Hulio 22–28

Dagiti Aramid 16–21

“Inawagannakami ti Apo a Mangikasaba ti Ebanghelio”

Kalpasan ti panangbasam iti Dagiti Aramid 16–21, ibilang no kasano a dagiti parikna ti Espiritu ken dagiti kapanunotan iti daytoy a balabala ket matulongannaka iti panagsaganam iti adalen. Konsultaem ti “Panangipaay iti Kasapulan dagiti Ub-ubing” iti daytoy a pagbasaan para iti nayon a tulong.

Isuratmo Dagiti Impresionmo

Yawis ti Panagbibinninglay

Awisem dagiti ubbing a mangibaga kenka no kasano a maipada ni Pablo kadagiti misionario iti agdama. Saludsodem, “Napadasam kadin ti nangibinglay iti ebanghelio iti maysa a tao?”

Isuro ti Doktrina

Dagiti In-inaudi nga Ubbing

Dagiti Aramid 16:25–34

Mangisuro dagiti misionario maipapan ken ni Jesus.

Ammo kadi dagiti ubbing a sursuruam no ania ti aramid dagiti misionario? Kasano a matulongam dagiti ubbing a makaawat a mabalinda nga mangibinglay ti ebanghelio kadagiti dadduma?

Dagiti Mabalin nga Aktibidad

• Tulongam dagiti ubbing a mangyakem iti Dagiti Aramid 16:25–34 kabayatan a ti pananggupgopmo iti pakaammuan da Pablo ken Silas a mangibingbinglay ti ebanghelio iti pagbaludan (kitaen met iti “Kapitulo 61: Da Pablo ken Silas iti Pagbaludan,” Dagiti Estoria iti Baro a Tulag, 158–60, wenno ti maitutopa video iti LDS.org). Ilawlawag a dagiti misionario ita nga agdama ket mangisursuro met kadagiti tao maipapan ken ni Jesus ket tulonganda ida nga agsagana nga agpabuniag.

• Mangaramid kadagiti name tag ti misionario para kadagiti ubbing nga ikawesda, ken tulongam ida a mangisurat kadagiti naganda kadagiti tag. Isurom kadagiti ubbing dagiti simple a palawag ti doktrina a mabalinda nga ibinglay kadagiti sabali, kas iti “Ti Dios ti managayat a Nailangitan nga Amatayo,”“Makisasao ti Dios babaen ti sibibiag a propeta,” wenno “Ni Jesucisto ti Mangisalakantayo.”

• Awisem dagiti ubbing a mangibinglay kadagiti detalye maipapan iti maysa a tao nga ammoda nga adda iti mision. Mabalinda a mangidrowing iti ladawan wenno agsurat iti note a maipatulod iti maysa a misionario.

Dagiti Aramid 17:10–12

Paneknekan dagiti nasantuan a kasuratan ti Nailangitan nga Ama ken ni Jesucristo.

Nupay sumagmamano kadagiti ubbing a sursuruam ti saan pay a makabasal, mabalinmo a tulongan ida a mangpadur-as iti ayat para kadagiti nasantuan a kasuratan ket kitaem no kasanoda nga agpaneknek maipapan iti Mangisalakan.

Dagiti Mabalin nga Aktibidad

• Mangipan kadagiti sumagmamano a kopia dagiti nasantuan a kasuratan iti lawlaw ti siled, ket pabirokmo kadagiti ubbing dagitoy. Tulongam ti maysa kadagiti ubbing a mangbasa iti ragup dagiti balikas a “Inaldaw a sinuksukimatda dagiti nasantuan a kasuratan” (Dagiti Aramid 17:11). Awisem dagiti ubbing a mangitudo iti tunggal aldaw ti lawas kabayatan ti panangulitda daytoy a ragup dagiti balikas kenka.

• Tapno maisurom dagiti ubbing a paneknekan dagiti nasantuan a kasuratan ti Nailangitan nga Ama ken ni Jesucristo, tulongam ida a maiturong iti maysa a kapitulo kadagiti nasantuan a kasuratan, a kas iti Dagiti Aramid 17 wenno 18, ket mangsapul kadagiti pagarigan dagiti balikas a Dios wenno Apo. Mabalin a kayatmo a markaam dagitoy a balikas tapno nalaklaka a masarakan dagiti ubbing dagitoy. Tunggal kanito a makasarakda iti maysa kadagitoy a balikas, awisem ida a mangibinglay iti maysa a banag nga ammoda maipanggep ti Nailangitan nga Ama ken ni Jesucristo.

Dagiti Aramid 17:22–31

Siak ti anak ti Dios.

Iti Turod ti Mars, insuro ni Pablo dagiti kangrunaan a kinapudno maipanggep iti kinatao ti Dios, mairaman dagiti kinapudno nga annaknatayo ken Isu ket “saan nga adayo iti tunggal maysa kadatayo” (Dagiti Aramid 17:27). Kasano a matulongam dagiti ubbing a mariknada nga asidegda iti Nailangitan nga Amada?

Dagiti Mabalin nga Aktibidad

• Awisem dagiti ubbing nga ulitenda ti ragup dagiti balikas a “Kaputotannatayo ti Dios” (Dagiti Aramid 17:29), ket ilawlawagmo ti kaipapanan ti putot ket ubing. Iburaymo ti pammaneknekmo iti tunggal ubing, saggaysa, nga isu ket anak ti Dios. Saludsodem kadakuada no ania ti mariknada no mangngeganda nga isuda ket annak ti Dios. Awisem ida a mangiburay no ania ti mariknada maipapan iti Nailangitan nga Amada.

• Mangipakita kadagiti ladawan dagiti ubbing a kaduada dagiti pamiliada (no mabalin, agusar kadagiti ladawan dagiti ubbing iti klasem). Ilawlawag nga annakdatayo dagiti inna ken ammatayo, ket datayo amin ket espiritu nga annak ti Nailangitan a Nagannaktayo.

• Agkansion ti kanta maipapan iti Nailangitan nga Ama. Babaen ti tulong dagiti ubbing, mangisurat kadagiti balikas wenno mangidrowing kadagiti ladawan iti pisarra a mangibagi kadagiti banag a masursurotayo maipapan iti Nailangitan nga Ama manipud iti kanta.

• Ibasam kadagiti ubbing dagitoy a balikas manipud iti Dagiti Aramid 17:27: “Saan nga adayo iti tunggal maysa kadatayo.” Pagsaritaan maipapan kadagiti panawen idi a nariknam nga asidegka iti Nailangitan nga Ama, ket awisem dagiti ubbing nga aramidenda met daytoy.

Tunggal tao ket anak ti Dios.

Isuro ti Doktrina

Dagiti In-inauna nga Ubbing

Dagiti Aramid 16:14–15, 25–34; 18:7–8, 24–28

Kabaelak ti Makapagbalinak a misionario ita.

Kasano a matulongam dagiti ubbing nga agbalin a kas ken ni Pablo ken mangiburay kadagiti dadduma no ania ti masursuroda maipapan iti ebanghelio?

Dagiti Mabalin nga Aktibidad

• Awisem dagiti ubbing a mangbasa iti Dagiti Aramid 16:14–15, 25–34; 18:7–8, 24–28 ket agaramidda iti listaan dagiti tao a nangibinglayan da Pablo ken Apolo iti ebanghelio. Kalpasanna awisem ida a mangaramid iti listaan dagiti tao a pakaibinglayanda iti ebanghelio. Payakem kadagiti ubbing no kasano ti panagibagada kadagitoy a tao maipapan ken Jesucristo wenno panagawis kadakuada iti simbaan. Mabalin pay nga awisem dagiti ubbing nga agsurat kadagiti notes a mangiburay ti pammaneknekda iti kinapudno ti ebanghelio iti dagitoy a tao.

• Awisem dagiti agdama a full-time a misionario, nagsublin a misionario, wenno dagiti misionario iti ward a mangbisita iti klase ket mangisarita maipapan kadagiti padasda iti panangibinglay ti ebanghelio. Allukoyem dagiti ubbing nga agdamag kadagiti saludsod maipapan no kasano a mabalinda nga ibinglay ti ebanghelio kadagiti dadduma.

Dagiti Aramid 17:2–4, 10–12; 18:28

Paneknekan dagiti nasantuan a kasuratan ni Jesucristo.

Paneknekan amin dagiti propeta ni Jesucristo. Kasano a maisurom dagiti ubbing a mangsapul Kenkuana kadagiti nasantuan a kasuratan, uray no saan a nadakamat ti naganna?

Dagiti Mabalin nga Aktibidad

• Pagbasaem dagiti ubbing ti Dagiti Aramid 17:2–4, 10–12; 18:28, ket awisem ida a mangsapul ti nagpapadaan kadagitoy a binatog. Segun kadagitoy a bersikulo, ania ti nakatulong kadagiti tao a mamati iti ebanghelio ni Jesucristo?

• Awisem dagiti ubbing a mangibinglay kadagiti paggugustoda nga estoria maipapan ken Jesus a nasursuroda manipud kadagiti nasantuan a kasuratan daytoy a tawen. Iti bassit a papel, mangisurat kadagiti reperensia iti nasantuan a kasuratan a mangisuro maipapan iti Mangisalakan, ken ilemmeng dagitoy iti lawlaw ti siled. Kalpasanna awisem dagiti ubbing a mangsapul kadagitoy. Tulongam dagiti ubbing a mangkita kadagiti reperensia a nasapulanda, ket kiddawem kadakuada a mangibinglay iti tunggal maysa no ania ti isuro ti tunggal nasantuan a kasuratan maipapan ken Jesus.

• Kiddawen kadagiti ubbing a mangtulong kenka nga agaramid iti simple a tsart a mabalinda a markaan no nabasada wenno naammuanda maipapan ken ni Jesucristo manipud kadagiti nasantuan a kasuratan. I-display daytoy iti tunggal lawas iti unos ti tawen, ket tulongam dagiti ubbing a mangsapul iti lugar iti nasantuan a kasuratan a mangisuro maipapan ken Jesus.

Dagiti Aramid 17:22–31

Siak ti anak ti Dios.

Kasano a matulongam dagiti ubbing a manglaglagip nga annak ida ti Dios?

Dagiti Mabalin nga Aktibidad

• Ipakita kadagiti ubbing ti maysa a bato, ket ilawlawag nga iti aldaw ni Pablo, agdaydayaw idi dagiti tattao iti dios nga inaramidda manipud iti bato ken dadduma pay a material. Awisem dagiti ubbing a basaen ti Dagiti Aramid 17:27–29 Ania ti masursurotayo maipapan iti Dios manipud kadagitoy a bersikulo? Ilawlawag a ti kaputotan kaipapananna dagiti annak. Kiddawen kadagiti ubbing no ania ti mangiparikna kadakuada mangammo nga isuda dagiti annak ti Dios.

• Kiddawen kadagiti ubbing nga basaen ti Dagiti Aramid 17:27. Awisem dagiti ubbing a mangidrowing kadagiti wagas a mabalinda a “marikna” wenno mangsapul ti Dios. Kaano a nariknada nga Isu ket “saan nga adayo [kadakuada]”?

Yallukoy ti Panagsursuro iti Pagtaengan

Allukoyem dagiti ubbing a mangsapul iti nasantuan a kasuratan iti daytoy a lawas a mangisuro maipapan ken ni Jesucristo (mabalin a mapasamak daytoy kabayatan ti bukodmo a panagadal wenno sangapamiliaan a panagadal iti nasantuan a kasuratan). Iti umay a lawas, awisen ida a mangibinglay no ania ti nasarakanda.

Panangpadur-as iti Panangisurotayo

Tulongam dagiti ubbing nga agbalin a nalalaing nga agad-adal. Ti panggep iti panangisurom kadagiti ubbing ket saan laeng a mangibinglay iti kinapudno kadakuada. Nasken a tulongam ida nga agbalin nga agpannuray iti bukodda a kabaelan nga agsapsapul iti kinapudno. Kas pagarigan, imbes a simple a panangibagam kadagiti ubbing ti estoria ni Pablo a mangikasaba iti Turod ti Mars, mabalinmo a planuen dagiti aktibidad, kas dagidiay naisingasing iti daytoy a balabala, a makatulong kadakuada a mangtakuat kadagiti kinapudno iti estoria para iti bagbagida.