O̧kwōj 14–20

Rom 7–16

“Nana En Jab Anjo̧”

Ilo am̧ riiti Rom 7–16, je jabdewōt en̄jake ko kwōj būki kōn wāween am̧ maron̄ katakin ajri ro m̧ool ko ilo jebta kein.

Kajjitōk bwe ren Kwaļo̧k

Jejjo̧ raan m̧oktaļo̧k, kajjtōk ippān juon ak elōn̄ļo̧k ajri ro n̄an lale juon eoon ilo Rom 7–16 me remaron̄ kwaļo̧k n̄an kūlaaj eo. Kwomaron̄ kūrtok jineer im jemeer n̄an jipan̄ n̄e ekkar.

Katakin Katak eo: Ajri ro Reddikļo̧k

Rom 8:35–39

Jemedwōj Ilan̄ ej iakwe eō.

Elmen am̧ maron̄ kōjerbal naan ko an Paul n̄an ajri ro bwe Jemedwōj Ilan̄ enaaj iien otemj?

M̧akūtkūt ko Maron̄ Kōm̧m̧ani

• Jipan̄ er kakkilōklōke naan in “ [ejjeļo̧k] enaaj kōjepel kōj jān yokwe an Anij” (Rom 8:39). Ļōmņak kōn juon wāween n̄an kōmeļeļeiki m̧ool in. N̄an waanjon̄ak, komaron̄ bōktok ruo rā em̧ōj am̧ diļaiki ippān doon, juon ejeje “kōj” im eo juon “ yokwe an Anij” Kōtļo̧k bwe ajri ro ren lale n̄e remaron̄ kōjenoļo̧k rā ko.

• Kwaļo̧k juon pijain aļ, ak kajjitōk ippān ajri ro n̄an kalimjōkļo̧k wintō eo im lale an romaak. Elmen an aļ āinwōt iakwe eo an Jemedwōj Ilan̄? Jipan̄ ajri ro lale bwe men̄e aļ ettoļo̧k, emaron̄ jipan̄ kōj en̄jake māņeeņ. Jemaron̄ en̄jake iakwe eo an Jemedwōj Ilan̄ aolep iien, men̄e E ejjab pād ippād ilo kanniōk. Al ippān doon juon al eo kōn iakwe eo an Anij, āinwōt “My Heavenly Father Loves Me” (Children’s Songbook,,228–29).

Ajri ro remaron̄ jipan̄ ro jet jeļā kōn Rilo̧mo̧o̧r n̄an bōk tōmak ilo E. Iien Bwebwenato ilo Galilee, jān Del Parson

Rom 10:17

Tōmak ej itok jān ron̄jake naan in Anij.

Ilo an ajri ro ron̄jake naan in Anij im lukkuun ron̄jake, aer tōmak ilo Anij enaaj eddōklo̧k.

M̧akūtkūt ko Maron̄ Kōm̧m̧ani

• Riiti Rom 10:17 n̄an ajri ro, im kwaļo̧k n̄an er pija ko ijoko remaron̄ ron̄jake naan in Anij (āinwōt ekkatak jān jeje ko rekwojarjar an baam̧le, kūlaaj ko ilo m̧ōnjar, kweilo̧k eo eļap, lale peij in m̧akūtkūt eo an wiik in. Kajjitōk ippān ajri ro n̄e rekar ron̄jake naan in Anij.

• Kwaļo̧k juon bwebwenato an ajri ro ron̄jake naan in Anij ilo elōn̄ wāween. Ilo am̧ kwaļo̧k bwebwenato in, kaboļļe juon bujāān̄ jidik kōn jidik n̄an pinej jenkwan elmen an tōmak eo an ajri eo eddōkļo̧k kajjojo iien n̄e ej ron̄jake naan in Anij.

• N̄an jipan̄ ajri ro meļeļe bwe aer tōmak emaron̄ eddōkļo̧k, jipan̄ er al kōn “Tōmak” (Children’s Songbook, 96–97). Ilo aer al, kajjitōk ippān n̄an katen wōt n̄e ine eo ej aemedļo̧k. Kajjojo iien aer al naan eo tōmak, kōm̧m̧an bwe jutak jidik āinwōt eddōk ine eo.

• Nooje ilo kūlaajruum̧ eo jet jeje ko rekwojarjar, jupn pija in Būreejtōn eo an Kabun̄ in, im juon kape in Jera māākjin eo. Kajjitōk ippān ajri ro n̄an pukote men kein im kwaļo̧ke elmen an men kein maron̄ pidodo n̄an ad ron̄jake.

Rom 16:1–4

Imaron̄ kam̧m̧oolol ro rej jipan̄ eō.

Paul ekar kam̧m̧oolol kōn armej ro rekar jipan̄ e. Kwomaron̄ jipan̄ ajri ro kile men ko n̄an jouj n̄an ro jet im keememej in kam̧m̧oolol er.

M̧akūtkūt ko Maron̄ Kōm̧m̧ani

• Kōmeļeļeiki bwe Paul ekar kam̧m̧oolol kōn jipan̄ eo ekar būki jān kōrā eo etan Phene im ripālele ro etaer Pricilla im Aquila (lale Rom 16:1–4). Kajjitōk ippān ajri ro n̄an jin̄aik pijain Paul im armej rein jilu ilo am riiti eoon kein.

• Kajjitōk ippān kajjojo ajri n̄an kwaļo̧k men eo em̧m̧an me ro jet rekar kōm̧m̧an n̄an e. Jipan̄ ajri ro kōm̧m̧an kaat in kam̧m̧olol n̄an armej ro.

• Jipan̄ ajri ro jeļā elmen ba kom̧m̧ool ilo kajin ko jjet. Al eo “Children All Over the World” (Children’s Songbook, 16–17) emaron̄ jipan̄.

Katakin Katak eo: Ajri ro Rerūttoļo̧k

Rom 8:16–18

Jemedwōj Ilan̄ ekōņaan bwe in kōppopo n̄an bōk aolep men ko ewōr Ippān.

Jemedwōj Ilan̄ ej karōk bwe en pidodo n̄an kōj n̄an erom̧ āinwōt E im jolete aolep men ko An. M̧ool in emaron̄ im̧we ajri ro kwoj katakin n̄an mour tiljek kake gospel in.

M̧akūtkūt ko Maron̄ Kōm̧m̧ani

• Riiti ippān doon Rom 8:16–18. Ta eo jej ekkatak jān eoon kein kōn wōn kōj im elmen ad maron̄ oktak? Kōmeļeļeiki bwe “jolet” ej juon eo ej jolete, ak bōke, ta ko an ro jinen im jemen. Je ioon bo̧o̧t eo Ta eo jej aikuji n̄an jolete aolep men ko an Jemedwōj Ilan̄? Al ippān doon juon al kōn pokake, āinwōt “I Will Follow God’s Plan” (Children’s Songbook, 164–65), looking for answers. Ta uwaak ko jet remaron̄ jipan̄ ajri ro ļōmņak kake?

• Kajjitōk ippān ajri ro n̄an ļōmņak kōn juon kiin̄ eo ekōņaan bwe ļaddik ro im leddik ro nejin rej irooj ioon aelōn̄ eo an juon raan. Kōmeļeļeiki bwe Jemedwōj Ilan̄ ej āinwōt juon kiin̄, im jej ļaddik im leddik ro Nejin raorōk. Kwomaron̄ kwaļo̧k bwebwenato eo kōn Kiin̄ Louis XVI of France, ewaļo̧k ilo ennaan eo an Sister Elaine S. Dalton “Remember Who You Are!” (Liahona, May 2010, 121). Etke eaorōk n̄an keememej bwee jej ajri ro nejin Jemedwōj Ilan̄ im lo̧tak juon raan n̄an āinwōt E? Elmen an m̧ool in jelet kāālet ko jej kōm̧m̧ani ioon laļin?

Rom 10:17

Tōmak ej itok jān ron̄jake naan in Anij.

Ajri ro ekanooj lōn̄ iien ko rem̧m̧an n̄an ron̄jake naan in Anij. Jipan̄ er lo elmen ron̄jake naan in Anij maron̄ kōkajoorļo̧k aer tōmak.

M̧akūtkūt ko Maron̄ Kōm̧m̧ani

• Je naan kein ioon bo̧o̧t eo: Itok , im jān kōn . Kajjitōk ippān ajri ro n̄an kanne ļain eo ejjeļo̧k kobban ālkin riiti Rom 10:17. Kwaļo̧k juon iien ke juon ekar kwaļo̧k m̧ool eo an gospel in n̄an kōkajoorļo̧k tōmak eo am̧—bōlen komaron̄ kwaļo̧k juon eoon em̧m̧an ak kout jān kweilo̧k eo eļap. Kajjitōk ippāer n̄an kwaļo̧k en̄jake ko aer make.

• Leļo̧k n̄an juon ajri pijain Rilo̧mo̧o̧r an kōmour armej eo im kwaļo̧k bwe ajri ro jet ren loe pija eo. Kajjitōk ipppān ajri o n̄an letok jipan̄ n̄an ajri ro jet ta eo pija in ej kwaļo̧ke. Elmen ad maron̄ jipa ro jet jeļā kōn Rilo̧mo̧o̧r bwe ren maron̄ bōk tōmak ilo E?

Rom 14:10, 13

“Jen jab … ekajet doon.”

N̄e ajri ro rej iao̧ ippān doon ro rej kōm̧m̧ani kāālet ko reoktak me rej kōm̧m̧ani, remaron̄ in po n̄an ekajet. Ļōmņake kapilōk eo an Paul n̄an Rom emaron̄ jipan̄ er bōbrae kain ekajet rot in.

M̧akūtkūt ko Maron̄ Kōm̧m̧ani

• Kajjitōk ippān ajri eo n̄an riiti Rom 14:10, 13. Kajjitōk ippān ajri ro n̄an bwine jete alen an Paul kar kōjerbal naan in ekajet. Ta meļeļein ekajet ro jet? Etke jejjab aikuj ekajete ro jet?

• Kwaļo̧k juon pijain juon armej, im kajjitōk ippān ajri ro ta eo jej jeļā kōn armej in ilo baj kalimjōke wōt pija eo. Ta jet iaan men ko jejjab jeļā kōn e? Etke ekajet eo an Irooj em̧m̧antata n̄an ekajete juon armej? (lale 1 Samuel 16:7).

Kōketak Ekkatak ilo M̧weo

Kajjitōk ippān ajri ro n̄an kāālet juon m̧akūtkūt kom̧ kar kōm̧m̧ane ilo kūlaaj im kōm̧m̧ane ippān baam̧le ko aer. Ba n̄an er ke wiik in tok renaaj kwaļo̧k ta eo rekar kōm̧m̧an.

Kōkm̧anm̧anļo̧k Ad Katakin

Leļo̧k iien em̧m̧an n̄an ajri ro n̄an m̧akūtkūt. Emakijkij an pen bwe ajri ro ren jijet aetok. Jān iien n̄an iien, kajjitōk ippān ajri ro n̄an jutak ilo m̧ōttan kūlaaj eo ak jijet ioon laļ ijelo̧kin ioon jia ko.