“Juļae 31–O̧kwōj 6. Jerbal 22–28: ‘Ri Kaki im Ri Kōnnaan,’” Itok, Ļoor Eō—N̄an Kajjojo Armej im Baam̧le Ko: Kallim̧ur Ekāāl 2023 (2022)

“Juļae 31–O̧kwōj 6. Jerbal 22–28,” Itok, Ļoor Eō—N̄an Kajjojo Armej im Baam̧le Ko: 2023

Pija

Paul ilo kaļbuuj

Juļae 31–O̧kwōj 6

Jerbal 22–28

“Ri Kaki im Ri Kamool”

Im̧we ko jān Jetōb Kwojarjar ekkā aer lūr im jet iien ejjab to kitien ebar jako. Je en̄jake ko re im̧we eok emaron̄ jipan̄ eok emakijkijļo̧k am̧ bōk revelesōn. Ilo am̧ riiti Alma 22-28, je en̄jake ko am̧ me kwoj en̄jaki im kōm̧m̧an ekkar n̄ani.

Je En̄jake ko Rej Im̧we Eok

“N̄e kwoj pād ilo jerbal eo an Irooj,” Būreejtōn Thomas S. Monson ekar kallim̧ur, “jej bōk jipan̄ eo an Irooj” (“To Learn, to Do, to Be,” Liaona, Nob. 2008, 62). Jejjab bōke, ijoke, n̄an juon iaļ emeoeo im ejjeļo̧k jem̧ļo̧k in kōn tōprak im jeraam̧m̧an ko. N̄an kam̧oole menin, jejjab aikuj aitok kōļmenļo̧kjeņ ko ad jān ta eo Rijilōk Paul ekar loe. Jerbal ak eddo eo an jān Rilo̧mo̧o̧r kar “bōkļo̧k Eta im̧aan mejān ri aelōn̄ ko, im kiin̄ ro, im ro nejin Israel” (Jerbal 9:15). Ilo jebta ko 22–28 of Acts, jej lo an Paul kakūrm̧ool eddo ak jerbal eo an im jelm̧ae menin jum̧ae ko—to aen ko, kalbuuj, kōmetak ilo ānbwin, juon jorreen in tima, im barāinwōt jineik ekar kiji. Ak jej barāinwōt loe bwe Jisōs “jutak ippān im ba, Paul, kwōn peran” (Jerbal 23:11). En̄jake ko an Paul rej juon kakeememej eim̧we bwe kūr eo an Irooj n̄an “kwaļo̧k gospel eo [An] kōn ainikien lan̄lōn̄” ej itok ippān kallim̧ur in: “Kotak būruōmi im kom̧in m̧ōņōņō, bwe Ij pād ilubwiljimi” (Katak im Bujen Ko 29:4–5; bar lale Matu 28:19–20).

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Jerbal 22:1–21; 26:1–29

Rikaļoor ro an Jisōs Kraist rej peran ilo aer kwaļo̧k naan in kam̧ool ko aer.

Ke Paul ekar kwaļo̧k naan in kam̧ool eo an ekajoor me kar rekoote ilo Jerbal 22 im 26, ritariņae ro an Rom rekar bōke im kalbuuji. Armej ro rekar kōnono n̄an bōk kajoor eo n̄an kaje e n̄an mej. Jekdo̧o̧n ekar kālet n̄an peran ilo an kwaļo̧k kam̧ool kōn Jisōs Kraist im “visōn eo jān lan̄” (Jerbal 26:19) ekar loe. Ta eo ej im̧we eok kōn naan ko an? Ļōmņak kōn iien ko rem̧m̧an me ewōr ippam̧ n̄an kwaļo̧k naan in kam̧ool eo am̧. N̄an waanjon̄ak, ro m̧ōttam̧ rejeļā ke am̧ en̄jake kōn Jisōs Kraist? Ak n̄aat eo āliktata kwar ba n̄an baam̧le eo am̧ kōn wāween am̧ kar bōk naan in kam̧ool eo kōn gospel eo?

Ke rekar kajirere kōn Josep Smith ke ekar em̧m̧an dettan kōn an ba kōn Visōn eo Moktata, kar bar im̧we kōn wāween an Paul kar kam̧ool kōn visōn eo an (lale Josep Smith—History 1:24–25). Ewi wāween am̧ naaj kōkaduik ta eo Jos ekar ekkatak jān Paul? Ta eo Ij ekkatak jān rikam̧ool rein ruo an Jisōs Kraist?

Bar lale Neil L. Andersen, “Jej Kōnono kōn Kraist,” Liaona, Nob. 2020, 88–91.

Jerbal 23:10–11; 27:13–25, 40–44

Irooj ej jutak turin ro rej kajjieon̄ jerbal n̄an E.

Āinwōt an iien kwaļo̧k eo an Paul lukkuun waļo̧k, men ko reppen ilo mour ko ad rejjab juon kōkaļļe me Anij ejjab bun̄buruōn kōn kōj ak jerbal eo jej kōm̧m̧ane. Ilo m̧ool, jet iien ilo iien ko reppen me jej en̄jake jipan̄ ko An relukkuun kajoor. Emaron̄ lukkuun kabwilōn̄lōn̄ n̄an etale ta eo kwar riiti kiiō kōn iien kwaļo̧k naan eo an Paul im kōlaajraki jet iaan men ko ekar dibuki (lale, n̄an waanjon̄ak, Jerbal 14:19–20; 16:19–27; 21:31–34; 23:10–11; 27:13–25, 40–44). Ekōjkan an kar Irooj jutak ibben? Elmen An jutak ibbam?

Jerbal 24:24–27; 26:1–3, 24–29; 27

Ewōr jokne im aeņōm̧m̧an ilo eo̧ron̄ naan ko an rikarejaran Anij.

Ilo iien kwaļo̧k naan eo an, Paul ekar kwaļo̧k naan in kam̧ool kōn Jisōs Kraist im gospel eo An. Elōn̄ armej ro rekar errā kōn kam̧ool eo an, ak ejjab aolep. Ilo am̧ riiti Jerbal 24:24–27 im Jerbal 26:1–3, 24–29, kappukot naan ko im jentōj ko me rej kwaļo̧k wāween an rikōm̧m̧an kien ro an Rom ilo Judea en̄jake kōn katak ko an Paul.

Felix
Festus
Kiin̄ Agrippa

Ilo an kar ejerakrōk n̄an Rom n̄an teeje tōmak eo an jān Caesar, Paul ekar kanaan bwe “enaaj nana im elōn̄ jako” enaaj waļo̧k n̄an tima in im bajinja ro an (Jerbal 27:10). Riiti jebta 27 n̄an kappukot wāween an ro jeļa ro m̧ōttan kar en̄jake kōn kakkōļ eo. Kwoj ke lo jabdewōt katak ko kōn kwe make ilo en̄jake ko aer?

Em̧ōj ke am̧ kar kōm̧m̧an āinwōt jabdewōt armej rein ke kwar ron̄ katak ko an ritōl ro an Kabun̄ in? Ta jet iaan tokjen ko rekkar ilo ad kōm̧m̧an ilo wāween kein? Ta eo kwoj ekkatak jān bwebwenato kein kōn eo̧ron̄ kapilōk eo an Irooj jān ro Rikarejaran?

Bar lale 2 Nipai 33:1–2; D. Todd Christofferson, “Juon Ainikien Kakkōl,” Liaona, Māe 2017, 108–11; “Follow the Living Prophet,” Teachings of Presidents of the Church: Ezra Taft Benson (2014), 147–55.

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Jerbal 24:16.Mokta jān oktak tok eo, bwebwenatoon Paul ekar juon bwebwenato kōn an ļap an jum̧ae Anij. Ak kōnke ekar kōņaan ukweļo̧k, ekar maron̄ ba, “Ilo men in n̄a ij barāinwōt kajjion̄ bwe en aō bōklōkōt em̧m̧an im ejjeļo̧k ņotaan n̄an Anij, im n̄an armej” (bar lale Katak im Bujen Ko 135:4–5). Ewi wāween ad kanemkwoj bōklōkōt in ņotaan Anij im ro jet?

Jerbal 26:16–18.Ilo eoon kein, ta eo Irooj ekar kūr Paul n̄an kōm̧m̧ane? Ta iien ko rem̧m̧an eaar wōr ippād n̄an kōm̧m̧an ejja men kein wōt?

Jerbal 28:1–9.Elōn̄ ke jabdewōt ilo baam̧le eo am̧ ekōņaan jineik? Kwomaron̄ kōņaan kajjitōk ippān armej eo ak bar juon uwaan baam̧le eo n̄an kwaļo̧k bwebwenato eo me ej pād ilo Jerbal 28:1–9. Ajri ro nejim remaron̄ jin̄n̄āiki juon pija in bwebwenato kein ak kōm̧m̧an arier. Ta katak ok jemaron̄ ekkatak jān bwebwenato kein? Juon emaron̄ kōn an Irooj kakūrm̧ool kallim̧ur ko An n̄an ro Rikarejaran. N̄an waanjon̄ak, kwomaron̄ keidi kallim̧ur eo me kar kōm̧m̧ane ilo Mark 16:18 kōn kakūrm̧ool ko aer kōn en̄jake ko an Paul. Kwomaron̄ bar lo ilo kweilo̧k eo eļap me ekāāl tata ej kwaļo̧k juon kallim̧ur kar kōm̧m̧an jān juon iaan rikarejaran Irooj—bolen juon me eļap meļeļein n̄an baam̧le eo am̧—im kwaļo̧k ak displayiki ilo m̧weo im̧ōm̧. Ewi wāween ad kwaļo̧k tōmak eo ad bwe kallim̧ur in enaaj kūrm̧ool?

Jerbal 28:22–24.Āinwōt Kabun̄ in ilo tōre ko an Paul (ņa etan juon “jar” ilo eoon 22), Kabun̄ in rainin ekkā aer “kōnono ņae.” Ke armej rekar kōnono ņae Rilo̧mo̧o̧r im Kabun̄ eo An, ewi wāween an kar Paul uwaak? Ta eo jemaron̄ ekkatak jān en̄jake eo an Paul?

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “My Redeemer Lives,” Hymns, no. 135.

Kōkm̧anm̧anļo̧k Ad Katakin

Pedped wōt ioon katak ko me renaaj kōjeraam̧man baam̧le eo am̧. Ilo am̧ jar im ekkatak jeje ko rekwojarjar, kajjitōk ippam̧ make, “Ta eo ij loe ijin me enaaj ļap an ļap meļeļein n̄an baam̧le eo aō?” (Lale Teaching in the Savior’s Way, 17.)