Abril 15–21

Paskua ti Panagungar

“Adino ti Yanna, O Patay, Ti Panagballigim?”

Usarem ti orasmo kadagiti ubbing a makatulong kadakuada a kitaen ti Paskua ti Panagungar kas maysa a panawen nga agrag-o iti Mangisalakan ken agpauneg iti panagyaman Ti sakripisiona. Mabalin a maibagay dagiti kapanunotan iti daytoy a balabala tapno makatulong kenka a mangisuro kadagiti ubbing ti ania man a tawen.

Isuratyo Dagiti Impresionyo

Yawis ti Panagbibinninglay

Tapno matulongan dagiti ubbing a mangibinglay no ania ti ammoda maipapan ken Ni Jesucristo ken Ti Pannubbotna, mabalinmo nga mangipakita kadagiti ladawan ti Mangisalakan iti Getsemani, iti krus, ken kalpasan Ti Panagungarna (kitaen ti ladawan iti balabalam iti daytoy a lawas iti Umayka, Surotennak—Para kadagiti Indibidual ken Pamilia ken Libro ti Arte ti Ebanghelio, nu. 56, 57, 58, 59, ken 60).

Isuro ti Doktrina

Dagiti In-inaudi nga Ubbing

Ni Jesucristo isu ti Mangisalakan kaniak.

Bayat ti panangbasam maipapan iti Pannubbot ni Jesucristo, utobem no kasano a makatulongam dagiti ubbing a mariknada no kasano ti kadakkel ti panagayat ni Jesus ti kadakuada.

Dagiti Mabalin nga Aktibidad

• Isuro dagiti ubbing a gapu agbasoltayo amin, saantayo makasubli iti Dios no awan ti Mangisalakan a nagsagaba para kadagiti basbasoltayo. Ni Jesus Cristo ket makaisalakan kadatayo manipud kadagiti basbasoltayo no agbabawitayo. Mangiggem ti sarming, ken pagsisinnublatem dagiti ubbing a kitaenda daytoy. Bayat nga araramidden iti tunggal ubing daytoy, ibagam ti, “Ay-ayaten ni Jesus ni [nagan ti ubbing], ken maisalakan ni [nagan ti ubbing.”

• Ipakita iti ladawan Agkarkararag ni Jesus iti Getsemani (Libro ti Arte ti Ebanghelio, p. 56) bayat ti panangsalaysaymo ti estoria ni Jesus nga agsagsagaba iti Getsemani para kadagiti basol ti lubong (kitaen iti Mateo 26:36–46; Lucas 22:39–44). Ilawlawag a gapu ti panagsagabana, mabalintayonto a mapakawan no makaaramidtayo iti madi a pili. Mabalinmo met nga usaren ti “Kapitulo 51: Agsagaba ni Jesus iti Minuyongan ti Getsemani,” Dagiti Estoria iti Baro a Tulag,129–32, wenno iti katupagna a video (LDS.org).

• Sangsangkamaysa a kantaen ti “Mariknak ti Ayat iti Apo,” Pagkataan dagiti Ubbing, 74–75. Ania ti balikas iti kanta a mangiladawn ti ayat iti Mangisalakan? Kiddawen kadagiti ubbing no kasano a makatulonda kadagiti dadduma a mangrikna iti ayat ti Mangisalakan.

Gapu ta panagungar ni Jesus, agbiagakto manen.

Kasano a matulongam dagiti ubbing a makaawat a gapu ken ni Jesucristo, datayo ken dagiti ay-ayatentayo mabalin met nga agungar iti maysa nga aldaw?

Dagiti Mabalin nga Aktibidad

• isurom kadagiti ubbing ti estoria ti paskua iti Panagungar babaen ti panangusarmo kadagiti ladawan ni Cristo iti Getsemani, iti krus, ken kalpasan Ti Panagungarna, a masarakan iti Libro ti Arte ti Ebanghelio (nu. 56, 57, 58, 59, ken 60), ken ti intero a ladawan iti balabala iti daytoy a lawas iti Umayka, Surotennak—Para kadagti Indibidual ken Pamilia. Bay-am a iggaman iti sumagmamano nga ubbing dagiti ladawan bayat iti panangisalaysaymo ti estoria. Ibagam kadagiti ubbing maipapan iti sumagmamano a tao a nakakita ken ni Jesus kalpasan ti panagungarna, a kas kada Maria (kitaen iti Juan 20:1–18) wenno Thomas (kitaen iti 20:24–29).

• Ammuem no ammo dagiti ubbing no apay rambakantayo ti Paskua iti Panagungar. Ilawlawag a ti Paskua iti Panagungar rambakantayo a kapatgan nga aldaw iti pakasaritaan—ti aldaw a nagungar Ni Jesucristo. Saludsodem no siasino kadagiti ubbing a mangayat a mangibinglay no ania ti araramiden dagiti pamiliada tapno malagip ti Panagungar ni Jesucristo.

• Ilawlawag a ti nagungar kaipapananna ket iti panagbiag manen kalpasan ti ipapataytayo. Pammaneknekam nga gapu ken Ni Jesucristo agungartayonto—agbiagtayo manen kalpasan ti ipapataytayo, ken saantayo a matayen a pulos.

• Usarem ti glove a mangisuro kadagiti ubbing nga addaantayo amin iti bagi (mangibagi ti glove) ken iti espiritu (mangibagi ti ima). No mataytayo, agtultuloy nga agbiag ti espiritutayo, ngem saan dagiti bagitayo. No agungartayo, dagiti espiritu ken bagitayo agkadua manen. Bay-am dagiti ubbing nga agsisinnublat iti panangisuot ti glove ken panangikkatna daytoy.

• Sangkamaysa a kantaen iti kanta ti Paskua ti Panagungar, kas iti “Talaga kadi a Ni Jesus Nagbiag Manen?” wenno “Nagungaren ni Jesus,” Pagkantaan dagiti Ubbing, 64, 70, ken ipakita dagiti ubbing kadagiti ladawan ni Jesus kalpasan a nagungar Isuna (Libro ti Arte ti Ebanghelio,nu. 59, 60, 61).

• Ipakita ti ladawan iti maysa a tao nga ammom a natayen. Ibinglay ti pamaneknekmo nga isuna ket agungarto gapu iti Pannubbot ken Panagungar ni Jesucristo.

• Buyaenyo a sangsangkamaysa dagiti video “Nagungaren ni Jesus” wenno “Ti Nagungar nga Apo Agparparang kadagiti Apostol” (LDS.org). Dagiti nainayon a mensahe ti Paskua ti Panagungar mabalin a masarakan iti mormon.org/easter.

Nagungaren Isuna, ni Greg Olsen.

Isuro ti Doktrina

Dagiti In-inauna nga Ubbing

Nagsagaba ni Jesucristo para kaniak iti Getsemani ken iti krus.

Bayat ti panangadalmo iti Pannubbot ti Mangisalakan, utobem no kasano a makatulom dagiti ubbing a masuro ken malagip a ni Cristo ket nagsagaba iti Getsemani ken iti krus para kadagiti basbasolda, saksakitda, ken leddaangda.

Dagiti Mabalin nga Aktibidad

• Basaem ken dagiti ubbing iti Lucas 22:39–44 ken dagiti napili a bersikulo manipud iti Mateo 27:29–50. Awisem ida a mangsapul kadagiti balikas a makatulong kadakuada no ania iti napadasan ti Mangisalakan iti Getsemani ken iti krus.

• Tulongam dagiti ubbing a mangikabesa ti maikatlo nga Pagannurotan ti Pammati. Paneknekam a ni Jesucristo ket addaan iti bileg a mangisalakan kadatayo gapu iti basbasoltayo ken manipud iti ipapataytayo.

• Tulongam dagiti ubbing a mangisagana dagiti ababa a sarita maipapan iti Pannubbot ni Jesucristo a mabalinda nga ibinglay kadagiti dadduma. Allukoyem ida nga iraman ti nasantuan a kasuratan ken dagiti pammaneknekda maipapan iti kadagiti sarita. No kasapulanda ti nayon a tulong, mabalin a basaenda iti “Pannubbot ni Jesucristo” iti Kinapudno iti Pammati (14 – 21).

Gapu ta ni Jesus ket natay ken nagungar, agbiagakto manen.

Addantu ti aldaw a dagiti ubbing nga sursuruam mapadasanda iti ipapatay ti maysa nga ayayatenda no saanda pay a napadasan. Tulongam ida a maammuan a gapu ta nagungar ni Jesucristo agungartayonto met amin.

Dagiti Mabalin nga Aktibidad

• Ipakita ti Libro ti Arte ti Ebanghelio, nu. 57, 58,ken 59, ken kiddawen dagiti ubbing a pagtatamengenda dagiti ladawan kadagiti: Mateo 27:29–38, 59–60; Juan 20:10–18.

• Awisem dagiti ubbing a saggaysa a basaen ti “Panagungar” iti Diksionario ti Biblia ken mangisurat dagiti pannubok a saludsod a mabalinda a saludsuden maipanggep iti nabasada. Mangted kadagiti ubbing iti oras a agdidinamagda dagiti saludsudda ken pabirokda dagiti sungbat a sangsangkamaysa.

• Tulongam dagiti ubbing a kitaen iti topical index iti Pagkataan dagiti Ubbing sapulen ti kanta ti kayatda a maadal maipanggep ken Jesucristo wenno ti Panagungar. Kantaen ti kanta iti sagpaminsan. Saludsudem dagiti ubbing no ania ti naadalda gapu iti daytoy a kanta.

• Sakbay ti klase, awisem ti sumagmamano nga ubbing nga umay a nakasagana a mangibinglay kadagiti pammaneknekda maipanggep iti Pannubbot ken Panagungar ti Mangisalakan. Awisem dagiti ubbing nga isurat dagiti pammaneknekda nga ibinglayda iti pagtaengan.

Yallukoy ti Panagsursuro iti Pagtaengan

Tapno matulongan dagiti ubbing a mangibinglay no ania ti nasursuroda kadagiti pamiliada, allukoyen ida a agkanta ti kanta maipanggep ken Jesucristo iti pagtaengan itoy a lawas.

Panangpadur-as iti Panangisurotayo

Mabenepisiaran dagiti ubbing manipud ti panangulit-ulit. Saanka nga mabuteng nag mangulit dagiti aktibidad iti mamminadu a gundaway agalalo kadagiti in-inaudi nga ubbing. Ti panangulit-ulit makatulong kadagiti ubbing a manglagip no ania ti isursurom.