Jisōs Ej Kwaļo̧k Ioon To̧l eo, jān Gustave Doré

Pāpode 13–19

Matu 5; Luk 6

“E Mōņōņō Kom̧”

Am iien em̧m̧an n̄an katakin ajri ro ej juon men eaorōk. Ilo am̧ kepooj eok make ilo jetōb, Irooj enaaj tōl eok.

Kajjitōk bwe ren Kwaļo̧k

Kajjitōk ippān ajri ro n̄an kōnono kōn men ko rekar kōm̧m̧ani wiik in n̄an kwaļo̧k meram eo an Irooj n̄an ro jet—bōlen ilo waanjon̄ak em̧m̧an ak kwaļo̧k iakwe im jouj.

Katakin Katak eo: Ajri ro Reddikļo̧k

Matu 5:9

Imaron̄ erom̧ juon rikōm̧m̧an aenōm̧m̧an.

Ajri ro kwoj katakin remaron̄ bōk im̧we ekajoor ilo m̧weo ilo aer kōm̧m̧an em̧m̧an n̄an doon ilo iakwe im jouj.

M̧akūtkūt ko Maron̄ Kōm̧m̧ani

• Riiti Matu 5:9 n̄an ajri ro, im kōmeļeļeik bwe rikōm̧m̧an aenōm̧m̧an ej kōm̧m̧an jabdewōt jikin aenōm̧m̧an, jekdo̧o̧n ijo rej pād ie. Je ioon peba ko jet waanjon̄ak in jekjek in kapo ko me ajri ro remaron̄ iooni (n̄an waajon̄ak, jeimjati rej ire kōn juon kein ikkure). Kajjitōk ippān kajjojo ajri n̄an kāālet juon peba. Ilo am̧ riit kajjojo enaan, kajjitōk ippān ajri ro n̄an kwaļo̧k elmen aer maron̄ kōm̧m̧an aenōm̧m̧an ilo jekjek in. Ak kwaļo̧k jet enaan, im jipan̄ ajri ro kalikkar n̄e ak armej ro rejjab bōk kuņaer kōm̧m̧an aenōm̧m̧an.

• Kajjitōk ippān jejjo̧ iaan jinen im jemen ajri ro n̄an lowaj kūlaaj eo am̧ im kwaļo̧k waanjon̄ak ko kōn tōre ke ajri ro nejier rekar kōm̧m̧an aenōm̧m̧an ilo m̧weo .

Matu 5:14–16

Jisōs ekōņaan bwe jān meram n̄an ro jet.

Ajri ro reddik remaron̄ bōk juon im̧we ekajoor n̄an em̧m̧an n̄an ro jet. Elmen am̧ maron̄ im̧we er n̄an kwaļo̧k aer meram?

M̧akūtkūt ko Maron̄ Kōm̧m̧ani

• Kwaļo̧k n̄an jet ajri men ko me rej kwaļo̧k meram, im kwaļo̧k juon pijain ajri ro. Riit Matu 5:14–16, im jiron̄ ajri ro bwe waanjon̄ak ko aer remaron̄ āinwōt juon meram n̄an ro jet. Elmen ad maron̄ kōjerbal meram eo ad n̄an bōktok ro jet n̄an Anij?

• Kōmeram ten̄ki eo ipeļaakin ruum̧ eo, im kajjitōk ippān ajri ro n̄an ļoor meram eo kōn mejeer. Kōjerbal meram in n̄an tōl mejeer ļo̧k n̄an pijain Rilo̧mo̧o̧r. Elmen an meram jipan̄ kōj? Ekōjkan ad maron̄ juon meram n̄an laļin? Pinej ten̄ki eo. Ta eo ewaļo̧k n̄e jeban kwaļo̧k ad meram ak n̄e jej ņooje?

• Ņooj ten̄ki eo ilo ruum̧ eo, im kune tōm̧a ko. Kōtļo̧k bwe ajri ro ren kajjieon̄ kappukote. Etale Matu 5:15, im kōnono kake etke jejjab aikuj ņooj meram eo ad.

• Jipan̄ ajri ro kappukote im kōļare kāāntōļ ko rem̧ooj ilo peij in m̧akūtkūt eo an wiik in.

• Al ippān ajri ro juon al kōn meram n̄an ro jet, āinwōt “Jesus Wants Me for a Sunbeam,” “Shine On,” ak “I Am like a Star” (Children’s Songbook, 60–61, 144, 163).

Jemaron̄ m̧ōņōņō ilo wāween eo Jisōs ekar kwaļo̧ke.

Matu 5:44–45

Jisōs Kraist ekōņaan bwe jen iakwe aolep.

Ajri ro reddikļo̧k remaron̄ jino kiiō kwaļo̧k iakwe, men̄e rejjab lo kōm̧m̧an em̧m̧an jān ro jet ak ro jeier im jatier. Ilo am̧ riiti Matu 5:44–45, ļōmņake wāween katak ko an Rilo̧mo̧o̧r n̄an mour kaki n̄an ajri ro kwoj katakin.

M̧akūtkūt ko Maron̄ Kōm̧m̧ani

• Bar lale Matu 5:44 kōjerbal naan ko im jekjek ko me ajri ro renaaj meļeļe im mour kake. Kajjitōk ippān ajri ro n̄an kwaļo̧k iien ko n̄e rekar kwaļo̧k iakwe n̄an ro jet men̄e ekar pen. Elmen an en̄jake kein kar kōm̧m̧an bwe ren en̄jake?

• Āinwōt juon kūlaaj, al juon al kōn iakwe ro jet, āinwōt “Love One Another” (Children’s Songbook , 136–37). Ta eo jej ekkatak jān al in kōn iakwe ro jet?

• Leļo̧k n̄an ajri ro peba in annan̄ in menono ko kōn naan ko em̧ōj je “Inaaj kwaļo̧k aō iakwe n̄an aolep.” Kajjitōk ippāer n̄an kainōknōke bōro ko im katotoikier ilo m̧oko im̧weer āinwōt juon kein kakeememej n̄an iakwe ro jet.

Katakin Katak eo: Ajri ro Rerūttoļo̧k

Matu 5:3–12

Imaron̄ m̧ōņōņō n̄e ij mour ilo wāween eo Jisōs ekar kwaļo̧ke.

Ilo am̧ riiti Matu 5:13–12, ta naan ko im eoon ko rej jutok ippam̧? Elmen an katak kein naaj kōjeraam̧m̧an mour ko an ajri ro kwoj katakin?

M̧akūtkūt ko Maron̄ Kōm̧m̧ani

• Kōm̧m̧ane juon jaat ioon boot eo kōn ruo kaļōm̧ ko E m̧ōņōņō … im jeraam̧man. Kajjitōk ippān ajri ro n̄an lale Matu 5:3–12 pukote men ko rem̧m̧an Jisōs ekar ba em̧ōņōņō im kōjeraam̧m̧an ko E ekar kallim̧uri er. Innām kanne jaat in kōn ta eo rekar loe. Kōnono ippān ajri ro ta kajjojo em̧m̧an eo im meļeļein kōjeraam̧m̧an eo.

• Je kajjojo em̧m̧an jān eoon kein ioon juon kaat im uwaak in kōjeraam̧m̧an ioon juon kaat. N̄an waanjon̄ak, juon kaat emaron̄ ba “ettā,” im eo juon emaron̄ ba “jolete laļ” (eoon 5). Kōtļo̧k an ajri ro kōmājeeje em̧m̧an ko im kōjeraam̧m̧an ko. Kajjitōk ippān ajri ro n̄an bōk juon em̧m̧an ilo eoon kein me rekōņaan kōļapļo̧k.

Matu 5:9, 21–24, 38–47

Imaron̄ erom̧ juon rikōm̧m̧an aenōm̧m̧an.

Jisōs ekar kwaļo̧k bwe rikōm̧m̧an aenōm̧m̧an naaj ņaetaer ro nejin Anij. Elmen am maron̄ im̧we ajri ro n̄an kōm̧m̧an aenōm̧m̧an?

M̧akūtkūt ko Maron̄ Kōm̧m̧ani

• Kajjitōk bwe juon ajri en riiti Matu 5:9 eļaaj. Ta in kōm̧m̧an aenōm̧m̧an? Ta wāween ko jemaron̄ kōm̧m̧an aenōm̧m̧an ippān baam̧le ko ad im ro m̧ōttad? (N̄an waanjon̄ak, lale eoon 21–24, 38–47.)

• Kajjitōk ippān kajjojo ajri n̄an ļōmņake juon jekjek me emaron̄ aikuj jipan̄ n̄an kōm̧m̧an aenōm̧m̧an. Ta eo rikōm̧m̧an aenōm̧m̧an enkar kōm̧m̧ane ilo jekjek in?

• Kajjitōk ippān ajri ro n̄an kwaļo̧k iien ko ke rekar kwaļo̧k iakwe n̄an ro jet, men̄e armej eo eoktak jān er ak kar pen n̄an iakwe.

Matu 5:14–16

Waanjon̄ak eo aō emaron̄ kōmeram ro jet n̄an ļoor Jisōs.

Elōn̄ iaan ajri ro kwoj katakin rekar kōm̧m̧ane bujen peptaij ko. Ļōmņak kōn naan ko an Rilo̧mo̧o̧r ilo Matu 5:14–16 eiokļo̧k bujen ko aer. Ta ennaan ko an Irooj emaron̄ wōr ilo ennaan in n̄an ajri ro kwoj katakin ilo kūlaaj eo am̧?

M̧akūtkūt ko Maron̄ Kōm̧m̧ani

• Jipan̄ er kakkilōklōke Matu 5:16. Je eoon eo ioon bo̧o̧t eo. Riiti ippān doon elōn̄ alen, jereļo̧k naan ko juon ilo̧k juon. Kajjitōk ippān ajri ro n̄an jin̄aik men ko remaron̄ kōm̧m̧ane n̄an kōmeram ro jet. Kōnono kake elmen kōmeram ro jet ejipan̄ kōj kakūrm̧ool bujen peptaij ko ad (lale Mosaia 18:8–10).

• Al ippān doon juon al kōn kwaļo̧k meram, eo āinwōt “Shine OnChildren’s Songbook,, 144). Elmen ad kwaļo̧k meram eo an Rilo̧mo̧o̧r?

• Kajjitōk ippān ajri ro n̄an jin̄aik men ko me rej kōmeram kōj. Riiti Matu 5:14–16. Kajjitōk ippāer etke Jisōs ekōņaan bwe jen meram n̄an laļin.

• Kajjitōk ippān ruo ajri n̄an jelm̧ae doon, im kajjitōk ippān eo juon n̄an kajjieon̄ kattōn̄ eo juon ilo an jab jim̧we e. Kōnono kōn kajoor eo ippān ajri ro kōn m̧ōņōņō eo ajri ro rej bōktok n̄an ro jet.

Kōketak Ekkatak ilo M̧weo

Mālijjon̄e ajri ro n̄an lale an ro jet kōm̧m̧an aenōm̧m̧an ilo wiik in. Ilo jinoin kūlaaj eo tok juon wiik in laļ, kajjitōk ippāer n̄an kōnono kōn wōn im ta eo rekar loe.

Kōkm̧anm̧anļo̧k Ad Katakin

Jipan̄ Ajri ro bwe ren Bōk Koņaer. “Ilo am̧ katakin ajri ro, kōtļo̧k bwe ren ekkal, jin̄a, kōļar, jeje, im ejaak. Men kein reļļapļo̧k jān makūtkūt in kam̧ōņōņō ko—raorōk n̄an ekkatak” (Teaching in the Savior’s Way, 25).