Corinth, Southern Greece, the Forum and Civic Center, painting by Balage Balogh/www.ArchaeologyIllustrated.com

O̧kwōj 21–27

1 Korint 1–7

“Kom̧win Jim̧or Weepān Ļo̧k”

Je im̧we ko kwoj en̄jaki ilo am̧ riiti 1 Korint 1–7. Im̧we kein remaron̄ koba im̧we ko n̄an ekkatak juon bar ļōmņak, n̄an kwaļo̧k n̄an ro jet juon men eo kwoj ekkatak, ak n̄an kōm̧m̧an oktak ilo mour eo am̧.

Je En̄jake ko Rej Im̧we Eok

Ilo allōn̄ ko me Paul ekar juļo̧k ilo Korint, “elōn̄ iaan ri Korint ke rej ron̄jake [e] rej tōmak, im peptaij” (Jerbal 18:8). Kōn menin emaron̄ kar juon iien epen n̄an Paul bwe en ron̄, jejjo iiō ko rem̧ootļo̧k, bwe ekar wōr “jepel” im “ākwāāl” ilubwilijin Rikwojarjar ro an Rikorint im bwe ilo an jako rej jino eo̧ron̄ “mālōtlōt in laļ in” (1 Korint 1:10–11, 20). Ilo an uwaak, Paul ekar je leta eo jej ņa etan kiiō 1 Korint. Eobrak kōn katak ko rekwabwilōn̄lōn̄, im aeet ilo ejja iien eo wōt, Paul ekar inepata bwe Armej ro Rekwojarjar rekar jab pojak n̄an bōk aolep men katak ko me kar kōņaan katakin er kaki. “N̄a, ro jatū, I ar jab maron̄ in kōnono n̄an kom̧ āinwōt n̄an ro re jān jetōb,” ekar liajļōļ, “bwe n̄an kiiō kom̧ jān kanniōk” (1 Korint 3:1–3). Ilo ad kōppopo n̄an riiti naan ko an Paul, emaron̄ lukkuun jipan̄ n̄an etale ad make riit n̄an bōk m̧ool—ekoba ikdeleel eo ad n̄an eo̧ron̄ Jetōb im kajjieon̄ bwe en wōr bōro kuk an baam̧le ko ad, ippān Armej ro Rekwojarjar, im ippān Anij.

Ļōmņak ko n̄an Ekkatak Jeje Ko Rekwojarjar Ippam̧ Make

1 Korint 1:10–17; 3:1–11

Ro uwaan Kabun̄ eo an Kraist rej kajjieon̄ bar ippān doon im bōro kuk.

Jejjab jeļā aolep dipdikin meļeļe ko kōn an ejjeļo̧k ippān doon im bōro kuk ilubwiljin Armej ro Rekwojarjar ilo Korint, ak jejeļā kōn an ejjeļo̧k ippān doon ilo jem̧jerā ko ad. Ļōmņak kōn juon jem̧jerā ilo mour eo am̧ me emaron̄ kōjeram̧m̧an mour eo am̧ kōn an ļapļo̧k ippān doon; innem kappukot ta eo Paul ekar katakin ilo 1 Korint 1:10–17; 3:1–11 kōn an ejjeļo̧k ippān doon ilubwiljin Armej ro Rekwojarjar ilo Korint. Ta en̄jake ko jej en̄jaki kōn wāween kōļapļo̧k ippān doon bōro kuk ippān doon?

Bar lale Mosaia 18:21; 4 Nipai 1:15–17; Katak im Bujen Ko 38:23–27; 105:1–5; Gospel Topics, “Unity,” topics.ChurchofJesusChrist.org.

1 Korint 1:17–31; 2

N̄an kadedeikļo̧k jerbal eo an Anij, Ij aikuj mālōtlōt an Anij.

Ilo an em̧m̧an—barāinwōt kōketak—n̄an kappukot māletlet ijoko jemaron̄ loe (lale 2 Nipai 9:29; Katak im Bujen Ko 88:118), Paul ekar leļo̧k jet kakkōļ ko rekajoor kōn flawed human wisdom, which he called “the wisdom of this world.” Ilo am̧ riiti 1 Korint 1:17–25, kejokļo̧kjeņ kōn ta eo me emaron̄ meļeļein naan ko. Ilo am̧ ļōmņak ta meļeļein naan eo Paul ekar ba “mālōtlōt an Anij”? Etke jej aikuj mālōtlōt an Anij n̄an kadedeikļo̧k jerbal eo an Anij?

Ilo kijejeto ko am̧ n̄an kakūrm̧ool eddo eo am̧ n̄an kadedeikļo̧k jerbal eo an Anij, em̧ōj ke am̧ kar en̄jake “mijak, im … wūdiddid eļap” me Paul ekar en̄jake ke ekar katakin Armej ro Rekwojarjar ilo Korint? (1 Korint 2:3). Ta eo kwoj loe ilo 1 Korint 2:1–5 me ej lewaj n̄an eok peran? Ļōmņak kōn wāween am̧ maron̄ kwaļo̧k bwe kwoj lōke “kajoor an Anij” eļapļo̧k jān “mālōtlōt an armej.”

Bar lale Katak im Bujen Ko 1:17–28.

1 Korint 2:9–16

Ij aikuj Jetōb Kwojarjar bwe in meļeļe men ko an Anij.

Eļan̄n̄e kwar kōņaan ekkatak eļapļo̧k kōn juon men eo āinwōt rikōm̧m̧an wa ro ak medieval architecture, enej kar elmen am̧ kōm̧m̧ane? Ekkar n̄an 1 Korint 2:9–16, ewi wāween an ekkatak “men ko an Anij” oktak jān ekkatak “men ko an armej”? Etke jej aikuj bōk Jetōb Kwojarjar eo bwe jen maron̄ meļeļe men ko an Anij? Ālkin riiti eoon kein, ta en̄jake ko am̧ kwoj aikuj en̄jaki n̄an meļeļe eļapļo̧k kōn men ko an jetōb? Ewi wāween an kar naan ko an Paul jipan̄ juon eo ekar apan̄ kōn naan in kam̧ool eo an?

1 Korint 6:13–20

Ānbwinnū ekwojarjar.

Elōn̄ armej ilo Korint rekar en̄jakw ebe m̧ōm̧ ilo kanniōk ekar juon men em̧m̧an im bwe un eo m̧oktata ilo aer kar kōm̧anm̧an ānbwinnier ej n̄an en̄jake ko rem̧m̧an. Ilo bar jet naan, Korint ekar jab lukkuun oktak jān laļ in rainin. Ta eo Paul ekar katakin ilo 1 Korint 6:13–20 me emaron̄ jipan̄ eok kōmeļeļeik ro jet etke kwoj kōņaan mour juon mour erreo?

Āinwōt Paul, Sister Wendy W. Nelson ekar kapilōk Armej ro Rekwojarjar n̄an mour erreo; lale ennaan eo an “Love and Marriage” (worldwide devotional for young adults, Jan. 8, 2017, broadcasts.ChurchofJesusChrist.org). Ekkar n̄an Sister Nelsno, ta kōjeraam̧m̧an ko rej itok jān ad mour kōn jon̄ak ko an Irooj ikkijeen iakwe im ntimacy?

1 Korint 7:29–33

Paul ekar ke katakin bwe em̧m̧an ļo̧k jab m̧are jān m̧are?

Jejjo eoon ko ilo 1 Korint 7 ej āinwōt elmakote bwe ilo an mālim m̧are, ro ejjeļo̧k ippāer im rej lukkuun bōbrae jān aer bōd ikkijeen m̧ōm̧ ilo kanniōk ej juon men em̧m̧an. Ijoke, Ukok eo an Josep Smith, 1 Korint 7:29–33 (ilo Baibōļ appendix eo) ej jipan̄ meļeļe bwe Paul ekar kōnono n̄an ro kar kūr er mijinede ro rej jerbal aolep iien, lale bwe ekar maron̄ em̧m̧anļo̧k jerbal n̄an Anij eļan̄n̄e ejjeļo̧k pāleer ilo iien aer mijen. Irooj ekar katakin kōj jān ippān ro Rikarejeran, ekoba Paul, bwe m̧are ej m̧ōttan ļo̧k karōk indeeo eo An im emenin aikuj n̄an mour ijo eutiejtata (lale 1 Korint 11:11; Katak im Bujen Ko 131:1–4).

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

1 Korint 1:10–17; 3:1–11.Ilo an ro uwaan baam̧le eo am̧ riiti eoon kein, karuwaineneik er n̄an kappukot juon en̄jake eo me emaron̄ jipan̄ er bwe en ļapļo̧k aer bōro kuk.

1 Korint 13:1–2.Bōlen kwomaron̄ riiti eoon ko ilo am̧ m̧ōn̄ā jālele im milik. Kwomaron̄ keidi wāween an nin̄nin̄ eddōkļo̧k ļo̧k im erom̧ rūtto kōn wāween ad eddōk ilo mour in jetōb.

1 Korint 3:4–9.Paul ekar keidi kijejeto in mijen eo an n̄an ekkat ine ko. Menin in me ej keidi, ta eo jej ekkatak jān e kōn kwaļo̧k gospel eo?

1 Korint 6:19–20.Keidi ānbwinnid n̄an tampeļ ko, āinwōt an Paul kar kōm̧m̧ane, emaron̄ juon wāween eo ewejepdik n̄an katakin kōn kwojarjar eo an ānbwinnid. Bolen kwomaron̄ kwaļo̧k pija in tampeļ ko, āinwōt ko me rej ekkeijel ilo laarak in katak in. Etke tampeļ ko rekwojarjar? Ewi wāween an ānbwinnid āinwōt tampeļ ko? Ta eo jemaron̄ kōm̧m̧ane n̄an kōm̧m̧an n̄an ānbwinnid āinwōt tampeļ ko? (Bar lale O̧kwōj 2020 special edition eo an Liaona kōn m̧ōm̧ an kanniōk.)

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “The Lord Gave Me a Temple,” Children’s Songbook, 153.

Kōkōm̧anm̧anļo̧k Am̧ Ekkatak Ippam̧ Make

Kijenmej ippam̧ make. Paul ekar katakin bwe milik rej itok m̧okta jālele n̄e jej ekkatak kōn gospel eo (lale 1 Korint 3:1–2). Eļan̄n̄e kwoj lo jet katak ko reppen n̄an meļeļe kiiō, kijenmej wōt. Lōke bwe uwaak ko renaaj itok ilo an wōt tōmak im tiljek in ekkatak.

Paul ekar keidi ānbwinnid n̄an kwojarjar eo an tampeļ. Clockwise jān tuanmiin̄ jān lōn tata: Tijuana Mexico Tampeļ, Taipei Taiwan Tampeļ, Tegucigalpa Honduras Tampeļ, Houston Texas Tampeļ.