Korint ilo etto

Korint, Southern Greece, Forum eo im Civic Center, unoke jān Balage Balogh/www.ArchaeologyIllustrated.com

O̧kwōj 21–27

1 Korint 1–7

“Kom̧win Jim̧or Weeppān ḷọk ilo Juon”

Jetōb Kwojarjar enaaj jipan̄ eok jeļā ta pedped ko an gospel in ilo 1 Korint 1–7 enaaj jipan̄ ajri ro me kwoj katakin er. Ilo am̧ lukkuun jar im riiti jebta kein, je ļōmņak ko am̧ im en̄jake ko me rej itok n̄an eok jān Jetōb.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄e raar kwaļo̧k n̄an baam̧le ko aer men ko rekar ekkatak ilo Būraimere wiik eo ļo̧k. (Kwomaron̄ aikuj in nej kōmeļeļeik katak eo an wiik eo ļo̧k.) N̄e rekar, ta eo rekar kwaļo̧ke?

pija ej bōk jikin katakin

Katakin Katak eo: Ajri ro Reddikļo̧k

1 Korint 2:11–14

Jetōb Kwojarjar ej katakin eō m̧ool ko an gospel in.

Juon iaan jerbal ko an Jetōb Kwojarjar ej katakin kōj m̧ool eo. Ta en̄jake ko komaron̄ kwaļo̧ki n̄an ajri ro n̄an jipan̄ er meļeļe menin?

M̧akūtkūt ko Maron̄ Kōm̧m̧ani

• Kwaļo̧k menin ekkatak ko ak pija ko me rej pinej jenkwan wāween ko jej ekkatak kōn laļin (āinwōt jikuuļ, bok, ak smartphone). Ta eo jemaron̄ ekkatak n̄e jej kōjerbal men kein? Kōmeļeļeiki bwe ilo 1 Korint 2:11, 14, Paul ekar kwaļo̧k bwe jemaron̄ jeļā kōn Anij kōn wōt Jetōb in Anij, eo ej Jetōb Kwojarjar. Ta jemaron̄ kōm̧m̧ane n̄an jeļā “men ko an Anij”?

• Kabbokbok ilo am̧ ba naan eo ilo jentōj eo “Jetōb Kwojarjar ej katakin kōj m̧ool eo”? Kajjitōk ippān ajri ro n̄an kabbokbok im āliji naan eo. Kwaļo̧k juon en̄jake eo me Jetōb Kwojarjar ekar jipan̄ eok jeļā ke juon men ekar m̧ool.

• Al ippān doon juon al kōn Jetōb Kwojarjar, āinwōt “The Holy Ghost” (Children’s Songbook, 105). Jipan̄ ajri ro lo naan ko im eoon ko ilo al eo me ej katakin kōn wāween an Jetōb Kwojarjar kōnono n̄an kōj im ta eo Ej katakin kōj.

1 Korint 3:10–11

Jisōs Kraist ej aō ejm̧aan.

Ajri ro rej kalōk pedped eo kōn naan in kam̧ool ko aer, im komaron̄ jipan̄ er kalōk juon pedped ioon Jisōs Kraist.

M̧akūtkūt ko Maron̄ Kōm̧m̧ani

• Riiti 1 Korint 3:11 n̄an ajri ro, im kōmeļeļeiki bwe Jisōs Kraist ej ad ejm̧aan. Kwaļo̧k n̄an ajri ro jet pija in men ko jemaron̄ bōk naan in kam̧ool ko kaki, āinwōt pijan Jisōs Kraist. Jipan̄ er karōk pija ko bwe pijain Jisōs en pād ilaļ, āinwōt juon ejm̧aan, im pija ko jet ren “ekkal” ioon juon naan in kam̧ool kōn E.

• Kōne action ko kōn al eo “The Wise Man im the Foolish Man” (Children’s Songbook, 281), im al al eo ippān ajri ro. Leļo̧k n̄an kajjojo ajri juon dekā ej ba “Jisōs Kraist ej ejm̧aan eo aō” emōj je ioon. Kōtļo̧k aer bōk dekā eo n̄an m̧weo n̄an kakeememej er ta eo rekar ekkatak.

• Kwaļo̧k pijain bwebwenato eo em̧m̧an ippāer kōn mour eo an Rilo̧mo̧o̧r, im kajjitōk ippān ajri ro n̄an kwaļo̧k n̄an eok ta eo ej waļo̧k ilo pija ko. Kōtļo̧k aer kwaļo̧k jet iaan bwebwenato ko rem̧m̧an ippāer kōn Jisōs. Kwaļo̧k am̧ naan in kam̧ool bwe Jisōs Kraist ej ejm̧aan in tōmak eo ad.

1 Korint 6:19

Ānbwinū ej juon tampeļ.

Elmen am̧ maron̄ jipan̄ ajri ro kam̧m̧ool kōn ānbwinier āinwōt menin letok jān Anij im bōk ikdeleel eļap n̄an kōjparok er?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro pija in tampeļ ko (lale laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko), im riiti naan kein jān 1 Korint 6:19: “Ānbwinnemi ej tempel an Jetōb Kwōjarjar.” Jipan̄ ajri ro meļeļe bwe Jemedwōj Ilan̄ ekōņaan bwe jen kōjparok ānbwinid ilo erreo im kwojarjar, āinwōt juon tampeļ.

• Kwaļo̧k juon pija in juon ajri, im likūt pija eo ipeļaakin men ko me rem̧m̧an n̄an āinbwiniid im men ko renana. Kajjitōk ippān ajri ro n̄an bōk koņaer kwaļo̧ki men ko rem̧m̧an im juļo̧ki men ko renana.

• Al ippān doon juon al kōn ābwiniid, āinwōt “Head, Shoulders, Knees, and Toes” (Children’s Songbook, 275), im kajjitōk ippān ajri ro etke rej kam̧m̧oolol kōn ānbwinier.

pija ej bōk jikin katakin

Katakin Katak eo: Ajri ro Rerūttoļo̧k

1 Korint 1:23–25

Meļeļe in māletlet ej lōke māletlet eo an Anij.

Ajri ro me kwoj katakin er renaaj loe—n̄e rejjan̄in loe—ke jet armej rej kwaļo̧k men ko rejjab jejjet ilo māletlet eo an Anij. Ekkatak 1 Korint 1:23–25 emaron̄ jipan̄ ajri ro meļeļe bwe jemaron̄ lōke māletlet eo an Anij kōnke eļapļo̧k jān māletlet ko ad.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti 1 Korint 1:23–25 im pukoti naan ko māletlet im bwebwe. Kōmeļeļeiki bwe elōn̄ armej rej ļōmņak katak ko an Paul rebwebwe, ak Paul ekar kōmeļeļeiki bwe tōmak ilo gospel eo an Kraist ej māletlet eo em̧ool. Etke emāletlet n̄an tōmak ta eo Anij ej katakin?

• Jipan̄ ajri ro kamelmel elmen aer maron̄ uwaake armej ro me rej ļōmm̧ak kien ko an Anij menin “bwebwe”—āinwōt kien ko n̄an bōk tōmak ilo Rilo̧mo̧o̧r, kōjparok Kien Māletlet, ak pokake kien juon m̧ōttan jon̄oul. N̄an waanjon̄ak, remaron̄ kam̧ool kōn kōjeraam̧m̧an ko me rej itok n̄an mour kaki katak kein.

• Kwaļo̧k juon waanjon̄ak n̄e ro jet rej ļōmņak bwe tōmak ko am̧ rebwebwe, ak kwaļo̧k juon waanjon̄ak jān jeje ko rekwojarjar. Kōm̧m̧an bwe ajri ro ren kwaļo̧k en̄jake ko ilo ejja jekjek in wōt. Elmen an 1 Korint 1:25 maron̄ jipan̄ kōj tiljek wōt n̄e ro jet rej kabwebweik tōmak eo ad?

1 Korint 2:11–14

Jetōb Kwojarjar ej katakin eō m̧ool ko an gospel in.

Elmen am̧ maron̄ jipan̄ ajri ro kile bwe rej aikuji Jetōb Kwojarjar n̄an meļeļe “men ko an Anij”?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧ane juon laajrak in wāween ko jej ekkatak ilo laļin—n̄an waanjon̄ak, bok ko, jikuuļ, im intōrnōt. Innām riit ippān doon 1 Korint 2:11–14. Ta eo eoon kein rej katakin kōn elmen ad jeļā “men ko an Anij”?

• Kwaļo̧k kōn juon iien ke kwaar jeļā men ko kōn Jetōb in Anij. Jipan̄ ajri ro kalikkar tōre ko raar en̄jake Jetōb Kwojarjar. Ta “men ko an Anij” (1 Korint 2:11) me Jetōb ekar jipan̄ kōj meļeļe?

• Kajjitōk ippān kajjojo ajri n̄an riiti juon iaan eoon kein: 1 Korint 2:11–14; 1 Nipai 10:17; Moronai 10:3–5; im Katak im Bujen Ko 8:2–3. Kajjitōk ippān ajri ro n̄an kwaļo̧k ta eo rekar ekkatak jān eoon kein kōn wāween an Jetōb Kwojarjar katakin kōj. Etke jej kam̧m̧oolol kōn menin letok eo an Jetōb Kwojarjar?

1 Korint 6:19–20

Ij aikuj kōjparok ānbwinnū im kokwojarjare.

Meļeļe bwe ānbwinniid rej menin letok jān Jemedwōj Ilan̄ enaaj jipan̄ ajri ro kōjparok ānbwinnier, men̄e rej po n̄an jab kōjparoke.

M̧akūtkūt ko Maron̄ Kōm̧m̧ani

• Bōktok juon kanteinōr kōn pija in ajri im juon pijaan lowaan tampeļ eo. Kajjitōk bwe ajri ro ren riiti 1 Korint 6:19–20 im kajjidede ta eo kobban kanteinōr eo. Kōtļo̧k bwe ren kōpeļļo̧ke im kōnono elmen an ānbwinnid āinwōt tampeļ.

• Kōnono n̄an ajri ro kōn elmen ad kwaļo̧k kautiej tampeļ eo. Ānbwinnid ej āinwōt tampeļ eo, elmen ad aikuj kōjparok ānbwinnid? Al ak riiti naan ko ilo al eo kōn tampeļ, āinwōt “The Lord Gave Me a Temple” (Children’s Songbook, 153), emaron̄ jipan̄ uwaake kajjitōk in. N̄e jej kōm̧m̧an bōd, elmen ad kōm̧m̧an bwe “tampeļ ko” ad ren bar erreo?

• Riit ippān doon “Anbwinnūm̧ Ekwojarjar” (ilo N̄an kōkajoorļo̧k Jodrikdrik Ro [tōl, 2022], 22-29). Kajjitōk ippān ajri ro n̄an kōllaajraki ioon bo̧o̧t eo kapilōk ko rej loi kōn elmen ad kōjparok ānbwinnid.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an baam̧le eo aer juon al me rekar al kake ilo kūlaaj im ta eo rekar ekkatak jāne.

Kōkm̧anm̧anļo̧k Ad Katakin

Kwaļo̧k kam̧ool kōn Jisōs Kraist. Juon iaan men ko raorōk komaron̄ kōm̧m̧ane āinwōt juon rūkaki ej kam̧ool kōn Jisōs Kraist. Menin enaaj jipan̄ ajri ro kōkajoorļo̧k naan in kam̧ool ko aer im en̄jake iakwe eo an Rilo̧mo̧o̧r n̄an er.

peij in m̧akūtkūt: ānbwinnū ej āinwōt juon tampeļ