“Beberuare 6–12. Ioane 2–4: “Ko Riai ni Manga Bungiaki,’” Nakomai, Iriirai–Ibukiia Aomata n Tatabemaniia ao Utu: Te O Tetemanti 2023 (2022)
“Beberuare 6–12. Ioane 2–4,” Nakomai, Iriirai–Ibukiia Aomata n Tatabemaniia ao Utu: 2023
Beberuare 6–12
Ioane 2–4
“Ko Riai ni Manga Bungiaki”
Ngkai ko wareka Ioane 2–4, E na reireiniko te Tamnei taekan rairakim. Korei Ana wirikiriki. Ko na bae ni kunei tabeua iango man am nonoori n tamnei n am kamatebwai n te kabwarabwara aei.
Korei Am Namakin
N tain te bootaki ni mare i Kana, Kristo e onika te ran nakon te wain—te tai are e aranna Ioane bwa “moani kakai” (Ioane 2:11). E koaua anne n anga aika bati. Ngkai aio bon te moan kakai ae e karaoia Iesu ibuakon te koraki, e kona naba n riki bwa kanikinaean riki moani kakai—mwakurian nanora aikaa bitaki ngkai ti na riki n aron ara Tia Kamaiu. Te kakai aei inanon te maiu e moanaki ma te babaire n iriira Iesu Kristo, ni bitaki ao maiuakina te maiu irouna. Te kakai aei e kona n riki bwa bitakin te maiu are ni “manga bungiaki” bon teuana man te kawai ae tamaroa ni kabwarabwara (Ioane 3:7). Ma te manga bungiaki bon ti te moan mwaneka bwa ana reirei. Ana taeka Kristo nakon te ainen Tamaria ietan te mwaniba e kauringiira bwa ngkana ti reitinako n te kawai, e na kona n riki te euangkerio bwa “te mwaniba n ran” inanora, “ni koburake nako nanon te maiu are aki toki” (Ioane 4:14).
Iango ibukin te Kamatebwai i bon Iroum ni Koroboki aika Tabu
Ana kakai Iesu Kristo “e kaota koauan mimitongina.”
Ngkai ko wareware n taekan te Tia Kamaiu n onika te ran nakon te wain ni Ioane 2:1–11, ko na konaa ni karekea reitan taian nonoori man iangaon kakaokoron te taratara irouia aomata ake a mena ikekei, ni ikotaki ma Maria, reirei, ao tabeman. Ngke ko a tia ni kakoaua te tai ae kabwarabwaraaki ikai, tera am namakin n tia reke iroun Iesu? Tera ae ko reiakinaki n te kakai aeiibukin Iesu?
I riai ni manga bungiaki n rin n abanuean karawa.
Ngke e kawara Nikotemo Iesu n te tai teuana, bon te tia ukeuke ae atatai. Imwiina, e ngae ngke, e kamanoa Iesu ibuakoia aomata (taraa Ioane 7:45–52) ao e manga iriia taan onimaki n tauni matean te Tia Kamaiu (taraa Ioane 19:38–40). Tera taian reirei ake ko kunei ni Ioane 3:1–21 are e a tia ni kaunga Nikotemo n ira Iesu ao ni manga bungiaki?
Te Burabeti Iotebwa Timiti e reirei, “N riki manga bungiaki, e roko man Tamnein te Atua rinanon otenanti” (Teachings of Presidents of the Church: Iotebwa Timiti [2007],95). Tera tibwangan am bwabetito ao kamatoaam—manga bungiaki n te ran ao iroun te Tamnei” (John 3:5)—angan nakon manga buangiakim riki? Tera ae ko na karaoia ni reitinakoa te waaki ni bitaki aei? (taraa Aramwa 5:11–14).
Taraa naba Motiaea 5:7; 27:25–26; David A. Bednar, “Ko Riai Ni Manga Bungiaki Riki,” Riaona, Meei 2007, 19–22.
Tamara are i Karawa e kaota Ana tangira ibukiu rinanon Iesu Kristo.
Unimwaane Jeffrey R. Holland e reirei, “ Moan korakoran te koaua iaon bwaai ni kabane ae akea tokina bon te Atua e tangiriira ni kabane Nanona korakorana, Ana iango ao marurungina” (“Tomorrow the Lord Will Do Wonders among You,” Riaona, Meei 2016, 127). Ko kanga n namakina ana tangira te Atua rinanon ana bwaintangira iroun Natina?
Te toa e katauraoa te tai n iangoa raoi ana tangira te Atua ao ana bwaintangira iroun Natina. Tera anenen te toa ae e na buokiko n namakina te tangira aei? Tera ae ko kona ni karaoia bwa e na uaana riki te toa?
Ngkai ko reitinako ni wareware iaon ana reirei ao ana mwakuri te Tia Kamaiu, titirakiniko bwa e kanga bwaai ake ko wareki ni buokiko n oota ao namakina ana tangira te Atua.
Te Atua bon te tamnei?
Tabeman a nanououa man ana kabwarabwa Iesu are te Atua bon te tamnei. Ana rairairi Iotebwa Timiti n te kibu aei e anga te kamataata ae kakawaki: “N aron ae te Atua e berita n Tamneina” (ni Ioane 4:24, bwaai ae na taraaki inano a). Kaotioti ni boong aikai a reirei naba bwa te Atua iai rabwatana ma irikona ao riina (taraa Reirei ao Berita aika a Tabu 130:22–23; taraa naba Karikan Bwai 5:1–3; Ebera 1:1–3).
Kristo e anganai Ana ran ni kamaiu.
Tera ae nanonna Iesu ngke E tuanga ainen Tamaria bwa ane e moi n te ran are E na anga e na aki manga taka? E na kanga te euangkerio n riki bwa ai aron te ran ni kamaiu?
Ana euangkerio Kristo bon te ran ae maiu are e kamarika tamneira.
Teuana man ana taeka te Tia Kamaiu nakon ainen Tamaria are e kangai arora n taromauri e kakawaki riki nakon ti taromauri iaa (taraa Ioane 4:21–24). Tera ae ko karaoia n “taromauria te Tama iai n te tamnei ma te koaua”? (Ioane 4:23).
Taraa naba te Kairi nakon Koroboki aika tabu, “Taromauri,” scriptures.ChurchofJesusChrist.org; Dean M. Davies, “The Blessings of Worship,” Riaona, Nob 2016, 93–95.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Ioane 2–4.Ngkai am utu a wareki mwakoro aika n te wiiki aei, taraia raoi bwa e kanga te Tia Kamaiuu ni kabonganai bwaai ni katoa bong—bungiaki, ran, ao amwarake—n reirei koaua n te maiu tamnei. Tera bwaai ni mweengam are ko kona ni kabonganai n reirei koaua n te maiu n tamnei?
Ngkai ko kamatebwaia mwakoro aikai, iangoia ni matakuakin witeo ni ikotaki ma are e kaoti taai aikai: “Iesu E Onea te Ran nakon te Wain,” “Iesu E Kaitiaka te Tembora,” “Iesu E Reirei te Manga Bungiaki Riki,” ao “Iesu E Reireina Ainen Tamaria” (ChurchofJesusChrist.org).
-
Ioane 2:13–17.Tera kairoro aika aki itiaki are am utu a kainanoia ni kararoa man mweengam n te aro bwa e na itiaki—n aron te Tembora? Tera ae ko na karaoia n teimatoa ni kararoai bwaai akanne?
-
Ioane 3:1–6.Marooro ma am utu iaon te kakai n te bikoukou ao te bung—mwakurian karikan te maeu, wanawanan te aomata. E reirei Iesu bwa ti riai ni manga bungiaki imwain rinra n abanuean te Atua. Bukin tera te manga bungiaki te kabootau ae tamaroa ibukin te bitaki are ti kainanoia imwain ti na kona n rin abanuean te Atua? Ti na kanga n ataa mwakurian te manga bungiaki n te maiu n tamnei?
-
Ioane 3:16–17.Kaoia kaain te utu bwa a na manga taekin kiibu aikai n oin aia taeka n aron ngkana a kabwarabwarai nakon te raoia. E kanga n tia Iesu Kristo ni buokiira n namakina ana tangira te Atua?
-
Ioane 4:5–15.Tera ana reirei te Tia Kamaiu ngke E kabotaua Ana euangkerio nakon te ran ni kamaiu? Tao a na kona am utu n taraa te ran ae tiinako ao ni kabwarabwara tamaroan te ran. Bukin tera ti kainanoa nimakin te ran ni katoa bong? N te kawai raa ana euangkerio Iesu Kristo ai aron “te mwaniba n ran ae koburake nako nanon te maiu are aki toki”? (Ioane 4:14).
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae rineaki: “God’s Love,” Aia Boki n Anene Ataei, 97.
Kanakoraoan Am Kamatebwai i Bon Iroum
Taratarai kanikina. Koroboki aika tabu aki toki ni kabonganai bwaai, taai, ke taian mwakuri n tei ibukin koauan te maiu n tamnei. Kanikina aikai a kona ni karabaaba ootam n te reirei are e reiakinaki. Te katoto, te Tia Kamaiu e tangira te rairaki nakon te manga bungiaki.
Te Ran ni Kamaiu, iroun Simon Dewey