“Mayo 27–Hunio 2. Joseph Smith—Mateo 1; Mateo 25; Marcos 12—13; Lucas 21: Intono Umay ti Anak ti Tao’” Umaykayo, Sumurot Kaniak—Para iti Primary: 2019 ti Baro a Tulag (2019)
“Mayo 27–Hunio 2. Joseph Smith—Mateo 1; Mateo 25; Marcos 12—13; Lucas 21,” Umaykayo, Sumurot Kaniak—Para iti Primary: 2019
Ti Maikadua a Yaay, ni Harry Anderson
Mayo 27–Junio 2
Joseph Smith—Mateo 1; Mateo 25; Marcos 12–13; Lucas 21
“Umayto ti Anak ti Tao”
Utobem no ania ti kasapulan dagiti ubbing a sursuruanyo nga maadal maipapan iti Joseph Smith—Mateo 1; Mateo 25; Marcos 12—13; ken Lucas 21. Nawayaka a mangibagay dagiti kapanunotan para dagiti in-inauna nga ubbing daytoy a balabala para kadagiti in-inaudi nga ubbing ken kasumbangirna.
Isuratyo Dagiti Impresionyo
Yawis ti Panagbibinninglay
Mangipakitaka iti ladawan a mainaig iti maysa kadagiti nga estoria iti daytoy a lawas a panagbasa (kas iti ladawan ti sangapulo a babbalasang iti balabala iti daytoy a lawas iti Umayka, Surotennak—Para kadagiti Indibidual ken Pamilia). Kiddawen dagiti ubbing nga mangibinglay no ania ti ammoda maipapan iti daytoy nga estoria.
Isuro ti Doktrina
Dagiti In-inaudi nga Ubbing
Sakbay ti yaay manen ni Jesus, ti ebanghelio ket maikasabanto iti intero a lubong.
Kinuna ni Jesus a sakbay ti yaayna manen, ti ebanghelio ket maikasaba iti intero a lubong. Makatulong dagiti ubbing a mangipatungpal iti daytoy a padto babaen ti panangibinglay iti ebanghelio.
Dagiti Mabalin nga Aktibidad
-
Ipakita ti mapa, globo, wenno ladawan iti daga (kitaen iti Libro ti Arte ti Ebanghelio, p. 3) ken tulongam kadagiti ubbing nga agkuna, “Daytoy nga Ebanghelio … maikasabanto iti intero a lubong” (Joseph Smith—Mateo 1:31). Apay a kayat ti Dios nga amin dagiti annakna ket makanggeg ti ebangheliona?
-
Awisem dagiti ubbing kadagiti nga agmartsa iti lugar kabayatan iti panangkantayo iti “I Want to Be a Missionary Now” ken “Called to Serve,” Children’s Songbook, 168, 174. Awisem dagiti amin-tiempo wenno dagiti nabiit pay a nagsubli a misionario a mangibinglay kadagiti padasda iti panangibinglay iti ebanghelio ken tulungam dagiti ubbing a mangpanunot kadagiti wagas a mabalinda nga ibinglay ti ebanghelio.
Ladawan nga impaay ti NASA Johnson Space Center
Mabalinko nga usaren dagiti sagut nga inted kaniak ti Dios
Mantaktakkuatan dagiti babassit nga ubbing dagiti sagutda ken kabaelanda. Tulongam ida nga maawatan nga dagitoy a sagut ken kabaelan ket aggapu iti Nailangiutan nga Ama.
Dagiti Mabalin nga Aktibidad
-
Mangyeg iti sumagmamano a sensiliona nga mausar bayat ti panangisaritam iti pangngarig dagiti talento, a masarakan iti Mateo 25:14–30. Mabalinmo a kiddawen dagiti tallo nga ubbing a mangibagi kadagiti tallo nga adipen. Ilawlawag nga iti aldaw ni Jesus, talento mangtukoy iti kuarta, ngem ita nga agdama talento mabalin a kaipapananna dagiti sagut ken kabaelan.
-
Kiddawen dagiti ubbing a manginaggan dagiti wagas a dagiti nagannakda, kakabsatda, maestroda, wenno gagayyemda ket nakatulong kadakuada. Ania dagiti kabaelan nga addaan kadagitoy a tao a nakatulong kadakuada nga agserbi kadagiti dadduma?
-
Mangisuratka iti bassit a nota kadagiti ubbing a mangibaga iti tunggal maysa kadakuada maipapan kadagiti sagut wenno kabaelan a madlawmo kadakuada. Bungonem ti tunggal a nota a kas maysa a sagut ken awisem dagiti ubbing a manglukat kadagiti “sagsagutda.” Yallukoyem ida a pasayaaten dagiti sagutda ken usarenda dagitoy tapno agserbi kadagiti dadduma.
Kayat ni Jesus nga agserbiak kadagiti dadduma.
Agserbitayo iti Nailangitan nga Ama ken ni Jesucristo babaen iti panangserbi kadagiti tao iti lawlawtayo. Uray pay dagiti babassit nga ubbing mabalin nga agserbi kadagiti dadduma.
Dagiti Mabalin nga Aktibidad
-
Gupgopem ti pangngarig iti Mateo 25:34–46. Tulongam dagiti ubbing a maawatan a no agserserbitayo kadagiti dadduma, agserserbitayo ken ni Jesus.
-
Igganan iti ladawan ti maysa nga ubing iti klasem karaman iti maysa a ladawan ni Jesus a nakalinged iti likudanna daytoy. Ania ti maaramiddantayo a makaserbi iti daytoy nga ubbing. Ikkaten ti ladawan ti ubing ken ilawlawagmo a no agserbitayo iti tunggal maysa, agserserbitayo ken ni Jesus.
-
Awisem dagiti ubbing a mangidrowing dagiti ladawan ti bagbaggida a agserserbi kadagiti dadduma dagiti wagas nga inaladawan ti Mangisalakan a nailadawan iti Mateo 25:35–36. Kiddawen kadagiti dadduma pay nga ubbing a patanganda no ania dagiti idrowdrowingda.
-
Awisem dagiti ubbing a mangibinglay kadagiti padasda idi addaan maysa a tao a nangipakita kadakuada wenno dagiti pamiliada iti serbisio a kas ken Cristo.
Isuro ti Doktrina
Dagiti In-inauna nga Ubbing
Sakbay ti yaay manen ni Jesus, ti ebanghelio ket maikasabanto iti intero a lubong.
Mabalin a makatulong dagiti ubbing a sursuruam a maikasaba ti ebanghelio iti intero a lubong.
Dagiti Mabalin nga Aktibidad
-
Awisem dagiti ubbing a mangibinglay kadagiti bendision a naawatda wenno awatendanto gapu ta miembroda ti Simbaan ni Cristo. Sangsangkamaysa a basen ti Joseph Smith—Matthew 1:31, ken kiddawen kadagiti ubbing no kasano a mabendisionan ti ebanghelio dagiti annak ti Dios iti intero a lubong.
-
Ipakita kadagiti ubbing ti maysa a mapa ti lubong wenno iti pagilianyo, ken tulongam ida a mangilasin iti sumagmamano a lugar a ti miembro ti pamiliada wenno gayyemda ket inkasabana ti ebanghelio iti mision.
-
Awisem ti sumagmamano nga ubbing nga umay a nakasagana a mangibinglay no kasano a naipakaammo iti ebanghelio ti maysa a miembro ti pamiliada wenno kapuonanda. No mabalin, saludsodem ti maysa a tao iti ward a nagserbi iti amin-tiempo nga mision a mangibinglay iti maysa a padas iti panangibinglay iti ebanghelio.
-
Kiddawem ti tunggal ubing nga mangisurat ti nagan ti maysa a tao a lalaki wenno babai a mabalin a kasaritaenda maipapan iti ebanghelio wenno maawisda iti simbaan. Kiddawen met kadakuada a mangilista kadagiti banag a mabalinda nga aramiden tapno agbalinda a misionario ita.
Responsableak iti bukodko a pannakakombertek ti ebanghelio.
Isuro ti dagiti sangapulo a birhen a pangngarig a saan a mabalin a mabulodtayo ti pannakakombertetayo iti ebanghelio manipud kadagiti dadduma. Kasano a matulongam dagiti ubbing a baklayen a responsableda iti bukodda a pannakakomberte?
Dagiti Mabalin nga Aktibidad
-
Kiddawem iti maysa nga ubing ken maysa kadagiti nagannakda nga umay a nakasagana a mangibinglay no kasanoda a nasursuro maipapan ti pangngarig iti dagiti sangapulo a birhen iti pagtaengan itoy a lawas.
-
Agdrowing iti lampara nga addaan iti lana iti pisara, ken suratam daytoy iti pammaneknek. Mangted ti tunggal ubing ti maysa a pedaso ti papel a nagsukog a kas maysa a tedted ti lana, ket kiddawem ti tunggal ubing nga isurat kadaytoy iti maysa a banag nga aramidenda tapno agbalin nga ad-adda a nakomberteda iti ebanghelio. Ikapetmo dagiti sukog-tedted a papel iti pisara iti lawlaw ti lampara.
-
Awisem dagiti ubbing a mangtulong kenka nga agaramid iti listaan dagiti banag nga aramiden tapno makasagana para iti naisangsangayan a sangaili. Kasano ti pakaipadaan wenno maigiddiatan dagitoy a banag kadagiti wagas a naespirituan a pakapagsaganaantayo para iti Maikadua a Yaay ti Mangisalakan?
-
Iti lima a piraso ti papel, isurat dagiti banag a saan a mabulod. Iti lima a sabali pay a piraso, isuratmo dagiti banag a mabalin a mabulod. Paglalaoken dagiti piraso, ken kiddawen kadagiti ubbing nga urnosen dagitoy iti daytoy dua a grupo. Basaen ti Mateo 25:25:1–13. Apay a napateg a saantayo nga agpannuray iti dadduma para iti panakakumbertetayo iti ebenghelio?
Iti Maudi a Panangukom, itedtayonto iti Apo ti pakaammoan iti biagtayo.
Kalpasan ti Panagungar, ukomenatayonto ti Dios batay iti panangtungpaltayo iti bilinna ken panangawattayo iti pannubbot a sakripisyo ti Mangisalakan. Ti pangngarig dagiti talento ken ti pangngarig ti karnero ken kalding ket mangisuro kadatayo maipapan iti daytoy Maudi a Panangukom.
Dagiti Mabalin nga Aktibidad
-
Awisem ti kagudua iti klase a basaen ti Mateo 25:14–30 ken dagiti kagudua a basaen ti Mateo 25:31–46. Kiddawem kadagiti grupo nga agtignayda kadagiti pangngarig para iti klase.
-
Awisem dagiti ubbing a basaen ti Mateo 25:35–36 iti paris ken agaramid iti listaan kadagiti banag a maaramidda a mangipakita iti ayatda para ken ni Jesucristo.
Yallukoy ti Panagsursuro iti Pagtaengan
Kiddawen kadagiti ubbing nga ibinglayda kadagiti pamiliada dagiti wagas nga mapagbalinda a nasaysayaat a misionario ken kasaritam dagiti pamiliada maipapan kadagiti tao a mabalinda nga ibinglay ti ebanghelio.
Panangpadur-as iti Panangisurotayo
Denggen wenno mangyakto iti estoria. Gapu ta ay-ayaten dagiti ubbing dagiti estoria, sapullem kadagiti wagas a mangraman kadakuada kadagiti estoria iti nasantuan a kasuratan a naibinglaymo. Mabalin a iggamanda dagiti ladawan wenno banag, mangidrowing iti ladawan ti estoria, mangyakto kadagiti estoria, wenno tumulong a mangisalaysay iti estoria. Uliten dagiti estoria a makatulong kadakuada a mangbigbig kadagiti napapateg a detalye ken pannursuro ti ebanghelio.