“Agosto 12–18. Taga Roma 7–16: ‘Abakem ti Dakes Gapu iti Naimbag’” Umaykayo, Sumurot Kaniak—Para iti Primary: Baro a Tulag 2019 (2019)
“Agosto 12–18. Taga Roma 7–16,” Umaykayo, Sumurot Kaniak—Para iti Primary: 2019
Agosto 12–18
Taga-Roma 7–16
“Abakem ti Dakes Gapu iti Naimbag”
Bayat ti panangbasam ti Taga Roma 7–16, isuratmo ania man dagiti impresion a maawatmo maipapan no kasano a mabalinmo ti mangisuro kadagiti ubbing dagiti kinapudno kadagitoy a kapitulo.
Isuratmo Dagiti Impresionmo
Yawis ti Panagbibinninglay
Kiddawen kadagiti ubbing no imbinglayda kadagiti pamiliada ti maysa a banag a nasursuroda iti Primary itay napalabas a lawas. (Mabalin a kasapulam nga irebyu kadakuada ti adalenitay napalabas a lawas.) No kasta, ania ti imbinglayda?
Isuro ti Doktrina
Dagiti In-inaudi nga Ubbing
Ay-ayatennak ti Nailangitan nga Amak. mangipatpateg kaniak.
Kasano a mausarmo dagiti balikas ni Pablo tapno mangisuro kadagiti ubbing a ti Nailangitan nga Ama ket kanayonto nga ay-ayatenna ida?
Ay-ayaten ti Nailangitan nga Ama ti tunggal maysa kadagiti annakna.
Dagiti Mabalin nga Aktibidad
-
Tulongam dagiti ubbing a mangyulo iti ragup dagiti balikas a “[Awan ti mabalin] a mangisina kadatayo iti ayat ti Dios” (Taga Roma 8:39). Tapno mailadawan daytoy a kinapudno, mangilansa iti dua a tabla ket ikkam iti marka ti maysa iti “datayo” ket ti sabali iti “ti ayat ti Dios.” Ipakitam no kabaelanda a pagsinaen dagiti tabla.
-
Iruarmo dagiti ubbing tapno mariknada ti init, wenno ipakitam ti ladawan ti init. Kasano a maipada ti init iti ayat ti Nailangitan nga Ama? Tulongam ida a mangkita a nupay adayo ti init, matulongannatayo a makarikna iti bara. Mariknatayo ti ayat ti Nailangitan nga Ama iti amin a gundaway, nupay ditayo pisikal a makadenna Isuna.
Ti pammati agtaud iti panagdengngeg iti balikas ti Dios.
Bayat ti idedengngeg dagiti ubbing iti balikas ti Dios ken dumngegda a nasayaat iti daytoy, bumilegto ti pammatida iti Dios. Kasano a matulongam ida a makaawat iti kinapateg ti panagdengngeg iti balikas ti Dios?
Dagiti Mabalin nga Aktibidad
-
Ibasam ti Taga Roma 10:17 kadagiti ubbing, ket ipakitam kadakuada dagiti ladawan ti kasasaad a mabalinda a pakangngegan iti balikas ti Dios (kas ti panagadal iti nasantuan a kasuratan kas pamilia, simbaan, wenno sapasap a komperensia, kitaen iti panid ti aktibidad iti daytoy a lawas). Kiddawen kadagiti ubbing no nangngeganda ti balikas ti Dios.
-
Isarita ti estoria maipapan iti maysa nga ubing a dumdumngeg ti balikas ti Dios iti nadumaduma a wagas. Bayat ti panangisaritam iti estoria, in-inut a a mangpabussogka iti balloon a mangibagi iti no kasano a dumakkel ti pammati ti ubing iti tunggal kanito a mangngegna ti balikas ti Dios.
-
Ilemmeng iti siled ti klase ti maysa a set dagiti nasantuan a kasuratan, maysa a ladawan ti Presidente ti Simbaan, ken maysa a kopia ti Friendwenno Liahona a magasin. Kiddawen kadagiti ubbing a mangsapul kadagitoy a banag ket ibinglayda no kasano a mapagbalin a posible ti tunggal maysa kadagitoy tapno mangngegtayo ti balikas ti Dios.
Mabalinko nga isao ti agyamanak kadagiti tumulong kaniak.
Nagyaman ni Paul kadagiti tao a timmulong kenkuana. Matulongam dagiti ubbing a makadlaw kadagiti nasayaat a banag nga inaramid dagiti dadduma para kadakuada ken manglaglagip ti agyaman kadakuada.
Dagiti Mabalin nga Aktibidad
-
Ilawlawag nga agyamyaman ni Pablo ti tulong a naawatna manipud iti maysa a babai nga agnagan iti Febe ken iti agassawa a nga agnagan iti Priscila ken Aquila (kitaen iti Taga Roma 16:1–4). Kiddawen kadagiti ubbing a mangidrowing kadagiti ladawan ni Pablo ken dagitoy tallo a tao bayat ti panangibinglaymo kadagiti balikas ken ragup dagiti balikas manipud kadagiti bersikulo.
-
Awisen ti tunggal ubing a mangibinglay iti maysa a banag a nasayaat nga inaramid ti maysa a tao para kenkuana itay nabiit. Tulongam dagiti ubbing nga agaramid kadagiti kard iti panagyaman [thank-you cards] para kadagitoy a tao.
-
Tulongam dagiti ubbing a mangsursuro no kasano ti mangibaga iti agyamanak kenka iti nadumaduma a pagsasao.
Isuro ti Doktrina
Dagiti In-inauna nga Ubbing
Kayat ti Nailangitan nga Ama nga agsaganaak nga umawat iti amin nga adda Kenkuana.
Ti plano ti Nailangitan nga Ama ti mangpabalin a posible kadatayo nga agbalin a kas Kenkuana ken agtawid iti amin nga adda Kenkuana. Daytoy a kinapudno ti mangparegta kadagiti ubbing a sursuruam tapno napudpudnoda nga agbiag iti ebanghelio.
Dagiti Mabalin nga Aktibidad
-
Aggigiddan a basaenyo ti Taga Roma 8:16–18. Ania ti masursurotayo manipud kadagitoy a bersikulo maipapan iti kinasiasinotayo ken ti pagbalinantayo? Ilawlawag a ti “agtawid” ket maysa a tao a tagapagtawid, wenno umawat, iti no ania ti adda kadagiti nagannak kenkuana. Isurat iti pisarra ti Ania ti kasapulan nga aramidentayo tapno agtawid iti amin nga adda iti Amatayo iti Langit? Aggigiddan a mangkansion iti kanta maipapan iti panagtungpal,nga agsapsapul kadagiti sungbat. Ania pay dagiti dadduma a sungbat a mapanunot dagiti ubbing?
-
Kiddawen kadagiti ubbing nga agpanunot maipanggep iti maysa nga ari a kayatna a dagiti lallaki ken babbai nga annakna ti agturay iti pagarianna iti maysa nga aldaw. Ilawlawag a mayarig ti Nailangitan nga Amaiti maysa nga ari, ket datayo dagiti naarian nga annakna a lallaki ken babbai. Mabalinmo nga ibinglay ti estoria maipapan iti lalaki nga anak ti Ari XVI Luis ti Pransia, a masarakan iti bitla ni Sister Elaine S. Dalton “Remember Who You Are!” (Ensign wenno Liahona, Mayo. 2010, 121). Kasano a ti pananglaglagip nga annaknatayo ti Nailangitan nga Ama ken nayanak nga iti maysa nga aldaw agbalintayo a kas Kenkuana ket makatulong kadatayo nga agbiag a sililinteg ditoy daga? (Para iti ad-adu pay nga impormasion, kitaen iti Napudno iti Pammati, 74–76.)
Ti pammati agtaud iti panagdengngeg iti balikas ti Dios.
Aduan iti gundaway dagiti ubbing a dumngeg iti balikas ti Dios. Tulongam ida a mangkita no kasano ti mangpadakkel iti pammatida ti panagdengngeg iti balikas ti Dios.
Dagiti Mabalin nga Aktibidad
-
Isuratmo ti sumaganad a binatog iti pisarra: umay babaen ti , ket babaen ti ti . Kiddawen kadagiti ubbing nga punuenda dagiti blangko kalpasan ti panagbasa ti Taga Roma 10:17. Mangibinglay iti maysa a panawen idi nasuruan ti maysa a tao iti kinapudno ti ebanghelio a nakatulong tapno mapabileg ti pammatim—nalabit mabalinmo nga ibinglay ti paggugustom a nasantuan a kasuratan wenno adaw manipud iti sapasap a komperensia. Awisem dagiti ubbing a mangibinglay kadagiti bukodda a pammaneknek.
-
Markaam ti sumagmamano a baso ti danum kadagiti banag a masarakantayo ti balikas ti Dios (kas kadagiti nasantuan a kasuratan, miting ti simbaan, ken sapasap a komperensia). Paglilinnawagan no kasano a mangnayon iti pammatitayo ti balikas ti Dios bayat ti panangibukbokmo iti tunggal baso iti container a namarkaan ti “Pammati.”
-
Ikkam ti maysa nga ubing iti maysa a ladawan ti Mangisalakan a mangpaimbag ti maysa a tao nga awan makakita kadagiti dadduma nga ubbing iti daytoy a ladawan. Kiddawem ti ubing a mangted kadagiti pamugtuan a mangtulong kadagiti dadduma nga ubbing a mapugtuanda no ania ti ipakita ti ladawan. Kasano a maibinglaytayo kadagiti dadduma no ania ti ammotayo maipapan iti Mangisalakan tapno maaddaanda iti pammati Kenkuana?
“Ditay ngarud … agiinnukomen iti maysa ken maysa.”
No makilangen dagiti ubbing kadagiti dadduma nga agaramid kadagiti nadumaduma a pili ngem iti panagpilida, mabalin a masulisogda a mangukom. Ibilangmo no kasano a makatulong kadakuada ti balakad ni Pablo kadagiti Taga Roma tapno maliklikan ti kasta a panangukom.
Dagiti Mabalin nga Aktibidad
-
Awisem ti maysa nga ubing a mangbasa iti Taga Roma 14:10, 13. Kiddawem kadagiti dadduma nga ubbing a bilangenda no kasano ti kasansan nga inusar ni Pablo ti balikas a mangukom. Ania ti kayat a sawen ti mangukom iti maysa a tao? Apay a nasken a liklikantayo ti panangukom kadagiti dadduma?
-
Ipakita ti ladawan ti maysa a tao, ket saludsoden kadagiti ubbing no ania ti ammotayo maipapan iti daytoy a tao babaen laeng iti panangkita iti ladawan. Ania dagiti sumagmamano a banag a ditayo ammo maipapan kenkuana? Apay a ti Apo ti kasayaatan a mangukom kadagitoy a tao? (kitaen iti 1 Samuel 16:7).
Yallukoy ti Panagsursuro iti Pagtaengan
Kiddawen kadagiti ubbing a mangpidut iti maysa nga aktibidad nga inaramidyo kas maysa a klase ket aramidenyo daytoy kadagiti pamiliada. Ibagam kadakuada nga inton sumaruno a lawas mabalinda nga ibinglay no ania ti inaramidda.
Panangpadur-as iti Panangisurotayo
Iraman dagiti ubbing iti panaglilinnawag ti ebanghelio. Mabalin a kasapulam ti mangpanunot kadagiti managpartuat a wagas a mangiraman kadagiti in-inaudi nga ubbing iti panaglilinnawag iti ebanghelio. No dadduma mabalin nga agaramidka iti maysa a banag a kas iti gagangay a panangawis kadagiti ubbing nga agtugaw iti sirkulo iti suelo imbes a kadagiti tugaw.