jikin peptaij ilo tam̧peļ

Jeptōm̧ba 4–10

1 Korint 14–16

“Anij E Jab Anij in Airuwaro, A in Aenōṃṃan”

Je im̧we ko ilo am̧ riiti 1 Korint 14–16. Jar kōn ta eo Jetōb ekar katakin eok, im kajjitōk ippān Jemedwōj Ilan̄ eļan̄n̄e ej wōr wōt men E ekōņaan bwe kon ekkatak.

Je En̄jake ko Rej Im̧we Eok

Kōnke Kabun̄ in im katak ko an rekar kāāl ilo Korint, ej menin meļeļe bwe Rikwojarjar ro ilo Korint rekar ioon pok. Paul ekar katakin er m̧oktaļo̧k kōn pedped in m̧ool ko reaurōk ilo gospel in: “Kraist ear mej kōn jerọwiwi ko ad … Im ar kalbwin E, im Ear jerkakpeje ilo raan kein ka jilu” (1 Korint 15:3–4). Ak jet membōr rekar jino katakin bwe “ejjeḷọk jerkakpeje an ro re mej?” (1 Korint 15:12). Paul ekar akweļap ippāer n̄an “dāpij” m̧ool ko rekar katakin er (1 Korint 15:2). Ke rekar ioon ļōmņak ko rekapokpk kōn m̧ool ko ilo gospel in, ej juon men em̧m̧an n̄an keememej bwe “Anij E jab anij in airuwaro, a in aenōṃṃan” (1 Korint 14:33). Ron̄jake rijerbal ro an Irooj em̧ōj aer kile er im dāpij m̧ool ko repidodo emakijkij aer katakin emaron̄ jipan̄ kōj kappukot ainōm̧m̧an im “jutak pen ilo tōmak,” (1 Korint 16:13).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

1 Korint 14

Imaron̄ kappukot menin letok in kanaan.

Ta menin letok eo in kanaan? Ej ke maron̄ eo n̄an jeļā kōn ilju im jakļaj? Ej ke wōt n̄an rikanaan ro wōt? Ak jabdewōt remaron̄ ke bōke menin letok in?

Kejokļo̧kijeņ kōn kajjitōk kein ilo am̧ ekkatak 1 Korint 14:3, 31, 39–40. Komaron̄ barāinwōt riiti Revelesōn 19:10 im “Prophecy, Prophesy” ilo Guide to the Scriptures (scriptures.ChurchofJesusChrist.org). Ekkar n̄an ta eo kwar ekkatak, ekōjkan am̧ kōmeļeļeik menin letok in kanaan? Ta meļeļein an Paul ba ke ekar kaurwaineneik Rikorint ro n̄an “kanooj kōṇaan in rūkaanij”? (1 Korint 14:39). Ekōjkan am̧ maron̄ bōk kūr in?

Bar lale Joel 2:28–29; Alma 17:3; Katak im Bujen Ko 11:23–28.

1 Korint 14:34–35

Ekōjkan an kōmeļeļe kōn kōrā in ilo eoon kein ekkar n̄an raan kein?

Ilo raan ko an Paul, ekar wōr kōtmene ko reoktak jān doon kōn wāween an kōrā bōk koņaer ilo lo̧bwilej, ekoba ilo kweilo̧k ko ilo kabun̄ in. Jekdoon ta katak ko ilo 1 Korint 14:34–35 rekar n̄an raan ko an Paul, rejjab aikuj bōk ilo meļeļe bwe kōrā rejjab maron̄ ekōnono im tōl ilo Kabun̄ in rainin (lale Ukok eo an Josep Smith, 1 Korint 14:34 [ilo 1 Korint 14:34, footnote b]). Būreejtōn Russell M. Nelson ekar ba n̄an kōrā ro ilo Kabun̄ in rainin: “Kōmij … aikuji kajoor eo ami, ami oktak, ami peran, maron̄ eo ami n̄an tōl, jeļāļo̧kijeņ eo ami, im ainikiemi. Aelōn̄ in kiin̄ eo an Anij eban im ejjab maron̄ dedeļo̧k n̄e ejjeļo̧k kōrā ro rej kōm̧m̧ani bujen ko rekwojarjar innām kōjparoki, kōrā ro remaron̄ kōnono kōn kajoor im maron̄ eo an Anij!” (“A Plea to My Sisters,” Liaona, Nob. 2015, 96).

1 Korint 15:1–34, 53–58

Jisōs Kraist ekar anjo̧ jān mej.

Jerkakapeje eo an Jisōs Kraist ej juon pedped aurōk ilo mour in Rikirijin, juon emaron̄ ba bwe ijjelo̧kin ejjeļok mour in Kūrijin—n̄an kōjerbal naan ko an Paul, “am kwaḷọk jekdọọn, im ami tōmak e barāinwōt jekdọọn.” (1 Korint 15:14). Ak jet iaan Rikwojarjar ro ilo Korint rekar katakin bwe enaaj “ejjeḷọk jerkakpeje an ro re mej” (1 Korint 15:12). Ilo am̧ riiti uak eo an Paul ilo 1 Korint 15, bōk jidik iien n̄an kejokļo̧kijeņ kōn ekōjkan an mour eo am̧ naaj oktak eļan̄n̄e kokar jab tōmak ilo Jerkakpeje (lale 2 Nipai 9:6–19; Alma 40:19–23; Katak im Bujen Ko 93:33–34). Ta meļeļein eoon in “Eḷaññe ar jab kajerkakpeje Kraist, ami tōmak jatokjān” n̄an eok? (eoon 17).

Ebarāinwōt aurōk n̄an jeļā bwe Paul ekar kōnono kōn peptaij n̄an ro remej āinwōt kam̧ool kōn mool eo ilo jerakpeje (lale 1 Korint 15:29). Ekōjkan an tam̧peļ im jerbal in menmenbwij an baam̧le kar kōkajoor tōmak eo am̧ ilo katak eo kōn jerkakpeje?

Bar lale Katak im Bujen Ko 138:11–37.

1 Korint 15:35–54

Ānbwin ko em̧ōj aer jerkakpeje reoktak jān ānbwin ko rewabanban.

Em̧ōj ke am̧ kar ļōmņak kōn ta eo juon ānbwin em̧ōj an jerkakpeje enij ainwōt? Ekkar n̄an 1 Korint 15:35, jet iaan armej in Korint ro rekar ļōmņak kōn ejja menin wōt. Riiti uaak eo an Paul ilo eoon ko 36–54, im lale naan ko im enaan ko me rej kōmeļeļeik oktak ko ikōtaan ānbwin ko rewabanban im ānbwin ko em̧ōj aer jerkakpeje. Ilo am̧ kōm̧m̧ane, komaron̄ keidi eoon ko 40–42 ippān Katak im Bujen Ko 76:50–112. Ta eo revelesōn in n̄an Rikanaan Josep Smith ej kobaik waj n̄an jeļā eo am̧? (bar lale Ukok an Josep Smith, 1 Korint 15:40 [ilo 1 Korint 15:40, footnote a]). Etke m̧ool kein raorōk n̄an kwe?

Bar lale Luk 24:39; Alma 11:43–45; Katak im Bujen Ko 88:14–33.

an al tak

“Juon aiboojoj an aļ” (1 Korint 15:41).

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

1 Korint 15:29.Jej ekkatak jān eoon 29 bwe Rikirijin ro etto rekar bōk ko̧ņaer ilo peptaij kōn ro remej, āinwōt ad kōm̧m̧ane rainin. Ekōjkan ad naaj kōmeļeļeik n̄an ro jet etke jej peptaij kōn ro jibwid im jim̧m̧ad etto? (lale “What Are Baptisms for the Dead?,” [bitio], ChurchofJesusChrist.org). Ta eo jej kōm̧m̧ane āinwōt juon baam̧le n̄an leļo̧k kain̄i ko an tam̧pel n̄an ro jibwid im jim̧m̧aad etto ro rej aikuji? Komaron̄ loe eļōn̄ļo̧k kein jipan̄ ko ilo Gospel Topics article “Baptisms for the Dead” (topics.ChurchofJesusChrist.org) im ilo FamilySearch.org.

1 Korint 15:35–54.Ta men ko ak pija ko komaron̄ kwaļo̧k n̄an jipan̄ baam̧le eo am̧ meļeļe jet iaan naan ko Paul ekar kōjerbali n̄an kōmeļeļeik wāween an ānbwin ko rewabanban oktak jān ānbwin ko em̧ōj aer jerkakpeje? N̄an waanjon̄o̧k, to demonstrate the difference between corruptible and incorruptible (lale eoon ko 52–54) komaron̄ kwaļo̧k aen ko reeļjo̧ im aen ko rejjab eļjo. Ak komaron̄ keidi juon men em̧ojņo̧ ippān juon men eļap an kajoor (lale eoon 43).

1 Korint 15:55–57.Juon ekōnono kōn eoon kein emaron̄ eļaptata ļap meļeļein eļan̄n̄e baam̧le o am̧ ejeļā juon eo ekar mej. Ro uwaan baam̧le eo emaron̄ kwaļo̧k aer naan in kam̧ool kōn wāween Jisōs Kraist joļo̧k “to in mej” (eoon 56).

1 Korint 16:13.N̄an jipan̄ ro uwaan baam̧le eo am̧ ekkar n̄an eoon in, komaron̄ jin̄aik juon doulul ilaļ im ba juon uwaan baam̧le eo n̄a “jutak dim” ilowaan ilo an kili mejen. Inne ro jet rej kajjeon̄ uniļo̧k ak kanōke tok ļāeo ak lieo jān lowaan doulul eo. Ta oktak eo ej kōm̧m̧an n̄e armej eo ilo doulul eo enkar kōpeļļo̧k mejen im maron̄ “lale”? Ta eo jemaron̄ kōm̧m̧ane n̄an “jutak dim” ? (bar lale “Stay in the Boat and Hold On!,” [bitio], ChurchofJesusChrist.org).

N̄an meļeļe ko rellōn̄ļo̧k n̄an katakin ajri ro, lale unin tōl eo an wiik in ilo tok, Ļoor Eō—N̄an Būraimere.

Al eo kar elmakote: “He Is Risen!,” Hymns, no. 199.

Kōkōm̧anm̧anļo̧k Am̧ Ekkatak Ippam̧ Make

Pukot Jon̄ok ko. Ilo jeje ko rekwojarjar jej loe jon̄o̧k ko me rej kwaļo̧k wāween an Irooj kōm̧m̧ane jerbal eo An. Ta jon̄o̧k ko kwoj loe ilo 1 Korint 14 me emaron̄ jipan̄ eok meļeļe kōn wāween kōketak doon?

Kraist ej waļo̧k n̄an Meri ilo lōb eo

Why Weepest Thou, © Simon Dewey 2021. Kar kōjerbale kōn mālim eo jān Altus Fine Art/www.altusfineart.com