iKuri ni iVurevure ena Nodra Vakavulici na Gone

Na ivurevure kece oqo e rawa ni kunei ena LDS.org vakakina ena Gospel Library app.

Lako Mai, Mo Muri Au—Baleta na Tamata Yadua kei na Matavuvale

E rawa ni o moica e dua na itaviqaravi mai na ivurevure oqo me vakayagataki ena nomu kalasi ni Lalai. Kevaka sara mada ga era vakayagataka na itaviqaravi oqo o ira na itubutubu vata kei na luvedra, na kena tokaruataki e rawa ni ivakarau yaga me ra vukei kina na gone me ra vuli. Era na via tukuna beka vei iko na gone na nodra a cakava na itaviqaravi kei na nodra matavuvale kei na ka era sa vulica.

Dou Raici Ira na Nomudou Lalai: iVolavakarau ni iSususu

E vuqa na ulutaga era vakavulici ena ivolavakarau ni isususu e tautauvata kei na kena o na vakavulica ena Lalai. Vakauasivi kevaka o vakavulici ira era gone sobu, vakasamataka mo raica na ivolavakarau ni isususu, me baleta eso tale na sere, italanoa, itaviqaravi, kei na cakacakaniliga.

Mekasini naFriend kei na Liaona mekasini

Na mekasini na Friend kei na Liaona e tu kina na italanoa kei na itaviqaravi e rawa ni vukea na ivakavuvuli o vakavulica tiko mai na Lako Mai, Mo Muri Au—Me Baleti Ira na Lalai.

Serenilotu kei na iVolanisere ni Lalai

Na sere ivakatagi tabu e dau sureta na Yalo ka vakavulica na ivunau ena dua na ivakarau nanumidei. Me ikuri ni iVolanisere tabaki kei na iVolanisere ni Lalai, e rawa ni o kunea na katokatoni eso ni sere kei na vidio ni vuqa na serenilotu kei na sere ni lalai ena music.lds.org se ena LDS Music App.

Na iTalanoa mai na Veiyalayalati Vou

Na iTalanoa mai na Veiyalayalati Vou (2005) e rawa ni vukei ira na gone me ra vulica na ivunau kei na italanoa era tu ena Veiyalayalati Vou. E rawa talega ni o kunea na vidio ni italanoa oqori ena medialibrary.lds.org.

Laibari ni iTukutuku

Na cakacakaniliga, vidio, kei na veika vakaitukutuku tale eso e rawa ni vukei iko kei ira na gone mo ni raitayaloyalotaka na ivunau kei na italanoa e kunei ena Veiyalayalati Vou. Sikova na medialibrary.lds.org mo raica na ivurevure vakaitukutuku sa sokumuna tu na Lotu, oka kina na vidio eso ni iVolatabu, ka matanataka na veika e yaco ena Veiyalayalati Vou.

iYaloyalo Vakosipeli

Na cakacakaniliga e rawa ni vukei ira na gone me ra raitayaloyalotaka na ivunau kei na italanoa e kunei ena Veiyalayalati Vou. E levu na iyaloyalo e rawa ni o vakayagataka ena kalasi ena kunei ena Gospel Art Book kei na medialibrary.lds.org.

Lesoni Veivuke ni Nodra Vakavulici na Gone

Ena lds.org/children/resources e rawa ni o raica kina na ituvatuva vakaulutaga ni italanoa, itaviqaravi, kei na itukutuku ena veiulutaga vakosipeli duidui eso.

Tudei ena Vakabauta

Kevaka o gadreva eso tale na ikuri ni veivuke mo kila na ivakavuvuli taumada mo vakavulica vei ira na gone, vakasamataka mo raica na Tudei ena Vakabauta (2004). Na idusidusi oqo e tu kina na ivakamacala rawarawa ni ulutaga vakosipeli, ka tuvai vakamatanivola.

Veivakavulici ena iVakarau ni iVakabula

Na ivurevure oqo e rawa ni vukei iko mo vulica ka vakayagataka na ivakavuvuli ni veivakavulici Vakarisito. Na ivakavuvuli eso oqo e dau veivosakitaki ka vakatovotovotaki ena soqoni ni matabose ni qasenivuli.