Jisōs ej kajerkak em̧m̧aan eo jān peet

Pāpode 27–Maaj 5

Matu 8; Mark 2–4; Luk 7

“Am Tōmak ear Lo̧mo̧o̧ren Eok”

Ilo am̧ riiti Matu 8; Mark 2–4; im Luk 7 wiik in, ļōmņak kōn ajri ro kwoj katakin. Jar bwe Jetōb Kwojarjar en im̧we eok kōn ļōmņak ko me enaaj jipan̄ er lo m̧ool ko ilo jebta kein.

juon eo ej kwaļo̧k an ļōmņak im en̄jake

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k juon bwebwenato in an Jisōs kōm̧m̧ane juon menin bwilōn̄ (lale laajrak in menin bwilōn̄ ko ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le Ko). Komaron̄ bar kwaļo̧k pija ko reierļo̧k wōt (āinwōt Gospel Art Book, no. 40).

juon eo ej katakin katakin

Katakin Katak eo: Ajri ro Reddikļo̧k

Matu 8; Mark 2–3; Luk 7

Jisōs ewōr an kajoor n̄an kōm̧m̧ani menin bwilōn̄ ko.

Ilo am̧ riit kōn menin bwilōn̄ in kōmour ko an Rilo̧mo̧o̧r, kōļmenļo̧kjeņ ta menin bwilōn̄ ko n̄an kwaļo̧ki. Elmen am̧ maron̄ jipan̄ ajri ro kwoj katakin er meļeļe kōn tōmak ilo menin bwilōn̄ ko Jisōs ekar kōm̧m̧ani?

M̧akūtkūt ko Maron̄ Kōm̧m̧ani

• Kwaļo̧k bwebwenatoin em̧m̧aan eo ekar ake ilo Mark 2:1–12. N̄an jipan̄, lale “Chapter 23: The Man Who Could Not Walk” (ilo New Testament Stories, 57–58, ak bitio in jipan̄ eo ilo ChurchofJesusChrist.org). Kōmeļeļeiki bwe em̧m̧aan eo eake ejjab maron̄ etetal. Jipan̄ er kile bwe em̧m̧aan in kar kōmouri jān Rilo̧mo̧o̧r eo.

• Kajjitōk ippān ajri ro n̄an kōnono kōn juon iien ke raar nan̄inmej. Kwaļo̧k juon iaan bwebwenato ko an Jisōs kōmour rinan̄inmej ro, āinwōt Matu 8:1–4, 5–13, 14–15; Mark 3:1–5; Luk 7:11–16. Karuweneneik ajri ro n̄an kwaļo̧k bwebwenato eo ilo naan ko aer make. Kam̧ool bwe kajoor eo an Jisōs emaron̄ kōmour, kōjeraam̧m̧an, im kaenōm̧m̧an kōj.

Matu 8; Mark 2–3; Luk 7

Imaron̄ kwaļo̧k iakwe n̄an ro jet āinwōt kar Jisōs.

Jisōs ekar kwaļo̧k an iakwe eļap ilo kemour rinan̄inmej im riajļaļ. Ļōmņake elmen am̧ maron̄ katakin ajri ro n̄an kwaļo̧k jouj n̄an armej ro rej pād ilo aikuj.

M̧akūtkūt ko Maron̄ Kōm̧m̧ani

• Kālet juon ak elōn̄ bwebwenato ko kōn an Jisōs kwaļo̧k iakwe n̄an ro rej pād ilo aikuj, ānwōt kein ilo Matu 8:1–4, 5–13, 14–15; Mark 2:1–12; 3:1–5; Luk 7:11–16. (Bar lale pija in alooj eo “Widow of Nain” ilo ChurchofJesusChrist.org.) Kwaļo̧k juon iien im ro jet rekar kwaļo̧k iakwe n̄an eok ilo juon iien am̧ aikuj im am̧ kar ewi am̧ kar en̄jake. Kajjitōk ipen ajri ro n̄an kwaļo̧k en̄jake ko aer.

• Kwaļo̧k bittio eo an “Gordon Hinckley: Katak ko Iar Ekkatak ke iar juon ļaddik” ak “The Goat” (ChurchofJesusChrist.org). Elmen an kar ajri ro ilo bittio in ļoor waanjon̄ak eo an Jisōs? Kajjitōk ippān ajri ro n̄an kwaļo̧k jekjek ko jet n̄e juon emaron̄ pād ilo aikuij. Ta eo jemaron̄ kōm̧m̧ane n̄an jipan̄ er?

• Al juon al eo ej kwaļok kin iakwe im jouj n̄an ro jet, eo āinwōt “Jouj Ej Ijjino Ippa” (Bok in Al An Ajiri Ro,145).

An Jisōs kalur lan̄ eo ilo wa eo

Jān Mija n̄an Tōmak, jān Howard Lyon

Mark 4:35–41.

N̄e ij mijak ak pād ilo kauwōtata, Jisōs emaron̄ jipan̄ eō en̄jake aenōm̧m̧an.

Bwebwenatoin kōn an Jisōs kalur lan̄ ko emaron̄ jipan̄ ajri ro jeļā bwe E emaron̄ leļo̧k n̄an er aenōm̧m̧an n̄e rej en̄jake mijak.

M̧akūtkūt ko Maron̄ Kōm̧m̧ani

• Jipan̄ ajri ro antoone n̄e raar pād ilo wa eo ilo am̧ riiti Mark 4:35–41. (Bar lale “Chapter 21: Jesus Commands the Winds and the Waves,” ilo New Testament Stories, 53, ak bitio in jipan̄ eo ilo ChurchofJesusChrist.org.) Kajjitōk ippān ajri ro n̄an kōmeļeļeiki elmen aer maron̄ kar en̄jake n̄e ren kar pād ijo. N̄āāt eo ajri ro rekar mijak? Elmen aer kar lo aenōm̧m̧an?

• Kajjitōk ippān ajri ro n̄an kōm̧m̧an ainikien jouruur im kōtto ko im bōjrak n̄e juon ej eba “En Lur, im likattōtōt.” Kam̧ool bwe Jisōs emaron̄ bōktok n̄an kōj aenōm̧m̧an n̄e elōn̄ lan̄ inam̧ōj, eindrein E emaron̄ bōktok n̄an kōj aenōm̧m̧an ilo būruwōd n̄e jej en̄jake inepata itulowa.

• Katakin ajri ro wewein makitkit ko rej ekejel ipen eoon ko jilu ilo “Tell Me the Stories of Jesus” (Bok in Al an Ajiri Ro, 57), im al eoon eo ippān doon ilo aer kōm̧m̧ane makitkit ko.

eo ej katakin

Katakin Katak eo: Ajri ro Rerūttoļo̧k

Matu 8; Mark 2–3; Luk 7

Jisōs emaron̄ kōm̧m̧ani menin bwilōn̄ ko ilo mour eo aō n̄e ij tōmak ilo E.

Jisōs ekar kōm̧m̧ani elōn̄ menin bwilōn̄ ko ilo jerbal in kwaļo̧k eo An. Elmen am̧ maron̄ jipan̄ ajri ro jeļā bwe menin bwilōn̄ ko rej waļo̧k rainin?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kelet juon iaan menin bwilōn̄ kein n̄an riiti im jin̄aiki: Matu 8:1–4, 5–13, 14–15; Mark 2:1–12; 3:1–5; Luk 7:11–16. Kajjitōk ipen ajri ro n̄an kōmeļeļeik jin̄a ko aer n̄an kūlaaj eo. Ta eo jej ekkatak kōn Jisōs jān bwebwenato kein?

• Kajjitōk ippān ajri ro n̄an kwaļo̧k elmen aer en̄jake n̄e rej nan̄inmej, būrom̧ōj, mijak, ak inepata. Elmen an Jisōs jipan̄ kōj n̄e epād ippād en̄jake kein? Kam̧ool bwe Jisōs emaron̄ jipa ajri ro ilo aolepen jekjek kein.

• Kajjitōk ippān ajri ro n̄an kwaļo̧k en̄jake ko aer n̄e erj ak juon eo rejeļā kajjien ekar bōk juon kōjereraam̧m̧an an priesthood. Elmen an kar armej eo mour ak bōk jeraam̧m̧an?

Mark 2:15–17; Luk 7:36–50

Jisōs ej iakwe kōj men̄e jej jerawiwi im kōņaan jipan̄ kōj ukweļo̧k.

Bwebwenato ko ilo Mark 2:15–17 im Luk 7:36–50 remaron̄ jipan̄ ajri ro meļeļe bwe Jisōs Kraist ej iakwe kōj men̄e jej jerawiwi. E ej kōņaan jipan̄ kōj ukweļo̧k im epaakeļo̧k E.

M̧akūtkūt ko Maron̄ Kōm̧m̧ani

• Je Elmen en̄jake eo anJisōs kōn Jerawiwi? im Elmen an Jisōs en̄jake kōn kōj n̄e jej jerawiwi? ioon bo̧o̧t eo. Kajjitōk ippān ajri ro n̄an ļōmņake kajjitōk kein ilo aer riit ippān doon Mark 2:15–17 innām kwaļo̧k uwaak ko aer. (Kom̧ maron̄ riit ippān doon “Publican” ilo Unin Tōl eo an Jeje ko Rekwojarjar [scriptures.ChurchofJesusChrist.org].) Etke eaorōk n̄an jeļā bwe Jisōs ej iakwe kōj, men̄e jejjab weppān? Elmen ad maron̄ jeļā kin menin jipan̄ kōj n̄e jej aikuj in ukweļo̧k?

• Jejjo̧ raan m̧okta jān kūlaaj, kajjitōk ippān juon ajri im juon uwaan baam̧le eo n̄an itok n̄an kūlaaj in pojak tok n̄an kwaļo̧k bwebwenato eo ilo Luk 7:36–50. Remaron̄ jin̄aiki m̧ōttan pija ko rej waļo̧k ilo bwebwenato in im kwaļo̧ke n̄an kūlaaj. Kōnono ippān ajri ro ta eo Irooj ekōņaan bwe jān jeļā jān bwebwenato in.

Mark 4:35–41.

N̄e ij mijak ak pād ilo kauwōtata, Jisōs emaron̄ jipan̄ eō en̄jake aenōm̧m̧an.

Ajri ro reaikuj jeļā bwe Rilo̧mo̧o̧r emaron̄ leļo̧k n̄an er aenōm̧m̧an n̄e rej ioon lan̄ ko an mour in—kiiō im jekļaj.

M̧akūtkūt ko Maron̄ Kōm̧m̧ani

• Kajjitōk ippān juon iaan ajri ro n̄an kōjerbal Mark 4:35–41 im pijain Jisōs Ej Kallur Lan̄ Ko (Gospel Bok in Pija Eo, no. 40) n̄an kwaļo̧k bwebwenatoin an Jisōs kalur ļan̄ ko. Kajjitōk ippān ajri ro n̄an kōmeļeļeiki elmen aer maron̄ kar en̄jake n̄e ren kar pād ijo.

• Kajjitōk ippān ajri ro n̄an kwaļo̧k en̄jake ko aer n̄e rekar en̄jake aenōm̧m̧an ālkin aer jar im kappok jipan̄. Kakeememej er bwe aenōm̧m̧an in ej itok jān Rilo̧mo̧o̧r.

• Leļo̧k n̄an kajjojo ajri juon peba annan̄ in kōdo̧, im kajjitōk ippāer n̄an je juon apan̄ me ewōr ippān juon. Likūt aolep kōdo̧ ioon bo̧o̧t eo, im kalbubuik pijain Rilo̧mo̧o̧r eo. Kajjitōk ippān juon ajri n̄an kōm̧akut kōdo̧ ko im kwaļo̧k wāween ko jemaron̄ jipan̄ ro jet kōn apan̄ ko n̄an lo aenōm̧m̧an. N̄e em̧akūt aolep kōdo̧ ko, kam̧ool kōn kajoor eo an Rilo̧mo̧o̧r n̄an kalur lan̄ ko ilo mour ko ad.

juon jikin ekatak

Kōketak Ekkatak ilo M̧weo

Jipan̄ ajri ro je im jerbali jerbal in jipan̄ eo renaaj kōm̧m̧ane n̄an ro jet ilo wiik in.

Kōkōm̧anm̧an Ad Katakin

Ajri ro reniknik. Ilo jabdewōt iien komaron̄ en̄jake bwe ajri ro rejjab kōņaan ekkatak. Komaron̄ kōļapļo̧k aer ikitōltōl ilo am̧ kajjitōk bwe ren m̧akūtkūt ekkar n̄an juon bwebwenato ak kōm̧m̧an m̧akūtkūt ko rej iookļo̧k juon al ak juon eoon. (Lale Teaching in the Savior’s Way, 25.)

peij in m̧akūtkūt: N̄e ij mijak ak pād ilo kauwōtata, Jisōs emaron̄ jipan̄ eō en̄jake ainōm̧m̧an.