Paul ilo kalbuuj

Juļae 26–O̧kwōj 6

Jerbal 22–28

“Juon Rikaki im juon Rikōnnaan”

Ilo am riiti bwebwenato in in jerbal in kwaļo̧k eo an Rijilōk Paul ilo Jerbal 22–28, lali pedped ko me renaaj lukkuun jipan̄ n̄an ajri ro kwoj katakin.

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k pija ko me remaron̄ kakeememej ajri ro kōn bwebwenato ko jān Jerbal 22–28, āinwōt jail cell, wa, im jineik. Kajjitōk ippān ajri ro n̄an kwaļo̧k bwebwenato ko rejeļā kōn Paul me ekar kōm̧m̧an ilo pija kein.

pija ej bōk jikin katakin

Katakin Katak eo: Ajri ro Reddikļo̧k

Jerbal 23:10–11

Jemedwōn̄ Ilan̄ im Jisōs rej kea kōn eō im naaj jipan̄ eō ilo iien ko reppen.

Jeļā elmen an Rilo̧mo̧o̧r kar jipan̄ Paul maron̄ jipan̄ kalōk tōmak eo an ajri ro me Jemedwōj Ilan̄ im Jisōs rej kea kōn er.

M̧akūtkūt ko Maron̄ Kōm̧m̧ani

• Kwaļo̧k bwebwenato ko ilo Jerbal 23:10–11 kōn an Rilo̧mo̧o̧r loļo̧k Paul ilo kaļbuuj. Ak kwaļo̧k bitio eo“Be of Good Cheer” (ChurchofJesusChrist.org), eo ej kwaļo̧k ilo bwebwenato in. Kwaļo̧k juon tōre ke kwaar bōk mālijjon̄ im kar bōk tōl im kaenōm̧m̧an jān Anij. Kajjitōk ippān ajri ro n̄an kwaļo̧k iien eo me rekar en̄jake aenōm̧m̧an jān Anij.

• Jipan̄ ajri ro kakkilōklōke ta eo Jisōs ekar ba n̄an Paul: “Kwōn peran.” Kajjitōk ippān ajri ro n̄an ļōmņake juon eo remaron̄ loļo̧k n̄an kōperan e—bōlen juon eo ebūrom̧ōj ak einepata.

• Al juon al ippān ajri ro kōn m̧ōņōņō, āinwōt “Smiles” (Children’s Songbook, 267).

leddik eo ej kōnono im̧aan ilo m̧ōnjar eo ippān kōrā eo itulikin

Āinwōt Paul, jemaron̄ kāālet n̄an kwaļo̧k naan in kam̧ool ko ad kōn Rilo̧mo̧o̧r.

Jerbal 26:1–29

Imaron̄ kwaļo̧k naan in kam̧ool eo aō n̄an ro jet.

Lale naan in kam̧ool eo an Paul im̧aan mejen Kiin̄ Agrippa emaron̄ jipan̄ ajri ro jeļā kilen kwaļo̧k ta eo rejeļā ke ej m̧ool.

M̧akūtkūt ko Maron̄ Kōm̧m̧ani

• Bōktok juon peba kūraun n̄an kūlaaj eo im men bwe ajri ro ren kōņake im kōtan wōt n̄e er Kiin̄ Agrippa. Kajjitōk ippān ajri ro n̄an jutak im̧aan kiin̄ eo n̄an pinej jenkwan Paul ilo am kōmeļeļeiki naan in kam̧ool eo an Paul im bwilōn̄ eo an Kiin̄ Agrippa, loe ilo Jerbal 26:1–29 (lale “Jeba 63: Paul Finishes His Mission,” ilo Bwebwenato ko ilo Kalim̧m̧ur Ekāāl, 162–66, ak bitio in jipan̄ eo ilo ChurchofJesusChrist.org). Kōmeļeļeiki bwe jemaron̄ kwaļo̧k naan in kam̧ool ko ad n̄an ro jet, āinwōt kar Paul.

• Kajjitōk ippān ajri ro n̄an ron̄jake ilo am̧ al ak riiti al eo kōn naan in kam̧ool, āinwōt “Ijeļā Jema Ej Mour” (Al ko Al in Ajri, 45). Kajjitōk ippān ajri ro n̄an kajutak peier n̄e rej ron̄ men eo rejeļā ke ej m̧ool. Kwomaron̄ kōņaan al al eo elōn̄ alen; kajjitōk ippān ajri ro n̄an kobawaj ippam̧ n̄e rejeļā naan ko. Jipan̄ er kamminene kwaļo̧k naan in kam̧ool ko aer kōn men ko rejeļā ke rej m̧ool.

• Kōjerbal peij in m̧akūtkūt eo an wiik in n̄an jipan̄ ajri ro ļōmņake men ko remaron̄ ba n̄e rej kwaļo̧k naan in kam̧ool ko aer (lale Laajrak in Tōmak Ko n̄an eļōn̄ ļōmņak). Kūr er n̄an kwaļo̧k naan in kam̧ool ko aer n̄an ilo baam̧le eo aer.

Jerbal 27

Rikanaan ro rej kakkōl eō kōn jorrāān.

Ļōmņake elmen an bwebwenato in wa eo ejoreen waan Paul eo maron̄ katakin ajri ro bwe rikanaan ro rej lo men jorrāān ko an ānbwin im jetōb me jejjab loi.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an katen wōt n̄e rej pād ilo juon wa me ejorrāān jān juon lan̄. Riiti kakkōļ eo an Paul n̄an armej ro, loe ilo Jerbal 27:9–10, im kwaļo̧k bwebwenatoin an wa eo jorrāān kōnke armej ro rekar jab pokake kakkōl eo an (lale Jerbal 27:11, 39–44). Kwaļo̧k juon pija in Būreejtōn eo an Kabun̄ in, im kwaļo̧k jet men ko eaar kakkōl kōj kōn jetōbin jorrāān.

• Likūt jet pija ak menin ekkatak ipeļakin ruum̧ eo me ej pinej jenkwan men ko rikanaan ro raar katakin kōj n̄an kōm̧m̧ane n̄an erom̧ eļapļo̧k āinwōt Jisōs, āinwōt iakwe ro jet ak peptaij. Ilo juon kūlaaj, etetal ipeļakin ruum̧ eo, bōjrak ilo juon pija ak menin ekkatak eo n̄an kōnono kake kilen ļoor katak ko an rikanaan eo ejipan̄ kōj pād ilo jokne.

pija ej bōk jikin katakin

Katakin Katak eo: Ajri ro Rerūttoļo̧k

Jerbal 23:10–11; 27:18–25; 28:1–6

N̄e ioon apan̄, Anij ejjab kajej tokja.

Kōn apan̄ ko Paul ekar en̄jaki, Irooj ekar pād ippān. Elmen am̧ maron̄ jipan̄ ajri ro āinwōt en̄jake ko an Paul n̄an mour ko aer make?

M̧akūtkūt ko Maron̄ Kōm̧m̧ani

• Kōjerbal Jerbal 23:10, kōmeļeļeiki bwe Paul ekar pād ilo kalbuuj kōnke ekar katakin armej ro kōn Jisōs. Innām riiti Jerbal 23:11 n̄an ajri ro. Ak kwaļo̧k bitio eo“Be of Good Cheer” (ChurchofJesusChrist.org), eo ej kwaļo̧k ilo bwebwenato in. Etke Paul ekar “m̧ōņōņō” men̄e ekar pād ilo kalbuuj?

• Je ioon bo̧o̧t eo Jerbal 23:10–11; Jerbal 27:18–25; im Jerbal 28:1–6. Kwaļo̧k pija in juon jikin kalbuuj, juon wa, im juon jineik, im kajjitōk ippān ajri ro n̄an lali eoon kein im kōmājeji n̄an pija ko. Ilo kajjojo iaan bwebwenato kein, elmen an Irooj kar lo Paul bwe E ekar pād ippān? Kwaļo̧k juon waanjon̄ak ke Irooj ekar pād ippām̧ ilo juon iien epen im elmen an kar kōkajoorļo̧k naan in kam̧ool eo am̧ kōn E. Rōjan̄ ajri ro n̄an bwe kwaļo̧k en̄jake ko.

Jerbal 26

Imaron̄ peran n̄an kwaļo̧k naan in kam̧ool eo aō kōn Jisōs Kraist.

Peran eo an Paul n̄an kwaļo̧k naan in kam̧ool eo an emaron̄ jipan̄ ajri ro peran n̄an kwaļo̧k naan in kam̧ool ko aer.

M̧akūtkūt ko Maron̄ Kōm̧m̧ani

• Kālet eoon kein jān Jerbal 26 n̄an riiti ippān ajri ro n̄an jipan̄ er meļeļe ta eo Paul ekar ba n̄an Kiin̄ Arippa kōn en̄jake ko an eoon 9–16) im ta eo ekar kwaļo̧ke kōn Jisōs Kraist (āinwōt eoon 18, 23). Kwomaron̄ kwaļo̧k bitio eo “Paul: A Chosen Vessel” (ChurchofJesusChrist.org). Etke emaron̄ kar kamijak n̄an Paul n̄an kwaļo̧k men kein im̧aan kiin̄ eo? Kajjitōk ippān ajri ro n̄an kōļaajrak jet pedped in katak ko rejeļā rej m̧ool. Kajjitōk ippāer n̄an ļōmņake juon eo rejeļā kajjien eo eaikuj jipan̄ n̄an ron̄ naan in kam̧ool eo aer kōn m̧ool kein.

• Kajjitōk ippān ajri ro n̄an kōjerbal peij in m̧akūtkūt eo an wiik in n̄an je men ko remaron̄ ba n̄e rej kwaļo̧k naan in kam̧ool eo aer.

Jerbal 27

Rikanaan ro rej kakkōļ eō kōn jorrāān.

Ajri ro remaron̄ ron̄jake ennaan ko an rikanaan ro remour im kile kakkōl ko aer. Elmen am maron̄ jipan̄ ajri ro jeļā kōn kakkōl ko?

M̧akūtkūt ko Maron̄ Kōm̧m̧ani

• Mwijit jidik peba āinwōt juon wa āinwōt bajōļ ko. Kajjitōk ippān ajri ro n̄an je kakkōl ko an Paul ilo Jerbal 27:9–11 ilo m̧ōttan ko im likūt bajōl ko ippān doon. Etke armej ro rekar jab ron̄jake Paul? (lale eoon 11). Kajjitōk ippān ajri ro n̄an riiti eoon 18–20 im 40–44 n̄an lale ta eo ekar waļo̧k āinwōt juon tōprak. (Kōmeļeļeiki bwe kōnke armej ro rekar ļoor kapilōk eo an Paul tokālik n̄an pād wōt ilo wa eo, ejjeļo̧k juon en ekar mej ilo wa eo; lale eoon 30–32.) Ta eo jemaron̄ ekkatak jān en̄jake in n̄an ļoor rikanaan eo?

• Bōktok juon enaan jān Būreejtōn eo an Kabun̄ in ilo kweilo̧k eo eļap ej kab m̧ōj im kwaļo̧k n̄an ajri ro jabdwōt kakkōl ko ak kapilōk ko ekar litok. Kūr ajri ro n̄an ļōmņak kōn jekjek ko remaron̄ kōm̧m̧ani n̄an ļoor rikanaan eo.

• Kwaļo̧k pija in alooj eo “Blessed im Happy Are Those Who Keep the Commandments of God” (ChurchofJesusChrist.org). Elman an rikanaan ro āinwōt armej ro kōn baiikūlaaj ko?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kōjerbal ta eo rekar ekkatak kōn Paul n̄an kōperan baam̧le ko aer n̄an ekkatak kōn ennaan ko an rikanaan eo jān ennaan eo ekāāl im kōnono elmen aer maron̄ ļoor kapilōk in.

Kōkm̧anm̧anļo̧k Ad Katakin

Kobaik en̄jake ko “Eitōn aolep ajri ro (im rūtto ro) em̧ōkaj aer ekkatak n̄e elōn̄ en̄jake rej koba ilo katak ko. pukōt wāween ko n̄an jipan̄ ajri ro kōjerbal en̄jake in loļo̧kjen, ron̄ļo̧kjeņ, im aer an̄uuri ilo aer ekkatak. Ilo jet jekjek, komaron̄ lo wāween ko n̄an kobaik jeļā ko aer!” (Teaching in the Savior’s Way, 25).

peij in m̧akūtkūt: Imaron̄ peran n̄an kwaļo̧k naan in kam̧ool eo aō kōn Jisōs Kraist