“Hulio 29–Agosto 4. Dagiti Aramid 22–28: ‘Maysa a Ministro ken Saksi’” Umaykayo, Sumurot Kaniak—Para iti Primary: Baro a Tulag 2019 (2019)
“Hulio 29–Agosto 4. Dagiti Aramid 22–28,” Umaykayo, Sumurot Kaniak—Para iti Primary: 2019
Hulio 29–Agosto 4
Dagiti Aramid 22–28
“Maysa a Ministro ken Ssaksi”
Bayat ti panangbasam kadagiti pakaammuan manipud iti panagserbi ni Pablo nga Apostol iti Dagiti Aramid 22–28, sapulem dagiti pagbatayan nga agbalinto a napateg kadagiti ubbing a sursuruam.
Isuratmo Dagiti Impresionmo
Yawis ti Panagbibinninglay
I-display dagiti ladawan ti selda iti pagbaludan, ti bilog, ken ti uleg. Awisem dagiti ubbing a mangibinglay iti ania man nga estoria nga ammoda maipapan ken ni Pablo a nasken nga adda pakainaiganna kadagitoy a ladawan.
Isuro ti Doktrina
Dagiti In-inaudi nga Ubbing
Ipatpategnak ti Nailangitan nga Ama ken ni Jesus ket tulongandak kabayatan dagiti narigat a panawen.
Makatulong kadagiti ubbing ti panagsursuro maipapan no kasano a tinulongan ti Mangisalakan ni Pablo tapno maammuan a ti Nailangitan nga Ama ken ni Jesus ket maseknan kadakuada.
Dagiti Mabalin nga Aktibidad
-
Ibinglay ti estoria iti Dagiti Aramid 23:10–11 a ti Mangisalakan ket sangsarungkarananna ni Pablo iti pagbaludan. Ibinglay ti maysa a panawen a naaddaanka iti pannubok ket immawat iti pannarabay ken liwliwa manipud iti Dios. Kiddawen dagiti ubbing a mangibinglay kadagiti panawen idi naliwliwaka ti Dios.
-
Tulongam dagiti ubbing a mangikabesa ti kinuna ni Jesus ken ni Pablo a: “Agtalgedka.” Kiddawen kadagiti ubbing a mangpanunot iti maysa a tao a mabalinda nga awisen nga agtalged—nalabit maysa a tao a naliday wenno mariribukan.
Maibinglayko ti pammaneknekko kadagiti dadduma.
Ti panangrebyu iti pammaneknek ni Pablo iti sanguannan ni Ari Agrippa ket makatulong kadagiti ubbing nga agsursuro no kasano nga ibinglay no ania ti ammoda a pudno.
Dagiti Mabalin nga Aktibidad
-
Mangitugot iti korona iti klase ken ipasuot daytoy iti maysa nga ubing ket agpammarang nga isu ni Ari Agrippa. Awisem ti sabali pay nga ubing a tumakder iti sango ti ari a mangibagi ken ni Pablo kabayatan iti pananggupgopmo ti pammaneknek ni Pablo ken ti reaksion ni Ari Agripa, a masarakan iti Dagiti Aramid 26:1–29 (kitaen iti “Kapitulo 63: Leppasen ni Pablo ti Misionna,”Dagiti Estoria iti Baro a Tulaga,162–66, or the corresponding video onLDS.org). Ilawlawag a mabalintayo nga ibinglay dagiti pammaneknektayo kadagiti dadduma, kas iti inaramid ni Pablo.
-
Kiddawen kadagiti ubbing nga agdenggeg kabayatan ti panagkantam wenno panangbasam iti maysa a kanta maipapan iti pammaneknek. (Hymns, “Ammok Nabiag ti Amak” (Dagiti Himno ken Kanta dagiti Ubbing, ). Awisem dagiti ubbing a mangingato kadagiti im-imada no mangngeganda ti maysa a banag a mabalinda a paneknekan. Mabalin a kayatmo nga kansionen ti kanta iti sumagmamano a daras; awisem dagiti ubbing a makipagkanta kenka no ammodan dagiti balikas. Kiddawem kadakuada a mangibinglay iti sumagmamano a banag maipapan iti ebanghelio nga ammoda a pudno.
-
Usarem ti panid ti aktibidad daytoy a lawas a mangtulong kadagiti ubbing nga agpanunot maipapan iti maysa a banag a mabalin nga isaoda no mangiburayda iti pammaneknekda. Awisem ida a mangibinglay iti pammaneknekda iti maysa a tao iti pamiliada.
Ballaagandak dagiti propeta iti pagpeggadan.
Ibilang no kasano a ti pakaammo a pannakadadael ti barko ni Pablo a makaisuro kadagiti ubbing a dagiti propeta ket makitada ti peggad a saantayo a makita.
Dagiti Mabalin nga Aktibidad
-
Awisem dagiti ubbing nga agpammarang nga addada iti barko a daddadaelen ti bagyo. Basaem ti pammallag ni Pablo kadagiti tao, a masarakan iti Dagiti Aramid 27:9–10, ken ibinglaymo ti estoria maipapan iti a napasamak gapu ta saanda a dimngeg iti pammallaag (kitaen iti bersikulo 11, 39–44). Ipakita ti ladawan ti Presidente ti Simbaan. Ania dagiti kita ti pammallaag nga itedna kadatayo?
-
Mangikabil kadagiti sumagmamano a ladawan wenno banag iti lawlaw ti siled a mangibagi kadagiti banag nga insuro dagiti propeta nga aramidentayo a kas iti pannakimisa wenno agpabuniag. Kas maysa a klase, manglawlaw iti siled, agsardeng iti tunggal ladawan wenno maysa a banag a pagsasaritaan maipapan no kasano a ti panangsurot kadagiti sursuro ti propeta ket makatulong ngaagtalinaedtayo a natalged.
Ti panangsurot kadagiti pannursuro ti propeta ket makatulong ngaagtalinaedtayo a natalged.
Isuro ti Doktrina
Dagiti In-inauna nga Ubbing
Dagiti Aramid 23:10–11; 27:18–26; 28: 1–6
No maipasangoak iti rigat, saanak a tallikudan ti Dios.
Iti iunos dagiti pannubok a napadasan ni Pablo, adda ti Apo kenkuana. Kasano a matulongam dagiti ubbing a mangyarig kadagiti padas ni Pablo iti biagda?
Dagiti Mabalin nga Aktibidad
-
Babaen ti panangusar iti Dagiti Aramid 23:10, ilawlawag a naibalud ni Pablo gapu ta insurona kadagiti tao ti maipapan ken ni Jesus. Kalpasanna basaem ti Dagiti Aramid 23:11 kadagiti ubbing. Apay nga “agtalged” ni Pablo uray pay adda iti pagbaludan?
-
Isurat iti pisarra ti Dagiti Aramid 23:10–11; Dagiti Aramid 27:18–26; ken Dagiti Aramid 28:1–6. Ipakita dagiti ladawan iti pagbaludan, ti barko, ken ti uleg, ket awisem dagiti ubbing a mangrebyu kadagitoy a bersikulo ken iparis dagitoy kadagiti ladawan. Iti tunggal maysa kadagitoy a pakaammuan, kasano nga impakita ti Apo ken ni Pablo a kaduana isuna idi?
-
Awisem ti maysa a tao manipud iti ward a mangibinglay iti padas idi kinadua ti Apo isuna kabayatan iti narigat a panawen. Nalabit a sika wennno dagiti ubbing ket mabalin met a mangibinglay kadagiti kapadasan.
Situtured a makaibinglayak iti pammaneknekko ken ni Jesucristo.
Ti kinatured ni Pablo iti panangibinglay iti pammaneknekna ket makatulong kadagiti ubbing a situtured iti panangibinglay kadagiti pammaneknekda.
Dagiti Mabalin nga Aktibidad
-
Awisem dagiti ubbing a basaenda ti Dagiti Aramid 26:1–29 ket mangbirok iti sumagmamano akinapudno ti ebanghelio nga insuro ni Pablo ken ni Ari Agrippa. Apay a mabalin aa nakabutbuteng ken ni Pablo a mangibinglay kadagitoy a banag iti sango ti ari? Awisem dagiti ubbing a mangilista kadagiti sumagmamano a pagbatayan ti ebanghelio nga ammoda a pudno. Kiddawem kadakuada a mangpanunot iti maysa a tao nga ammoda nga agkasapulan a dumngeg iti pammaneknekda kadagitoy a kinapudno.
-
Awisem dagiti ubbing nga usarenda daytoy a panid ti aktibidad iti daytoy a lawas nga isurat ti maysa a banag a mabalinda nga isao iti pammaneknekda.
Ballaagandak dagiti propeta iti pagpeggadan.
Mabalin a dumngeg dagiti ubbing kadagiti mensahe ti kabaruanan a propeta ken mangilasin kadagiti ballaag. Kasano a matulongam dagiti ubbing a makasursuro no kasano nga ipangag dagita a ballaag?
Dagiti Mabalin nga Aktibidad
-
Mangguped ti maysa a papel nga agsukog a kas ti bapor ket pagbalinen a pedaso ti puzzle. Awisem dagiti ubbing nga agsurat kadagiti ballaag ni Pablo iti Dagiti Aramid 27:9–11 kadagiti pedaso ket buklenda ti puzzle. Apay a saan dimngeg dagiti tao ken ni Pablo? (Kitaen iti bersikulo 11). Awisem dagiti ubbing a basaenda dagiti bersikulo 18–20 ken 40–44 tapno maammuan no ania ti napasamak kas resultana. (Ilawlawag a gapu ta sinurot dagiti tao idi agangay a pammagbaga ni Pablo nga agtalinaed iti barko, awan ti natay iti pannakadadael ti barko; kitaen ti dagiti bersikulo 30–32.) Ania ti masursurotayo manipud iti daytoy a kapadasan a maipanggep iti panangsurot ti propeta?
-
Mangitugot iti kallabes a mensahe iti komperensia tiPresidente ti Simbaan ken ibinglay kadagiti ubbing uray ania a ballaag wenno pammagbaga nga intedna. Awisem dagiti ubbing a mangpanunot kadagiti wagas a pakasurotanda iti propeta.
-
Kasano a maipada dagiti propeta iti tao nga addaan kadagiti largabista?
-
Isurat ti sumagmamano nga aktibidad a mabalin nga aramiden dagiti ubbing a mangtulong kadakuada nga agsursuro maipapan iti akem ti maysa a propeta—kas pagarigan, “Basaen ti Doktrina ken Katulagan 21:4–7.” Ibitin ti listaan dagiti aktibidad iti ruar ti siled ti klase, ken awisem iti maysa nga ubing nga agtakder iti ridaw ket basaenna ti maysa nga aktibidad kadagiti dadduma nga ubbing, palugodan ida a mangileppas iti aktibidad sakbay ti panagbasa iti sabali pay. Ilawlawag a kas iti panangted ti maysa nga ubing iti direksion kadagiti dadduma, isuro ti propeta ket kadatayo ti kayat ti Dios nga aramidentayo. Kiddawen dagiti ubbinga mangibinglay no ania ti naammuanda maipapan iti daytoy nga estoria.
Yallukoy ti Panagsursuro iti Pagtaengan
Kiddawen kadagiti ubbing nga usarenda no ania ti nasursuroda maipapan ken ni Pablo a mangyallukoy iti pamiliada nga adalenda ti kallabes a mensahe ti propeta ken paglilinnawagan no kasano a masurotdati balakadna.
Panangpadur-as iti Panangisurotayo
Iraman dagiti pangrikna. “Masursuruan iti kasayaatan iti kaaduan kadagiti ubbing (ken nataengan) no mairaman dagiti adu a panagrikna. Mangsapul kadagiti wagas tapno matulongan dagiti ubbing a mangusar kadagiti panagriknada iti panagkita, panagdengngeg, ken panagsagid kabayatan ti panagadalda. Iti sumagmamano a situasion, mabalinmo ti mangsapul kadagiti wagas a mairaman dagiti panagrikna iti panagangot ken panagraman!” Panangisuro iti Wagas ti Mangisalakan, 25).