O̧kwōj 14–20

Rom 7–16

“Anjọ Jān Nana Kōn Eṃṃan”

Jejjo wōt iaan pedped in katak ko an gospel in ilo Rom 7–16 me maron̄ bar kakobaik er ilo unin tōl in, kōn menin jab kōm̧m̧an jon̄an n̄an eok kōn ta eo komaron̄ ekōnono kake ijin. Likkuun mijeļok im̧we ko kwoj bōki ilo am̧ ekkatak.

Je En̄jake ko Rej Im̧we Eok

Ke ekar kōpeļļo̧ke leta eo an n̄an ri Rom ro, Paul ekar karuwaineneik membōr ro ilo an kar kūr er “jitōnbōro ippān Anij” ro rekar “eṃōj kūr er bwe ren rikwōjarjar.” Ekar kwaļo̧k bwe aer “tōmak [kar] buñbuñ i aolepen laḷ” (Rom 1:7–8). Mekarata Paul ekar je eļap ilo leta eo an kajjim̧we ļōmņak ko rebōd im m̧wil ko rebōd, alikkar ke ekar barāinwōt kōņaan kalikkar n̄an Rikūrijin rein rekāāl bwe rekar likkuun Rikwojarjar ro rejitōboro ippān Anij. An kapilōk emera ej kōjeram̧m̧an aoleped ro ej ben aer en̄jake iakwe eo an Anij im n̄an ro rej en̄jake bwe erom juon Rikwojarjar eban toprak. Kōn an meļeļe ilo an ettā, Paul ekar kalikkar bwe e ekar en̄jake ke ekar “armej eñtaan” jet iien (Rom 7:24), ak gospel in an Jisōs Kraist ekar leļo̧k n̄an e kajoor n̄an anjo̧ jān jerawiwi (lale Joseph Smith Translation, Romans 7:22–27 [ilo Bible appendix]). Kōn kajoor eo, kajoor in pinmuur eo an Rilo̧mo̧o̧r, jemaron̄ “anjo̧ jān nana”—jim̧ōr ilo nana ilo laļ in im nana ilo kōj make —“ippān em̧m̧an” (Rom 12:21).

Ļōmņak ko n̄an Ekkatak Jeje Ko Rekwojarjar Ippam̧ Make

Rom 7–8

Ro rej ļoor Jetōb remaron̄ erom̧ “ ri jolōt an Anij.”

Em̧ool ālikin deļo̧n̄e “mour ekāāl” kōn kain̄i in peptaij (Rom 6:4), bōlen em̧ōj am̧ en̄jake jet iaan apan̄ in itulowa kein Paul ej kōmeļeļeiki ilo Rom 7— “tariņae” ikōtaan likkuun biktokin im ikdeelel ko am̧ rejim̧we (Rom 7:23). Ak Paul ekar barāinwōt ekōnono kōn kōjatdikdik ilo Rom 8:23–25. Ta un ko n̄an kōjatdikdik in kwoj loe ilo jepta 8? Komaron̄ barāinwōt kappukot kōjeram̧m̧an ko me rej itok jān an “Jetōb an Anij ej jokwe ilo koṃ” (Rom 8:9). Ekōjkan am̧ maron̄ kappukot eļapļo̧k jemjera eo an Jetōb Kwojarjar ilo mour eo am̧?

Rom 8:16–39

Menin letok in indeeo eo aiboojoj eļapļo̧k jān māllijon̄ ko aō ilo laļ in.

Jejjo wōt kar iiō ālikin an kar Paul jeik leta in, Rikwojarjar ro ilo Rom rekar en̄taan kōn ko̧kkure ko reļļap. Ta eo kwoj loe ilo Rom 8:16–39 me emaron̄ kar jipan̄ Rikwojarjar ro ke jerbal in ko̧kkure ekar itok? Ekōjkan an naan kein maron̄ ekkar n̄an eok im māllijon̄ ko kwoj iooni kiō?

Kappukot ekkeijel ko ikōtaan eoon kein im naan in kapilōk in jān Sister Linda S. Reeves: “Sister ran, ijjab jeļā etke ekanooj lōn̄ mālijon̄ jej iooni, bōtaab ej aō make en̄jake bwe ewōr nōbar eļap, ilo mour indeeo im indeeo, ilo lan̄lōn̄ im ilōn̄ļo̧k jeļā ko ad bwe ilo raan eo āliktata, je maron̄ en̄jake in ba n̄an Jemed eo eļap iakwe im tūriamo Ippān, ‘Ekar aolep men ko kar aikuji?’ Ij tōmak bwe elan̄n̄e jenaaj keememej kajjojo iien n̄an kōm̧m̧an jabdewōt men kōn m̧weilaļ in iakwe eo an Jemedwōj Ilan̄ im ad Rilo̧mo̧o̧r n̄an kōj. Raar kajjitōk bwe jen ro̧o̧l n̄an im̧aan mejāer bar juon alen, jepooļ jān iakwe eo Aer ejjeļo̧k jem̧ļo̧kin. Ta jorrāān eo … ta en̄taan eo ijin eļan̄n̄e, ilo jem̧ļo̧kin, melejon̄ kein rej lukkuun ko me rej kōkarbab kōj n̄an mour indeeo im ijo utiejtata ilo aelōn̄ in kiin̄ eo an Anij ippān Jemed im ad Rilo̧mo̧o̧r?” (“Worthy of Our Promised Blessings,” Liaona, Nob. 2015, 11). Kālet ta eo konaaj kōm̧m̧an n̄an “iien otemjej emeemej im kile” iakwe an Anij n̄an eok.

Rom 8:29–30; 9–11

Ta meļeļein eo an Paul ke ekar ba “likūt er ṃokta,” “kāālōt er?,” im “jeḷā er ṃokta”?

Paul ekar kōjerbal naan kein “likūt er ṃokta,” “kāālōt er?,” im “jeḷā er ṃokta” n̄an katakin bwe mour eo m̧okta jān mour in, Anij ekar kālet jet iaan ajri ro Nejin n̄an erom̧ m̧ōttan Israel, armej in bujen ro An. Meļeļein menin bwe renaaj bōk kōjeram̧m̧an ko rejenolo̧k im eddo ko bwe ren kōjeram̧m̧an aolep armej ilo laļ in (lale Guide to the Scriptures, “Election,” scriptures.ChurchofJesusChrist.org). Ijoke, Paul ekar kōmeļeļeik ilo tukadu in ilo Rom 9–11 bwe aoleol ajri ro nejin Anij remaron̄ erom̧ armej in bujen ro An, im renaaj bōk mour indeeo ilo wāween eo wōt—kōn tōmak ilo Jisōs Kraist im pokake kien ko An.

Bar lale Epesōs 1:3–4; 1 Pita 1:2; Alma 13:1–5; Gospel Topics, “Foreordination,” topics.ChurchofJesusChrist.org.

Rom 12–16

Paul ej karuwaineneik eō n̄an erom̧ juon Rikwojarjar em̧ool im juon rikaļoor an Jisōs Kraist.

Jepta ko ļalem āliktata in Rom epād ie jekjek ko realikkar im rellōn̄ kōn wāween mour āinwōt Rikwojarjar ro. Juon wāween n̄an ekkatak jekjek kein ej n̄an lale unin tōl ko me rej āliji. Ekōjakan am̧ maron̄ kōmeļeļeik ilo tukadu naan in kapilōk eo an Paul?

Komaron̄ jab maron̄ mour kake aolepen naan in kapilōk in ilo juon wōt iien, ak Jetōb emaron̄ jipan̄ eok kappukot juon ak ruo pedped in katak ko komaron̄ ijjino jerbali rainin. Kwaļo̧k ikdeelel ko am̧ n̄an Jemedwōj Ilan̄ ilo jar, im kajjitōk jipan̄ eo An.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Rom 8:31–39.Ta eo jej loe ilo Rom 8:31–39 me ej katakin kōn wāween an Jemedwōj Ilan̄ im Jisōs en̄jake kōn kōj? N̄eet eo jekar en̄jake iakwe eo an Anij?

N̄an kōmeļeļeik eoon ko 38–39, ro uwaan baam̧le eo remaron̄ kappukot waanjon̄o̧k in men ko me, āinwōt kōj im iakwe eo an Anij, rejjab aikuj jenolo̧k.

Elder Wilford W. Andersen ekar katakin, “Ainikien kōjanjan̄ eo an gospel in ej [juon] en̄jake in lan̄lōn̄ ilo jetōb.”

Rom 9:31–32.Enaan eo an Elder Wilford W. Andersen “The Music of the Gospel” (Liaona, Māe 2015, 54–56; bar lale bitio eo ilo ChurchofJesusChrist.org) emaron̄ jipan̄ eok kōmeļeļeik ta eo Paul ej katakin kōn kien eo, jerbal, im tōmak. Ālikin ekōnono kōn katak eo an, baam̧le eo am̧ emaron̄ kajjeon̄ tuuj kōn ainikien kōjan̄jan̄ im ilo an ejjeļo̧k bar ainikien kōjan̄jan̄. Ekōjkan an tōmak maron̄ jipan̄ kōj en̄jake lan̄ļōn̄ eo in gospel in?

Rom 10:17Kōkaļļāik eļōn̄ kūlaaj in dān ko ippān jikin katak naan ko an Anij (āinwōt jeje ko rekwojarjar, revelesōn an juon make, im kweilo̧k eo eļap). Ekōnono kōn wāween an naan eo an Anij kōļapļo̧k tōmak eo am̧ ilo am̧ lutokļo̧k kūlaaj in dren eo n̄an juon nien eo em̧ōj kōkaļļāiki “Tōmak”

Rom 12.Ta meļeļein n̄an kōm̧m̧an bwe jen make “leḷọk ānbwinnemi men in joortak e mour, e kwōjarjar, men in kabuñbūruon Anij”? (eoon 1).

Rom 14:13–21.Baam̧le eo am̧ emaron̄ jeram̧m̧an jān ekkarka naan in kapilōk eo an Paul kōn ekajet im akweel kōn kōņaan ko ad make. Bōlen komaron̄ kōmeļeļe kōn jekjek ko rekkar n̄an uaak n̄e armej ro jet, ekoba ro uaan baam̧le eo, rej kōm̧mane kālet ko reoktak jān ko am. Ekōjkan ad maron̄ “ḷoor men in aenōṃṃan ko”? (eoon 19).

N̄an ļōmņak ko rellōn̄ļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimer.

AL eo kar elmakote: “I Feel My Savior’s Love,” Children’s Songbook, 74–75.

Kōkm̧anm̧anļo̧k Ad Katakin

Kōtļo̧k bwe ajri ro ren kwaļo̧k aer kapāāl [creativity]. “N̄e ajri ro rej ejaake juon me eo ej iookļo̧k juon pedped in katak an gospel, ejipan̄ er meļeļe ļo̧k kōn pedped in katak eo. … Kōtļo̧k aer kalōk, jin̄n̄a, kōļar, im je, im kōm̧mane” (Teaching in the Savior’s Way, 25).

Abide with Me, jān Del Parson