“Hulio 1–7. Dagiti Aramid 1–5: ‘Dakayto ti Saksik’” Umaykayo, Sumurot Kaniak—Para iti Primary: Baro a Tulag 2019 (2019)
“Hulio 1–7. Dagiti Aramid 1–5,” Umaykayo, Sumurot Kaniak—Para iti Primary: 2019
Aldaw ti Pentecostes, ni Sidney King
Hulio 1–7
Dagiti Aramid 1–5
“Dakayto ti Saksik”
Irugim ti panagsaganam babaen ti panangbasa iti Dagiti Aramid 1–5. Sikakararag nga ikarigatam a maawatam dagiti kasapulan dagiti ubbing.. Umaykayo, Sumurot Kaniak—Para kadagiti Indibidual ken Pamilia ken makatulong pay kenka daytoy a balabala.
Isuratmo Dagiti Impresionmo
Yawis ti Panagbibinninglay
Isurat ti Asinoak? iti pisarra. Mangipaay iti sumagmamano a palawag maipapan ken ni Pedro ket saludsodem kadagiti ubbing no siasino ti pakaiturongan dagiti palawag. Ania pay ti ammoda maipapan ken ni Pedro?
Isuro ti Doktrina
Dagiti In-inaudi nga Ubbing
Idauluan ni Jesucristo ti Simbaanna babaen kadagiti propeta ken apostol.
Ti panagsursuro maipapan no kasano nga indauluan ti Mangisalakan ti nagkauna a Simbaanna babaen kadagiti apostol ket makatulong kadagiti ubbing a makagun-od kadagiti pammaneknek dagiti propeta ken apostol iti aldawtayo.
Dagiti Mabalin nga Aktibidad
-
Ipakita ti sibubukel ti panidna a ladawan manipud iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia. Saludsudem kadagiti ubbing no apay a kumitkita iti tangatang dagiti lallaki. Gupgopem iti pakaammo manipud iti Dagiti Aramid 1:1–11. Kitaen met iti “Kapitulo 55: Idauluan dagiti Apostol ti Simbaan,” Dagiti Estoria iti Baro a Tulag,13–15, wenno ti maitutop a video (LDS.org
-
Bayat ti panangkita ti klase iti ladawan manipud iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia, awisem iti maysa nga ubing nga itag-ayna iti maysa a ladawan dagiti agdama nga Apostol. Siasino ti mangidaulo iti Simbaan no awan ni Cristo iti daga? Kasano ti panangidauloda iti Simbaan?
-
Agay-ayam ti matching game nga usaren ti dua nga asmang ti ladawan ti sibibiag nga Umuna a Panguluen ken ti Sangapulo-ket-dua nga Apostol. No maaramid ti panagparis, ibinglay ti nagan ti Apostol wenno Presidente ken ti maysa a banag maipapan kenkuana.
-
Iti likud ti maysa a ladawan ni Jesus, ipigket ti babassit a ladawan dagiti banag a mabalin nga isuro ti propeta, kas iti panagbuniag wenno maysa a templo. Pagsisinublatem ti tunggal maysa kadagiti ubbing a mangkita ti maysa kadagiti ladawan ken panangibagana kadagiti dadduma iti klase ti, “Isuro kadatayo ti propeta maipapan iti [topiko iti ladawan].”
Mabalin a bendisionan ti Nailangitan nga Ama dagiti dadduma babaen kaniak.
Ania ti maarmidmo tapno matulongam dagiti ubbing a mangbigbig kadagiti wagas a mabalin a mangparabur kadagiti adda iti aglawlawda? Tulongam ida a makasursuro manipud kadagiti pagwadan da Pedro ken Juan a mangag-agas iti pilay a lalaki.
Dagiti Mabalin nga Aktibidad
-
Awisem dagiti ubbing nga agaramid kadagiti tignay a maigiddan iti estoria iti Dagiti Aramid 3:1–10, kas panangidian kadagiti imada para iti kuarta ken aglagto gapu iti rag-o. Kasano ti panangbendision ti Nailangitan nga Ama iti lalaki a saan a makapagna?
-
Mangitugot iti maysa a bag a naglaon kadagiti ladawan a mangibagi iti wagas a mabalintayo ti mangbendision ken agserbi kadagiti dadduma. Pgsisinnublatem dagiti ubbing a mangpili kadagiti ladawan manipud iti bag ken mangibinglayda no kasano a mabendisionanda dagiti dadduma iti dayta a wagas.
-
Kiddawem kadagiti ubbing a mangibinglay iti maysa a panawen idi tinulonganda iti maysa a tao.
Makapagtulnogak.
Nakaugalian dagiti nagkauna a Kristiano ti kita ti linteg ti panagkonsagrar a tumulong a mangaywan kadagiti nakurapay. Inlako dagiti akinkukua ti dagada ken inyawatda ti kuarta kadagiti Apostol a naibunong kadagiti Santo a maibatay kadagiti kasapulanda. Nagulbod da Ananias ken Safira maipapan iti tulong a naitedda, a pampanunotenda a mabalinda nga allilawen dagiti katulongan ti Apo.
Dagiti Mabalin nga Aktibidad
-
Tulongam dagiti ubbing a mangyakem ti estoria da Ananias ken Safira. Ilawlawag a nupay saantayo a matay no agulbodtayo, ipakita daytoy nga estoria no kasano ti kinapateg ti panagbalin a napudno iti Nailangitan nga Ama.
-
Aggigiddan nga agkansion iti kanta maipapan iti kinapudno, a kas ti “I Believe in Being Honest”Children’s Songbook, 149). Tulongam dagiti ubbing a makaawat a ti maysa a paset ti panagbalin a napudno ket kaipapananna ti kanayon a panangibaga iti kinapudno ken saan a panangala kadagiti banag a kukua ti maysa a tao.
-
Agusar kadagiti papel a bag a sinan-puppet a mangyakem kadagiti simple a kasasaad a pakapagbalinan a napudno wenno naulbod ti maysa a tao. Kiddawen kadagiti ubbing a tumakder no ti tao ket panagbalin a napudno wenno agtugaw iti suelo no ti tao ket panagbalin a naulbod.
Isuro ti Doktrina
Dagiti In-inauna nga Ubbing
Idauluan ni Jesucristo ti Simbaanna babaen kadagiti propeta ken apostol.
Maawatan dagiti ubbing a sursuruam a ti Simbaan ti Mangisalakan ita ket idauluan dagiti propeta ken apostol, kas kadagidi nagkauna a panawen.
Dagiti Mabalin nga Aktibidad
-
Isurat iti pisarra ti Kasano nga idauluan ni Jesucristo ti Simbaan no awan Isuna iti daga? Awisem dagiti ubbing a sapulenda dagiti sungbat iti saludsod bayat ti panangbasam kadagiti balikas ti Mangisalakan kadagiti Apostol iti Dagiti Aramid 1:8.
-
Aggigiddan aa basaenyo ti Dagiti Aramid 1:22–26. Kas maysa a klase, ilasin no kasano nga awagan dagiti Apostol ti baro nga Apostol.
-
Nasaksakbay, kiddawem iti maysa nga ubbing ken dagiti nagannak a mangbasa maipapan ti kaaw-awag nga Apostol (nalabit iti LDS.org). Awisem ti ubing a mangibinglay no ania ti nasursurona iti klase ken, no mabalin, no ania ti kinuna ti Apostol maipapan ti awagna iti umuna a mensahena iti sapasap a komperensia.
Idauluan dagiti Apostol ti Simbaan kalpasan ti yuuli ni Cristo iti langit.
Bendisionan ti Nailangitan nga Ama dagiti dadduma babaen kaniak, uray pay a saanak a nabaknang.
Kasano a suruam dagiti ubbing a mabalinda a mangbendision kadagiti dadduma, uray pay awannanda ti “pirak ken balitok”? (Dagiti Aramid 3:6). Kasano a matulongam ida a mangkita kadagiti gundaway a makapagserbi iti Dios babaen ti panagserbi kadagiti dadduma?
Dagiti Mabalin nga Aktibidad
-
Kiddawem ti maysa nga ubing a basaen ti Dagiti Aramid 3:1–10 bayat ti panangyakem dagiti dadduma nga ubbing ti estoria. (Para iti tulong, kitaen met iti “Chapter 56: Agasan ni Pedro ti Lalaki,” Dagiti Estoria iti Baro a Tulag, 148–49. .) Iti ania a wagas a ti bendision a naawat daytoy a tao ket nain-indaklan ngem iti kuarta a kiniddawna?
-
Ipasa ti maysa a bag a naglaon kadagiti sensilio. Bayat ti panangiggem dagiti ubbing iti bag, saludsodem kadakuada no ania ti magatangda iti kuarta. Kalpasanna alaem ti bag a naglaon kadagiti sensilio ket kiddawen kadagiti ubbing no ania dagiti bendision a saanda mabalin a magatang. Awisem ida a mangibinglay no kasano a makapagserbida iti tao nga awan ti maus-usar a kuarta (Dagiti Aramid 3:6).
Agpaneknek ti Espiritu Santo iti pusok kadagiti kinapudno ti ebanghelio.
No masursuro dagiti ubbing a mangbigbig no kasano a makisao ti Espiritu Santo kadakuada, maparegtada a dumngeg ken agtignay iti pammaregta nga awatenda.
Dagiti Mabalin nga Aktibidad
-
Aggigiddan a basaen ti Dagiti Aramid 2:36–37. Ania ti marikna no ibaga ti Espiritu Santo kadatayo ti maysa a banag iti puspusotayo?
-
Kas maysa a klase, mangaramid iti poster kadagiti balikas a Anianto ti aramidentayo? iti ngato. I-display ti poster iti tunggal lawas, ken mangnayon kadagiti wagas a mabalin a pagtignayan dagiti ubbing iti no ania ti masursuroda iti adalen iti tunggal lawas.
-
Awisem dagiti ubbing nga agbirok kadagiti nasayaat a banag nga inaramid dagiti tao kalpasan a nabuniaganda iti Dagiti Aramid 2:41–47. Ania dagiti nasayaat a banag a mabalintayo nga aramiden tapno ipakita nga agyamyamantayo iti sagut ti Espiritu Santo a naawattayo idi nabuniagantayo?
Yallukoy ti Panagsursuro iti Pagtaengan
Allukoyem dagiti ubbing nga agplano iti maysa a wagas a makapagserbida iti Nailangitan nga Ama babaen ti panangtulong iti maysa a miembro ti pamiliada itoy a lawas.
Panangpadur-as iti Panangisurotayo
Mangyulo iti maysa a nasantuan a kasuratan. Pumili iti maysa a binatog iti nasantuan a kasuratan a panagkunam ket makatulong kadagiti ubbing iti klasem, a kas iti Dagiti Aramid 2:38 wenno Dagiti Aramid 3:19, ken tulongam ida a mangikabesa iti ragup dagiti balikas manipud kadagiti nasantuan a kasuratan. Dagiti pantulong a ladawan, garaw ti ima, wenno tigtignay ket mabalin a makatulong kadagiti ubbing iti panagkumitda a mangikabesa kadagiti nasantuan a kasuratan.