Pāpode 6–12

Jon 2–4

“Kom̧win Bar Ļotak”

Ilo tukaduin kūlaaj eo an Būraimere, eban wōr ami iien n̄an katakin aolepen pedped in katak ko raorōk ilo Jon 2–4. Kappukot tōl an jetōb kōn ta eo n̄an kwaļo̧k im em̧m̧atata n̄an tōpar aikuj ko im itok limo ko an ajri ro.

Karuwainene n̄an Kwaļo̧k

N̄an rōjan̄ ajri ro n̄an kwaļo̧k ta eo rej ekkatak im en̄jake, kajjitōk ippāer ta eo rekar kōm̧m̧ane n̄an erom̧ jet ro “rieo̧n̄ōd in armej” (Matu 4:19). Kwomaron̄ kōņaan lali katak ko an wiik eo ļo̧k ippāer.

Katakin Katak eo: Ajri ro Reddikļo̧k

Jon 3:1–10

Ij aikuj peptaij im kapen bwe in jepļaak im mour ippān Jemedwōj Ilan̄.

Ajri ro kwoj katakin rej kōppopo n̄an bōk bun̄ten eo eaorōk n̄an bar mour ippān Jemedwōj Ilan̄ kōn peptaij (ļotak ilo dān) im kapen (ļotak ilo jetōb). Elmen am̧ maron̄ jipan̄ er meļeļe aorōk eo an kain̄i kein ruo?

M̧akūtkūt ko Maron̄ Kōm̧m̧ani

• Kōmeļeļeiki bwebwenato in an Jisōs katakin Nikodimōs (lale John 3:1–10). Kallim̧uri ajri ro bwe n̄e rej peptaij, Jemedwōj Ilan̄ enaaj leļo̧k n̄an er menin letok eo an Jetōb Kwojarjar.

• Kwaļo̧k n̄an ajri ro peij eo n̄an m̧akūtkūt eo an wiik in, im kajjitōk ippāer n̄an kōmeļeļeiki jin̄a ko. Riiti Jon 3:5, im kam̧ool bwe jej aikuj in peptaij im kapen n̄an bar mour ippān Jemedwōj Ilan̄.

• Kajjitōk ippān ajri ro n̄an kōnono kōn ta eo rej kōm̧m̧ane n̄an kwaļ peier. Kwaļo̧k pijain Leddik Eo Ej Peptaij (Gospel Bok in Pija, no. 104), im jipan̄ ajri ro keidi kwaļ peier kōn dān bwe en erreeo ilo jetōb kin peptaij.

Jon 3:16

Jemedwōj Ilan̄ ej iakwe eō, kōn menin E ekar letok n̄an eō juon Rilo̧mo̧o̧r.

Elmen am̧ maron̄ jipan̄ ajri ro jeļā m̧ool in eaorōk?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kadedeļo̧k jentōj ko āinwōt in: “Kōn an ro jinō im jema iakwe eō, rej …” Riiti Jon 3:16. Innam jipan̄ kajjojo ajri āliji Jon 3:16, bōk jikin naan eo “laļ in” kōn etaer make. Jipan̄ ajri ro keememej ta eo eoon in ej ba Jemedwōj Ilan̄ ekar kōm̧m̧ane kōnke Ej iakwee kōj. Kajjitōk ippān ajri ro n̄an jin̄aiki juon pija in Jisōs. Kōtļo̧k bwe ren kwaļo̧k jin̄a ko aer n̄an doon im kwaļo̧k aer iakwe n̄an Rilo̧mo̧o̧r.

• Al juon al ippān doon kōn Jisōs Kraist, āinwōt “Ekar Jilkintok Nejin m̧aan” (Bok in Al an Ajiri ro,, 34–35). Kōtļo̧k bwe ajri ro ren kotak juon pijain Jisōs aolep iien n̄e rej al naan ko āinwōt “Nejin,” “Jisōs,” ak “Rilo̧mo̧o̧r.”

Jon 4:5–15

Jisōs Kraist ej aō “dānin mour.”

Ajri ro ilo kūlaaj eo am̧ remaron̄ keidi n̄an aer m̧aro. Elmen am̧ maron̄ kōjerbal en̄jake in n̄an jipan̄ er meļeļe ewi jon̄an ad aikuj dānin mour eo Jisōs Kraist ej letok?

M̧akūtkūt ko Maron̄ Kōm̧m̧ani

• Kōjerbal pija eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko n̄an kwaļo̧k bwebwenato eo an Jisōs im kōrā eo ilo aebōj laļ eo (lale Jon 4:5–15). Kajjitōk ippān ajri ro n̄an bar kwaļo̧k bwebwenato eo.

• Kwaļo̧k juon kūlaaj in dān, im kōnono ippen ajri ro etke jej aikuj dān. Kōmeļeļeiki tukaduin Jon 4:5–15, im kam̧ool bwe Jisōs Kraist im gospel eo An rej letok mour n̄an jetōb ko ad, āinwōt an dān letok mour n̄an ānbwinnid.

Katakin Katak eo: Ajri ro Rerūttoļo̧k

Jon 2:1–11

Imaron̄ kautiej jinō āinwōt kar Jisōs.

Ilo kejota in pālele eo ilo Cana, Meri ekar ba n̄an Jisōs bwe emaat wain. Ekkar n̄an Ukook eo an Joseph Smith, Jisōs ekar uwaake Jinen ilo an kajjitōk, “Kōrā en, ta eo konaaj kappe eō n̄an kōm̧m̧ane? en̄iin ta eo inaj kōm̧m̧ane” (ilo Jon 2:4, footnote a). Jisōs ej juon waanjon̄ak in wewein ad kōm̧m̧an em̧m̧an n̄an jined.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Jon 2:1–11 im bōk kuņaer n̄an bar kwaļo̧k bwebwenato eo ilo naan ko aer make.

• Kajjitōk ippān ajri ro n̄an laajrake men ko jineer emaron̄ aikuij jipan̄ kaki. Kajjitōk ippāer n̄an kamineneik ta eo remaron̄ ba n̄an e n̄an kōjerbal jet iaan naan ko an Jisōs: “Ta eo koj ko̧ņan bwe in kōm̧m̧an n̄an eok?” (Jon 2:4, footnote a).

• Karuwainene jet m̧am̧a ro n̄an lowaj kūlaaj eo am̧ im kwaļo̧k ta eo ajri ro nejier rej kōm̧m̧ane n̄an kwaļo̧k aer kautiej n̄an er.

Jisōs ekar ba n̄an jinen, ta eo im koj kōņan bwe in kōm̧m̧ane n̄an eok?” (Ukook eo an Josep Smith, Jon 2:4 [ilo Jon 2:4, footnote a]).

Jon 3:1–8

Ilo ad Peptaij im kapen ej āinwōt n̄e jej bar ļotak.

N̄e jej peptaij, eo me Jisōs ekar ņaetan “ļotak jān dān,” jej bōk juon jeo̧rļo̧kin jerawwiwi ko ad im maron̄ “deļo̧n̄e aelōn̄ eo aelōn̄ in Anij” (Jon 3:5). Eļmen am maron̄ jipan̄ ajri ro kwoj katakin er meļeļein am̧ maron̄ bar ļotak?

M̧akūtkūt ko Maron̄ Kōm̧m̧ani

• Kōm̧m̧ani naan ko ilo peba jidik ko im rej kwaļo̧k naan ko an Rilo̧mo̧o̧r ilo Jon 3:3, im kōtļo̧k an ajri ro likūti ilo jim̧wein ekkar ko aer. Elmen an peptaij im kapen āinwōt n̄e koj bar ļotak juon alen?

• Kwaļo̧k juon pijain juon nin̄nin̄ eo ej kab ļotak im juon eo ej tin peptaij im kapen (lale Gospel Art Book, nos. 104–5). Elmen ad āinwōt juon nin̄nin̄ eo ej kab ļotak ālkin ad peptaij im kapen? (lale Jon 3:3–5).

• Kajjitōk ippān ajri ro n̄an kwaļo̧k ememļo̧kjeņ ko kōn peptaij kar aer. Riiti Mosaia 18:8–10 im Katak im Bujen Ko 20:37 n̄an etale bujen eo an peptaij. Katakin ajri ro bwe bōk kwojkwoj eo ilo aolep wiik ej juon wāween n̄an wōnm̧anļo̧k kin wāween eo n̄an bar ļotak juon allen.

• Jipan̄ ajri ro kakkilōklōke Laajrak in Tōmak ko 1:4.

Jon 3:16–17

Jemedwōj Ilan̄ ej iakwe eō, kōn menin E ekar jilkintok Nejin.

Elmen am̧ maron̄ jipan̄ ajri ro jeļā bwe Jisōs Kraist ekar itok n̄an laļin āinwōt juon menin kam̧oolol kōn iakwe eo an Jemedwōj Ilan̄?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an jin̄aik juon pija in menin letok eo em̧m̧antata ippāer im wōn eo ekar leļo̧k menin leļo̧k eo. Kajjitōk ippān juon ajri n̄an riiti Jon 3:16. Ta menin letok eo Jemedwōj Ilan̄ ekar letok n̄an kōj? Elmen an menin letok in kwaļo̧k An iakwe?

• Kajjitōk ippān ajri ro n̄an pukōt uwaak ko n̄an kajjitōk in “Etke Jemedwōj Ilan̄ ekar jilkintok n̄an kōj Jisōs Kraist?” ilo aer riiti Jon 3:16–17 ak al ak ron̄jake “Ekar Jilkintok Nejin Maan” (Bok in Al an Ajiri, 34–35).

Jon 4:5–23

Jisōs Kraist ej aō “dānin mour.”

Āinwōt an Jisōs kōjerbal dān n̄an katakin kōrā in Sameria eo, komaron̄ kōjerbal dān n̄an katakin ajri ro etke jej aikuji gospel eo an Jisōs Kraist.

M̧akūtkūt ko Maron̄ Kōm̧m̧ani

• Kōjerbal Jon 4:5–23, je jentōj in kōmeļeļe eo jān bwebwenato in kōn kōrā eo ilo aebōj laļ eo. Kajjitōk ippān ajri ro n̄an lale eoon kein im likūti ilo jim̧we in karōk jentōj eo. Ta eo Jisōs ekar kajjieon̄ katakin kōrā in?

• Leļo̧k n̄an ajri ro jidik dānnin idaak, im kajjitōk ippāer n̄an kwaļo̧k en̄jake ko aer n̄e rej maro. Kōnono kake elmen en̄jake eo aer n̄e jej idaak dān ālkin juon tōre eo aetok. Kajjitōk ippān ajiri ro n̄an ņaetan men ko me, āinwōt kap in dān, ej kōmour kōj ilo iien eo. Ta men ko āinwōt “dānnin mour” remaron̄ kōmour kōj indeeo?

• Je ioon bo̧o̧t eo Elmen an gospel in āinwōt dān? Kajjitōk ippān ajri ro n̄an ļōmņake elmen aer maron̄ uwaake kajjitōk in ilo aer riiti Jon 45–23.

Kōketak Ekkatak ilo M̧weo

Ļōmņak in kajjitōk ippān ajri ro n̄an leļo̧k n̄an ro uwaan baam̧le eo jidik dānnin idaak n̄e repād im̧weeo. Ilo aer kōm̧m̧ane, remaron̄ kwaļo̧k ta eo raar ekkatak kōn dānin mour.

Kōkm̧anm̧anļo̧k Ad Katakin

Kōjerbal peij ko rej kelaajrak m̧akūtkūt ko. Ilo an ajri ro kadedeļo̧k peij in m̧akūtkūt ko, kōjerbal awa eo n̄an etale pedped in katak ko jān katak eo.