“Aokati 14–20. I-Rom 7–16: ‘Tokanikai iaon te Buakaka n te Raoiroi,’” Nakomai, Iriirai—Ibukin te Moanrinan: New Testament 2023 (2022)
“Aokati 14–20. I-Rom 7–16,” Nakomai, Iriirai—Ibukin te Moanrinan 2023
Aokati 14–20
I-Rom 7–16
“Tokanikai iaon te Buakaka n te Raoiroi”
Ngkae ko wareka I-Rom 7–16, korei namakin.ake ko karekei bwa tera koaua aika ko na reirei nakoia ataei ni mwakoro aikai.
Kaunga te Tibwatibwa
Tabeua te bong imwaain te tai, kaoa te ataei temanna ke e raka riki bwa e na kakaea ana kibu man I-Rom 7–16 are e kona n tibwaia nakoia ataein te reirei. Ko kona ni kaoiia ana karo bwa a na ibuobuoki ngkana e riai.
Reirei te Reirei: Ataei aika a Uarereke Riki
E tangirai Tamau are i Karawa.
Ko na kanga ni kabongaa ana taeka Bauro n reireia ataei bwa Tamara are i Karawa e aki kona ni bitaki ana tangira ibukira?
Waaki ni Kakukurei aika a Kona ni Karaoaki
-
Buokiia ataei bwa a na kamatenanoa te botantaeka ae “[Akea] te korakora ae e na kamaenakoko ma ana tangira te Atua” (I-Rom 8:39). Iangoa te kawai ni kabwaranakoa te koaua aei. Te katooto, ko kona ni uotii uoua burakibooti aika ko neeranii, teuana arana “ngaira” ao are teuana “ana tangira te Atua.” Tuangiia ataei bwa a na kamaenakoi burakibooti.
-
Kaota tamnein taai, ke kaoa temanna te ataei bwa e na taraa taai man te wintoo. N te aro raa ae taai ai aron ana tangira Tamara are i Karawa? Buokiia ataei bwa a na nooria bwa e ngae ngke e raroa taai, e anganira te aabue. Ti kona n namakina ana tangira Tamara are i Karawa n taai nako, e ngae ngke akea rabwatana irarikira. Boootaki anenea te kuna ae taekan ana tangira Tamara are i Karawa, n aron “My Heavenly Father Loves Me” (Aia Boki n Anene Ataei, 228–29).
A kona n ibuobuoki ataei nakoia aomata n reiakina taekan te Tia Kamaiu ao n onimakinna. Te Karaki i Kariraia, iroun Del Parson
E reke te onimaki n te ongora nakon Ana taeka te Atua.
Ngkana ataei a ongo ana taeka te Atua ao ni kakauonga raoi nako iai, e rikirake aia onimaki iroun te Atua.
Waaki ni Kakukurei aika a Kona ni Karaoaki
-
Wareka I-Rom 10:17 nakoia ataei, ao kaota tamnein taabo ike a kona iai n ongo ana taeka te Atua (n aron wareware ni booki aika tabu n te utu, kiraati, maungatabu ni kabuta; taraa te iteraniba ibukin mwakuri ni kauring n te wiki aei). Tuangiia ataei bwa ningai ae a tia n ongo iai bwanaan te Atua.
-
Karakina rongorongon te ataei are e kakauongo nakon ana taeka te Atua n aanga aika kakaokoro. Ngkai ko karaki, katibua te katibu teutana imwin teutana bwa e na kaota rikiraken aia onimaki ataei ngkana a ongora n ana taeka te Atua.
-
Aron buokaia ataei n oota bwa e kona n rikirake aia onimaki, buokiia anenea “Onimaki” (Aia Boki n Anene Ataei, 96–97). Ngkai a anene, tuangiia bwa aongkoa a riki bwa taian ati man te toro. Ni katoa te tai are a taekina te taeka ae onimaki, tuangiia bwa a na teiraki n aron rikiraken te aroka.
-
Karabai inanon te umwanreirei taian tamnei, tamnein te Beretitenti n te Ekaretia, ao bon te maekatiin ae te Rao . Tuangiia ataei bwa a na kakaei bwaai aikai n tibwaia bwa aia mwakuri are ti ongo iai ana taeka te Atua.
I kona ni kaitauia naake a buokai.
Bauro e kaitau ibukiia aomata ake a buokia. Ko kona ni buokiia ataei n tarai aeka ni mwakuri ae karaoaki ibukiia ao uringnga bwa ti na kaitauia.
Waaki ni Kakukurei aika a Kona ni Karaoaki
-
Kabwarabwara bwa Bauro e kaitau ibukin buokan iroun te aine ae Bebe ao te taana ae Birita ma Akira (taraa I-Rom 16:1–4). Tuangiia ataei bwa a na korea tamnein Bauro ao aomata aika teniman aikai ngae ko wareki kiibu aikai.
-
Kaoa temanna te ataei bwa e na tibwa te bwai ae tamaroa are e karaoaki ibukina. Buokiia ataei bwa karaoi aia reta ni kaitau nakoia aomata.
-
Buokiia ataei bwa reireiniia te kaitau n taetae aika kakaokoro. Te anene ae “Children All Over the World” (Aia Boki n Anene Ataei, 16–17) e na ibuobuoki.
Reirei te Reirei: Ataei aika a Ikawai Riki
Tamara are i Karawa e tangirai bwa N na katauraoi ni karekei bwaai nako ake ana bwai.
Tamara are i Karawa e anganira te kona n riki n ai Arona ao ni karekea are iai irouna. Te koaua aei e na kaungaia am ataei bwa a na maiuakina te euangkerio ma te kakaonimaki.
Waaki ni Kakukurei aika a Kona ni Karaoaki
-
Bootaki wareka I-Rom 8:16–18. Tera ae ti reiakin man kiibu aikai bwa antai ngaira ao tera arora n taai aika a na roko? Kabwarabwara bwa “te tia bwaibwai” te aomata are e na karekea, ke ni butimwaea, tera ana bwai ana karo. Korea ae kangai n te burakibooti Tera ae ti riai ni karaoia ni karekea ana bwai Tamara are i Karawa? Bootaki anenea te kuna n te ongeaba, n aron “I Will Follow God’s Plan” (Aia Boki n Anene Ataei, 164–65), are e na kakaei kaeka. Tera riki kaeka ae a kona n iangoia ataei?
-
Tuangiia ataei bwa a na iangoa te uea are e tangiriia natina mmwaane ma aiine bwa a na tautaeka n abanueana. Kabwarabwara bwa Tamara are i Karawa bon te uea, ao ngaira natina mmwaane ma aine. Ko kona n tibwa rongorongon natin King Louis XVI mai France, are koreaki n ana maroro Nei Elaine S. Dalton “Remember Who You Are!” (Riaona, Meei 2010, 121). Bukin tera e kakakawaki uringana bwa ngaira natin Tamara are i karawa ao e tibungiaki bwa ti na riki n ai arona? Tera ana mwakuri te koaua aei n au rinerine iaon te aba?
E reke te onimaki n te ongora nakon Ana taeka te Atua.
Ataei e na bati aia tai n ongora ana taeka te Atua. Buokiia bwa a na ongo bwanaan te Atua ni kakorakora aia onimaki.
Waaki ni Kakukurei aika a Kona ni Karaoaki
-
Korea te kibuntaeka aei iaon te burakibooti: e roko man , ao iroun te n . Tuangiia ataei bwa a na kanoai bwabwanga imwiin te wareware I-Rom 10:17. Tibwa te tai are iai te aomata ae tibwa te euangkerio are e kakorakora am onimaki—tao ko kona n tibwa te kibu ae mamate iai nanom ke te kibuntaeka man te maungatabu ni kabuta. Kaoiia ataei bwa a na tibwai rongorongoia.
-
Kaoa temanna te ataei tamnein te Tia Kamaiu are kamaiua te aomata ao n tuangiia ataei bwa a na aki taraa te tamnei. Tuangiia ataei bwa a na anga te ibuobuoki nakoia ataei ake a keetina te tamnei. Ti na kanga ni buokiia aomata n reiakina taekan te Tia Kamaiu bwa aonga ni karekea te onimaki irouna?
“Ti riai n aki … motiki taeka imarenara.”
Ngkana a reitaki ataei ma aomata ake e okoro tein maiuia ma aron maiuia, a kona ni momotikitaeka. Ianoga ana kaetieti Bauro nakoia I-Rom are e kona n totokoa te motikitaeka.
Waaki ni Kakukurei aika a Kona ni Karaoaki
-
Kaoa te ataei bwa e na wareka I-Rom 14:10, 13. Tuangiia ataei bwa a wareka mwaitin ana taeka Bauro ae motikitaeka. Tera ae nanonaki ni motikan taekan te aomata? Bukin tera ti riai n aki motiki taekaia aomata?
-
Kaota tamnein te aomata, ao tuangiia ataei bwa a na tera ae ti ataia iroun te aomata aei n taraan tamneina. Tera bwaai aika ti atai n rongorongona? Bukin tera tii te Uea ae kona ni motika taeka te aomata? (taraa 1 Tamuera 16:7).
Kaungaa te Kamatebwai n te Mweenga
Tuangiia ataei bwa a na rinea te waaki n kakukureiare a kona ni karaoia n aia kiraati ao ni karaoia ma aia utu. Tuangiia bwa n te wiiki ae na roko a na tibwaa are a karaoia.
Kanakoraoan Ara Anga reirei
Tuangiia ataei bwa a na kona ni mwaing. E bon matoa irouia ataei bwa a na karauia n tekateka raoi ngkana e rang maan. N te tai teuana ma teuana, kaoiia ataei bwa a na teitei n iteran te kiraati ao n tekateka n aia kaintekateka n aia kiraati.