“Beberuare 13–19. Mataio 5; Ruka 6: ‘Kam A Kabwaia,’” Nakomai, Iriirai—Ibukin te Moanrinan: Nu Tetemanti 2023 (2022)
“Beberuare 13–19. Mataio 5; Ruka 6,” Nakomai, Iriirai—Ibukin te Moanrinan: 2023
E Anga Reirei Iesu n te Maunga, iroun Gustave Doré
Beberuare 13–19
Mataio 5; Ruka 6
“Ko a Kabwaia”
Tibwangam n reireiniia ataei e bon rangi ni kakaawaki. Ngkai ko karaoa am katauraoi, e na kairiko te Uea.
Kaunga te Tibwatibwa
Tuangiia ataei bwa a na marooroakina te bwai ae a karaoia n te wiki are a karaoa te ibuobuoki nakon raoraoia—tao karaoan te mwakuri ae raoiroi ke kaotan te tangira ma te akoi.
Reirei te Reirei: Ataei aika a Uarereke Riki
I kona n riki bwa te tia raoi.
Ataei aika ko reireiniia a na rangi ni bongana ni mwengaia ngkana a bwaina te tangira ma te akoi nakoia aomata.
Waaki ni Kakukurei aika a Kona ni Karaoaki
-
Wareka Mataio 5:9 nakoia ataei, ao kabwarabwara bwa aomata aika taan karekea te rau a uota te rau nakon tabo ake a nako iai. Korei i aon mwakorokoro i ni beba baika a kona ni karekea te un irouia ataei (n aron, uneakinan te bwai n takakaro ma tariia ke mwaneia). Tuangiia ataei bwa a na anaa teuana aia beba. Wareki baike a koreaki, ao titirakiniia ataei bwa tera ae a na karaoia ni karekea te rau n te kangaanga are warekaki. Karakini rongorongo aika taian otooto, ao buokiia ataei bwa a na katebenakoa bwa e karekeaki te rau ke aki.
-
Kaoia tabeman aia karo ataei bwa a na roko n te kiraati ao n tibwauai taai are aia ataei a karerekea te rau ni mwengaia.
E tangiria Iesu bwa N na riki bwa te oota nakoia aomata.
Ataei aika a uarereke a kona ni kairia aomata nakon te raoiroi. Tera arom ni kaungaia bwa a na kaurai aia taura?
Waaki ni Kakukurei aika a Kona ni Karaoaki
-
Kaoti tabeua bwaai aika a kona n uran aron te oota, ao kaota tamneia ataei. Wareka Mataio 5:14–16, ao tuangia ataei bwa aroia aika mataroa bon te banna ae tamaroa nakoia aomata. Tera arora ni kaurai ara taura ni kairiia aomata nakon te Atua?
-
Kaura te tooti n te umwanreirei, ao tuangia ataei bwa a na iriira ootan te tooti. Kabongana te oota aei ni kaira aia taratara nakon tamnein te Tia Kamaiu. E kanga te oota ni buokiira? Ti na kanga n riki bwa ootan te aonaba? Kamatea te tooti. Tera ae riki ngkana ti tiringa ara taura ke ngkana ti karaba te oota?
-
Karaba te tooti n te umwanreirei, ao kamatei tenaan taura. Tuangia ataei bwa a na kakaea te tooti. Wareka Mataio 5:15, ao marooroakinna bwa bukin tera ti riai n aki karaba te oota.
-
Buokiia ataei ni kakaei ao ni karanii tenaan nenea aika a karabaaki n te iteraniba ibukin te waaki ni kakukurei.
-
Anenea te kuna ae taekina kaotan te oota nakoia aomata, n aron “Jesus Wants Me for a Sunbeam,” “Shine On,” ke “I Am like a Star” (Aia Boki n Anene Ataei, 60–61, 144, 163).
Ti na kukurei ngkana ti karaoi baike e reirei Iesu.
E tangirai Iesu bwa N na tangiriia aomata ni kabane.
Ataei aika a uarereke a kona ni kaota te tangira, e boni ngae ngke a iowaawa nakoina raona n reirei ke tarina ma mwanena. I nanon warekani Mataio 5:44–45, tarai ana reirei te Tia Kamaiu nakoia ataei aika ko reireiniia .
Waaki ni Kakukurei aika a Kona ni Karaoaki
-
Kabwara nanon Mataio 5:44 rinanon taeka ao waaki ake e na bebete iai ootaia ataei. Tuangiia ataei bwa a na taekin rongorongoia ike a bwaina te tangira nakon te aomata e ngae ngke e matoatoa arona. Tera aron namakinan te bwai ae e a tia n riki aei irouia?
-
Anenea te kuna ae taekina kaotan te tangira nakoia aomata, n aron “Love One Another” (Aia Boki n Anene Ataei, 136–37). Tera reireiara man te kuna aei ni kaotan te tangira nakoia aomata?
-
Anga beba aika tein te aati ao taekaia ae kangai “N na kaota au tangira ibukia aomata ni kabane.” Tuangia bwa a na katamaroai aia beba ao ni katekei ni mwengaia bwa te kauring ibukin kaotan tangiraia aomata.
Reirei te Reirei: Ataei aika a Ikawai Riki
I kona ni kukurei ngkana I karaoi ana reirei Iesu.
I nanon warekan Mataio 5:3–12, tera taeka ao bota n taeka aika a tebenako iroum? A na kanga reirei aikai ni kakabwaiaia ataei aika ko reireiniia?
Waaki ni Kakukurei aika a Kona ni Karaoaki
-
Korea te bwaoki i aon te burakibooti ma uoua mwakorona ae kangai A kakabwaiaki akana … ao Kakabwaia. Kaoiia ataei bwa a na wareka Mataio 5:3–12 n tarai aroaro ake e taku Iesu bwa a na kakabwaiaaki ao kakabwaia ake E na anga. Kanoa am bwaoki ni baike a kunei. Marooro ma ataei bwa tera nanon aroaro ma kakabwaia nakoia.
-
Korei aroaro man kiibu aikai i aon te beba ao te kakabwaia n te beba teuana. N aron te katooto, teuana te beba taeka e kangai “nimamannei,” ao te beba are teuana “bwaibwai i aon te aba” (kibu 5). Tuangiia ataei bwa a na katoatoai aroaro ma kakabwaia. Tuangiia ataei bwa rinea te aroaro ae taekinaki ni kiibu aikai are a tangiria ni karikirakea.
I kona n riki bwa te tia raoi.
E reirei Iesu bwa taan karekea te rau a na aranaki bwa natin te Atua. Ko na kanga ni kaungaia ataei bwa a na riki bwa taan karekea te rau?
Waaki ni Kakukurei aika a Kona ni Karaoaki
-
Kaoa temanna te ataei bwa e na kabaibati ni wareka Mataio 5:9 . Antai te tia karekea te rau? Tera tenaan kawai aika ti kona iai n riki bwa taan karekea te rau n ara utu ao i buakoia raoraora? (Ibukin karekea tabeua iango, tara kiibu 21–24, 38–47.)
-
Tuanga temanna te ataei bwa e na iangoa te kangaanga are e kainnanoa te tia karekea te rau. Tera ae e na karaoia te aomata ae te tia karekea te rau?
-
Kaoiia ataei bwa a na taekin taai ake a kaota iai te tangira nakon te aomata, e ngae ngke e okoro kateia ma te aomata anne ke e matoa tangirakina.
Bannau ae tamaroa e kona ni kairiia aomata bwa a na iriira Iesu.
E rawata am ataei ae e a tia ni karaoa te berita n te bwabetito. Iangoia bwa tera ana taeka te Tia Kamaiu ni Mataio 5:14–16 ae irekereke ma aia berita aika tabu. Tera taian reirei i nanon te kibu aei ae e tangiria te Uea bwa a na ataia kaain am kiraati?
Waaki ni Kakukurei aika a Kona ni Karaoaki
-
Buokiia ataei ni kamatenanoa Mataio 5:16. Korea te kibu aei i aon te burakibooti. Warekia tabeua te tai, kamaunai tabeua taeka teutana i mwin teutana. Kaoiia ataei bwa a na korei tamnei mwakuri ake a kona iai ni kaurai aia taura. Marooro bwa n te aro raa ae kauran ara taura e kakoroa nanon ara berita aika tabu n te bwabetito (tara Motiaea 18:8–10).
-
Anenea te kuna ae taekina kauran te taura nakoia aomata, n aron “Shine On” (Aia Boki n Anene Ataei, 144). Tera arora ni kaota ootan te Tia Kamaiu?
-
Tuangiia ataei bwa a na korei tamnein bwaai aika a kona n anganiira te oota. Wareka Mataio 5:14–16. Tuangiia bwa bukin tera e tangiriira Iesu bwa ti na riki bwa te oota n te aonnaba.
-
Tuangiia uoman ataei bwa a na kaitara, ao tuanga moa temanna bwa e na kangarea are temanna ao n riai n aki riinga. Maroorokina aia konabwai ataei n uota te kukurei nakoia aomata.
Kaungaa te Kamatebwai n te Mweenga
Tuangiia bwa a na kakaea te aomata ae riki bwa te tia karekea te rau n te wiiki aei. Ni moan waakin te kiraati n te wiki ae e na roko, tuangiia bwa a na ribooti bwa antai aomata ake a noriia.
Kanakoraoan Ara Anga reirei
Buokiia ataei bwa ana marurung. “Ngkai ko reireiniia ataei, anganiia bwa a na katei, korei, karan, ao ni karaoi bwaai. E aki karaoki waaki aikai tii ibukin te kukurei—ma a bongana ibukin te reirei” (Reirei n Ana Kawai te Tia Kamaiu, 25).