wit ko repojak n̄an m̧adm̧ōde leer

M̧aaj 20–26

Matu 13; Luk 8; 13

“Eo Ewōr Lo̧jiln̄in, En Ron̄jake”

Būrabōļ in bwebwenato ko repidodo me remaron̄ kōm̧m̧an an ajri ro itok limoier. Laajrak in im Itok, Ļoor Eō—N̄an Kajjojo Armej im Baam̧le Ko emaron̄ jipan̄ eok kōjerbal būrabōļ ko an Rilo̧mo̧o̧r n̄an katakin ajri ro m̧ool ko raorōk.

pija ej bōk jikin kwaļo̧k

Kajjitōk bwe ren Kwaļo̧k

Bōktok jejjo kein katakin ko me remaron̄ jipan̄ ajri ro keememej jet iaan būrabōļ ko ilo Matu 13, āinwōt ine, juon bōōr, ak juon bo̧o̧k eaorōk. Kajjitōk ippān ajri ro n̄an kwaļo̧k ta eo rej keememeje kōn būrabōļ ko.

pija ej bōk jikin katakin

Katakin Katak eo: Ajri ro Reddikļo̧k

Matu 13:1–23

Ij aikuj in pojak n̄an katak ko an Jisōs.

Ajri ro reddikļo̧k reban maron̄ meļeļe aolepen kōkkaļļe eo ilo būrabōļ in kōn rikallib, ak remaron̄ ekkatak m̧ool ko repidodo an gospel in ej katakin. Elmen am̧ maron̄ jipan̄ er meļeļeļo̧k elmen an būrabōļ in eiokļo̧k er?

M̧akūtkūt ko Maron̄ Kōm̧m̧ani

• Kwaļo̧k elōn̄ kain oktak in bwidej ko (ak pija in bwidej) ilo am̧ kōmeļeļeiki Matu 13:3–8. Leļo̧k n̄an kajjojo ajri juon ine, im kajjitōk ippāer ta eo renaaj kōm̧m̧an bwe en eddōk ine eo. Kōmeļeļeiki bwe naan in kam̧ool ko ad rej āinwōt ine. Elmen ad jipan̄ naan in kam̧ool eo ad “ine” bwe en kajoorļo̧k?

• Kōjerbal peij in m̧akūtkūt eo an wiik in n̄an jipan̄ ajri ro meļeļe kain ro bwidej eo kar kōmeļeļeiki ilo Matu 13 ej katakin kōn bōro. Kajjitōk ippān ajri ro kain bōro rot eo Jisōs ekōņaan bwe ren bōke n̄an jeļā katak ko An.

• Riit Matu 13: 9, 15, im kajjitōk ippān ajri n̄an jitōn̄ m̧ōttan ko ilo ānbwiinier ilo aer ron̄ eoon eo. Elmen ad maron̄ kōjerbal m̧ōttan ānbwin ko n̄an jeļā katak ko an Jisōs?

Matu 13:24-30-30, 36–43, 47–48

Jemedwōj Ilan̄ ekōņan bwe in kāālet jim̧we eo.

Jet iaan būrabōļ ko an Jisōs ej kwaļo̧k bwe ilo raan eo āliktata, Anij enaaj kōjenoļo̧k rijerawiwi jān riwānōk. Elmen am̧ maron̄ kōjerbal būrabōļ in n̄an im̧we ajri ro n̄an kāālet jim̧we?

M̧akūtkūt ko Maron̄ Kōm̧m̧ani

• Kōtļo̧k an ajri ro kōm̧m̧ani būrabōļ ko kōn wit eo im tāō (lale Matu 13:24–30). Kōmeļeļeiki bwe wit eo ej pinej jenkwan armej ro me rej kōm̧m̧ani kāālet ko rejim̧we, im tāō ko (wit ko renana) ej pinej jenkwan armej ro rejjab kāālet men ko rejim̧we. Juon raan, Jemewōj Ilan̄ enaaj aiin armej ro rōwānōk n̄an mour ippān.

• Leļo̧k n̄an ajri ro jet waanjon̄ak ko kōn kāālet ko rejim̧we im rebōd. Kajjitōk ippān ajri ro n̄an ba “kāālet wit” n̄e kwoj kōmeļeļeik juon kāālet ejim̧we im “kāālet tāō” n̄e kwoj kōmeļeļeik juon kāālet ebōd.

• Bōktok juon ko pija in wit, im kōtļo̧k an ajri ro jin̄aik ioon pija eo wāween ko remaron̄ mour wānōk kaki.

Matu 13:44–46

Aō uwaan membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata ej juon men eaorōk.

Elmen am̧ maron̄ kōjerbal bōōr eo eaorōk im em̧m̧an n̄an jipan̄ ajriro meļeļe jon̄an aorōk eo n̄an pād ilo Kabun̄ eo an kraist?

M̧akūtkūt ko Maron̄ Kōm̧m̧ani

• Ņooj pija in juon nine in men ko raorōk im juon bōōr ilo ruum̧ eo, im kōtļo̧k bwe ajri ro ren pukote. Kōjerbal pija in n̄an kwaļo̧k kōn būrabōļ ko ilo Matu 13:44–46. Kōnono etke jet remaron̄ joļo̧k aolep men ko ippāer n̄an juon bōōr eo eaiboojoj ak juon men eo eaorōk. Kōmeļeļeiki bwe jet iien jemaron̄ joļo̧k juon men em̧m̧an n̄an juon men em̧m̧anļo̧k. Kwaļo̧k n̄an ajri etke gospel in eaorōk n̄an eok.

• Likūt juon bo̧o̧k ak juon nine in kein ekkatak ko jet ak pija ko me rej bōk jikin “men eo eaorōk” ilo Kabun̄ eo an Jisōs Kraist im Armej ro Rekwojarjar ilo Raan ko Āliktata, āinwōt Rilo̧mo̧o̧r, tampeļ ko, ak Bok in Mormon. Kajjitōk ippān kajjojo ajri n̄an kāālet juon kein katak ak pija im kōnono etke eaorōk.

• Al ippān doon “The Church of Jesus Christ” (Children’s Songbook, 77), im kajjitōk ippān ajri ro n̄an kōnono kake un ko rej kam̧m̧oolo kake kōn Kabun̄ in an Rilo̧mo̧o̧r. Kam̧ool kōn kōjeraam̧m̧an ko kwaar iooni kōn am̧ membōr in Kabun̄ in.

pija ej bōk jikin katakin

Katakin Katak eo: Ajri ro Rerūttoļo̧k

Matu 13:1–23

Ij aikuj kōpooj būruwō n̄an būki katak ko an Jisōs.

Elmen am̧ maron̄ jipan̄ ajri ro kile aorōk eo n̄an bōk juon bōro eo epidodo bwe Jisōs en maron̄ katakin er?

M̧akūtkūt ko Maron̄ Kōm̧m̧ani

• Leļo̧k n̄an kajjojo ajri n̄an riit kōn juon iaan emen kain bwidej ko ilo Matu 13:4–8. Kajjitōk ippāer n̄an lale im kwaļo̧k ta eo ewaļo̧k n̄an ine eo io kain bwidej rot in ilo aer riit. Elmen an būruwōd oktak āinwōt bwidej ko? (lale Matu 13:19–23).

• Kwaļo̧k n̄an ajri ro juon pija in juon jikin kallib. Ta eo bwidej eo eaikuji bwe en menin eddōk in en eddōk? Kwaļo̧k juon bwidej eo eddōkāke im ebarbar. Etke menin eddōk ko jet iien epen aer eddōk ilo kain bwidej rot in? Elmen ad kōm̧m̧an bwe būruwōd āinwōt bwidej eo em̧m̧an bwe jen maron̄ bōk katak ko an Rilo̧mo̧o̧r?

• Kajjitōk ippān ajri ro n̄an riiti Matu 13:15–17. Jin̄aiki juon mej, lo̧jiln̄i, im bōro ioon bo̧o̧t eo. Elmen ad kōjerbal kajjojo iaan men kein n̄an jeļā katak ko an Jisōs?

Matu 13:24–30, 36–43

Imaron̄ kāālet jim̧we eo n̄e ro ipeļakū rejjab.

N̄e kwoj riiti eoon kein ippān ajri ro, ta im̧we ko rej itok n̄an eok?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an jin̄aiki oktak in būrabōļ ko kōn wit eo im tāō eo, waļo̧k ilo Matu 13:24–30, im kwaļo̧k jin̄a ko aer ippān kūlaaj eo. Kajjitōk ippāer n̄an ļabōļe jin̄a ko aer kōjerbal uktan būrabōļ ko loi ilo Matu 13:36–43. Kwoj aikuj kōmeļeik bwe tāō ko rej kakkure wit ko.

• N̄e ekkar, kwaļo̧k juon pija in wit im tāō ko. Kōmeļeļeiki bwe wit im tāō ko renaaj eddōk ippān doon m̧ae ekkalle (jemļo̧kin laļin). Menin ej katakin kōj bwe jej mour jim̧or ilo em̧m̧an im nana ipeļakid, im jen mejmej karuo n̄an kāālet jim̧we eo. Kajjitōk ippān ajri ro n̄an kwaļo̧k elmen aer maron̄ kwaļo̧k oktak eo ikōtaan em̧m̧an im nana.

Matu 13:44–46

Aō uwaan membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata ej juon men eaorōk.

Ajri ro rej kwoj katakin rej ke lo aer uwaan eo eļap an aorōk ilo Kabun̄ in? Bōlen kōnono kōn būrabōļ ko ilo Matu 13:44–46 emaron̄ jipan̄ er kwaļo̧k en̄jake ko aer kōn Kabun̄ in an Rilo̧mo̧o̧r.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Matu 13:44–46 n̄an er make im kwaļo̧k būrabōļ ko jān naan ko aer make n̄an ro jet ilo kūlaaj eo.

• Mwijiti doulul ko n̄an bōk jikin jāān eo, im likūt er ilo juon ninne. Kajjitōk ippān ajri ro n̄an bōk juon jāān ak je ioon juon me me em̧m̧an ippāer n̄an erom̧ juon membōr in Kabun̄ in. Kajjitōk ippān ajri ro n̄an kwaļo̧k ta eo raar likūti ilo jāān ko aer.

• Kajjitōk ippān juon membōr n̄an kwaļo̧k bwebwenato in oktak eo an n̄an ajri ro im kwaļo̧k ta eo wūjlepļo̧k n̄an kobatok ilo Kabun̄ eo an Jisōs Kraist im Armej ro Rekwojarjar ilo Raan ko Āliktata. Ak kajjitōk ippān ajri ro n̄an kōnono kōn wūjlepļo̧k ko raar kōm̧m̧ani n̄an Irooj im Kabun̄ in An.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an baam̧le ko aer kōn juon iaan būrabōļ ko rekar ekkatak ilo Būraimere.

Kōkm̧anm̧anļo̧k Ad Katakin

Ajri ro rekōņaan kwaļo̧k ta eo rej ekkatak. Men̄e reiddik, ajri ro remaron̄ kōkajoorļo̧k ro uwaan baam̧le ko aer. Kōketak er n̄an kwaļo̧k ippān baam̧le ko aer men ko rej katak ilo Būraimere. (Lale Teaching in the Savior’s Way, 30.)

peij in m̧akūtkūt: Ij aikuj in jeļā n̄an pojak