E marooro Iesu ma Nikotemo

Beberuare 6–12

Ioane 2–4

“Ko Riai ni Manga Bungiaki”

Ngkana e uarereke te tai ni kiraati, e na aki tau am tai ni marooroakin reirei aika a kakaawaki i nanon Ioane 2–4. Kakauongo nakon ana wirikiriki te Tamnei ae Raoiroi bwa tera reirei aika ko na anga are e na buokiia ataei.

te aikaon ibukin te tibwatibwa

Kaunga te Tibwatibwa

Bwa a na unga ataei n tibwauai baike a reiakin man ongoraei, titirakiniia bwa tera ae a karaoia ni katootongia “taan akawaia aomata” (Mataio 4:19). Tao ko tangiria n taraa te reirei n te wiki ae nako.

te aikaon ibukin te anga reirei

Reirei te Reirei: Ataei aika a Uarereke Riki

Ioane 3:1–10

I riai ni bwabetitoaki ma ni kamatoaki bwa I aonga n oki ni maeka ma Tamau are i Karawa.

Ataei aika ko reireiniia a katauraoia i mwain mwaneka are a na kona iai ni maeka ma Tamara are i Karawa rinanon te bwabetito (bungiaki n te ran) ao ni kamatoaki (bungiaki n te Tamnei). Ko na kanga ni buokiia bwa a na mataata n taian otenanti aikai?

Waaki ni Kakukurei aika a Kona ni Karaoaki

• Kakimototoa karakinan Iesu ngke e reireina Nikotemo (tara Ioane 3:1–10). Berita nakoia ataei bwa ngkana a bwabetitoaki, Tamara are i Karawa e na anga ana bwai n tituaraoi te Tamnei ae Raoiroi.

• Kaota nakoia ataei kanoan te waaki ni kakukurei n te wiki aei, ao tuangiia bwa a na kabwarabwarai tamnei. Wareka Ioane 3:5, ao kaota am koaua bwa ti riai ni bwabetitoaki ma ni kamatoaki bwa ti aonga ni kona ni maeka ma Tamara are i Karawa.

• Tuangiia ataei bwa tera aroia ni teboka baia. Kaota te Tamnei ae E bwabetitoaki te Ataeinnaine (Te Boki n Tamnei n te Euangkerio, nambwa. 104), ao buokiia ataei bwa a na tarai baika a titebo iai tebokan te bai ma katiakara man ara bure rinanon te bwabetito.

Ioane 3:16

E tangirai Tamau are i Karawa, ngaia are E anga te Tia Kamaiu.

Tera arom ni buokiia ataei bwa a na mataata n te koaua aei?

Waaki ni Kakukurei aika a Kona ni Karaoaki

• Tuangiia ataei bwa a na kabwanina te kibuntaeka ae kangai: “Ibukina bwa a tangirai au karo, a …” Wareka Ioane 3:16. Buokiia ataei ni kabane bwa a na taekina Ioane 3:16, n onea mwin te taeka ae “te aonnaba” n araia. Buokiia ataei bwa a na taraa ana mwakuri Tamara are i Karawa are e kaota iai Ana tangira ibukira. Kaoiia ataei bwa a na korea tamnein Iesu. Tuangiia bwa a na kaibibitia aia tamnei i marenaia ao ni kaota aia tangira ibukin te Tia Kamaiu.

• Anenea te kuna ae rongorongon Iesu, n aron“He Sent His Son” (Aia Boki n Anene Ataei, 34–35). Tuangiia ataei bwa a na katea tamnein Iesu ngkana a taekin taeka n aron “Natiu,” “Iesu,” ke “Tia Kamaiu.”

Ioane 4:5–15

Iesu Kristo bon au “ran ni kamaiu.”

Ataei n am kiraati a ataa te namakin are ko bora n taka. Tera arom ni kabongana te bora n taka ni kamataata bwa ti bon rangi ni kainnanoa te ran ni kamaiu?

Waaki ni Kakukurei aika a Kona ni Karaoaki

• Kabongana te tamnei i nanon te kanoa n reirei n te wiki aei inanon Nakomai, Iriirai—Ibukiia Aomata n Tatabemaniia ao Utu ni karakina rongorongon Iesu ao te aine i etan te mwanibwa (tara Ioane 4:5–15). Tuangiia ataei bwa a na manga karakina te rongorongon aei.

• Kaota te mwangko te ran, ao marooro ma ataei bwa bukin tera ti kainnanoa te ran. Kakimototoa Ioane 4:5–15, ao kaota am koaua bwa Iesu Kristo ao Ana euangkerio a anga te maiu nakon tamneira, n aron are e anga te ran nakon rabwatara.

te aikaon ibukin te anga reirei

Reirei te Reirei: Ataei aika a Ikawai Riki

Ioane 2:1–11

I kona ni karinea tinau n aron are E karaoia Iesu.

N te mare i Kana, Maria e tuanga Iesu bwa e bane te wain. E koreaki n Ana Rairairi Iotebwa Timiti bwa, E kaeka Iesu nakon tinana ni kangai, “Neiko, tera ae ko tangirai bwa N na karaoia? N na karaoa nanona” (n John 2:4, footnote a). Iesu e kaota te banna ae tamaroa bwa ti na karineia tinara.

Waaki ni Kakukurei aika a Kona ni Karaoaki

• Kaoiia ataei bwa a na wareka Ioane 2:1–11 ao tuangiia ataei bwa a na ikaruoruo ni karakina te rongorongo aei.

• Tuangiia ataei bwa a na korei bwaai ake a kona iai ni buoka tinaia. Kaoiia bwa a na kamatenanoa aroia ni kabongana ana taeka Iesu are kangai “Tera ae ko tangiria bwa N na karaoia?” (Ioane 2:4, footnote a).

• Kaoiia tabeman aine bwa a na roko n am kiraati ao n tibwauaia bwa tera ae a kakaraoia natiia ni kaota te karinerine nakoia.

Iesu ngke e taetae ma Maria n te botaki ni mare

E taku Iesu nakon tinana, “Tera ae ko tangiria bwa N na karaoia?” (Ara Rairairi Iotebwa Timiti, Ioane 2:4 [in Ioane 2:4, footnote a]).

Ioane 3:1–8

Te bwabetitoaki ao te kamatoaki bon ai aron te manga bungiaki.

N te tai are ti bwabetitoaki, are e aranna Iesu bwa te “bungiaki n te ran,” ti kaitikaki man ara bure ao ti a kona n “rin n abanuean te Atua” (Ioane 3:5). Ko na kanga ni buokiia ataei bwa a na mataata bwa tera nanon te manga bungiaki?

Waaki ni Kakukurei aika a Kona ni Karaoaki

• Kamaenakoi ana taeka te Tia Kamaiu n Ioane 3:3, ao tuangiia ataei bwa a na karinanna ma te moan nakon te kabane. N te aro raa ae te bwabetitoaki ma te kamatoaki ai aron te manga bungiaki?

• Kaota tamnein te ataei ae e a tibwa bungiaki ao te aomata ae e bwabetitoaki ma ni kamatoaki (tara Te Boki n Tamnei n te Euangkerio, nambwa. 104–5). N te aro raa ae ti riki n ai aron te ataei ae e a tibwa bungiaki i mwin bwabetitoara ma kamatoakira? (tara Ioane 3:3–5).

• Kaoiia ataei bwa a na karakina rongorongon aia bwabetito. Wareka Motiaea 18:8–10 ao Reirei ao Berita aika Tabu 20:37 n tara te berita n te bwabetito. Reireiniia ataei bwa kanakin te toa ma te karinerine ni katoa wiki bon te kawai are ti ai aron te manga bungiaki.

• Buokiia ataei bwa a na kamatenanoa Taekan te Onimaki 1:4.

Ioane 3:16–17

E tangirai Tamau are i Karawa, ngaia are E kanakoa Natina.

Ko na kanga ni buokiia ataei n ataia bwa e kanakoaki Iesu nako aon te aba bwa kaotan ana tangira Tamara are i Karawa?

Waaki ni Kakukurei aika a Kona ni Karaoaki

• Tuangiia ataei bwa a na korea tamnein te bwaintangira ae a tatangiria ao te aomata are e angania. Tuanga temanna te ataei bwa e na wareka Ioane 3:16. Tera bwaintangira ae e anganira Tamara are i Karawa? Tera baika a reke ma te bwaintangira aei are e kaota Ana tangira?

• Tuangiia ataei bwa a na kakaea kaekan te titiraki ae kangai “Bukin tera Tamara are i Karawa e karokoa nakoira Iesu Kristo?” i nanon warekan Ioane 3:16–17 ke anenean ke ongoraean“He Sent His Son” (Aia Boki n Anene Ataei, 34–35).

Ioane 4:5–23

Iesu Kristo e anganai te “ran ni kamaiu.”

N aron Iesu ni kabongana te ran ni reireina ainen Tamaria, ko kona ni kabongana te ran n reireiniia ataei bwa bukin tera ti kainnanoa ana euangkerio Iesu Kristo.

Waaki ni Kakukurei aika a Kona ni Karaoaki

• Wareka Ioane 4:5–23, korea te kabwarabwara ae kimototo n rongorongon te aine i etan te mwanibwa. Tuangiia ataei bwa ana tarai kiibu aikai ao ni barongai kibuntaeka nakon nneia. Tera ae e kataia Iesu n reireina te aine?

• Angania ataei te ran bwa a na mooi iai, ao tuangiia bwa a na tibwauai rongorongoia ngke a rangi ni bora n taka. Marooro bwa tera te namakin ngkana e reke nimam i mwin te bwatakataka. Kaoiia ataei bwa a na taekin aran bwaai ake anganira te rauaki, n aron te mwangko n ran. Tera bwaai aika a titebo ma te “ran ni kamaiu” are e kona n anganira rauaki ae akea tokina?

• Korea ae kangai i aon te burakibooti N te aro raa ae e titebo te euangkerio ma te ran? Tuangiia ataei bwa a na iangoia bwa tera kaekan te titiraki i nanon warekan Ioane 4:5–23.

te aikaon ibukin te kamatebwai

Kaungaa te Kamatebwai n te Mweenga

Tuangiia ataei bwa a na anga te mooi nakoia kaain aia utu ngkana a okira mwengaia. N aia tai ni karaoia, a kona n tibwauai bwaai aika a reiakin i aon te ran ni kamaiu.

Kanakoraoan Ara Anga reirei

Kabonganai taian iteraniba ibukin te waaki ni kakukurei. I nanon aia tai ni mwakuri ataei ma te iteraniba ibukin te waaki ni kakukurei, kabongana am tai n tara kanoan te reirei.

iteraniba ibukin te waaki ni kakukurei: I riai ni bwabetitoaki ma ni kamatoaki