kweilo̧k in kwojkwoj

O̧kwōj 28–Jeptōm̧ba 3

1 Korint 8–13

“Kom̧ Ānbwinnen Kraist”

Ilo am̧ lukkuun jar im riiti 1 Korint 8–13, Jetōb Kwojarjar emaron̄ kōnono n̄an eok ilo wāween ko rejejjet (lale 1 Kiin̄ Ro 19:11–12). Rekoote im̧we kein enaaj jipan̄ eok keememej en̄jake im ļōmņak ko kwar ļōmņaki ilo iien am̧ ekkatak.

Je En̄jake ko Rej Im̧we Eok

Ilo iien ko an Paul, Korint ekar juon jikin wia kake eo eļap an m̧weiuk elōn̄ kōn armej ro rej amņak ien jān aolep jikin ko an ri Rom. Ippān elōn̄ kain manit im kabun̄ ko ilo jikin kweilo̧k ko, ro uwaan Kabun̄ in ilo Korint ekar pen aer bōro kuk, kōn menin, Paul ekar pukot kilen bwe ren bōro kuk ilo aer tōmak ilo Kraist. Bōro kuk in ekar aikuj ļapļo̧k jān aeņōm̧m̧an eo itok jān pokake kien rej waļo̧k ilo juon wōt iien; Paul ekar jab kajjitōk bwe ren ippān doon jekdo̧o̧n oktak ko aer jān doon. Ijjeļo̧kin, ekar katakin bwe n̄e kwoj kobatok ilo Kabun̄ eo an Jisōs Kraist, kwoj “peptaij kōj ilo juon ānbwin,” im aolep m̧ōttan ilo ānbwinnid emenin aikuji (1 Korint 12:13). N̄e juon iaan membōr ro ejako, ej āinwōt juon iaan limb ko ilo ānbwinnid ejako, im ānbwin eo em̧ōjņo ļo̧k. N̄e juon membōr ej en̄taan, jej aikuj aolep en̄jake im kōm̧m̧ane ijoko koņaad n̄an jipan̄ e. Ilo kain bōro kuk in, jejjab kili wōt oktak ko ak bar kaorōki, kōnke n̄e ejjeļo̧k membōr kōn kajjo kain menin letok im maron̄, ānbwin ko ewōr jon̄aer. Kōn menin n̄e kwoj en̄jake eto am̧ pād ilo m̧weo ilo m̧ōn jar eo ak jeļā am̧ bwilōn̄ eļan̄n̄e m̧ool kwoj lukkuun uwaan, ennaan eo an Paul n̄an eok ej bwe bōro kuk ejjab jon̄an wōt juon. Kwoj aikuj m̧ōttam̧ Armej ro Rekwojarjar, im ro m̧ōttam̧ Armej ro Rekwojarjar rej aikuji eok.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

1 Korint 10:1–13

Anij ej kōpooj juon iaļ n̄an ko jān kapo ko.

En̄jake ko ilo jetōb, men̄e menin bwilōn̄ ko, rejjab kattoļo̧k kōj jān kapo ko me “armej rej maron̄e” (1 Korint 10:13). Bwe menin ekar bar juon un unin an Paul kar je kōn wāween an ri Israel ro ilo tōre ko an Moses kar apan̄ kōn kapo, men̄e rekar kam̧oole menin letok ko rekajoor (lale Exodus 13:21; 14:13–31). Ilo am̧ riiti 1 Korint 10:1–13, ta kakkōļ ko ilo en̄jake ko an ri Israel me rekkar n̄an eok? Ta kain “anjo̧” jān kapo me Jemedwōj Ilan̄ ekar letok n̄an eok? (bar lale Alma 13:27–30; 3 Nipai 18:18–19).

1 Korint 10:16–17; 11:16–30

Kwojkwoj eo ej kakobaik kōj āinwōt membōr in Kabun̄ eo an Kraist.

Men̄e kwojkwoj eo ej aikuj wūjlepļo̧k an juon make ikōtaam̧ im Irooj, ej barāinwōt juon en̄jake eo kwoj jeere ippān ro jet. Jej eiten aolep iien bōk kwojkwoj eo ippān doon, āinwōt juon ānbwin an Armej ro Rekwojarjar. Riit kōn ta eo Paul ekar katakin kōn kwojkwoj eo, im ļōmņak kōn kain̄i in ekwojarjar emaron̄ jipan̄ “jelōn̄” erom̧ “juon” ilo Kraist (1 Korint 10:17). Ewi wāween ilo ad bōk m̧ōttan kwojkwoj eo jipan̄ eok en̄jake am̧ epaake Kraist im ritōmak ro jet? Ewi wāween an eoon kein jelet en̄jake ko am̧ kōn kwojkwoj eo im wāween am̧ kōpooj eok n̄an e?

1 Korint 11:11

Ilo karōk eo an Anij, em̧m̧aan im kōrā ro rej aikuji doon.

Ilo 1 Korint 11:4–15, Paul ej kōnono kōn manit ko me rejjab mour kaki rainin. Ijoke, Paul ekar barāinwōt katakin juon m̧ool eaorōk me ej iookļo̧k mour indeeo, ej pād ilo eoon 11. Ta meļeļe eoon in ilo am̧ ļōmņak, im etke eaorōk? Elder David A. Bednar ekar katakin, “M̧aan im kōrā eo kar pepe n̄an katak jān, kōkajoorļo̧k, kōjeram̧m̧an, kadedeki, im koweppānļo̧k doon.” (“Kōm̧ij Tōmak ilo Jetjet,” Liaona, Māe 2013, 42). Ewi wāween an m̧ool in aikuj jelet m̧are? Ewi wāween an aikuj jelet wāween ad jerbal ilo Kabun̄ in?

Bar lale Jean B. Bingham, “Ippān Doon N̄an Kōttōprak Jerbal eo an Anij,” Liaona, Māe 2020, 60–63.

1 Korint 12–13

Menin letok ko an jetōb kar litok n̄an kōjeram̧m̧an aolep ajri ro nejin Jemedwōj Ilan̄.

Laajrak in menin letok eo an jetōb ilo 1 Korint 12–13 ejjab lukkun dedeļo̧k elaajrak in menin letok ko. Ak ej juon jikin em̧m̧an n̄an ijjino ilo am̧ kile im kejokļo̧kjeņ kōn menin letok ko an Jetōb me Jemedwōj Ilan̄ ekar lewaj n̄an eok. The article “Spiritual Gifts” ilo Gospel Topics (topics.ChurchofJesusChrist.org) emaron̄ jipan̄ eok bwe en em̧m̧an am̧ meļeļe kōn menin letok kein. Ilo an laajrak in menin letok As you read Paul’s list of gifts, you might add some you have noticed in others, in yourself, or in people in the scriptures. Eļan̄n̄e kwaar bōk kōjeraam̧m̧an in petriak eo am̧, emaron̄ ba jet iaan menin letok ko am̧ ilo jetōb. Ekōjkan an mennin letok kein jipan̄ eok kōjeraam̧m̧an ro jet? Ļōmņak kōn wāween maron̄ kappukot “menin letok ko rem̧m̧antata” (1 Korint 12:31).

Bar lale 1 Korint 14; Moronai 10:8–21, 30; Katak im Bujen Ko 46:8–26; Laajrak in Tōmak Ko 1:7.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

1 Korint 9:24–27.Kōnke Paul ekar keidi mour kōn gospel n̄an iakwoj, emaron̄ wōr juon iākwoj an baam̧le n̄an kwaļo̧k meļeļe eo an. Leļo̧k juon nōbar crown n̄an jabdewōt to rej kadedeikļo̧k iākwoj in, im kōmeļeļe kōn wāween an aolep tiljek ilo ļoor Kraist ilo mour in enaaj wiin nōbar eo e “jāmin m̧or” (1 Korint 9:25; bar lale 2 Timote 4:7–8). Ta eo juon ri iākwoj ej kōm̧m̧ane n̄an kōppopo n̄an juon iākwoj? Ta eo jemaron̄ kōm̧m̧an n̄an kōppopo n̄an jepļaakļo̧k n̄an ippān Jemedwōj Ilan̄?

ri iākwoj ro ilo juon jikin iākwoj

Paul ekar keidi mour kōn gospel n̄an iākwoj ilo juon iākwoj

1 Korint 12:1–11.Ālkin riit eoon kein ippān doon, ļōmņak in leļo̧k n̄an aolep juon m̧ōttan peba kōn etan bar juon waan baam̧le eo ilo lōn̄tata. Kajjitōk ippān aolep n̄an kōlaajrake menin letok ko an jetōb me rej kile ke ewōr ippān armej en. Kwomaron̄ leto letok pepa ko ilo juon doulul m̧ae ewōr an aolep iien n̄an je kōn kajjojo menin letok an ro uwaan baam̧le eo.

1 Korint 12:3.Etke Jetōb Kwojarjar eaorōk n̄an bōk juon naan in kam̧ool kōn Jisōs Kraist? Ta eo jemaron̄ kōm̧m̧ane n̄an karuwaineneik Jetōb n̄an kōkajoorļo̧k naan in kam̧ool ko ad kōn E?

1 Korint 12:12–27.Waanjon̄ak eo an Paul kōn juon ānbwin emaron̄ erom juon wāween kakeememej n̄an kōnono kōn bōro kuk an baam̧le. N̄an waanjon̄ak, ro uwaan baam̧le eo remaron̄ jin̄n̄aik juon ānbwin me ewōr wōt mej im lo̧jiln̄ū ie (lale eoon 17). Ta eo eoon kein rej elmakote kōn wāween ad aikuj kōm̧m̧an n̄an ro jet āinwōt ro uwaan baam̧le eo?

1 Korint 13:4–8.Meļeļe eo an Paul kōn iakwe em̧ool emaron̄ kōm̧m̧an mato eo eim̧we n̄an baam̧le eo am̧. Kwomaron̄ jitōn̄ kajjojo uwaan baam̧le eo n̄an ekkatak juon naan ekadu ilo eoon ko 4–8 im katakin aolep baam̧le eo ta meļeļe ilo aer kōjerbal meļeļein, waanjon̄ak ko, im en̄jake ko an kajjojo armej. Ewi wāween an Rilo̧mo̧o̧r juon waanjon̄ak n̄an m̧wil kein? Kwomaron̄ bar kōm̧m̧an pija ko ippān doon kōn kajjojo naan kein im kwaļo̧k ilo aolep m̧weo. Mejādik!

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Love Is Spoken Here,” Children’s Songbook, 190–91.

Kōkōm̧anm̧anļo̧k Ad Katakin

Kwaļo̧k juon eoon. Kāālet juon eoon kwoj lo eļap meļeļein, im likūt ijo ro uwaan baam̧le eo naaj emakijkij aer loe. Kūr ro jet uwaan baam̧le eo n̄an kajjojo kāālet juon eoon n̄an kwaļo̧ke.

kweilo̧k in kwojkwoj

“Pilawā eo kom̧ ruje, ejjab kam̧m̧ao in ānbwinnen Kraist ke? Bwe kōj jelōn̄ jej juon pilawā, juon ānbwin” (1 Korint 10:16–17).