Ni Cornelio a makisarsarita ken ni Pedro

Hulio 15–21

Dagiti Aramid 10–15

“Ti Sao ti Apo Nagtuloy a Rimmang-ay”

Irugi ti panagsagana a mangisuro babaen ti panangbasam iti Dagiti Aramid 10–15. Umaykayo, Sumurot Kaniak—Para kadagiti Indibidual ken Pamilia ket makatulong kenka tapno maawatam dagitoy a kapitulo, ken daytoy a balabala ti makaited kenka kadagiti kapanunotan iti panangisuro.

Isuratmo Dagiti Impresionmo

icon iti panagbibinninglay

Yawis ti Panagbibinninglay

Tapno matulongan dagiti ubbing a mangibinglay no ania ti masursuro ken mapadpadasanda, mabalin a kiddawem kadakuada a mangibinglay kadagiti banag nga ar-aramidenda tapno maipakita a mamatida ken ni Jesucristo.

icon iti panangisuro

Isuro ti Doktrina

Dagiti In-inaudi nga Ubbing

Dagiti Aramid 10:34–35

Ay-ayaten ti Nailangitan nga Ama ti amin nga annakna.

Ti kangrunaan a doktrina a maawatan uray dagiti ubbing isu a ti tunggal maysa ket anak ti Dios ken ay-ayatenna ti amin nga annakna.

Dagiti Mabalin nga Aktibidad

• Ipakita ti ladawan Ni Cristo ken dagiti Ubbing Manipud iti intero a Lubong (Libro ti Arte ti Ebanghelio blg. 116) bayat ti panangbasam iti Dagiti Aramid 10:34–35 Ilawlawag nga iti panawen ni Pedro mamati ti sumagmamano a tao a ti Dios ket ay-ayatenna ti sumagmamano a grupo dagiti tao, ngem naammuan ni Pedro nga ay-ayaten ti Dios ti amin nga annakna, ket kayatna nga amin kadakuada ket agsursuro iti ebanghelio.

• Awisen dagiti ubbing nga agdrowing iti bukodda a ladawan. Ibinglaymo ti pamaneknekmo a ti Nailangitan nga Ama ket ay-ayatenna iti tunggal maysa kadakuada ken ti amin nga annakna, ania man ti langada wenno sadino ti naggapuanda.

• Agkanta maipapan iti panagayat iti dadduma a kadua dagiti ubbing—kas pagarigan, “I’ll Walk with You” (Children’s Songbook, 140–41). Awisen ida a mangibinglay kadagiti wagas a a pakaipakitaandanga ay-ayatenda ti tunggal maysa—uray kadagitay naidumada kadakuada—kas iti inaramid ni Jesus.

• Kiddawen iti nasapsapa dagiti nagannak ti tunggal ubing a mangibinglay iti sumagmamano a madaydayaw a kababalin ti anakda. Ibinglay dagiti sungbatda iti klase, ken paneknekan nga ay-ayaten ti Nailangitan nga Ama ti tunggal maysa kadagiti ubbing.

• Itudo a saggaysa dagiti ubbing ket isaoda ti, “Ay-ayaten ti Nailangitan nga Ama ni [nagan].” Pagsisinnublatem dagiti ubbing a a mangitudo iti tunggal maysa ken isaoda daytoy a ragup ti balikas [phrase].

Dagiti Aramid 11:26

Maysaak a Kristiano gapu ta mamatiak ken surotek ni Jesucristo.

Mabalin nga ammo dagiti ubbing a sursuruam a masansan a maawagan iti Mormon dagiti miembro ti Simbaan gapu ta mamatitayo iti Libro ni Mormon, ngem ammoda kadi a Kristianotayo pay gapu ta mamatitayo ken ni Jesucristo?

Dagiti Mabalin nga Aktibidad

• Ibasam ti Dagiti Aramid 11:26 kadagiti ubbing. Ilawlawag a ti maysa a tao a mamati ken sumurot ken ni Jesucristo ket maawagan iti Kristiano, isu a Kristianotayo.

• Kantaen ti “The Church of Jesus Christ” (Children’s Songbook, 77) a kadua dagiti ubbing. Kasano ti nasken nga panagtignaytayo iti Simbaan, iti eskuelaan, ken iti pagtaengan gapu ta pasurotnatayo ni Jesucristo ken kamengtayo ti Simbaanna?

• Pakoloran kadagiti ubbing ti tsapa iti panid ti aktibidad itoy a lawas ken isuotda daytoy ti pagtaengan.

Dagiti Aramid 12:1–17

Denggen ken sungbatan ti Nailangitan nga Ama dagiti kararagko.

Tisalaysay ti anghel a mangwayawaya ken ni Pedro iti pagbaludan ket nabileg a mangisuro a Nailangitan nga Ama sungbatan ti Nailangitan nga Ama dagiti kararag.

Dagiti Mabalin nga Aktibidad

• Awisen dagiti ubbing a mangyakem iti salaysay ni Pedro a mawayawayaan iti pagbaludan iti Dagiti Aramid 12:1–17 bayat ti pananggupgopmo iti estoria. Kasano a sinungbatan ti Nailangitan nga Ama ti kararag dagiti agkarkararag para ken ni Pedro?

• Kantaen ti maysa a kanta maipapan iti kararag—kas pagarigan, “We Bow Our Heads” (Children’s Songbook, 25)—ken agparnuay kadagiti tignay a makatulong kadagti ubbing a makasursuro no kasano ti agkararag. Awisen dagiti ubbing a mangibinglay iti pagarigan dagiti banag a mabalinda a pagyamananan iti Nailangitan nga Ama ken dawatenda Kenkuana iti kararag.

• Ipakita dagiti ladawan ti tattao nga agkarkararag ( kitaen, kas pagarigan, iti Libro ti Arte ti Ebanghelio, blg. 111 ken 112) bayat ti panangibinglaymo iti maysa a padas idi sinungbatan ti Nailangitan nga Ama dagiti kararagmo.

  babai ken ubbing a babbai nga agkarkararag

  Ay-ayatennatayo ken sungbatan ti Nailangitan nga Ama dagiti kararagtayo.

icon iti panangisuro

Isuro ti Doktrina

Dagiti In-inauna nga Ubbing

Dagiti Aramid 10:34–35; 15:6–11

“Ti Dios saan a mangidumduma kadagiti tao.”

kasapulan dagiti ubbing a sursuruam nga ay-ayaten ti Nailangitan nga Ama ti amin nga annakna, ania man ti langada, sadino ti naggapuanda, wenno ania man ti dagiti pili nga aramidenda.

Dagiti Mabalin nga Aktibidad

• Saludsudem kadagiti ubbing no maibagada no ania ti kalalangati maysa a tao babaen laeng iti panangkita kadakuada wenno panangpugto no sadino ti naggapuanda. Segun iti Dagiti Aramid 10:35, kasano nga ikeddeng ti Dios no ti maysa a tao ket “makaay-ayo kenkuana”?

• Basaen ti Dagiti Aramid 10:34–35; 15:6–11 a kadua dagiti ubbing. Ilawlawag nga iti panawen ni Pedro, namati dagiti Judio a saan nga awaten ti Dios dagiti tattao a saan a Judio (dagitoy a tattao ket maawagan a Gentil). Ngem insuro ti Dios ni Pedro a ti Dios ket ay-ayatenna dagiti amin nga annakna, agpadpada a Judio ken Gentil. Aggigiddan a kantaen ti “I Am a Child of God” (Children’s Songbook, 2–3). Awisen dagiti ubbing a sukadanda iti nagandati balikas a kas iti I wenno me

• Awisen dagiti ubbing a mangibinglay ti banag a naisangsangayan maipapan ti sabali iti klase. Ilawlawag a ti sasao a “Ti Dios awan ti idaddadumana a tattao” kaipapananna nga ay-ayaten ti Nailangitan nga Ama ti amin nga annakna, ket gapu ta ay-ayatena ida, kayatna a dumngeg ti amin nga annakna iti ebanghelio.

Dagiti Aramid 11:26

Ti Kristiano ket maysa a tao a mamati ken sumurot ken ni Jesucristo.

Kasano a matulongam dagiti ubbing a makaawat a dagiti balikas ken tignayda ketmangipakita a Kristianoda?

Dagiti Mabalin nga Aktibidad

• Awisen dagiti ubbing a basaenda ti Dagiti Aramid 11:26; 3 Nephi 27:3–8; ken Ti Doktrina ken Katulagan 115:4. Isurat ti Kristiano iti pisarra ken ugedan ti parte a ti “Cristo” Kiddawen kadagiti ubbing a mangibinglay no ania iti panagkunada ti kaipapanan ti agbalin a Kristiano.

• Kiddawen kadagiti ubbing a manginagan kadagiti nadumaduma a grupo a naikamenganda, kas kadagiti pamiliada wenno klase ti Primary. Awisen ida a mangibinglay kadagiti gapu no apay nga agyamyamanda a Kristianoda ken kamengda iti Ti Simbaan ni Jesucristo dagiti Santo iti Ud-udina nga Aldaw. Kasano a maipakitatayo iti dadduma a Kristianotayo?

• Ipakita dagiti sumagmamano a banag wenno ladawan a mangibagi kadagiti kinapudno a naisangsangayan iti Ti Simbaan ni Jesucristo, kas iti maysa a ladawan ti bendision ti priesthood. Kiddawen iti maysa nga ubbing a mangpidut iti maysa kadagiti banag wenno ladawan ket iladawanna no kasano a bendision daytoy iti Simbaantayo. Ilawlawag nga idinto a kameng iti nadumaduma a simbaan dagiti Kristiano iti intero a lubong, kamengtayo iti isu met la a Simbaan a binangon ni Jesucristo iti daga.

• Ipabuya ti video a “True Christianity”LDS.org). Awisem dagiti ubbing a mangidrowing kadagiti banag a mabalinda nga aramiden tapno agbalin a pudno a Kristiano.

Dagiti Aramid 12:1–17

No agkararagtayo a sipapammati, sungbatanto ti Nailangitan nga Ama.

Utoben maipapan dagiti panawen idi sinungbatan ti Nailangitan nga Ama dagiti kararagyo. Kasano a mausarmo dagitoy a padas tapno maisuro kadagiti ubbing a ket denggen ken sungbatan ti Nailangitan nga Ama dagiti kararag iti bukodna a wagas ken panawen?.

Dagiti Mabalin nga Aktibidad

• Awisem dagiti ubbing a mangyakem iti estoria maipapan iti anghel a nagparuk-at ken ni Pedro manipud iti pagbaludan iti Dagiti Aramid 12:1–17 kabayatan ti panangisalaysaymo iti estoria iti bukodmo a balikas.

• Saludsoden kadagiti ubbing no ania iti panagkunada ti kaipapanan ti “nagkarkararag a sipapasnek” (Dagiti Aramid 12:5). Kasano a nasungbatan ti kararag dagititao? Awisen dagiti ubbing a mangibinglay kadagiti padas a nakasungbatan ti Nailangitan nga Ama iti bukod wenno sangapamiliaan a kararag. Mabalinmo pay nga ibinglay dagiti padas a nangsungbatanna iti kararagmo iti wagas a naiduma iti namnamaem wenno kayatmo. Paneknekan nga ay-ayatennatayo ti Dios, ken sungbatannanto dagiti kararagtayo iti wagas ken panawena kasayaatan para kadatayo.

icon iti panagsursuro

Yallukoy ti Panagsursuro iti Pagtaengan

Mangted kadagiti ubbing iti maysa a ladawan wenno banag ngaipakita kadagiti pagtaenganda kas maysa a palagip iti aggigiddaan a panagkararag dagiti miembro ti pamilia.

Panangpadur-as iti Panangisurotayo

Ipaneknek maipapan kadagiti naikari a nendision No awisem dagiti ubbing iti Primary a mangtungpal ti sumagmamano a prinsipio, mangibinglay kadagiti kari nga inaramid ti Dios para kadagiti agtungpal dayta a prinsipio. Kas pagarigan, mabalin a paneknekam maipapan kadagiti naikari a bendision a naawatmo bayat ti panagkalikagum a manggun-odkadagiti sungbat babaen ti kararag.

panid ti aktibidad: maysaak a Kristiano