Ni Cristo iti sanguanan ni Pilato

Ecce Homo, ni Antonio Ciseri

Hunio 17–23

Mateo 27; Marcos 15; Lucas 23; Juan 19

“Ket Nalpasen”

Irugim ti agsagana babaen ti panangbasa iti Mateo 27; Marcos 15; Lucas 23; ken Juan 19. sikakararag nga agpaiwanwanka a maawatan iti kasapulan dagiti ubbing.

Isuratyo Dagiti Impresionyo

icon iti panagbibinninglay

Yawis ti Panagbibinninglay

Ipagiggem iti tunggal ubing ti ladawan manipud balbala ita a lawas iti Umayka, Surotennak—Para kadagiti Indibidual ken Pamilia. Bayat ti panangiggem kadagiti ladawan, mabalin a mangibinglay iti tunggal ubbing iti maysa a banag nga ammoda maipapan iti no kasano a natay ni Jesus.

icon iti panangisuro

Isuro ti Doktrina

Dagiti In-inaudi nga Ubbing

Mateo 27:11–66; Lucas 23; Juan 19

Gapu ta natay ni Jesus para kaniak, mabalinnak nga agungar.

Mabalin a maupay dagiti babassit nga ubbing babaen ti pakaammo ti pannakailansa iti Krus ni Jesus. “Kapitulo 52: Pannakausig ni Jesus” ken “Kapitulo 53: Nailansa iti Krus ni Jesus,” Dagiti Estoria iti Baro a Tulag, 133–38, wenno dagiti katupag a video (LDS.org) mangipaay iti nasayaat a pagtuladan no kasano a mabalinmo a naitutop nga ibinglay daytoy nga estoria kadakuada.

Dagiti Mabalin nga Aktibidad

• Ipakitaka ti ladawan iti balabala ita nga lawas iti Umayka, Surotennak—Para kadagiti Indibidual ken Pamiliabayat ti panangisaritam maipapan iti pannakausig ken ni Jesus, pannakailansa iti Krus, ken pannakaitanem (kitaen met iti Libro ti Arte ti Ebanghelio, nu. 57 ken 58). Awisem dagiti ubbing a mangibinglay dagiti ammoda maipapan kadagitoy nga paspasamak. Iyunay-unay a iti maikatlo nga aldaw, nagungar ni Jesus, a ti kaipapananna ket nagsubli iti biagna.

• Kiddawen dagiti ubbing a manginagan kadagiti sumagmamano a banag nga araramidden dagiti nagannak kadakuada a saanda maaramid para iti bagbagida. Ipakita ti ladawan iti Mangisalakan. Ilawlawag a gapu ken ni Jesus, mabalintayo nga agungar—maysa a banag a saantayo maaramid iti bagbagitayo.

• Ipakita iti ladawan ti maysa a tao nga am-ammom a natayen. Ibinglay ti pammaneknekmo a gapu ken ni Jesus didiay nga tao ket agbiag manen.

Pannakaitabon ni Cristo

Ti Pannakaitabon ni Carl Heinrich Bloch

Mateo 27:26–37; Lucas 23:34

Kabaelak a mangpakawan kadagiti dadduma kas iti inaramid ni Jesus.

Kasano a matulongam dagiti ubbing a makaawat no kasano a mangpakawan kadagiti naulpit, a kas iti inaramid ni Jesus?

Dagiti Mabalin nga Aktibidad

• Iladawam no kasano kaulpit dagiti soldado ken ni Jesus (kitaen iti Mateo 27:26–37), ken kalpasanna basaen ti Lucas 23:34. Ilawlawag a no pakawanentayo dagiti dadduma, maawan dagiti madi a riknatayo kadakuada ken mangipakita iti ayat.

• Ibinglaymo dagiti buya iti maysa a tao nga agkuna wenno agaramid iti maysa a banag a naulpit. Awisem dagiti ubbing a mangipakita no kasanoda a pakawanen dayta a tao.

• Isurat dagiti balikas wenno sasao manipud iti “Tulongannak, Ay-ayatek nga Ama,”Pagkantaan dagiti Ubbing, 99, iti pisara. Awisem dagiti ubbing a kantaenda a maminaddu ti kanta, punasam ti sumagmamano a balikas iti tunggal a kanito agingga nasursuroda ti sibubukel a kanta. Maibatay iti daytoy a kanta, siasino ti nasken a pakawanentayo? Asino ti makatulong kadatayo no narigat ti agpakawan?

• Sukisokem ti nabiit pay nga isyu ti Gayyem wenno Liahona tapno masarakan ti estoria maipapan ti maysa nga ubing a pinakawan iti maysa a tao. Ibinglay daytoy nga estoria kadagiti ubbing.

Lucas 23:32–33, 39–43

Gapu ta ni Jesus ket nagsagaba ken natay para kadatayo, mabalinak nga agbabawi ken mapakawannak.

Nupay dagiti ubbing a nabababa ti tawen iti walo ket awan ti sungbatanda, napateg kadakuada a mangirugi a masursuro ita no kasano ti agbabawi kadagiti madi a napilida nga aramidden.

Dagiti Mabalin nga Aktibidad

• Gupgopem Lucas 23:32–33, 39–43, ken mangitudo kadagiti dua nga mannanakaw iti ladawan 57 iti Libro ti Arte ti Ebanghelio. Ilawlawag nga idi inang-angaw ti umuna a mannanakaw ni Jesus, inako ti maikadua a mannanakaw a nakaaramid isuna iti banag a biddut narugiannannan ti agbabawi.

• Basaen ti Doktrina ken Katulagan 19:16 kadagiti ubbing. Apay nga nagsagaba ni Jesus para kadatayo?

• Ipakita ti video a “The Shiny Bicycle” (LDS.org). Ilawlawag a ti Nailangitan Nga Ama ken Jesucristo ket makatulong kadatayo a tarimaanen dagiti basoltayo ken bidduttayo ken umawat iti pannakapakawan.

• Bay-am dagitati ubbing nga agaramid dagiti marka ti tisa iti pisara a mangibagi iti biddut a pili. Kalpasanna kiddawem kadakuada a pugasen dagiti pisara a mangibagi iti panagbabawi. Ipakita ti ladawan ti Mangisalakan, ken mangpaneknek a mabalintayo nga agbabawi gapu kenkuana.

icon iti panangisuro

Isuro ti Doktrina

Dagiti In-inauna nga Ubbing

Mateo 27:11–66; Lucas 23; Juan 19

Natay ni Jesus para kaniak gapu ta ay-ayatennak.

Apay nga agyamanka a ni Jesucristo ket natay para kenka? Ibilang no kasano a matulongam dagiti ubbing a maawatan ti kinapateg ti sakripisio ti Mangisalakan para kadakuada.

Dagiti Mabalin nga Aktibidad

• Ilistam dagiti kangrunaan a pasamak iti Mateo 27:11–66 (para iti tulong iti panangaramid iti daytoy, kitaen ti “Kapitulo 52: Pannakausig ni Jesus” ken “Kapitulo 53: Nailansa iti Krus ni Jesus,” Dagiti Estoria iti Baro a Tulag, 133–38). Awisem dagiti ubbing nga agadal kadagitoy a bersikulo ken ikabil dagiti buya iti husto nga urnos.

• Ipakita dagiti video “Ni Jesus Makondenarda iti Sanguanan ni Pilato” ken “Ni Jesus Nasapsaplitan ken Nailansa iti Krus” (LDS.org). (Kitaen met iti “Ti Pannubbot,” LDS.org.) Apay a ni Jesus a situtulok nga agsagaba para kadatayo?

• Kiddawem iti maysa nga ubing a basaen ti Mateo 27:54, ken awisem dagiti ubbing a mangibinglay kadagiti banag maipapan ken Jesus a makatulong kadakuada a mangammo nga isu ti Anak ti Dios.

• Kiddawen kadagiti ubbing no ania ti masursuroda maipapan iti pannakailansa iti Krus manipud ti “Behold the Great Redeemer Die,” Himno, no. 191, wenno sabali pay a himno ti sakramento.

Mateo 27:26–37; Lucas 23:34

Kabaelak a mangpakawan kadagiti dadduma kas iti inaramid ni Jesus.

Mabalin a narigat ti agpakawan iti dadduma. Mabendisionan dagiti ubbing a sursuruam bayat ti panangsurotda iti pagwadan ti Mangisalakan ken panangpakawanda iti tunggal maysa.

Dagiti Mabalin nga Aktibidad

• Awisem dagiti ubbing nga agsisinnublatda nga agbasa maipapan kadagiti kinnaulpit dagiti soldado ken ni Jesus iti Mateo27:26–37 ken ti panangpakawan ni Jesus kadakuada iti Lucas 23:34. (Kitaen iti pannakaawat a naited iti Patarus ni Joseph Smith iti Lucas 23:34, footnote c.) Ania ti masursurotayo manipud iti pagwadan ni Jesus?

• Isuratka iti pisara ti Ania ti maaramidmo iti maysa a tao nga naulpit kenka? Pagsisinnublatem dagiti ubbing nga agsurat kadagiti kapanunotan iti pisara, kas iti Agkararag a maaddaan iti nasayaat a rikna iti taowenno Panunoten ti maysa a banag a nasayaat maipapan iti tao.

• Awisem dagiti ubbing nga agdrowingda kadagiti kasasaad a ti maysa a tao a naulpit ken no kasanoda a mapakawan dayta a tao. Palubosam ida a mangibinglay dagiti drowingda iti klase.

Lucas 23:32–33, 39–43

Gapu ta ni Jesus ket nagsagaba ken natay para kadatayo, mabalinak nga agbabawi ken mapakawannak.

Daytoy a leksion ket napintas a tiempo a mamaneknek a gapu ken ni Jesucristo, mabalintayo nga agbabawi kadagiti basbasoltayo ken mapakawan.

Dagiti Mabalin nga Aktibidad

• Awisen ti maysa nga ubing a basen ti Lucas 23:32–33, 39–43. Ilawlawag a ti dua a tao a nailansa iti krus ken ni Jesus ket dagiti mannanakaw. Kasano nga impakita ti maysa kadagiti mannanakaw a nangrugi isuna nga agbabawi?

• Isurat dagiti sumaganad a sasao iti pisara, mangibati dagiti blanko para kadagiti nakaitaliko a balikas: “mabalinnak a mapakawan ak no agbabawi gapu iti Pannubbot ni Jesucristo.” Mangted kadagiti ubbing ti pamalatpatan tapno makatulong kadakuada a suratanda dagiti blanko.

• Awisem iti maysa nga ubing nga agiggem iti bag, ket punoem daytoy iti babassit a bato bayat a dagiti dadduma nga ubbing ket manginagnaggan dagiti madi a pili a mabalin nga aramiden iti maysa a tao. Tulongam dagiti ubbing a idilig ti bag iti naespirituan a pakadagsenan a bakbaklayentayo no agbasoltayo. Kasano a ti panagbabawi kas iti panangiruar dagiti bato manipud iti bag?

• Usarem ti artikulo a “Mabalinka nga Agbabawi ken Agpakawan” (Gayyem, Ago. 2015, 10) mangisuro kadagiti ubbing no kasano nga agbabawi.

icon iti panangsursuro

Yallukoy ti Panagsursuro iti Pagtaengan

Allukoyenyo dagiti ubbing a mangpanunot iti maysa a tao a nasken a pakawanenda ken ikeddengda nga aramiden ti maysa a banag a mangipakita iti daytoy a tao a napakawanda isusa.

Panangpadur-as iti Panangisurotayo

Sursuruem ti mangbigbig iti paltiing. Masansan nga umay ti paltiing iti “tunggal binatog” (2 2 Nephi 28:30). saan nga amin iti mamimpinsan. Bayat ti panagkararagmo ken panangutobmo kadagiti nasantuan a kasuratan ken dagitoy a balabala, masarakamto a dagiti kapanunotan ken dagiti impresion ket umay anytime ken sadinoman a lugar—kabayatan ti panagbiahem nga agtrabaho, agaramid iti trabaho iti balay, wenno pannakilangen kadagiti pamilia ken gagayyem.

panid ti aktibidad: Agungarakto