« ថ្ងៃទី ១៣–១៩ ខែ មីនា ។ ម៉ាថាយ ១១–១២; លូកា ១១ ៖ ‹ ខ្ញុំនឹងឲ្យអ្នករាល់គ្នាឈប់សម្រាក › » ចូរមកតាមខ្ញុំ—សម្រាប់អង្គការបឋមសិក្សា ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២២ )
« ថ្ងៃទី ១៣–១៩ ខែ មីនា ។ ម៉ាថាយ ១១–១២; លូកា ១១ » ចូរមកតាមខ្ញុំ—សម្រាប់អង្គការបឋមសិក្សា ៖ ឆ្នាំ ២០២៣
កុំឲ្យភ័យឡើយ ដោយ ម៉ៃឃល ម៉ម
ថ្ងៃទី ១៣–១៩ ខែ មីនា
ម៉ាថាយ ១១–១២; លូកា ១១
« ខ្ញុំនឹងឲ្យអ្នករាល់គ្នាឈប់សម្រាក »
គំនិតសម្រាប់ការបង្រៀននៅក្នុងគម្រោងមេរៀននេះមានគោលបំណងដើម្បីជួយបំផុសគំនិតច្នៃប្រឌិតរបស់បងប្អូនផ្ទាល់ ។ សូមសម្របវាដើម្បីបំពេញសេចក្ដីត្រូវការរបស់កុមារដែលបងប្អូនបង្រៀនដោយសេរី ។
អញ្ជើញឲ្យចែកចាយ
សូមលើកទឹកចិត្តកុមារឲ្យចែកចាយអ្វីដែលពួកគេអាចធ្វើដើម្បីថ្វាយបង្គំព្រះអម្ចាស់នៅថ្ងៃឈប់សម្រាក ។
បង្រៀនគោលលទ្ធិ ៖ កុមារតូចៗ
ព្រះយេស៊ូវនឹងជួយខ្ញុំ កាលខ្ញុំមករកទ្រង់ ។
កុមារអាចមានអារម្មណ៍សុខសាន្ដដែលដឹងថា ព្រះយេស៊ូវនឹងជួយពួកគេឲ្យស្បើយពីបន្ទុករបស់គេ នៅពេលពួកគេមករកទ្រង់ ។
សកម្មភាពដែលអាចធ្វើបាន
-
សូមអាន ម៉ាថាយ ១១:២៨–៣០ ហើយបង្ហាញរូបភាពនឹមគោនៅក្នុង គម្រោងសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គល និងក្រុមគ្រួសារ ។ សូមឲ្យកុមារចង្អុលទៅគោ និងនឹមនោះ ។ សូមពន្យល់ថា គោដែលជាប់នឹមអាចទាញរបស់ធ្ងន់ៗរួមគ្នា ជាជាងទាញដាច់ដោយឡែកពីគ្នា ។ សូមថ្លែងទីបន្ទាល់ថា នៅពេលយើងមានអារម្មណ៍ក្រៀមក្រំ ព្រួយបារម្ភ ឬភ័យខ្លាច នោះយើងអាចស្វែងរកព្រះយេស៊ូវ ហើយទ្រង់នឹងជួយយើង ។
-
សូមឲ្យកុមារម្នាក់លើករបស់ធ្ងន់មួយ ។ នៅពេលពួកគេលើកមិនរួច សូមជួយដល់ពួកគេ ។ តើព្រះយេស៊ូវជួយយើងឲ្យធ្វើរឿងលំបាកៗតាមរបៀបណា ? សូមចែកចាយបទពិសោធន៍ពេលបងប្អូនមានអារម្មណ៍ថា ព្រះយេស៊ូវជួយបងប្អូនឲ្យធ្វើរឿងដ៏លំបាកមួយ ហើយសុំឲ្យកុមារចែកចាយបទពិសោធន៍របស់ពួកគេផ្ទាល់ ។
ខ្ញុំអាចរក្សាថ្ងៃឈប់សម្រាកឲ្យបរិសុទ្ធ ។
តើមានវិធីសប្បាយៗណាខ្លះ ដែលអ្នកអាចបង្រៀនដល់កុមារអំពីថ្ងៃឈប់សម្រាក និងពីមូលហេតុដែលយើងរក្សាវាឲ្យបរិសុទ្ធ ?
សកម្មភាពដែលអាចធ្វើបាន
-
សូមអាន ម៉ាថាយ ១២:១០–១៣ ឮៗ ។ សូមឲ្យកុមារក្រោកឈរ ហើយអង្គុយចុះរាល់ពេលអ្នកនិយាយថា « ថ្ងៃឈប់សម្រាក » ហើយបន្ទាប់មកថាសាឡើងវិញជាមួយនឹងកុមារនូវឃ្លា « មាន [ ច្បាប់ ] ឲ្យធ្វើការល្អនៅថ្ងៃឈប់សម្រាកដែរ » ( ម៉ាថាយ ១២:១២ ) ។ តើពួកគេគិតថា វាមានន័យយ៉ាងដូចម្ដេច ?
-
សូមបង្ហាញប្រតិទិនមួយដល់កុមារ ហើយគូសពណ៌លើថ្ងៃឈប់សម្រាកឲ្យពួកគេ ។ តើយើងធ្វើកិច្ចការអ្វីខ្លះនៅថ្ងៃផ្សេងទៀតក្នុងសប្ដាហ៍ ? តើយើងអាចធ្វើអ្វីខ្លះបាននៅថ្ងៃឈប់សម្រាក ដើម្បីធ្វើឲ្យថ្ងៃនេះខុសពីថ្ងៃដទៃទៀត ? ( សូមមើល អេសាយ ៥៨:១៣–១៤ ) ។
-
សូមឲ្យកុមារគូរអ្វីល្អៗដែលពួកគេអាចធ្វើបាននៅថ្ងៃឈប់សម្រាក ( សូមមើលទំព័រសកម្មភាពនាសប្ដាហ៍នេះ ) ។
-
សូមឲ្យកុមាររកនឹកធ្វើកាយវិការដើម្បីជួយពួកគេឲ្យចាំពីរបៀបដែលយើងត្រៀមខ្លួនសម្រាប់ថ្ងៃឈប់សម្រាក កាលពួកគេច្រៀងបទ « ថ្ងៃសៅរ៍ » ( សៀវភៅចម្រៀងកុមារ ទំព័រ ១០៥ ) ។
-
សូមគូររូបភ្នែក ត្រចៀក មាត់ និងដៃនៅលើក្ដារខៀន ។ សូមឲ្យកុមារប្រាប់ដល់អ្នកពីអ្វីដែលផ្នែកនៃអវៈយវៈនីមួយៗទាំងនេះនៅលើរាងកាយយើងអាចធ្វើដើម្បីរក្សាថ្ងៃឈប់សម្រាកឲ្យបរិសុទ្ធ ។
ព្រះវរបិតាសួគ៌ប្រទានអំណោយល្អដល់យើង ។
ការបង្រៀនរបស់ព្រះអង្គសង្រ្គោះនៅក្នុង លូកា ១១:១១–១៣ អាចជួយកុមារដែលបងប្អូនបង្រៀនឲ្យយល់ថា ព្រះវរបិតាសួគ៌ស្រឡាញ់ពួកគេ ហើយសព្វព្រះទ័យចង់ប្រទានពរដល់ពួកគេ ។
សកម្មភាពដែលអាចធ្វើបាន
-
ប្រើមេរៀនដែលប្រើវត្ថុជាជំនួយដើម្បីបង្ហាញពីការបង្រៀនរបស់ព្រះអង្គសង្គ្រោះនៅក្នុង លូកា ១១:១១–១៣ ។ ឧទាហរណ៍ បងប្អូនអាចដាក់ថ្មមួយដុំនៅក្នុងថង់នំប៉័ង ឬដាក់រូបខ្យាដំរីនៅក្នុងប្រអប់ដាក់ស៊ុត ។ សូមឲ្យកុមារទស្សន៍ទាយថាមានអ្វីនៅក្នុងនោះ រួចហើយបង្ហាញវាដល់ពួកគេ ។ សូមអញ្ជើញពួកគេឲ្យប្ដូរដុំថ្ម ឬរូបភាពនោះជាមួយនឹងនំប៉័ងមួយចំណិត ឬស៊ុតមួយ ។ សូមអាន លូកា ១១:១១–១៣ ហើយចែកចាយទីបន្ទាល់របស់បងប្អូនថា ព្រះវរបិតាសួគ៌ស្រឡាញ់យើង ឆ្លើយតបការអធិស្ឋានរបស់យើង ហើយប្រទានពរជ័យជាច្រើនដល់យើងតាមរយៈព្រះវិញ្ញាណរបស់ទ្រង់ ។
-
សូមច្រៀងចម្រៀងមួយបទជាមួយគ្នាអំពីសេចក្តីស្រឡាញ់របស់ព្រះ ដូចជាបទ « ព្រះវរបិតាស្រឡាញ់ខ្ញុំ » ( សៀវភៅចម្រៀងកុមារ ទំព័រ ១៦–១៧ ) ។ តើអំណាយទានល្អៗមួយចំនួនដែលទ្រង់បានប្រទានដល់យើងមានអ្វីខ្លះ ? សូមឲ្យកុមារគូររូបភាពអំពីពរជ័យមកពីព្រះវរបិតាសួគ៌ដែលពួកគេមានអំណរគុណ ។
បង្រៀនគោលលទ្ធិ ៖ កុមារធំៗ
ព្រះយេស៊ូវនឹងជួយខ្ញុំ កាលខ្ញុំមករកទ្រង់ ។
តើបងប្អូនអាចជួយកុមារឲ្យយល់ថា ព្រអង្គសង្គ្រោះនឹងប្រទានដល់ពួកគេនូវការសម្រាកពីឧបសគ្គនានា កាលពួកគេមករកទ្រង់ដោយរបៀបណា ?
សកម្មភាពដែលអាចធ្វើបាន
-
សូមឲ្យកុមារចែកចាយពីគ្រាមួយដែលពួកគេបានព្រួយបារម្ភ ឬអន្ទះសាអំពីរឿងអ្វីមួយ ។ សូមឲ្យពួកគេស្រាវជ្រាវក្នុង ម៉ាថាយ ១១:២៨–៣០ រកមើលការប្រឹក្សាដែលអាចជួយដល់ពួកគេនៅក្នុងកាលៈទេសៈស្រដៀងគ្នានេះ ។ តើព្រះអង្គសង្គ្រោះ « ឲ្យ [ យើង ] សម្រាក » ដោយរបៀបណា ? ( ខទី ២៨ ) ។
-
សូមឲ្យកុមារគូររូបភាពពីអ្វីដែលពួកគេកំពុងធ្វើដើម្បីមករកព្រះយេស៊ូវ ហើយរៀនសូត្រអំពីទ្រង់ ។
-
សូមជួយកុមារឲ្យទន្ទេញមាត្រាទីបួននៃសេចក្ដីជំនឿ ។ សូមនិយាយនឹងពួកគេអំពីរបៀបដែលគោលការណ៍ និងពិធីបរិសុទ្ធដំបូងនីមួយៗនៃដំណឹងល្អជួយយើងឲ្យទទួលការអញ្ជើញរបស់ព្រះយេស៊ូវ « ចូរមកឯខ្ញុំ » ( ម៉ាថាយ ១១:២៨ ) ។
ថ្ងៃឈប់សម្រាកគឺជាថ្ងៃមួយដើម្បីធ្វើកិច្ចការល្អៗ ដែលនាំឲ្យខ្ញុំទៅកាន់តែជិតព្រះ ។
កុមារដែលបងប្អូនបង្រៀននឹងត្រូវបានពង្រឹងឡើង កាលបងប្អូនបញ្ជាក់ប្រាប់ពីគោលបំណង និងពរជ័យនានាក្នុងការរក្សាថ្ងៃឈប់សម្រាកឲ្យបរិសុទ្ធ ។
សកម្មភាពដែលអាចធ្វើបាន
-
សូមឲ្យកុមារម្នាក់ធ្វើជាបុរសម្នាក់ដែលព្រះអង្គសង្គ្រោះបានព្យាបាលដៃរបស់គាត់ ( សូមមើល ម៉ាថាយ ១២:១០–១៣ ) ។ កុមារម្នាក់ទៀតអាចសួរសំណួរគាត់អំពីបទពិសោធន៍នេះ ។
-
សូមអាន ម៉ាថាយ ១២:១២ រួមគ្នា ។ តើមានកិច្ចការល្អៗណាខ្លះដែលយើងអាចធ្វើបាននៅថ្ងៃឈប់សម្រាក ? សូមឲ្យកុមារគូររូបភាពអំពីគំនិតរបស់ពួកគេនៅលើទំព័រសកម្មភាពនាសប្ដាហ៍នេះ រួចកាត់វាចេញជាបំណែកតូចៗ ហើយប្ដូរវេនគ្នាដាក់តម្រៀបបំណែកទាំងឡាយចូលគ្នា ។
-
សូមលាក់រូបភាពមនុស្សបីបួននាក់ដែលធ្វើកិច្ចការនានាដែលបង្ហាញពីសេចក្ដីស្រឡាញ់ចំពោះព្រះវរបិតាសួគ៌នៅថ្ងៃឈប់សម្រាក ។ សូមឲ្យកុមាររកមើលរូបភាពនោះ ហើយចែកចាយពីរបៀបដែលការធ្វើកិច្ចការនៅក្នុងរូបភាពនោះបង្ហាញសេចក្ដីស្រឡាញ់របស់យើងដល់ព្រះ ។
ពួកសិស្សបរិភោគស្រូវនៅថ្ងៃឈប់សម្រាក ដោយលោក ជេមស៍ ធីសសុត
ទាំងទង្វើ និងដួងចិត្តរបស់ខ្ញុំត្រូវតែបរិសុទ្ធ ។
ព្រះអង្គសង្គ្រោះបានបង្រៀនថា ការបង្ហាញខ្លួនថាសុចរិតតែសំបកក្រៅទៅកាន់មនុស្សដទៃមិនគ្រប់គ្រាន់ទេ ។ គំនិត អារម្មណ៍ និងទង្វើឯកជនរបស់យើងក៏ត្រូវតែបរិសុទ្ធដែរ ។
សកម្មភាពដែលអាចធ្វើបាន
-
ដើម្បីបង្ហាញពីអ្វីដែលខគម្ពីរទាំងនេះបង្រៀន សូមបង្ហាញពែង ឬធុងមួយដែលស្អាតតែខាងក្រៅ ប៉ុន្តែមានភាពកខ្វក់នៅខាងក្នុង ។ សូមជួយពួកគេឲ្យគិតអំពីអ្វីដែល « ផ្នែកខាងក្រៅនៃពែងនោះ » អាចតំណាងឲ្យ ។ តើ « ផ្នែកខាងក្នុង » តំណាងឲ្យអ្វី ? ហេតុអ្វីបានជាវាមានសារៈសំខាន់ក្នុងការសម្អាតទាំងផ្នែកខាងក្រៅ និងខាងក្នុង ?
-
សូមអានបទគម្ពីរមួយចំនួនផ្សេងទៀតជាមួយគ្នាដែលគូសបញ្ជាក់ពីសេចក្ដីសុចរិតទាំងក្នុងដួងចិត្ត និងទង្វើរបស់យើង—ឧទាហរណ៍ ទំនុកដំកើង ២៤:៣–៥; ម៉ាថាយ ១៥:៧–៨; មរ៉ូណៃ ៧:៦–៩ ។ សូមពិភាក្សាពីហេតុផលដែលព្រះអង្គសង្គ្រោះសព្វព្រះទ័យចង់ឲ្យដួងចិត្ត និងទង្វើឯកជនរបស់យើងមានភាពស្អាតស្អំខាងវិញ្ញាណ ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមឲ្យកុមារចែកចាយជាមួយនឹងក្រុមគ្រួសាររបស់ពួកគេអំពីគំនិតនានាដើម្បីរក្សាថ្ងៃឈប់សម្រាកឲ្យបរិសុទ្ធ ។
ការកែលម្អការបង្រៀនរបស់យើង
ការសួរសំណួរ ។ « សំណួរដែលអញ្ជើញសិស្សឲ្យថ្លែងគោលការណ៍មួយនៃដំណឹងល្អដោយពាក្យសម្ដីរបស់ពួកគេផ្ទាល់—ជាពិសេស ប្រសិនបើបានសួរនៅដើមមេរៀន—អាចជួយអ្នកឲ្យវាយតម្លៃថាតើអ្នកត្រូវចំណាយពេលប៉ុន្មានដើម្បីសិក្សាគោលការណ៍នោះនៅក្នុងថ្នាក់ » ( ការបង្រៀនតាមរបៀបរបស់ព្រះអង្គសង្គ្រោះទំព័រ ៣២ ) ។