“O̧kwōj 7–13. Rom 1–6: ‘Kajoor eo an Anij n̄an Lo̧mo̧o̧r,’” Itok, Ļoor Eō—N̄an Kajjojo Armej im Baam̧le Ko: Kallim̧ur Ekāāl 2023 (2022)

“O̧kwōj 7–13. Romans 1–6,” Itok, Ļoor Eō—N̄an Kajjojo Armej im Baam̧le Ko: 2023

Pija

Paul ej je juon leta

O̧kwōj 7–13

Rom 1–16

“Kajoor eo an Anij ñan Lo̧mo̧o̧r”

Je unoojdikdik ko me renaaj jipan̄ eok keememej ta eo Jetōb ej katakin eok. Ļōmņak in barāinwōt rekoote wāween am̧ en̄jake kōn im̧we kein.

Je En̄jake ko Rej Im̧we Eok

Jān tōre eo Paul ekar je leta eo an n̄an membōr in Kabun̄ eo an Rom, ro me rekar juon kurup in armej in riju im ri aelōn̄ ko, Kabun̄ eo Jisōs Kraist ekar kōkajoorļo̧k jān juon kurup jidikdik in ritōmak ro jān Galilee. Tarrin 20 iiō ālkin Jerkakpeje eo an Rilo̧mo̧o̧r, ekar lōn̄ jarlepju in Rikūrijtin ro me eiten aolep jikin me eļap unin an Rijilōk etal im loļo̧k—ekoba Rom, jikin eo eļap an juon laļ ak kien ekajoor. N̄an kiiō, rej keidi wōt n̄an jon̄an kilep in laļ ak kien eo an Rom, Kabun̄ in ekar dik wōt im ekkā an lōn̄ jum̧ae ko. Ilo kain jekjek ko, jet remaron̄ en̄jake “jook kōn gospel eo an Kraist”—ak, em̧ool, ejjab Paul. Ekar jeļā im ekar kam̧ool bwe kajoor eo em̧ool, “kajoor an Anij n̄an lo̧mo̧o̧r,” ej pād ilo gospel eo an Jisōs Kraist (Rom 1:16).

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Ta Leta ko, im ewi wāween kar kōlaajraki?

Leta ko rej leta ko me kar jeje jān ritōl ro an Kabun̄ in n̄an Armej ro Rekwojarjar ilo elōn̄ m̧ōttan ko ilo laļ in. Rijilōk Paul ekar je elōn̄ iaan leta ko ilo Kallim̧ur Ekāāl—jino jān Rom im jem̧ļo̧k ilo Hibru. Leta eo an kar kōlaajraki kōn jon̄an aitokier, ijjeļo̧kin Hibru (lale Bible Dictionary, “Pauline Epistles”). Men̄e Rom ej juon leta eo jinoin ilo Kallim̧ur Ekāāl, ekar jeje turin ļo̧k jem̧ļo̧kin mijen eo an Paul.

Rom 1–16

“A rū wānōk enaaj mour kōn tōmak.”

Meļeļe ko rej elaajrak remaron̄ jipan̄ kōkm̧anm̧anļo̧k am̧ meļeļe kōn Leta eo n̄an Rom:

Kien eo.Ke Paul ekar je “kien eo,” ekar kōnono kōn kien Moses. Naan eo “jerbal ko” ilo jeje ko an Paul rej kōnono kōn tokjen jerbal ko me rej ekkeijel ippān kien Moses. Ļōmņak kōn kien Moses im jerbal ko me remenin aikuj ium̧win kien Moses me roktak jān “kien kōn tōmak” kar kōmeļeļeiki ilo Romans 3:23–31.

Mwijm̧wij, jab m̧wijm̧wij.Ilo etto, m̧wijm̧wij ekar juon men eo ej juon kōkaļļe in bujen eo Anij ekar kōm̧m̧an ippān Ebream. Paul ekar kōjerbal naan in “m̧wijm̧wij” n̄an kōnono n̄an riJu ro (armej in bujen) im “jab m̧wijm̧wij” n̄an kōnono kin Riaelōn̄ ko. Keļmenlo̧kjeņ kōn ta eo Rom 2:25–29 ej katakin kōj kōn ta lukkuun meļeļe n̄an erom̧ armej in bujen ro an Anij. Keememej bwe m̧wijm̧wij ejako an juon kōkaļļe in bujen eo an Anij ippān armej ro An (lale Jerbal 15:23–29).

Kam̧ool kōn jim̧we, kam̧ool kake, kar kam̧ool kakeNaan kein rej iookļo̧k jeorļo̧k, ak kōjooļ, kin jerawiwi ko. N̄e em̧ōj kajim̧we kōj, emōj jeorlok jerawiwi ko ad, jako ad būrom̧ōj kaki, im anemkwoj jen en̄taan indeeo kōn jerawiwi ko ad. N̄e kwoj loi naan kein, kile ta e Paul ekar katakin kōn ta eo ej kōm̧m̧an bwe jim̧we en bōk jikin (bar lale Unin Tōl eo n̄an Jeje ko Rekwojarjar, “Justification, Justify,” scriptures.ChurchofJesusChrist.org; D. Todd Christofferson, “Justification and Sanctification,” Ensign, June 2001, 18–25). Ilo Rom, naan ko āinwōt “mour jim̧we” im “karbōb kōn mour jim̧we” maron̄ kalimjōki āinwōt naan ko repaake ļo̧k naan kein āinwōt “jim̧we” im “kam̧ool kōn jim̧we.”

Jouj.Jouj ej “jipan̄ … jipañ ak kajoor, letok n̄an kōj kōn eļap tūriam̧o im kōn iakwe Eo an Jisōs Kraist.” Kōn jouj, aolep armej renaaj jerkakpeje im bōk mour in jab wabanban. N̄an kakkobaba, “Jouj in ej juon kajoor in jipan̄ me ej kōtļo̧k bwe em̧m̧aan ro im kōrā ro ren bōk mour indeeo im mour āinwōt Anij ālkin aer kōdepakpakļo̧k kijejeto ko aer rem̧m̧an tata make.” Jejjab maron̄ bōk jouj kōn kijejeto ko ad make; ijjeļo̧kin, ej jouj eo me ej letok “kajoor im jipan̄ n̄an kōm̧m̧an jerbal ko rem̧m̧an me [kōj] jeban kar maron̄ kōm̧m̧ane” (Bible Dictionary, “Grace”; bar lale 2 Nipai 25:23; Dieter F. Uchtdorf, “Menin Letok an Jouj,” Liaona, Māe 2015, 107–10; Brad Wilcox, “His Grace Is Sufficient,” Liaona, Sept. 2013, 43–45). Ilo am̧ riiti Rom, rekoote ta eo kwoj ekkatak kōn jouj eo an Rilo̧mo̧o̧r.

Rom 2:17–29

Jerbal ko am̧ rej aikuj waļo̧k im ļapļo̧k ilo ekkōnono ko am̧.

Jet iaan rikūriijtin riJu ro ilo Rom jej aet etale ke rekar tōmak wōt bwe tōmak im iminene ko aer kōn kien Moses rej bōktok lo̧mo̧o̧r. Menin emaron̄ ilo kalimjōke āinwōt juon būrabļōm me jejjab kōjerbale kiiō kōnke jejjab mour kōn kien Moses. Ak ilo am̧ riiti jeje ko an Paul, eļaptata Rom 2:17–29, ļōmņak kōn kijejeto am̧ make n̄an mour kōn gospel eo. Jerbal ko am̧ me armej rej loi, āinwōt bōk kwojkwoj eo ak pād ilo tampeļ, rej ke kam̧ūlaļ oktak eo am̧ im kōkajoorļo̧k tōmak eo am̧ ilo Kraist? (lale Alma 25:15–16). Elōn̄ ke juon men kwoj aikuj oktak bwe jerbal ko am̧ me armej rej loi rej tōl n̄an juon oktak in bōro?

Bar lale Dallin H. Oaks, “The Challenge to Become,” Ensign, Nob. 2000, 32–34.

Rom 3:10–31; 5

Kōn Jisōs Kraist, imaron̄ in jeorļo̧k jerawiwi ko aō.

Jet armej remaron̄ en̄jake ebbweer ilo kean̄ eo alikkar an Paul me “ejjeļo̧k rū wānōk, ejjeļo̧k juon” (Rom 3:10). Ak ebar lōn̄ ennaan ko rej letok kōjatdikdik ilo Rom. Kappukoti ilo jebta 3 im 5, im ļōmņak im etke ilo ad keememej bwe “otemjej raar jero̧wiwi im rej likjab jān aibojooj an Anij” (Rom 3:23) ej juon bun̄tōn eo eaorōk m̧aanļo̧k n̄an ekkatak n̄an “lan̄lōn̄ ilo kōjatdikdik” kōn Jisōs Kraist (Rom 5:2).

Rom 6

Jisōs Kraist ej karuwaineneik eō n̄an “etal ilo mour ekāāl.”

Paul ekar katakin kōn gospel eo an Jisōs Kraist ej aikuj ukōt wāween ad mour. Ta ennaan ko ilo Rom 6 ej kōmeļeļeiki wāween ad ļoor Rilo̧mo̧o̧r kar jipan̄ eok “etal ilo mour ekāāl”? (eoon 4).

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Rom 1:16–17.Ewi wāween ad kwaļo̧k ke jej “jab jook kōn gsoepl eo an Kraist”?

Rom 3:23–28.Ilo am̧ riiti eoon kein, kwomaron̄ kōnono kōn oktak eo ikōtaan “bōk” jouj eo an Anij, eo me jejamin bar kōm̧m̧ane, im bōke, ta eo me jej aikuj kōm̧m̧ane. N̄aat eo jekar en̄jake jouj eo an Anij? Ewi wāween an ļapļo̧k ad en̄jake?

Rom 5:3–5.Mellijon̄ ta ko kwar en̄jaki? Ewi wāween an mellijon̄ kein kar jipan̄ eok kōļapļo̧k kijenmej, ekkatak, im kōjatdikdik?

Rom 6:3–6.Ta eo Paul ekar ba ilo eoon kein kōn kōkaļļe in peptaij? Bolen baam̧le eo am̧ emaron̄ pepe n̄an pād ilo juon iien peptaij. Ak juon ilo baam̧le emaron̄ kwaļo̧k pija ak kein kakeememej ko jān iien peptaij eo an. Ewi wāween an bujen in peptaij ko ad me jej kōm̧m̧ani im kōjparoki jipan̄ kōj “etal ilo mour ekāāl”?

Peptaij ej kōkaļļein ijjino eo an juon mour ekāāl āinwōt rikaļoor an Kraist.

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “When I Am Baptized,” Children’s Songbook, 103.

Kōkm̧anm̧anļo̧k Am̧ Ekkatak Ippam̧ Make

Kajjitōk kajjitōk ko ilo am̧ ekkatak. Ilo am̧ ekkatak eoon ko, kajjitōk ko remaron̄ itok n̄an ļōmņak eo am̧. Kejōkļo̧kjeņ kōn kajjitōk kein im pukot uwaak ko. N̄an waanjon̄ak, ilo Rom 1–6 kwomaron̄ kappukot uwaak ko n̄an kajjitōk eo “Ta meļeļein jouj?”