Xkomon chik li k’anjeleb’aal re xtzolb’aleb’ li kok’al

Chixjunileb’ li k’anjeleb’aal a’in naru neke’tawman sa’ LDS.org ut sa’ li aplicación Biblioteca del Evangelio.

Kim, Taaqehin—Choq’ reheb’ li komon ut li junkab’al

Naru taasik’ ru a’ yaal b’arwan reheb’ li kok’ k’anjel sa’ li k’anjeleb’aal a’in re taawoksi sa’ li k’utuk sa’ li Tzoleb’aal reheb’ li Kok’al. Us ta eb’ li yuwa’b’ej yookeb’ chiroksinkil li kok’ k’anjel a’in rik’ineb’ lix kok’al sa’ li rochocheb’, lix ka’sutinkil naru naxtenq’aheb’ li kok’al chi tzolok chi us. Eb’ li kok’al maare te’raj xwotzb’al aawik’in chan ru naq xe’xb’aanu li kok’ k’anjel rik’ineb’ lix junkab’al ut li k’a’ru xe’xtzol.

Mirad a vuestros pequeñitos: Tzoleb’aal hu re li guardería.

Naab’aleb’ re li na’leb’ li neke’k’utman sa’ li tzoleb’aal hu re li guardería juntaq’eeteb’ rik’in li taak’ut sa’ li Tzoleb’aal reheb’ li Kok’al. Mas wi’chik wi taatzoleb’ li kok’al toj ka’ch’ineb’ xyu’am, k’oxla xsik’b’aleb’ li b’ich, seraq’, kok’ k’anjel, ut k’anjel chi uq’ej sa’ li tzoleb’aal hu re li guardería.

Li hu Liahona

Wan chi sa’ li hu Liahona li seraq’ ut li kok’ k’anjel li naru neke’xtz’aqob’resi ru li xb’eenileb’ na’leb’ li yookat chixk’utb’al sa’ Kim, Taaqehin—Choq’ re li Tzoleb’aal reheb’ li Kok’al.

Eb’ li b’ich ut B’ichleb’aal choq’ reheb’ li Kok’al

Eb’ li loq’laj b’ich neke’xb’oq chaq li Musiq’ej ut neke’xk’ut li na’leb’ re naq ink’a’ taasachq chiqu. Wankeb’ li hu wan wi’ Eb’ li B’ich ut li B’ichleb’aal choq’ reheb’ li Kok’al, ut naru ajwi’ taataw lix yaab’eb’ naab’al li b’ich ut lix b’icheb’ li kok’al sa’ music.lds.org ut sa’ li aplicación Música SUD.

Eb’ li Esilal sa’ li Ak’ Chaq’rab’

Li hu Eb’ li Esilal sa’ li Ak’ Chaq’rab’ taaruuq chixtenq’ankileb’ li kok’al chixtzolb’aleb’ li na’leb’ ut li seraq’ li neke’tawman sa’ li Ak’ Chaq’rab’. Naru ajwi’ xtawb’aleb’ li video chirixeb’ li seraq’ a’in sa’ medialibrary.lds.org.

Biblioteca multimedia

Eb’ li jalam-uuch, eb’ li video, ut xkomon chik li k’anjeleb’aal neke’ru chatenq’ankil laa’at ut eb’ li kok’al chirilb’al xyaalalil li na’leb’ ut li seraq’ li neke’tawman sa’ li Ak’ Chaq’rab’. Sik’ sa’ medialibrary.lds.org re rilb’aleb’ li jalam-uuch re li Iglees. Aran wankeb’ ajwi’ li video chirix li Santil Hu, wan wi’ li k’a’ru yeeb’il resil sa’ li Ak’ Chaq’rab’.

Obras de arte del Evangelio

Eb’ li jalam-uuch neke’ru chixtenq’ankileb’ li kok’al chirilb’al li tzol’leb’ ut eb’ li seraq’ li neke’tawman sa’ li Ak’ Chaq’rab’. Naab’aleb’ li jalam-uuch li neke’ru chi oksimank sa’ li tzolok neke’tawman sa’ Libro de obras de arte del Evangelio ut sa’ medialibrary.lds.org.

K’anjeleb’aal re xtenq’ankileb’ chi tzolok li kok’al

Sa’ lds.org/children natawman jun xtusulal li seraq’, kok’ k’anjel, ut k’anjeleb’aal jo’eb’ li video chirix k’iila paay chi na’leb’ re li evangelio.

Leales a la Fe

Wi nakawaj chik aatenq’ankil sa’ xtzolb’aleb’ li na’leb’ re li evangelio li taak’ut chiruheb’ li kok’al, naru taasik’ sa’ Leales a la Fe (2004). Sa’ li hu a’in wan chi tusub’anb’il xch’olob’ankil li junjunq chi na’leb’ chirix li evangelio.

ch’ina xqa’al natz’iib’ak chiru li pizarron

Li k’utuk jo’ li Kolonel

Li hu a’in naru nakatxtenq’a chixtzolb’al ut chixk’anjelankil li na’leb’ chirix k’utuk jo’ chanru li Kristo. Neke’aatinak chirixeb’ li na’leb’ a’in sa’eb’ li ch’utam reheb’ laj k’utunel.