagiti babassit nga ubbing tapno mabendisionanna ida.

Ipaay daytoy a pakaammuan ti gundaway a mangtulong kadagiti ubbing a makarikna no kasano ti kadakkel ti panagayat ni Jesus kadakuada.

Dagiti Mabalin nga Aktibidad

• Iti bukodmo a balikas, ibinglay ti pakaammuan iti Marcos 10:13–16. Mabalinmo pay nga ipabuya ti video a “Suffer the Little Children to Come unto Me” (LDS.org). Kaano a narikna dagiti ubbing ti ayat ni Jesus para kadakuada? Paneknekam kadagiti ubbing nga ay-ayaten ida ni Jesus ken kayatna a bendisionan ida.

• I-display ti ladawan Ni Cristo ken dagiti Ubbing (Libro ti Arte ti Ebanghelio, num. 47). Ilawlawag a no kayattayo ti agbalin a kas kadagiti ubbing a nakatugaw iti sibay ni Jesus ngarud makapagtungpaltayo kadagiti bilinna ken mangipatpateg Kenkuana ken dagiti dadduma paya tao. Ania dagiti mabalin nga aramiden dagiti ubbing tapno agbalinda a kas kadagiti ubbing a nakatugaw iti sibay ni Jesus?

• pagdrowingem dagiti ubbing kadagiti ladawan ti bagbagida a bembendisionan ni Jesus (kitaen iti Marcos 10:16).

Marcos 10:17–22

No agtungpaltayo kadagiti bilin, makaawattayo iti agnanayon a biag.

Insuro ni Jesus iti baknang nga agtutubo a lalaki a tapno magun-od ti agnanayon a biag—ti biag a kas iti biag ti Nailangitan nga Ama—nasken a tungpalenna dagiti bilin.

Dagiti Mabalin nga Aktibidad

• Basaen ti estoria maipapan iti baknang nga agtutubo a lalaki iti Marcos 10:17–22 a kaduam dagiti ubbing. (Kitaen met iti “Kapitulo 42: Ti Nabaknang nga Agtutubo a Lalaki,” Dagiti Estoria iti Baro a Tulag, 105–6, wenno ti maitutop a video iti LDS.org.) Kiddawem kadakuada a dumngeg no ania ti imbaga ni Jesus iti agtutubo a lalaki nga aramidenna ken no kasano a simmungbat ti agtutubo a lalaki.

• Isalaysaymo ti maysa wenno ad-adu pay nga estoria maipapan kadagiti ubbing nga agkiddaw iti balakad wenno pangiturong manipud kadagiti nagannakda ngem saanda a sumurot wenno agtungpal. Ania dagiti dadduma pay a banag a kidkiddawen ti Nailangitan nga Ama nga aramidentayo? Ania ti mariknatayo no tungpalentayo dagiti bilinna?

• Ibinglay dagiti padas idi nakaawatka kadagiti bukodmo a parikna a mangaramid iti maysa a banag tapno agbalin a nasaysayaat.

Isuro ti Doktrina

Dagiti In-inauna nga Ubbing

Marcos 10:6–8

Kayat ti Nailangitan nga Ama nga agkallaysatayo iti templo ket maaddaan kadagiti agnanayon a pamilia.

Makatulong kadagiti ubbing dagiti banag nga insuro ni Jesus maipapan iti panagasawa no maipasangoda kadakuada kadagiti maisupadi a mensahe iti lubong.

Dagiti Mabalin nga Aktibidad

• Kiddawem iti maysa kadagiti ubbing a mangbasa iti Marcos 10:6–8 iti napigsa. Ilawlawag a ti makitipon ket kaipapananna ti “agtalinaed” wenno “kumpet” iti maysa a banag. Apay a napateg dagiti assawa a lallaki ken babbai nga agtipon a sangkamaysa, aggiinnayat iti tunggal maysa, ken agtrabaho a kas agkadua?

• Ibinglaymo ti sumaganad a palawag manipud iti “Ti Pamilia: Maysa a Waragawag ti Lubong,” ket tulongam dagiti ubbing a makaawat no ania ti kaipapanan ti: “Ti seks ket maysa a kangrunaan a talugading ken panggep ti tao sakbay ti yaayna iti daga, ti kaaddana iti daga, ken iti agnanayon.”

• Agpatulongka kadagiti ubbing a mangpanunot kadagiti sungbat dagiti saludsod kas iti “Apay a napateg ti pamilia iti Simbaan?” wenno “Apay a napateg kadakayo ti agkallaysa iti templo?” Aggigiddan a kantaenyo ti “Families Can Be Together Forever,” Pagkantaan dagiti Ubbing, 188. Ibinglaymo ti pamaneknekmo maipapan iti agnanayon a kallaysa ken ti pamilia kadagiti ubbing. Awisem ida a mangibinglay met kadagiti pammaneknekda.

• Awisen ti tunggal maysa kadagiti ubbing a mangbasa iti nasantuan a kasuratan manipud iti daytoy a listaan: Marcos 10:6–8; 1 Taga Corinto 11:11; DKK 42:22; 131:1–4; ken Moises 3:18, 21–24. Ania ti isuro dagitoy nasantuan a kasuratan maipapan iti panagasawa?

Marcos 10:17–22

Maatulongannak ni Jesus a mangammo no ania ti nasken nga aramidek tapno dumur-as.

Sinapul ti nabaknang nga agtutubo a lalaki ni Jesus ket immawat iti nalawag a pangiturong a naipangpangruna a nairanta para kenkuana. Kasano a maparegtam dagiti ubbing nga agsapul iti kasta met la a pannarabay iti bukodda a biag?

Dagiti Mabalin nga Aktibidad

• Kiddawem kadagiti ubbing a mangsarak iti maysa a bersikulo iti Marcos 10:17–22 a mangiladawan iti ladawan iti balabala daytoy a lawas iti Umaykayo, Sumurot Kaniak—Para kadagitiIndibidual ken Pamilia. Ilawlawag a personal ti balakad nga inted ni Jesus iti agtutubo a lalaki ket makaawattayo amin iti personal a pangiturong manipud iti Apo babaen ti Espiritu.

• Aggigiddan a basaenyo ti Marcos 10:17–22. Awisem dagiti ubbing a mangisurat iti pisarra dagiti bilin nga imbaga ti Mangisalakan iti nabaknang nga agtutubo a lalaki a tungpalena. (kitaen iti bersikulo 19). Ania pay ti masapul nga aramidenna? (kitaen iti bersikulo 21). Allukoyem dagiti ubbing a mangpanunot maipapan kadagiti banag a nasken a marugianda nga aramiden wenno isardengda nga aramiden anasaysayaat a mangsurot ken ni Jesus. Ania dagiti dadduma pay a wagas a mabalintayo nga ammuenno ania iti kayat ni Jesus nga aramidentayo?

Yallukoy ti Panagsursuro iti Pagtaengan

Awisem dagiti ubbing a mangibaga kadagiti pamiliada no apay a agyamyamanda para kadakuada, nalabit a babaen ti panangisurat iti maysa nga ababa a surat a maited kadagiti nagannak kadakuada wenno babaen ti panangibinglay iti pammaneknekda kadagiti pamiliada kabayatan ti family home evening.

Panangpadur-as iti Panangisurotayo

Ikasomdagiti ubbing. Kasano ti panagresponde dagiti ubbing iti klasem kadagiti aktibidad iti panagsursuro? No kasla saanda a napasnek a makirraman, mabalin a daytoy ti panawen tapnon mangpadas iti sabali pay nga aktibidad wenno agpagnapagna biit a siuulimek Iti sabali a bangir, no madlawmo a napasnek a makiraman dagiti ubbing ken masursuruanda manipud iti masinunuo a paset ti adalen, saanmo a piliten ti mangituloy tapno laeng masuguradom a maisurom ti amin a material iti adalen.