“Tianuare 30–Beberuare 5. Mataio 4; Ruka 4–5: ‘Tamnein te UeaE mena i Aou,’” Nakoma, Iriirai—Ibukiia Aomata n Tatabemaniia ao Utu: Nu Tetemanti 2023 (2022)
“Tianuare 30–Beberuare 5. Mataio 4; Ruka 4–5,” Nakomai, Iriirai—Ibukiia Aomata n Tatabemaniia ao Utu: 2023
Inanon te Rereua, iroun Eva Koleva Timothy
Tianuare 30–Beberuare 5
Mataio 4; Ruka 4–5
“Tamnein te Uea E Mena i Aou”
Te Tia Kamaiu e kabonganai koroboki aika tabu n totokoa ana kariri Tatan ao ni kakoauai oin Ana mition mai karawa (taraa Ruka 4:1–21). Iangoia raoi bwa a na kanga koroboki aika tabu ni katea am onimaki ao ni kakorakora nanom n totokoi kariri.
Korei Am Namakin
Man Ana bong ni kairake, Iesu e taraa ni kaman ataia bwa iai Ana mition ae onoti, ae tabu. Ma ngke e katauraoi Iesu ni moana Ana mwakuri iaon te aba, te kakaitara e ukora karioan te nanououa n ana iango te Tia Kamaiu. “Ngkana tao gkoe Natin te Atua,” Tatan e taku (Ruka 4:3, italics added). Ma te Tia Kamaiu ea tia n reitaki ma Tamana are i Karawa. E atai koroboki aika tabu, ao E ataia bwa antai Ngaia. Irouna, ana anganano Tatan—“N nna anganiko tauan aikai ni kabane” (Ruka 4:6)—bon te akea nanona ibukina bwa ana katauraoi te Tia Kamaiu inanon maiuna e karekea Irouna “mwaakan te Tamnei”” (Ruka 4:14). N aki tabe ma kaririakina, kataakina, ao totokoakina, Iesu Kristo e aki kerikaaki man te mwkauri are E anganaki: “I riai bwa N na kaota rongorongon uean te Atua … ngaia are I kanakomaiaki iai” (Ruka 4:43).
Iango ibukin te Kamatebwai i bon Iroum ni Koroboki aika Tabu
Rereitakiu ma te Atua e katauraoai ni beku Ibukina.
Ni katauraoi ibukin Ana Mwakuri, Iesu e nakon te rereua ni mena irarikin te Atua (Ana Rairairi Iotebwa Timiti, Mataio 4:1 [inanon Mataio 4:1, bwaai aika ana taraaki mai inano b]). Iangoia bwa tera ae ko kona ni karaoia ni kaniiko riki nakon te Atua. E na kanga aei ni katauraoira ibukin te mwakuri ae E tangiria bwa ti na karaoia.?
Iesu Kristo e katea te katooto ibukiu man totokoan te kaririaki.
N tabetai aomata a namakina te kaairua ngkana a kaririaki nakon te bure. Ma e ngae ngke te Tia Kamaiu , e maeka n “aki bure” (Ebera 4:15), e bon kaririaki naba. Iesu Kristo e atai kariri ake ti kaaitarai ao angan buokara n tokanikai iaoia (taraa Ebera 2:18; Aramwa 7:11–12).
Ngkana ko wareka Mataio 4:1–11 ao Ruka 4:1–13, tera ae ko reiakinna are e kona ni buokiko ngkana ko kaaitarai kaririakim? Ko kona ni bairea am iango n te taibora nai aron aei:
|
Iesu Kristo |
Ngai |
|---|---|
Iesu Kristo Tera ae karaoia Tatan ni kaririia Kristo bwa e na karaoia? | Ngai Tera ae karaoia Tatan ni kaririai bwa na karaoia? |
Iesu Kristo E kanga Kristo n tauraoi n totokoi kariiri? | Ngai N na kanga n tauraoi n totokoi karirii? |
Tera reitan nonoori are ko karekei man ana Rairairi Iotebwa Timiti n Mataio 4? (taraa bwaai aika taraaki mai inano Mataio 4).
Taraa naba 1 I-Korinto 10:13; Aramwa 13:28; Mote 1:10–22; Atuun Rongorongon te Euangkerio, “Kaririaki,” topics.ChurchofJesusChrist.org.
Iesu Kristo bon te Meetia are e a kaman taetae ni burabetiaki.
Ngkana ko titirakinaki bwa tera ae kanakoaki iai Iesu nakon aon te aba bwa e na karaoia, tera ae ko na taekinna? Man kaokan teuana ana taetae ni burabeti Itaia iaon te Meetia, te Tia Kamaiu e kabwarabwara oin bukin Ana mition (taraa Ruka 4:18–19; Itaia 61:1–2). Tera ae ko reiakinna iaon Ana mition ngkai ko wareki kiibu aikai?
Tera kawai tabeua are te Tia Kamaiu e kaoiko bwa ko na ira Ana makuri?
E ngae ngke Iutaia a kaman tataninga inanon tienture ibukin kakoroan nanon ana taetae ni burabeti Itaia, a mwaiti aika aki kariaia bwa Iesu bon te Meetia ngke e katanoata, “ Te bong aei e a kakoroaki bukin ana taeka te Baibara aei inanon taningami” (Ruka 4:21). Ngkai ko wareka Ruka 4:20–30 (taraa naba Mareko 6:1–6), kataia ni iangoia bwa aongkoa ko mena n te tabo are a mena iai aomatan Natareta. Iai bwaai tabeua aika a na tuukiko man butimwaean Kristo bwa am Tia Kamaiu?
Taraa naba Motiaea 3:5–12; “Iesu e katanoata bon Ngaia te Meetia” (witeo), ChurchofJesusChrist.org.
Ngkai I onimakina te Uea, E kona ni buokai n ni karokoai n au konabwai ae mai karawa.
Beretitenti Ezra Taft Benson e reirei, “Mwaane ao aine ake anga maiuia nakon te Atua a na kunea bwa E kona ni karaoa ae mwaiti riki man maiuiia nakon are a na kona” (Teachings of Presidents of the Church: Ezra Taft Benson [2014], 42). Taraia bwa e kanga ni riki aio nakoia Timon Betero ao raoia n akawa. Iesu e noora te bwai ae bubura irouiia nakon are a nooria irouiia. E tangiria ni karikiia bwa “taan akawaia aomata” (Mataio 4:19; taraa naba Ruka 5:10).
Ngkai ko wareka Mataio 4:18–22 ao Ruka 5:1–11, iangoia raoi bwa tera ae buokiko iai Iesu Kristo bwa ko na riki iai. Ko kanga n tia n Namakinna bwa e kaoiko bwa ko na Iriiria? Ko na kanga ni kaotia nakon te Uea bwa ko kukurei ni kitaniii bwaai ni kabane n Iriiria? (taraa Ruka 5:11).
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Mataio 4:1–2; Ruka 4: 1–2.Tera taian nonoori are ti kona ni karekea man te rongorongo aei iaon mwaakan te aki mamatam? Ni buokiia am utu n reiakina taekan te aki mamatam, ko kona ni kabongana “Fasting and Fast Offerings” inanon Atuun rongorongo n te Euangkerio (topics.ChurchofJesusChrist.org). Kaain te utu a kona n tibwai taneiai ake a tia ni karekea ngke aki mamatam. Tao ko kona n tataro mwaaka ni karaoi baire nakon te aki mamatam n ikotaki ibukin te kantaninga ae onoti.
-
Mataio 4:3– 4; Ruka 4:3–4.Ngke Tatan e kaririia Kristo bwa E na onika te atibu nakon te kariki, e kawenakoa Kristo man kinaakina mai karawa man taku, “ngkana ngkoe Natin te Atua” (Mataio 4:3, italics added). Bukin tera ngkaiTatan e kaitaia ni karaoira bwa ti na nanououa ni kinakira mai karawa—ao te Tia Kamaiu? E kanga ni karaoa aio? (Tara naba Mote 1:10–23.)
-
Ana Rairairi Iotebwa Timiti, Mataio 4:11.Imwiin kataakin Iesu n rabwata ao n tamnei, Ana iango e tanrikaaki nakon kainanon Ioane te tia Bwabetito, are e mena n te karabuti: “Ao ngkai Iesu e ataia are Ioane e a teweaki nako inanon te karabuti, ao e kanakoia anera, ao, nooria, a roko ao a ibuobuoki nakon [Ioane]” (Ana Rairairi Iotebwa Timiti, Mataio 4:11 [n Mataio 4:11, bwaai aika ana taraaki inano a). Ti kanga ni kakabwaiaaki ngkana ti ira ana katooto Kristo n iangoia tabeman?
-
Ruka 4:16–21.Iai te aomata ae ko kinaa are e uruaki nanona ke e kainanoa “kainaomataana? (Ruka 4:18). Tera ae ti kona ni karaoia ni buokiia tabeman ni karekea ana kamaiu ao ana kaotinako te Tia Kamaiu? Ko konaa naba ni marooro bwa e kanga karaoan taian otenanti n te tembora ni buokiia ni karekea “te kaotinako nakoia ake a taenikai” (Ruka 4:18).
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Anene n taromauri ae tamaroa: “Come, Follow Me,” Anene n Taromauri,, nambwa. 116.
Katamaroan Ara Anga Reirei
Maiuaka ana euangkerio Iesu Kristo. Tao te kabanea ni kakaawaki ni bwai ae ko kona ni karaoia [ngkoe te karo ke taan reirei] bon … maiuakina te euangkerio ma nanom ni kabane. … Aio te kabanea n tamaroa ni kawai ae tau ibukin ana iraorao te Tamnei ae Raoiroi. E aki kantaningaaki bwa kona kororaoi, ti kataia n nanomatoa—ao ukoukora kabwaraan am bure rinanon Ana Mwakuri ni Kamaiu te Tia Kamaiu n te tai are ko kani bwaka iai” (Reirei n ana Kawai te Tia Kamaiu,13).
Kristo e weteia Abotoro aika Iakobo ao Ioane, Edward Armitage (1817-96)/Sheffield Galleries and Museums Trust, UK / © Museums Sheffield/The Bridgeman Art Library International