« ថ្ងៃទី ៦–១២ ខែ មីនា ។ ម៉ាថាយ ៩–១០; ម៉ាកុស ៥; លូកា ៩ ៖ ‹ ព្រះយេស៊ូវទ្រង់ចាត់ពួកដប់ពីរនាក់នេះឲ្យទៅ › » ចូរមកតាមខ្ញុំ—សម្រាប់អង្គការបឋមសិក្សា ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២២ )

« ថ្ងៃទី ៦–១២ ខែ មីនា ។ ម៉ាថាយ ៩–១០; ម៉ាកុស ៥; លូកា ៩ » ចូរមកតាមខ្ញុំ—សម្រាប់អង្គការបឋមសិក្សា ៖ ឆ្នាំ ២០២៣

ថ្ងៃទី ៦–១២ ខែ មីនា

ម៉ាថាយ ៩–១០; ម៉ាកុស ៥; លូកា ៩

« ព្រះយេស៊ូវទ្រង់ចាត់ពួកដប់ពីរនាក់នេះឲ្យទៅ »

កាលបងប្អូនអាន ម៉ាថាយ ៩–១០; ម៉ាកុស ៥ និង លូកា ៩ បងប្អូនអាចទទួលបានការបំផុសគំនិតមកពីព្រះវិញ្ញាណបរិសុទ្ធ ។ ការបំផុសគំនិតទាំងនេះព្រមជាមួយ ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ និងគម្រោងមេរៀននេះអាចជួយបងប្អូនឲ្យរៀបចំខ្លួនបង្រៀនបាន ។

អញ្ជើញឲ្យចែកចាយ

សូមអញ្ជើញកុមារឲ្យចែកចាយអ្វីមួយដែលពួកគេបានធ្វើ ដើម្បីជួយនរណាម្នាក់នៅក្នុងសប្តាហ៍នេះ ។ តើព្រះអង្គសង្រ្គោះបានធ្វើអ្វីខ្លះដើម្បីជួយដល់អ្នកដទៃ ?

បង្រៀនគោលលទ្ធិ ៖ កុមារតូចៗ

ម៉ាថាយ ៩:១៨–៣០; ម៉ាកុស ៥:២២–៤៣

ព្រះយេស៊ូវមានព្រះចេស្តាដើម្បីព្យាបាលខ្ញុំ ។

ព្រះអង្គសង្គ្រោះបានបង្ហាញព្រះចេស្តារបស់ទ្រង់ ដើម្បីព្យាបាលអស់អ្នកដែលមានសេចក្ដីជំនឿលើទ្រង់ម្តងហើយម្តងទៀត ។ បងប្អូនអាចជួយកុមារដែលបងប្អូនបង្រៀនឲ្យស្ថាបនាសេចក្តីជំនឿរបស់ពួកគេលើព្រះចេស្តានៃការព្យាបាលរបស់ទ្រង់ ។

សកម្មភាពដែលអាចធ្វើបាន

សូមប្រាប់កុមារពីដំណើររឿងនៃកូនស្រីរបស់យ៉ៃរ៉ុស ( សូមមើល ម៉ាកុស ៥:២២–២៣, ៣៥–៤៣ ) ។ នៅចំណុចដែលសមរម្យនៅក្នុងដំណើររឿងនេះ សូមអានព្រះបន្ទូលរបស់ព្រះយេស៊ូវ « យើងប្រាប់ឲ្យឯងក្រោកឡើង » ( ខទី ៤១ ) ហើយសូមអញ្ជើញកុមារឲ្យក្រោកឈរឡើង ។ សូមជួយកុមារឲ្យយល់ថា ព្រះយេស៊ូវមានព្រះចេស្តាដើម្បីព្យាបាលមនុស្ស និងប្រទានជីវិតដ៏នៅអស់កល្បជានិច្ចដល់យើង ។
សូមបង្ហាញរូបភាពនៃដំណើររឿងនៅក្នុង ម៉ាថាយ ៩:២០–២២ កាលដែលបងប្អូនអានខគម្ពីរនេះ ។ សូមជួយកុមារឲ្យទន្ទេញឃ្លានេះ « សេចក្តីជំនឿរបស់នាង បានជួយសង្គ្រោះនាងហើយ » ( ខទី ២២ ) ។ ដើម្បីទន្ទេញខគម្ពីរនេះ បងប្អូនអាចចាត់កុមារម្នាក់ៗឲ្យចាំពាក្យមួយ ហើយបន្ទាប់មកសូមឲ្យកុមារនិយាយពាក្យរបស់ពួកគេតាមលំដាប់លំដោយឲ្យបានច្រើនដង ។ តើស្រ្តីរូបនោះបង្ហាញថា នាងមានសេចក្តីជំនឿលើព្រះយេស៊ូវគ្រីស្ទយ៉ាងដូចម្តេច ? តើយើងអាចធ្វើអ្វីខ្លះ ដើម្បីបង្ហាញថាយើងមានសេចក្តីជំនឿលើព្រះគ្រីស្ទ ?
សូមឲ្យកុមារបិទភ្នែក ហើយស្ដាប់ កាលបងប្អូនអាននៅក្នុង ម៉ាថាយ ៩:២៧–៣០ ។ នៅពេលបងប្អូនអានអំពីព្រះយេស៊ូវដែលប្រោសមនុស្សខ្វាក់ពីរនាក់ឲ្យភ្លឺភ្នែក នោះសូមឲ្យកុមារបើកភ្នែករបស់ពួកគេ ។ សូមអញ្ជើញកុមារឲ្យនិយាយអំពីអារម្មណ៍របស់ពួកគេ ប្រសិនបើព្រះយេស៊ូវបានព្យាបាលពួកគេឲ្យជានោះ ។
សូមប្រើទំព័រសកម្មភាពនាសប្ដាហ៍នេះ ដើម្បីជួយកុមារឲ្យរៀនដំណើររឿងដែលព្រះអង្គសង្រ្គោះបានប្រោសកូនស្រីរបស់យ៉ៃរ៉ុសពីសេចក្តីស្លាប់ ។

ស្រ្តីម្នាក់ឈោងដៃទៅពាល់ព្រះពស្ត្រទ្រង់ — ទុកចិត្តលើព្រះអម្ចាស់ ដោយ លីស លេម៉ុន ស្វិនដល

ម៉ាថាយ ១០:១–១០

ព្រះយេស៊ូវបានហៅពួកសាវកដប់ពីរនាក់ និងប្រទានដល់ពួកគេនូវអំណាចដើម្បីធ្វើកិច្ចការរបស់ទ្រង់ ។

តើកុមារដែលបងប្អូនបង្រៀនដឹងថា យើងមានពួកសាវកដប់ពីរនាក់នាសព្វថ្ងៃនេះដែរឬទេ ? តើបងប្អូនអាចប្រើបទគម្ពីរទាំងនេះ ដើម្បីបង្រៀនពួកគេអំពីសារៈសំខាន់ក្នុងការមានពួកសាវកនាសម័យទំនើបដោយរបៀបណា ហើយថាតើពួកសាវកត្រូវបានហៅឲ្យបម្រើកិច្ចការអ្វីខ្លះ ?

សកម្មភាពដែលអាចធ្វើបាន

សូមសង្ខេប ម៉ាថាយ ១០:១–១០ ជាពាក្យសាមញ្ញ ។ សូមពន្យល់ថា ព្រះយេស៊ូវហៅពួកសាវកឲ្យជួយទ្រង់ក្នុងការស្ថាបនាសាសនាចក្ររបស់ទ្រង់ ។ សូមឲ្យកុមាររាប់រូបពួកសាវកដែលមាននៅក្នុងរូបភាពនេះ ព្រះគ្រីស្ទតែងតាំងពួកសាវក ( សៀវភៅរូបភាពដំណឹងល្អ ល.រ. ៣៨ ) និងរូបភាពថ្មីៗរបស់កូរ៉ុមពួកសាវកដប់ពីរនាក់ ( សូមមើលនៅលើគេហទំព័រ ChurchofJesusChrist.org ឬនៅក្នុងការចេញផ្សាយសន្និសីទទូទៅនៅក្នុងទស្សនាវដ្តី លីអាហូណា ) ។ សូមពន្យល់ថា យើងមានពួកសាវកដប់ពីរនាក់នាសព្វថ្ងៃនេះ គឺដូចជានៅជំនាន់របស់ព្រះយេស៊ូវដែរ ។ សូមចែកចាយទីបន្ទាល់របស់បងប្អូនអំពីពួកសាវករបស់ព្រះអម្ចាស់ និងអ្វីមួយដែលពួកលោកបានបង្រៀននាពេលថ្មីៗនេះ ។
សូមលាក់រូបភាពពួកសាវកសម័យទំនើបនៅក្នុងថ្នាក់ ( សម្រាប់រូបភាព សូមមើលនៅក្នុងការចេញផ្សាយសន្និសីទទូទៅនាពេលថ្មីៗនេះមួយនៃទស្សនាវដ្ដី លីអាហូណា ) ។ សូមឲ្យកុមារស្វែងរករូបភាពទាំងនោះ និងប្រាប់ពួកគេដោយសង្ខេបអំពីសាវកម្នាក់ៗ ( សូមមើលMeet Today’s Prophets and Apostles » នៅលើគេហទំព័រ ChurchofJesusChrist.org ) ។
សូមឲ្យកុមារម្នាក់កាន់រូបភាពមួយនៃគណៈប្រធានទីមួយ និងរូបភាពមួយនៃកូរ៉ុមនៃពួកសាវកដប់ពីរនាក់ ។ សូមឲ្យកុមារម្នាក់នោះដឹកនាំកុមារផ្សេងទៀតនៅក្នុងថ្នាក់ឲ្យដើរទៅកាន់រូបភាពរបស់ព្រះយេស៊ូវ ។ សូមថ្លែងទីបន្ទាល់ថា ពួកព្យាការី និងពួកសាវកដឹកនាំយើងទៅរកព្រះយេស៊ូវគ្រីស្ទ ។

បង្រៀនគោលលទ្ធិ ៖ កុមារធំៗ

ម៉ាថាយ ៩:១៨–៣០; ម៉ាកុស ៥:២២–៤៣

ព្រះយេស៊ូវមានព្រះចេស្តាដើម្បីព្យាបាលខ្ញុំ ។

ការអានដំណើររឿងនៃព្រះអង្គសង្រ្គោះព្យាបាលប្រជាជន អាចជួយកុមារដែលបងប្អូនបង្រៀនឲ្យស្ថាបនាសេចក្តីជំនឿរបស់ពួកគេលើទ្រង់បាន ។ ដំណើររឿងទាំងនេះក៏អាចជួយពួកគេឲ្យទទួលអារម្មណ៍នៃសេចក្តីមេត្តាករុណា និងសេចក្តីស្រឡាញ់របស់ទ្រង់ផងដែរ ។

សកម្មភាពដែលអាចធ្វើបាន

សូមអានជាមួយគ្នានូវដំណើររឿងដែលព្រះយេស៊ូវព្យាបាលប្រជាជនដែលមាននៅក្នុង ម៉ាថាយ ៩:២០–២២, ២៧–៣០ និង ម៉ាកុស ៥:២២–២៣, ៣៥–៤៣ ( ឬបង្ហាញវីដេអូ « Jesus Heals a Woman of Faith » និង « Jesus Raises the Daughter of Jairus » នៅលើគេហទំព័រ ChurchofJesusChrist.org ) ។ តើប្រជាជននៅក្នុងដំណើររឿងទាំងនេះបង្ហាញសេចក្តីជំនឿរបស់ពួកគេនៅលើព្រះយេស៊ូវគ្រីស្ទយ៉ាងដូចម្តេច ? តើយើងរៀនអ្វីខ្លះ អំពីព្រះអង្គសង្គ្រោះមកពីដំណើររឿងទាំងនេះ ?

1:39

3:27
សូមឲ្យសិស្សចែកចាយនូវបទពិសោធន៍នានា កាលពួកគេ ឬនរណាម្នាក់ដែលពួកគេស្គាល់បានទទួលពរជ័យបព្វជិតភាពសម្រាប់ព្យាបាលអ្នកឈឺ ។ តើពួកគេបានទទួលការព្យាបាល និងការប្រសិទ្ធពរដោយរបៀបណា ? សូមពន្យល់ថា ពេលខ្លះអព្ភូតហេតុព្យាបាលមិនមែនជាព្រះទ័យរបស់ព្រះអម្ចាស់ឡើយ ប៉ុន្តែយើងអាចនៅតែប្រសិទ្ធពរដោយសេចក្តីស្រឡាញ់ និងការលួងលោមរបស់ទ្រង់ដដែល ។

ម៉ាថាយ ១០:១–១០

ពួកសាវកដប់ពីរនាក់អាចបង្រៀនខ្ញុំអំពីព្រះយេស៊ូវ ។

តើការរៀនសូត្រអំពីពួកសាវកដប់ពីរនាក់នៅក្នុងជំនាន់របស់ព្រះគ្រីស្ទ អាចជួយកុមារឲ្យយល់កាន់តែច្បាស់អំពីអ្វីដែលពួកសាវកដប់ពីរនាក់ធ្វើនាពេលសព្វថ្ងៃនេះដោយរបៀបណា ?

សកម្មភាពដែលអាចធ្វើបាន

សូមបង្ហាញរូបភាពរបស់ពួកសាវកនៅជំនាន់របស់ព្រះយេស៊ូវ និងនៅសម័យរបស់យើង ( សូមមើល ព្រះគ្រីស្ទតែងតាំងពួកសាវក [ សៀវភៅរូបភាពដំណឹងល្អ ល.រ. ៣៨ ] និងទស្សនាវដ្ដី លីអាហូណា ដែលទើបចេញផ្សាយក្នុងសន្និសីទនាពេលថ្មីៗនេះមួយច្បាប់ ) ។ សូមឲ្យកុមារអាន ម៉ាថាយ ១០:៧ ដើម្បីស្វែងយល់ពីអ្វីដែលពួកសាវកធ្វើផងដែរ ( សូមមើលផងដែរ លូកា ៩:១–២, ៦; គោលលទ្ធិ និង សេចក្តីសញ្ញា ១០៧:២៣ ) ។
សូមអញ្ជើញកុមារឲ្យសរសេរឈ្មោះរបស់ពួកសាវកឲ្យបានច្រើនតាមដែលពួកគេស្គាល់ដាក់នៅលើក្តារខៀន ។ បន្ទាប់មក សូមឲ្យពួកគេសរសេរពួកសាវកដែលនៅរស់ដែលពួកគេអាចចាំបាន ។ សូមឲ្យពួកគេពិនិត្យមើលបញ្ជីរបស់ពួកគេជាមួយ ម៉ាថាយ ១០:២–៤ និងទស្សនាវដ្ដី លីអាហូណា ដែលទើបចេញផ្សាយក្នុងសន្និសីទនាពេលថ្មីៗនេះមួយច្បាប់ ។ បងប្អូនក៏អាចលេងល្បែងផ្គូផ្គង ដែលកុមារអាចផ្គូផ្គងឈ្មោះរបស់ពួកសាវកដែលនៅរស់ម្នាក់ៗជាមួយរូបភាពរបស់លោកបានផងដែរ ។ រូបភាពអាចរកបាននៅលើគេហទំព័រ ChurchofJesusChrist.org ។
បីបួនថ្ងៃពីមុនមកថ្នាក់រៀន សូមអញ្ជើញកុមារពីរបីនាក់ឲ្យមករៀនដោយបានរៀបចំខ្លួនដើម្បីចែកចាយដំណើររឿង ដែលពួកសាវកនៅរស់បានប្រាប់ ( សូមមើលលេខចេញផ្សាយនៃទស្សនាវដ្តី លីអាហូណា ទុកជាគំនិត ) ។ តើសាវករូបនោះបានប្រើដំណើររឿងនេះ ដើម្បីបំផុសគំនិតយើងឲ្យប្រែក្លាយកាន់តែដូចជាព្រះអង្គសង្រ្គោះយ៉ាងដូចម្តេច ?
សូមចែកចាយឧទាហរណ៍បីបួននៃទីបន្ទាល់អំពីព្រះគ្រីស្ទរបស់ពួកសាវកនាសម័យទំនើបដល់កុមារ ( សូមមើលសារលិខិតពីសន្និសីទទូទៅនាពេលថ្មីៗនេះ ឬព្រះគ្រីស្ទដ៏មានព្រះជន្មរស់ ៖ ទីបន្ទាល់នៃពួកសាវក » [ នៅលើគេហទំព័រChurchofJesusChrist.org ] ) ។
សូមជួយកុមារឲ្យទន្ទេញ និងយល់ពី មាត្រានៃសេចក្ដីជំនឿ ១:៦ ។

លូកា ៩:២៣–២៥

ការធ្វើតាមព្រះយេស៊ូវគ្រីស្ទតម្រូវឲ្យមានការពលិកម្ម ។

តើបងប្អូននឹងជួយកុមារឲ្យយល់ពីអត្ថន័យនៃពាក្យ « បាត់ » ជីវិតរបស់ពួកគេ កាលដែលពួកគេធ្វើតាមព្រះអង្គសង្រ្គោះយ៉ាងដូចម្តេច ?

សកម្មភាពដែលអាចធ្វើបាន

សូមប្រាប់កុមារអំពីគ្រាដែលពួកគេបោះបង់ចោលអ្វីមួយ ដើម្បីទទួលបានអ្វីមួយដែលល្អជាង ។ សូមអញ្ជើញកុមារឲ្យចែកចាយគំរូរបស់ពួកគេផ្ទាល់ ។ បន្ទាប់មក សូមអានជាមួយគ្នាក្នុង លូកា ៩:២៣–២៥ ។ សូមពន្យល់ថា ព្រះយេស៊ូវចង់ឲ្យយើងស្ម័គ្រចិត្តលះបង់គ្រប់យ៉ាងដើម្បីធ្វើតាមទ្រង់ ។ ខណៈពេលដែលទ្រង់ប្រហែលជាមិនបង្គាប់យើងឲ្យលះបង់ជីវិតរបស់យើងមែនទែននោះ តើទ្រង់បង្គាប់យើងឲ្យលះបង់អ្វីខ្លះ ? ( សូមមើលការបកប្រែដោយយ៉ូសែប ស្ម៊ីធ ម៉ាថាយ ១៦:២៦ [ នៅក្នុង ការបកប្រែដោយយ៉ូសែប ស្ម៊ីធ ម៉ាថាយ ១៦:២៦ ] ) ។
សូមសរសេរបុគ្គលិកលក្ខណៈដូចជាព្រះគ្រីស្ទនៅលើក្រដាសមួយសន្លឹក និងបុគ្គលិកលក្ខណៈផ្ទុយគ្នានៅលើសន្លឹកក្រដាសផ្សេងទៀត ( ដូចជាសេចក្តីស្រឡាញ់ និងភាពអត្មានិយម ការបន្ទាបខ្លួន និងអំនួត ។ល។ ) ។ សូមសរសេរពាក្យ សង្គ្រោះ និង បាត់ ជាចំណងជើងនៅលើក្តារខៀន ហើយសូមអញ្ជើញកុមារឲ្យតម្រៀបបុគ្គលិកលក្ខណៈនៅក្រោមចំណងជើងដែលត្រឹមត្រូវ ។ សូមឲ្យកុមារមានពេលគិតពីបុគ្គលិកលក្ខណៈដូចជាព្រះគ្រីស្ទដែលមាននៅលើក្តារខៀន ហើយសូមឲ្យពួកគេជ្រើសរើសបុគ្គលិកលក្ខណៈមួយ ដើម្បីអភិវឌ្ឍឲ្យបានកាន់តែពេញលេញ ។

លើកទឹកចិត្តឲ្យមានការរៀនសូត្រនៅឯគេហដ្ឋាន

សូមអញ្ជើញកុមារឲ្យប្រើទំព័រសកម្មភាពនាសប្ដាហ៍នេះ ដើម្បីបង្រៀនក្រុមគ្រួសាររបស់ពួកគេអំពីគ្រាដែលព្រះយេស៊ូវព្យាបាលកូនស្រីរបស់យ៉ៃរ៉ុស ។

ការកែលម្អការបង្រៀនរបស់យើង

លើកទឹកចិត្តឲ្យមានគារវភាព ។ សូមជួយកុមារឲ្យយល់ថា ផ្នែកមួយនៃគារវភាពដ៏សំខាន់គឺការគិតដល់ព្រះវរបិតាសួគ៌ និងព្រះយេស៊ូវគ្រីស្ទ ។ បងប្អូនអាចរំឭកកុមារឲ្យមានគារវភាពបាន ដោយការច្រៀង ឬការធ្វើសំឡេងគ្រហឹមបន្ទរបទចម្រៀងមួយដោយស្ងាត់ស្ងៀម ឬការបង្ហាញរូបភាពព្រះយេស៊ូវមួយសន្លឹក ។

ទំព័រសកម្មភាព ៖ ព្រះយេស៊ូវមានព្រះចេស្តាធ្វើអព្ភូតហេតុព្យាបាលខ្ញុំ