Dugang nga mga Kapanguhaan alang sa Pagtudlo sa mga Bata

Kining tanan nga mga kapanguhaan makita diha sa LDS.org ug diha sa Gospel Library app.

Dali, Sunod Kanako—Alang sa mga Indibidwal ug mga Pamilya

Mahimo nimong ipahiangay ang bisan unsang mga kalihokan gikan niini nga kapanguhaan aron magamit sa imong klase sa Primary. Bisan kon ang mga ginikanan naggamit niini nga mga kalihokan uban sa ilang mga anak diha sa panimalay, ang pagbalik-balik mahimong usa ka mapuslanong paagi sa pagtabang sa mga bata nga makakat-on. Ang mga bata mahimong mosulti kanimo kon giunsa nila paghimo ang mga kalihokan uban sa ilang mga pamilya ug unsay ilang nakat-unan.

Tan-awa Ang Inyong Gagmay nga mga Bata: Manwal sa Nursery

Daghan sa mga hilisgutan nga gitudlo sa manwal sa nursery susama sa imong itudlo sa Primary. Ilabi na kon nagtudlo ka og mas gagmayng mga bata, ikonsiderar ang pagtan-aw diha sa manwal sa nursery alang sa dugang nga mga awit, mga istorya, mga kalihokan, ug mga pagpanghimo og art [craft].

Liahona magasin

Ang magasin nga Liahona naghatag og mga istorya ug mga kalihokan nga makadugang sa mga baruganan nga imong gitudlo gikan sa Dali, Sunod Kanako—Alang sa Primary.

Mga Himno ug mga Awit sa mga Bata ug ang Songbook sa mga Bata

Ang sagrado nga musika modapit sa Espiritu ug motudlo sa doktrina sa halandumon nga paagi. Agig dugang sa giimprinta nga mga bersyon sa Mga Himno ug mga Awit sa mga Bata ug sa Songbook sa mga Bata, makakita ka og audio nga mga rekording sa daghang mga himno ug mga awit sa mga bata diha sa music.lds.org.

Mga Istorya sa Bag-ong Tugon

Ang Mga Istorya sa Bag-ong Tugon (2005) makatabang sa mga bata nga makakat-on sa doktrina ug mga istorya nga makita diha sa Bag-ong Tugon.

Mga Hulagway sa Ebanghelyo

Ang mga artwork makatabang sa mga bata nga mahanduraw ang doktrina ug mga istorya nga makita diha sa Bag-ong Tugon. Daghang mga hulagway nga mahimo nimong gamiton sa klase makita diha sa Libro sa mga Hulagway sa Ebanghelyo ug sa medialibrary.lds.org.

Matinud-anon sa Tinuhoan

Kon nagkinahanglan ka og dugang nga tabang sa pagsabut sa sukaranang mga baruganan nga imong itudlo sa mga bata, ikonsiderar ang pagtan-aw diha sa Matinud-anon sa Tinuhoan (2004). Kini nga pakisayran naghatag og yano nga mga pagpasabut sa mga hilisgutan sa ebanghelyo, nga gilista sa alpabetikal nga pagkahan-ay.

Pagtudlo sumala sa Pamaagi sa Manluluwas

Kini nga kapanguhaan makatabang kanimo nga makat-on ug mogamit sa mga baruganan sa Kristohanon nga pagtudlo. Kini nga mga baruganan gihisgutan ug gipraktis diha sa mga miting sa teacher council.