“Tuurai 31–Aokati 6. Makuri 22–28: ‘Te Tia Reirei ma te Tia Kakoaua,’” Nakomai, Iriirai—Ibukin te Moanrinan: Nu Tetemanti 2023 (2022)
“Tuurai 31–Aokati 6. Makuri 22–28,” Nakomai, Iriirai—Ibukin te Moanrinan: 2023
Tuurai 31–Aokati 6
Makuri 22–28
“Te Tia Reirei ao te Tia Kakoaua”
Ngkai ko wareka rongorongon Bauro te Abotoro ni Makuri 22–28, kakaei reirei ake a na manena nakoia am ataei.
Kaunga te Tibwatibwa
Kaotii tamnei ake a kauringiia ataei te reirei man Makuri 22–28, n aron te matawariki, te booti, ao te naeta. Kaoiia ataei bwa a na tibwai karaki ake rongorongon Bauro n reitaki ma tamnei aikai.
Reirei te Reirei: Ataei aika a Uarereke Riki
Tamara are i Karawa ma Iesu a tabeakinai ao a na buokai n taai aika kangaanga.
Reiakinan ana ibuobuoki te Tia Kamaiu nakon Bauro e na karikirake aia onimkai n ana tangira Tamara are i Karawa ma Iesu ibukiia.
Waaki ni Kakukurei aika a Kona ni Karaoaki
-
Tibwa Karakin te rongorongo n Makuri 23:10–11 are rongorongon te Tia Kamaiu ngke e kawara Bauro n te karabuuti. Ke kaota te tamnei ae “Be of Good Cheer” (ChurchofJesusChrist.org), are bon tamnein te karaki aei. Tibwaa te tai are ko kaitara ma te kangaanga ao ko karekea te kairi ma te rau mairoun te Atua. Tuangiia ataei bwa a na tibwai taai ake a namakin iai te rau mairoun te Atua.
-
Buokiia ataei ni kamatenanoa ana taeka Iesu nakon Bauro: “Ko na kukurei.” Tuangiia ataei bwa a na iangoa te aomata are e kainnanoa namakinan te kukurei—ke buoka te aomata ae nanokawaki man raraoma.
-
Anenea te kuna ae taekina te kukurei, n aron “Smiles” (Aia Boki n Anene Ataei, 267).
N aron Bauro, ti kona ni kaota ara koaua iroun te Tia Kamaiu.
I kona n tibwaa au koaua ma aomata.
Taraan ana koaua Bauro imatan te uea Akeribwa e na buokiia ataei n tibwa te bwai are a ataia bwa e koaua.
Waaki ni Kakukurei aika a Kona ni Karaoaki
-
Uota te baunuea ae karaoaki man te beeba ao anga temaan te ataei bwa e na bwainna bwa aongkoa ngaia te uea Akeribwa. Kaoa te ataei bwa e na tei imatan te uea n tei ibukin Bauro ni kakimototoa ana koaua Bauro ao ana taeka te Uea Akuriba are koreaki n Makuri 26:1–29 (taraa “Mwakoro 63: E Bane Ana Mwakuri Bauro,” n Karaki man te Nu Tetemanti, 162–66, ke te tamnei ae irekereke n ChurchofJesusChrist.org). Kabwarabwara bwa ti kona ni kaoata ara koaua nakoia aomata, n aron Bauro.
-
Tuangiia ataei bwa a na anene ke ni wareka te anene ae taekina te koaua, n aron “I Know My Father Lives” (Aia Boki n Anene Ataei, 5). Kaoiia ataei bwa a na katei baiia ngkana a ongo te bwai are a ataia bwa e koaua. Tao ko na kaokioka te kuna aei tabeua te tai; kaoiia ataei bwa a na anene ma ngkoe ngkana a rabakau taekana. Tuangiia bwa a na kateniaia ni kaota aia koaua ni bwaai aika a atai bwa a koaua.
-
Kabongana te iteraniba ibukin te mwakuri ni kauring ni buokii ataei n iango aia taeka ngkana a kaota aia koaua (taraa Taekan te Onimaki ibukin iango riki). Kaoiia bwa a na kaota aia koaua nakon temanna n aia utu.
Te burabeti e kauringai kabuanibwai.
Iangoa rongorongon Bauro ngke e uruaki ana kaibuke bwa e kona n rreireiniia ataei bwa burabeti a noori kangaanga aika ti aki kona n noori.
Waaki ni Kakukurei aika a Kona ni Karaoaki
-
Kaoiia ataei bwa ana iangoia bwa aongkoa a mena iaon te kaibuke ae e reke n te angibuaka. Wareka rongorongon ana kauring Bauro nakoia aomata, are kuneaki n Makuri 27:9–10, ao tibwaa rongorongona ngke e uruaki ana kaibuke are e riki ibukina aki ongo n ana kauring (taraa Makuri 27:11, 39–44). Kaota tamnein te Beretitenti n te Ekaretia, ao kaota am koaua bwa e anga ana kauring ibukin kabwianibwai.
-
Kaotii tabeua tamnei ke bwaai n te umwanreirei ake a tei ibukin bwaai ake a reirei brabeti n aron te riki n ai aron Iesu, tangiraia aomata ke te bwabetitoaki. N te kiraati, mwananga ma am ataei nako tinaniku, tei n taian tamnei ke bwaai ni maroroakin iriiran ana kaetieti te burabeti bwa ti mano iai.
Reirei te Reirei: Ataei aika a Ikawai Riki
Makuri 23:10–11; 27:18–25; 28:1–6
Ngkana I kaitara ma te kanganga, e na buokai te Atua.
Rinanon kataakin Bauro, e mena te Uea irouna. Ko na kanga ni buokiia ataei n taraa maiun Bauro nakon maiuia?
Waaki ni Kakukurei aika a Kona ni Karaoaki
-
Kabonganaa Makuri 23:10, kabwarabwara bwa Bauro e matawariki ibukina bwa e reirei taekan Kristo nakoia aomata. Ngkanne wareka Makuri 23:11 ma ataei. Ke kaota te tamnei ae “Be of Good Cheer” (ChurchofJesusChrist.org), are bon tamnein te karaki aei. Bukin tera Bauro “e kukurei” e ngae ngke e kabureaki?
-
Korea iaon te burakibooti Makuri 23:10–11; Makuri 27:18–25; ao Makuri 28:1–6. Kaota tamnein te matawariki, te booti, ao te naeta, ao kaoiia ataei bwa a na manga wareki kiibu aikai ni katomai ma tamnei. N rongorongo aikai, tera ae karaoia te Uea ni kaotia nakon Bauro bwa E mena irouna? Tibwaa rongorongom ngke e mena iroum te uea inanon tain te kangaanga ao ni kakorakora am koaua irouna. Kaungaia ataei bwa a na tibwatibwa naba.
I kona n tibwa au koaua iroun Iesu Kristo.
Ana ninikoria Bauro n tibwauan ana onimaki e kona ni buokiia ataei n tibwaua naba aia koaua.
Waaki ni Kakukurei aika a Kona ni Karaoaki
-
Warekii kiibu man Makuri 26 ni wareware ma ataei ni buokiia bwa ana ataa te bwai ae Bwauro e tuanga te Uea ae Akeribwa n ana karaki (n aron kiibu 9–16) ao tera ae reiakinna ibukin Iesu Kristo (n aron kiibu 18, 23). Ko kona naba ni kaota mwakoron te tamnei ae “Paul: A Chosen Vessel” (ChurchofJesusChrist.org). Bukin tera e kakamaaku bwa Bauro e na taekin bwaai aikai imatan te uea? Kaoiia ataei bwa a na korei reirein te euangkerio ake ataia bwa a koaua. Tuangiia bwa a na iangoia aomata ake a kinaia ae a kainnanoa te ongora nakon koaua aikai.
-
Kaoiia ataei bwa a na kabongana te iteraniba ibukin te mwakuri ni kauring ni korea te bwai ae a kona n taekinna bwa aia koaua.
Te burabeti e kauringai kabuanibwai.
Ataei a kona n ongora nakon burabeti aika a maiu ao n kinai aia kauring. Ko na kanga ni buokiia ataei n ongeaba nakon kauring aikai?
Waaki ni Kakukurei aika a Kona ni Karaoaki
-
Karaoa tamnein te kaibuke man te beeba ao koreia bwa e na kona ni katomatomaaki. Kaoiia ataei bwa a na korea ana kauring Bauro n Makuri 27:9–11 ni boota te tamnei. Bukin tera aki ongo aomata iroun Bauro? (taraa kibu 11). Kaoiia ataei bwa e na wareka kiibu 18–20 and 40–44 ni kakaea bwa tera ae riki bwa mwiin aei. (Kabwarabwara bwa ibukina aomata a ira ana kaetieti Bauro bwa a na tiku iaon te booti, akea ae mate n tain te buaka; taraa kiibu 30–32.) Tera ae ti kona n reiakinna man iriiran te burabeti?
-
Uota te maroro teuana man te maungatabu ni kauta iroun te Beretitenti n te Ekaretia ao n tibwaia ma ataei kauring ma kaetieti ake e anga. Kaoiia ataei bwa a na iangoi kawai n ira te burabeti.
-
Kaota te tamnei “Blessed and Happy Are Those Who Keep the Commandments of God” (ChurchofJesusChrist.org). Bukin tera burabeti ai aron te aomata ma te bwai ni kataratara?
Kaungaa te Kamatebwai n te Mweenga
Tuangiia ataei bwa ana kabonganaa te bwai are ea tia n reiakina iroun Bauro ni kaungaia aia utu n kamatebwaia ana marooro te Burabeti ae ai tibwa ngkai ao maroroakinii kawai are a na kona n irii nanon ana taeka n reirei.
Kanakoraoan Ara Anga Reirei
Kairekerekei ara namakin ake ti kabonganai. “Angiia ataei (ao ikawai) a bati ae a reiakinna ngkana a kaairaki taian namakin aika mwaiti. Kaakai anga n buokiia ataei n kabonganai aia taratara, kakauongo, ao namakin ngkai a reirei. N tabetai, kona konaa naba n kakaea angan ae ana aroboi ao n katoonga!” (Reirei n Ana Kawai te Tia Kamaiu, 25).