Jisōs ej katakin armej ro jān Pārijet, jān James Tissot

Pāpode 20–26

Matu 6–7

“E ar Katakin er kōn Kajoor”

Jino riit jān Matu 6–7, ļōmņak kōn ajri ro kwoj katakin. Ta ennaan ko jān jebta kein rej aikuj in ron̄jake? Itok, Ļoor Eō—N̄an Kajjojo Armej im Baam̧le Ko im laajrak in emaron̄ jipan̄ lewaj ļōmņak ko n̄e aikuji.

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k ta eo rekar kōm̧m̧ane ilo wiik eo ļo̧k bwe ren juon meram ak waanjon̄ak n̄an ro jet.

Katakin Katak eo: Ajri ro Reddikļo̧k

Matu 6:5-–13

Imaron̄ jar n̄an Jemedwōj Ilan̄ āinwōt kar Jisōs.

Ajri ro remaron̄ ekkatak kilen jar ilo aer ron̄jake an ro jet jar. Elmen am̧ maron̄ jipan̄ er ekkatak jān jar eo an Jisōs Kraist ilo eoon kein?

M̧akūtkūt ko Maron̄ Kōm̧m̧ani

• Etale katak ko an Jisōs kōn jar ilo Matu 6:5–13. Kwomaron̄ kōjerbal “Jebta 20: Jesus Teaches about Prayer” (ilo Bwebwenato ko ilo Kalim̧m̧ur Ekāāl, 51–52, ak bitio in jipan̄ eo ilo ChurchofJesusChrist.org).

• Kōjerbal peij in m̧akūtkūt eo an wiik in n̄an jipan̄ ajri ro keememej m̧ōttan oktak ko an jar.

• Jeiki annan̄ in pein ajri ro kajjojo ioon juon peba. Kōnono kōn ta eo jej aikuj kōm̧m̧ane kōn peid ilo ad jar. Ilo kajjojo annan̄ in peier, je jet men ko jej kōm̧m̧an n̄an kwaļo̧k kautiej ilo ad jar (n̄an waanjon̄ak, jillo̧k bōrad, kiil mejed, im ko jet)

• Al juon al kōn jar ippān ajri ro āinwōt “We Bow Our Heads” (Children’s Songbook, 25), im kwaļo̧k am̧ naan in kam̧ool kōn kajoor an jar. Kajjitōk ippāer n̄an kwaļo̧k en̄jake ko aer kōn jar.

Imaron̄ jar n̄an Jemedwōj Ilan̄ āinwōt kar Jisōs.

Matu 7:12

Ij aikuj kōm̧m̧an em̧m̧an n̄an ro jet ilo wāween eo ij kōņaan bwe ren kōm̧m̧ane n̄an eō.

Jisōs ej kwaļo̧k Matu 7: 12—barāinwōt menin jeļā kake āinwōt Kakien eo Aurōk—ej letok juon unin tōl eo epidodo kōn wāween kōm̧m̧an em̧m̧an n̄an doon Ta eo enaaj jipan̄ ajri ro kwoj katakin mour kōn pedped in?

M̧akūtkūt ko Maron̄ Kōm̧m̧ani

• Riiti Matu 7:12, im kōkaduiki naan ko me ajri ro remaron̄ meļeļe. Jipan̄ ajri ro ļōmņaki men ko n̄an kadedeļo̧k jentōj in āinwōt in ilaļ: “Em̧m̧an n̄e ro jet n̄an n̄a.” Ālkin kajjojo jentōj, kajjitōk ippāer n̄an āliji ippam̧, “Bwe ij aikuj n̄an ro jet.”

• Al ippān ajri ro juon al me kwonaaj en̄jake Matu 7:12, āinwōt “Jesus Said Love Everyone” (Children’s Songbook, 61). Kōm̧m̧ane juon ikkure epidodo n̄an jipan̄ al in. Kajjitōk ippān ajri ro ta eo rej ekkatak kake elmen ad aikuj kōm̧m̧an em̧m̧an n̄an ro jet jān waanjon̄ak eo an Rilo̧mo̧o̧r.

• Kajjitōk ippān ajri ro n̄an laajraki men ko ro jineer im jemeer ak ro uwaan baam̧le eo rej kōm̧m̧ani n̄an er. Riiti Matu 7:12, im kajjitōk ippān ajri ro n̄an kwaļo̧k etan men ko remaron̄ kōm̧m̧ani n̄an baam̧le ko aer.

Matu 7:24–27

Imaron̄ kalōk juon pedped eo em̧ool n̄an ļoor Jisōs.

Kōjerbal būrabōļ eo an Rilo̧mo̧o̧r n̄an kalōk m̧weo ioon bo̧k im ioon dōkā emaron̄ in juon wāween ekabwilōn̄lōn̄ n̄an katakin ajri ro kōn aorōk eo ilo ad ekkatak.

M̧akūtkūt ko Maron̄ Kōm̧m̧ani

• Al ippān ajri ro “The Wise Man im the Foolish Man” (Children’s Songbook, 281), im kōjerbal ikkure eo ippānļo̧k naan ko.

• Kōjerbal Matu 7:24–27 n̄an katakin oktak ko ikōtaan armej eo emāletlet im armej eo ebwebwe. Karuwaineneik ajri ro n̄an katen wōt n̄e rej kalōk juon em̧. Ewi wāween ad maron̄ āinwōt armej eo emāletlet?

• Kōtļo̧k an ajri ro jin̄aiki pijain būrabōļ eo kōn armej eo emāletlet im arme eo ebwebwe.

Katakin Katak eo: Ajri ro Rerūttoļo̧k

Matu 6–7

Kwaļo̧k eo ioon to̧l epād ennaan ko n̄an n̄a.

Jebta kein elōn̄ ennaan ko me remaron̄ jerbal n̄an ajri ro kwoj katakin. Riit n̄an ajri ro. Ta eo ej alikkar n̄an eok?

M̧akūtkūt ko Maron̄ Kōm̧m̧ani

• Kakeememej ajri ro bwe renaaj ekkatak kōn ta eo Jisōs ekar kwaļo̧o.ke ilo kwaļo̧k eo ioon to̧l e Ta m̧ool ko remaron̄ keememej n̄an katak eo wiik eo ļo̧k?

• Je ioon bo̧o̧t eo jet naan jān kwaļo̧k eo ioon to̧l eo im jet iaan naan ko rejjab jān jejej ko rekwojarjar. Kajjitōk ippān ajri ro n̄an kalikkar ewi naan ko rej itok jān Kwaļo̧k eo ioon To̧l. Kajjitōk ippāer n̄an kwaļo̧k ta eo rej ekkatak jān katak ko.

• Kālet jet iaan eoon kein jān Matu 6–7 me kwoj en̄jake eļapļo̧k tokjen n̄an ajri ro. Je eoon in jipan̄ ko ioon kaat eo, im ņooji ilo aolep jikin ilo ruum̧ eo. Kōtļo̧k an ajri ro pukoti, riiti eoon ko, im kōmeļeļeiki etke katak kein raorōk n̄an er.

• Kwaļo̧k juon iaan eoon ko rem̧m̧an ippam̧ jān Matu 6–7, im kōmeļeļeiki etke em̧m̧an ippam̧. N̄e em̧m̧an naan ko ippān ajri ro, kajjitōk ippāer n̄an kwaļo̧k etke em̧m̧an ippāer im ta eo raar ekkatak jene.

• Al ippān doon juon al kōn Rilo̧mo̧o̧r im katak ko An, āinwōt “I’m Trying to Be like Jesus” (Children’s Songbook,78–79). Kabōjrak al n̄e kwoj lo eoon eo me eiokļo̧k n̄an pedped eo kar kwaļo̧k ilo Matu 6–7. Jipan̄ ajri ro kōm̧m̧ani konekjen ko n̄an men ko rej ekkatak jān jebta kein.

Matu 6:5–13; 7:7–11

Jemedwōj Ilan̄ enaaj ron̄jake im uwaake eō n̄e ij jar.

Ilo am̧ ekkatak Matu 6:5–13; 7:7–11, ta eo kwoj en̄jake me ajri ro reaikuji n̄an meļeļe kōn jar?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Matu 6:9–13 eļaaj innām laajraki men ko Rilo̧mo̧o̧r ekar ba ilo jar eo An. Ewi wāween ad maron̄ ļoore waanjon̄ak eo an ilo ad jar?

• Al juon al kōn jar ippān ajri ro, āinwōt “Ne Kwoj Ruj Tok Jen Ion Kinem?” (Al, no. 34). Jipan̄ ajri ro pukōt em̧m̧an eo n̄an pukote ta unin ad jar im kōjeraam̧m̧an ko me rej itok jān jar.

• Jipan̄ ajri ro kakkilōklōke Matu 7:7 jān ikkure juon ikkure āinwōt in ilaļ: Juon ajri ej lale m̧okta naan ak eoon eo jān eoon eo innām leļo̧k booļ eo n̄an ajr eo juon, eo enaaj lale naan eo ak eoon eo juon.

• Ikkure kake Matu 7:9–10 ippān ajri ro kōjerbal peba ko. Kajjitōk ippān ajri ro n̄an kwaļo̧k ta eo menin ej katakin er kōn jar.

• Kwaļo̧k juon en̄jake me jar ko am raar uwaak.

Matu 6:19–21

Imaron̄ kappukot men ko an indeeo ijeļo̧kin men ko an laļ.

Elmen am̧ naaj jipan̄ ajri ro kwoj katakin likūt men ko raorōk indeeo ijelo̧kin men ko an laļ?

M̧akūtkūt ko Maron̄ Kōm̧m̧ani

• Bōktok juon bo̧o̧k “eaorōk” eobrak kōn menin ekkatak ko ak pija ko me rej pinej jenkwan men ko raorōk an laļin—n̄an waanjon̄ak, jāān ak kein ikkure ko. Riit Matu 6:19–21 ippān doon, innām kajjitōk ippān ajri ro n̄an jipan̄ eok ļōmņaki men ko raorōk an lan̄ me remaron̄ bōk jikin men ko an laļ ilowaan bo̧o̧k eo.

• Kajjitōk ippān ajri ro n̄an kwaļo̧k etan ak jin̄aiki men ko remaron̄ kōm̧m̧ani n̄an “koṃwin koorḷọk … ṃweiuk ñan koṃ i lañ” (Matu 6:20).

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an baam̧le ko aer katak ko rem̧m̧an ippāer jān Kwaļo̧k eo ioon To̧l eo.

Kōkm̧anm̧anļo̧k Ad Katakin

Kappukot n̄an meļeļe uwaan kūlaaj eo am. Kwojeļā kajjien ajri ro kwoj katakin. Ļōmņak ko ilo laajrak in emaron̄ menin aikuj n̄an lōn̄aj aikuj ko aer eļap ilo aikuj ko an kūlaaj eo am. Kwomaron̄ kōņaan etale aolep m̧akūtkūt ko kar kōlaajraki ilo laajrak in, ejjab wōt m̧akūtkūt ko kar karōki n̄an iiō ko an ajri ro kwoj katakin, n̄an lo ļōmņak ko n̄an kūlaaj eo am̧. (Lale Teaching in the Savior’s Way, 7.)