Ket Rabii Idin, ni Benjamin McPherson

Hunio 10–16

Mateo 26; Marcos 14; Lucas 22; Juan 18

‘Saan a kas iti Pagayatak, ngem ketdi iti Pagayatam’

Bayat ti panangbasam iti Mateo 26; Marcos 14; Lucas 22; ket Juan 18, birokem dagiti pagbatayan a mariknam a nasken a maawatan dagiti ubbing.

Isuratyo Dagiti Impresionyo

Yawis ti Panagbibinninglay

Ipakita kadagiti ladawan dagiti pasamak kadagitoy a kapitulo, a kas iti Libro ti Arte ti Ebanghelio,nu. 54, 55, ken 56, ken awisem dagiti ubbing nga ibagada no ania ti mapaspasamak kadagiti ladawan.

Isuro ti Doktrina

Dagiti In-inaudi nga Ubbing

Marcos 14:22–25; Lucas 22:19–20

Ti sacramento ket makatulong kaniak a panunoten ti maipapan ken ni Jesus.

Tulongam dagiti ubbing a maawatan a ti pannakiranud iti sakramento ket maysa a gundaway a panunoten ti maipapan ken Jesus.

Dagiti Mabalin nga Aktibidad

• Gupgopem ti pakaammo ni Jesus a panangyam-ammo iti sakramento. Mabalinmo nga usaren ti “Kapitulo 49: Ti Umuna a Sakramento,” Dagiti Estoria iti Baro a Tulag,124–26, wenno ti katupagna a video (LDS.org). Kitaen met iti video a “Sakramento” (LDS.org). Tulongam dagiti ubbing a makaawat a laglagipentayo ni Jesus kabayatan ti sakramento.

• Saludsudem dagiti ubbing no ammoda ti pannakabagi ti tinapay ken danum. Ilawlawag a dagitoy nga emblema ket makatulong kadatayo a lagipen a ni Jesus ket natay para kadatayo ken nagungar manipud kadagiti natay. Ipakita iti piraso ti tinapay ken maysa a baso ti danum bayat ti panangtulongmo kadagiti a mangikabesa iti pagsasao a “Panglaglagip [Kaniak]” (Lucas 22:19).

• Kiddawen kadagiti ubbing nga agkidemda ken mangpanunot iti maysa a tao nga ay-ayatenda, ket kalpasanna awisem ida nga ibagada kenka ti maipapan iti dayta a tao. Kiddawem kadakuada nga agkidemda manen, panunoten ti Mangisalakan, ken kalpasanna ibinglayda dagiti banag nga ammoda a maipapan Kenkuana. Allukoyem ida a panunoten ti maipapan ken Jesus kabayatan ti sakramento iti linawas.

• Awisem dagiti ubbing a mangiparangarang no ania ti maaramida a mangipalagip ken ni Jesus ken nadayaw kabayatan iti sacramento.

• Tulongam dagiti ubbing a mangaramid iti bokleta a nadeskribir iti daytoy a panid aktibidad itay a lawas. Mangisingasing a usarenda daytoy tapno makatulong kadakuada a mangpanunot maipapan ken Jesus kabayatan ti sakramento.

• Tulongam dagiti ubbing a sukisoken dagiti sumagmamano a magasin ti Simbaan para dagiti ladawan ni Jesus ken mangaramid iti collage a mabalinda a kitaen iti kabayatan ti miting ti sakramento.

Mateo 26:36–46

Nagsagaba ni Jesus para kaniak gapu ta ay-ayatennak.

Ibilang no kasano a makatulongam dagiti ubbing a mariknada ti ayat ni Jesus kadakuada bayat ti panangilawlawagmo iti pakaammuan ti panagsagabana iti Getsemani.

Dagiti Mabalin nga Aktibidad

• Awisem dagiti ubbing a mangpanunnot iti tiempo a nalidlidayanda wenno nasaktanda. No maitutop, awisem dagiti sumagmamano nga ubbing a mangibinglay. Ipakita ti ladawan iti balabala ita a lawas iti Umayka, Surotennak—Para kadagiti Indibidual ken Pamilia. Ilawlawag a ni Jesus, iti sumagmamano a wagas a saantayo unay a maawatan, nakariknanna iti saem ken liday a iti tunggal maysa kadatayo ket nariknan. Kaipapananna daytoy ket makatulong Isuna kadatayo no makariknatayo ti liday, sakit, wenno upay.

• Kantaen ti “Mariknak ti Ayat ti Mangisalakanko,” Pagkantaan dagiti Ubbing, 74–75, kadua kadagiti ubbing. Awisem ida a mangibinglay kadagiti wagas a nariknada ti ayat ti Mangisalakan.

Agkararag ni Cristo iti Minuyongan ti Getsemani, ni Hermann Clementz

Isuro ti Doktrina

Dagiti In-inauna nga Ubbing

Marcos 14:22–24

Ti Sacramento ket matulongannak a lagippen ni Jesucristo ken iti sakripisiona para kaniak.

Kasano a matulongam dagiti ubbing tapno maaddaanda iti makapnek a kapadasan iti sacramento?

Dagiti Mabalin nga Aktibidad

• Awisem dagiti ubbing nga agsisinnublatda nga agbasa dagiti bersikulo iti Marcos 14:22–24 (kitaen iti Patarus ti Joseph Smith, Marcos 14:20–24 [iti apendise ti Biblia]) ken Doktrina ken Katulagan 20:75–79. Ania dagiti balikas ken kapanunotan a kapada iti dua a sasao?

• Saludsudem kadagiti ubbing no ania ti aramidda tapno makatulong kadakuada a mangpanunot maipapan ken Jesus kabayatan ti sakramento. Tulongam ida a mangbirok kadagiti nasantuan a kasuratan wenno balikas manipud kadagiti himno ti sakramento a maba;inda a basaen kabayatan ti sakramento, ken kalpasanna ilistada iti maysa a kard a mabalin a pagbasaran kadagiti ubbing iti sumaruno a tiempo nga mangipaay iti sakramento. Kantaen ti sumagmamano kadagitoy a kanta kadagiti ubbing (kitaen iti Himno, nu.169–97).

• Isurat dagiti kangrunaan a ragup ti balikas manipud kadagiti kararag ti sakramento iti pisara, ken tulongam dagiti ubbing a mangikabesa kadagitoy. Ania ti kaipapanan dagitoy a ragup ti balikas? Apay nga agyamantayo a mapabarotayo dagiti katulagan ti panagbunyag iti tunggal lawas?

• Awisem ti maysa nga Aaronic Priesthood holder a mangibaga kadagiti ubbing maipapan iti padasna a mangisagana, panangbendision, wenno panangiwaras iti sakramento. Ania ti makatulong kenkuana nga aramiden daytoy? Ania ti mariknana bayat ti panagaramidna daytoy? Kasano a ti tinapay ken danum ket mangipalagip kenkuana ti Mangisalakan?

• Saludsodem dagiti ubbing a nabuniaganen nga ibinglayda no ania ti malagipda maipapan iti panagbuniagda. Kasano ti nariknada? Ania dagiti katulagan nga inaramidda? Kitaen iti Mosiah 18:8–10 Ibagam kadakuada a iti tunggal lawas a makiranudtayo iti sakramento, mabalin a kas iti panagpabuniag manen—mabalin a mapakawantayo kadagiti basoltayo, ken pabaruentayo dagiti katulagantayo.

Mateo 26:36–42

Iti Getsemani, Ni Jesucristo ket inalanna iti Bagina ti basolko ken sakitko.

Ti pannakaammo maipapan iti inaramid ni Jesus para kadatayo iti Getsemani ket mabalin a makatulong kadagiti ubbing nga agbabawi kadagiti basolda ket umasidegda iti Mangisalakan inton makapadasda iti narigat a pannubok.

Dagiti Mabalin nga Aktibidad

• Awisem dagiti ubbing a basaen ti Mateo 26:36–42, nga agsapsapul kadagiti balikas wenno sasao a mangideskribir no kasano ti narikna ni Jesus iti Getsemani. Ania ti napadpadasan ni Jesus a pakaigapuan a nariknanna daytoy? Mangted kadagiti ubbing iti gundaway a mangibinglay kadagiti riknada maipapan ken Jesus ken yi sakripisiona para kadatayo.

• Awisem dagiti ubbing a mangibinglay iti tiempo idi nalidayda ken agsakitda. Saludsudem kadakuada no adda ammoda a nakarikna iti kastoy met a banag. Ilawlawag a iti Getsemani, ni Jesus ket nakarikna iti saem ken liday a narikna iti amin a tao. Inaramidna daytoy tapno Isu ti mangliwliwa kadatayo no kasapulantayo daytoy (kitaen iti Alma 7:11–12).

• Mangtedka iti maysa nga ubing iti bassit a kayo nga at-atidog ti kaakabana iti ruangan ti kuarto iti klase, ken kiddawen kenkuana a iggamanna dayoty iti paidda ken padasena a lumabas iti ruangan Ilawlawag a ti bassit a kayo mangibagi kadagiti basoltayo, a manglapped kadatayo manipud iti iseserrek iti pagarian ti Dios. Ikkaten ti bassit a kayo tapno mangiparangarang a ni Jesus imbaklayna dagiti basoltayo tapno mabalin a mapakawantayo no agbabawitayo.

Lucas 22:39–44

Kabaelak a suruten ti pagwadan ni Jesus babaen ti panagtulnog iti Nailangitan nga Ama.

Impakita ni Jesus ti kinatulnogna iti Ama idi imbagana ti, “Saan a ti pagayatak ti maaramid no di ket ti pagayatam, ti maaramid.” (Luke 22:42). Kasano a matulongam dagiti ubbing a makasuro manipud iti pagwadan ni Jesus?

Dagiti Mabalin nga Aktibidad

• Mangikabesa kadua dagiti ubbing ti sasao a “Saan a ti pagayatak, no di ket ti pagayatam, ti maaramid” (Lucas 22:42) ken paglilinnawagan no ania ti kaipapananna daytoy. Ania ti maaramidtayo tapno agtulnog ti pagayatan ti Nailangitan nga Ama?

• Tulongam dagiti ubbing a lasinen dagiti sumagmamano a bilin a nangtungpalda. Saludsodem: Ania dagiti bendision a maawatmo babaen ti panagtungpal iti Nailangitan Nga Ama, uray no narigat? Awisem ida a mangibinglay kadagiti napadasanda ken pamaneknekda.

Lucas 22:41–43

Makaawattak ti tulong no agkararagak.

Idi nagkararag ni Jesus iti Getsemani, nagparang ti anghel a nangpapigsa Kenkuana. Maawatan kadi dagiti ubbing a sursuruam nga uray isuda ket mabalin nga agkararag iti Nailangitan Nga Ama para iti pigsa?

Dagiti Mabalin nga Aktibidad

• Isalaysay ti estoria iti Lucas 22:41–43 kadagiti ubbing (nalabit babaen ti panangusar “Kapitulo 51: Agsagsagaba ni Jesus iti Minuyongan ti Getsemani,”Dagiti Estoria iti Baro a Tulag, 129–32, wenno ti katugna a video iti LDS.org). Ilawlawag a idi nagkararag ni Jesus, ti Nailangitan Nga Ama nangibaon iti anghel a mangpapigsa Kenkuana. Asino ti babaonen ti Nailangitan Nga Ama a mangpapigsa kadatayo?

• Ipakita ti imahen iti anghel a mangliwliwa ken ni Cristo iti balabala ita nga lawas iti Umayka, Surotennak—Para kadagiti Indibidual ken Pamilia, ken mangibinglay iti maysa a padas a nariknam nga pinapigsaka ti Nailangitan Nga Ama.

Yallukoy ti Panagsursuro iti Pagtaengan

Awisem dagiti ubbing a mangibinglay kadagiti pamiliada no ania ti aramiddenda bayat ti sacramento tapno malagipda ni Jesus.

Panangpadur-as iti Panangisurotayo

Mangpaneknekka iti klasem. Ti pamaneknek mabalin a simple kas iti “Ammok a ti Nailangitan Nga Amanga ket ay-ayatenna iti tunggal maysa kadakayo” wenno “Nasayaat ti mariknak iti bagik bayat ti pakaammok maipapan ken Jesucristo.”