“Hunio 3–9. Juan 13–17: ‘Agtultuloykayo iti Ayatko’” Umaykayo, Sumurot Kaniak—Para iti Primary: Baro a Tulag 2019 (2019)
“Hunio 3–9. Juan 13–17,” Umaykayo, Sumurot Kaniak—Para iti Primary: 2019
Pakalaglagipan Kaniak, ni Walter Rane
Hunio 3–9
Juan 13–17
“Agtultuloykayo iti Ayatko”
Agkararag tapno maammuan dagiti kasapulan dagiti ubbing a sursuruam bayat ti panangbasayo ti Juan 13–17. Umaykayo, Sumurot Kaniak—Para kadagiti Indibidual ken Pamilia ken daytoy a balabala makatulong kenka a maawatan iti doktrina ken makaited kenka dagiti kapanpanunotan a mangsuro dagiti ubbing iti klasem.
Isuratyo Dagiti Impresionyo
Yawis ti Panagbibinninglay
Tapno matulongan dagiti ubbing a mangibinglay no ania ti nasursuroda iti pagtaengan, mangipalikmut ti papel a puso ken awisem ti tunggal ubing a mangibinglay iti maysa a banag nga araramiddenna a mangipakita iti ayat para kadagiti dadduma no isudanto met ti agiggem iti puso.
Isuro ti Doktrina
Dagiti In-inaudi nga Ubbing
Kayat ni Jesus nga agserbiak iti dadduma.
Ti estoria ni Jesus a mangbugbuggo dagiti saksakka dagiti Apostol ket maysa a pagwadan iti napakumbaba a panagserbi. Kasano a maparegtam dagiti ubbing a sumurot iti pagwadan ni Jesus?
Dagiti Mabalin nga Aktibidad
-
Usarem ti ladawan iti balabala ita a lawas iti Umayka, Surotennak—Para kadagiti Indibidual ken Pamilia a makatulong a mangisalaysay ti estoria iti Juan 13:1–17. Awisem dagiti ubbing a mangitudo dagiti detalye manipud iti estoria nga addaan kadagiti ladawan.
-
Ipakita dagiti ladawan ni Jesus nga agserserbi kadagiti dadduma (kitaen iti Libro ti Arte ti Ebanghelio wenno dagiti magasin ti Simbaan para kadagiti kapanunotan). Pagsisinnublatem dagiti ubbing nga mangiggem kadagiti ladawan bayat ti panangisaritam dagiti nailadawan dagiti estoria (bay-am nga tumulongda nga mangisarita kadagiti estoria no kabaelanda).
-
Saludsudem dagiti ubbing no ania iti nariknada idi addaan iti maysa a tao a nangtulong kadakuada. Bay-am dagiti ubbing nga agdrowing kadagiti ladawan no kasanoda a mangsurot ti pagwadan ni Jesus babaen ti panagserbi ti maysa a tao.
Ipakitak ti ayatko ken ni Jesuscristo babaen iti panangtungpal kadagiti bilinna.
Kasano a matulongam dagiti ubbing a makaawat a ti panagtulnogda ket maysa a pagilasinan nga ay-ayatenda ni Jesucristo?
Dagiti Mabalin nga Aktibidad
-
Mangted ti tunggal ubing iti papel a puso a pangdekorasion. Awisem ida nga agiggem iti pusoda tunggal kantaenda ti balikas a “layat” iti “Jesus Said Love Everyone” ken “Love One Another,”Children’s Songbook, 61, 136.
-
Tulongam dagiti ubbing a ikabesa iti Juan 14:15 babaen ti panangingatuda iti papel a puso kas kunada, “No ayatendak”, ken maysa a ladawan dagiti tapi a bato kas kunada, “Tungpalenyo dagiti bilbilinko.”
-
Awisem dagiti ubbing nga agsisinnublatda nga agtignay iti naasi a tignay a mabalin nga aramiden para iti maysa a mangipakita iti ayatda para ken ni Jesus. Papadtuam kadagiti dadduma nga ubbing no ania dagiti araramidenda.
-
Leppasem kadua kadagiti ubbing iti panid ti aktibidad ita a lawas .
Juan 14:26–27; 15:26; 16:13–14
Ti Espiritu Santo mangtulong kaniak a marikna nga ad-adda nga umasideggak ken ni Jesus.
Nupay dagiti ubbing a sursuruam saan pay naawat ti sagut ti Espiritu Santo, masursuroda ita no kasano ti maaramid ti bileg ti Espiritu Santo iti biagda.
Dagiti Mabalin nga Aktibidad
-
Ipakita ti ladawan Ti Maudi a Pangrabii (Libro ti Arte ti Ebanghelio, p. 54). Ilawlawag kadagiti ubbing a iti Maudi a Pangrabii, insuro ni Jesus kadagiti disipulona maipapan iti Espiritu Santo.
-
Awisem dagiti ubbing nga ikabilda dagiti imada iti puspusoda ken dagiti uloda. Lukatam dagiti nasantuan a kasuratan iti Doktrina ken Katulagan 8:2, ken ilawlawagmo a ti Espiritu Santo mabalin agsao kadatayo “iti [tayo] panunottayo ken iti [tayo] pusotayo,” wenno babaen kadagiti kapanunotantayo ken riknatayo.
-
Iddepem dagiti silaw ken mangitag-ay iti maysa a ladawan. Kalpasanna silawam iti flashlight iti ladawan. Saludsudem kadagiti ubbing no kasano a ti flashlight ket kas iti Espiritu Santo.
-
Kadua dagiti ubbing, kantaen ti “Ti Espiritu Santo,” Pagkantaan dagiti Ubbing, 105, iti “naalumamay a timek.” Awisem ida a dumngeg dagiti banag nga araramidden ti Espiritu Santo.
Isuro ti Doktrina
Dagiti In-inauna nga Ubbing
Juan 13:34–35; 14:15; 15:10–14
Ipakitak ti ayatko ken ni Jesuscristo babaen iti panangtungpal kadagiti bilinna.
Bayat ti panangbasam kadagitoy a binatog iti bukodmo a panagadal, panunotem dagiti ubbing a sursuruam. Kasano a mabendisionanda no maawatanda a ti panagtulnogda ket maysa a pagilasinan iti ayatda para iti Mangisalakan?
Dagiti Mabalin nga Aktibidad
-
Tulongam dagiti ubbing nga ikabesa ti Juan 13:34–35. Maysa a wagas tapno maaramid daytoy isu no kantaen ti “Ayatenyo ti Maysa ken Maysa,” Pagkantaan dagiti Ubbing, 136-37, ken makatulong kadagiti ubbing a masuro ti tignay a sumurot iti daytoy.
-
Awisem dagiti ubbing a mangisurat iti pisara dagiti wagas a mangipakita a ni Jesus ay-ayatennatayo. Mabalina a mangipakita kadagiti ladawan manipud iti biag ti Mangisalakan tapno makatulong kadakuadaa (para kadagiti kapanunotan, kitaen iti Libro ti Arte ti Ebanghelio). Kasanotayo a maipakita iti ayattayo iti dadduma kas iti inaramidna? Awisen ti tunggal ubing a tumakder ken mangiburay iti maysa a wagas nga isuda ket “Ayatenna ti Maysa ken Maysa” (Juan 13:34).
-
Awisem iti maysa nga ubing a basaen ti Juan 14:15. Bay-am dagiti ubbing nga agsisinnublat a mangidrowing dagiti ladawan a mangibagi iti maysa a tao nga agtungpal iti bilin, kabayatan a dagiti dadduma nga ubbing agpadtu no ania ti maidrodrowing. Para dagiti pagarigan dagiti bilin, kitaen ti Para iti Bileg ti Agtutubo. Kasano a ti panangtungpal dagiti bilin ket mangipakita ti Mangisalakan nga ay-ayatentayo Isuna?
Ti Espiritu Santo ket mangiwanwan, mangliwliwa, ken mangpaneknek iti kinapudno.
Ita nga adu kadagiti ubbing ket naawatna ti sagut ti Espiritu Santo, kasano a matulongam ida a nasaysayaat a maawatan dagiti akem ti Espiritu Santo?
Dagiti Mabalin nga Aktibidad
-
Mangted kadagiti ubbing dagiti sumaganad a bersikulo nga agparisda a basaen: Juan 14:26; 15:26; ket 16:13. Kiddawem kadakuada a biroken dagiti balikas a mangisuro kadakuada no ania ti araramiden ti Espiritu Santo. Isuratmo dagiti balikas iti pisara.
-
Ibinglaymo ti maysa a padas nga ti Espiritu Santo inwanwannaka, liniwliwanaka, binallaaganaka, wenno impaneknekna ti kinapudno kenka. Awisem dagiti ubbing a mangibinglay uray ana kadagiti padasda iti Espiritu Santo. Kasanoda a nabigbig ti impluensia ti Espiritu Santo?
-
Awisen ti tunggal ubing a mangidrowing iti rupana iti maysa a papel a bag. Agsilaw ti flashlight, a mangibagi iti Espiritu Santo, iti bag. Kalpasanna ikabil kadagiti banag dagiti bag a manglapped ti lawag, a kas dagiti balabal wenno dagiti tisyu, tapno mangisuro a dagiti madi a pilitayo ket manglimitar ti impluensia ti Espiritu Santo iti biagtayo. Bay-am dagiti ubbing nga ikkaten ti balabal wenno tisyu kadagiti bag a mangibagi iti panagbabawi.
Ti Nailangitan nga Ama ken ni Jesus kayatda a maammuak Ida.
Mabendisionam dagiti biag dagiti ubbing ti agnanayon babaen ti panangtulongmo kadakuada a mangammo iti Nailangitan nga Ama ken ni Jesucristo.
Dagiti Mabalin nga Aktibidad
-
Ipakita iti mula bayat ti pagsisinnublat dagiti ubbing nga agbasa ti bersikulo iti Juan 15:1–8. Kasano a mayarig ni Jesus iti kayo ti ubas? Kasano a mayarigtayokadagiti sanga? Ania ti maaramidtayo tapno agtalinaedtayo nga asideg iti Mangisalakan?.
-
Basaen ti napigsa ti John 17:3. Saludsudem kadagiti ubbing no ania ti araramiddenda tapno maammuanda ti Nailangitan nga Ama ken ni Jesucristo. Mangibinglay no kasano ti panakaammum Kadakuada.
Insuro ni Cristo ti, “Agtalinaedkayo kaniak” (Juan 15:4).
Yallukoy ti Panagsursuro iti Pagtaengan
Allukoyem dagiti ubbing a saludsuden iti maysa a miembro ti pamilia no ania ti maaramidda tapno agserbi kenkuana. Kabayatan ti sumaruno a lawas ti klase, mangted kadagiti ubbing ti tiempo a mangibinglay no ania ti inaramidda.
Panangpadur-as iti Panangisurotayo
Ibagay dagiti aktibidad. No mangisuroka kadagiti in-inaudi nga ubbing, mabalin a makasarakka kadagiti nayon a kapanunotan a maibagaymo iti klasem iti daytoy a seksion ti balabala para kadagiti in-inauna nga ubbing. Kasta met, dagiti aktibidad para kadagiti in-inaudi nga ubbing mabalin met nga ibagay nga isuro ti in-inauna nga ubbing.