Jeptōm̧ba 11–17

2 Korint 1–7

“Kom̧win Reel n̄an Anij”

Ilo am̧ ekkatak leta eo an Paul n̄an ri Korint, je jet iaan pedped in katak ko me kwoj loi im kejokļo̧kjeņ kōn wāween am̧ maron̄ mour kaki ilo mour eo am̧.

Je En̄jake ko Rej Im̧we Eok

Jet iien, erom̧ juon ritōl an Kabun̄ in ej meļeļein n̄an ba jet men ko reppen. Menin em̧ool ilo tōre ko an paul āinwōt ilo raan kein. Ilo an lukkuun alikkar juon leta m̧okta ļo̧k jān Paul n̄an Armej ro Rekwojajar ilo Korint ekoba kauwe im kōmetak en̄jake ko aer. Ilo let eo me ekar erom̧ 2 Korint, ekar kajjieon̄ kōmeļeļeiki ta eo ekar im̧we naan ko an rellej: “Bwe jān elōn̄ jorrāān im en̄taan būrūo iar jeje wōj n̄an kom̧ kōn elōn̄ dānnin kōmjaaļaļ; jab bwe kom̧win būrom̧ōj, a bwe kom̧win jeļā yokwe eo ippa e kanooj ļap n̄an kom̧” (2 Korint 2:4). N̄e kwe eo kwoj bōk jem̧ļo̧kin jet kajjim̧we ko jān juon ritōl, elukkun nej jipan̄ jeļā bwe ej im̧we jān iakwe eo an Kraist. Im men̄e ilo jekjek ko me ejjab, eļan̄n̄e jekōņaan lo doon kōn kain iakwe eo Paul ekar en̄jake, epidodo n̄an jelm̧ae jabdewōt kain kōmetak ko. Āinwōt an Elder Jeffrey R. Holland kar kapilōk, “Kom̧win jouj kōn wōtam̧e ko an armej ilo ānbwin—barāinwōt kwe make im ro rej jerbal ippam̧ ilo juon Kabun̄ eo ej tōl jān ro rej jipan̄ ilo ejjeļo̧k wōņeen, m̧aan im kōrā ro ilo mour in. Ijjeļo̧kin ilo jekjek eo an Eo Nejin Emake Wōt, armej ro rejjab wānōk ren an Anij me ej aikuj jerbal ippāer” (“Irooj, Ij Tōmak,” Liaona, Māe 2013, 94).

Ļōmņak ko n̄an Ekkatak Jeje Ko Rekwojarjar Ippam̧ Make

2 Korint 1:3–7; 4:6–10, 17–18; 7:4–7

Mellijon̄ ko aō remaron̄ erom̧ juon kōjeraam̧m̧an.

Leļo̧k aolep men ko me Paul ekar jelm̧aeiki ilo mour eo an, ejjab kabwilōn̄lōn̄ bwe ekar jeje eļap kōn kōttōpar im kōjeraam̧m̧an ko an mellijon̄ ko. Ilo am̧ riiti 2 Korint 1:3–7; 4:6–10, 17–18; 7:4–7, ļōmņak kōn wāween ko me mellijon̄ ko remaron̄ erom̧ juon kōjeraam̧m̧an. N̄an waanjon̄ak, kwomaron̄ kejokļo̧kjeņ kōn wāween an Anij “kaeņōm̧m̧an [kom̧] ilo [ami] jorrāān” im wāween am̧ maron̄, ukōt ļo̧k, “kaeņōm̧m̧an reo rej pād ilo jabdewōt jorrāān” (2 Korint 1:4). Ak kwomaron̄ mije wōt wāween an meran in Jisōs Kraist “ear romaak” ilo būruōm̧, men̄e kwoj pād ilo “kaen̄taan” im “pok” (2 Korint 4:6, 8).

Bar lale Mosaia 24:13–17; Henry B. Eyring, “Idajon̄jon̄, Kam̧ool, im Kōjatōltōl,” Liaona, Nob. 2020, 96–99; Gospel Topics, “Adversity,” topics.ChurchofJesusChrist.org.

2 Korint 2:5–11

Jeorļo̧k bōd ej juon kōjeraam̧m̧an imaron̄ jim̧or leļo̧k im bōke.

Jejjab jeļā eļap kōn em̧m̧aan eo me Paul ekar kōnono kake 2 Korint 2:5–11—jejeļā wōt bwe ekar jerawiwi (lale eoon ko 5–6) im bwe Paul ekar kōņaan bwe Armej ro Rekwojarjar ren jeorļo̧k an bōd (lale eoon ko 7–8). Etke jet iien jej likjab n̄an “kapen [ad] yokwe” juon eo ejitōnbōro eo ekar kōmetak kōj ilo en̄jake? (eoon 8). Ewi wāween ilo ad jab jeorļo̧k bōd kōmetak ro jet im kōj make? (lale eoon ko 7, 10–11). Ewi wāween ilo ad jab jeorļo̧k bōd kōm̧m̧an bwe “Setan … jab m̧oņe kōj”? (eoon 11).

Bar lale Katak im Bujen Ko 64:9–11.

2 Korint 5:14–21

Kōn Pinmuur eo an Jisōs Kraist, imaron̄ kōkm̧anm̧an aolep men im juon wōt n̄an Anij.

Jon̄an an ļap āinwōt ro jet, Paul ekar jeļā bwe ta eo ekar āinwōt n̄an erom̧ “juon menin kōm̧anm̧an ekāāl” (2 Korint 5:17). Ekar oktak jān juon rijum̧ae Rikūrijtin n̄an juon rijojomar eo eperan an Kraist. Ilo am̧ riiti 2 Korint 5:14–21, ļōmņak kōn kajjitōk ko āinwōt kein: Ta meļeļein kōkm̧anm̧an aolep men im juon wōt? Ta meļeļein n̄an kajim̧we n̄an Anij? Kejōkļo̧kjeņ kōn ta eo emaron̄ kōjepel kōj jān Anij. Ta eo kwoj aikuj kōm̧m̧an n̄an lukkuun kōkm̧anm̧an aolep men Ippān? Ewi wāween an Rilo̧mo̧o̧r kōm̧m̧an bwe menin en kūrm̧ool?

Kwomaron̄ bar kejoļo̧kjeņ kōn meļeļein “ri keean̄ kōn Kraist” ilo “jerbal in kōllaajrak” (eoon ko 18, 20). Ta en̄jake eo kwar en̄jake kōn ennaan eo an Elder Jeffrey R. Holland “Jerbal in Karejar in Kajim̧we”? (Liaona, Nob. 2018, 77–79).

Bar lale 2 Nipai 10:23–25.

2 Korint 7:8–11

Būrom̧ōj ilo jetōb ej tōl ļo̧k n̄an ukweļo̧k.

Jejjab kajju ļōmņak kōn burom̧ōj āinwōt juon men em̧m̧an, ak Paul ekar kōnono kōn “būrom̧ōj” (2 Korint 7:10) āinwōt juon m̧ōttan ukweļo̧k eo eoarōk. Ļōmņak kōn ta eo kwar ekkatak kōn lukkuun burom̧ōj jān laajrak kein: 2 Korint 7:8–11; Alma 36:16–21; Mormon 2:11–15; im ennaan eo an Sister Michelle D. Craig “Jab Ju Būruwōn” (Liaona, Nob. 2018, 52–55). N̄āāt eo kwar en̄jake lukkkun būrom̧ōj, im ta eo ekar waļo̧k im jelet ilo mour eo am̧?

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

2 Korint 3:1–3.Ro uwaan baam̧le eo am̧ rekar ke kajjitōk ippān juon n̄an je juon leta in kam̧ool n̄an er, āinwōt juon jerbal ak abūlikāijeņ an jikuuļ? Kajjitōk ippāer n̄an kōnono kōn en̄jake in. Paul ekar katakin bwe mour ko an Armej ro Rekwojarjar rej āinwōt leta ko n̄an kam̧ool kōn gospel eo an Jisōs Kraist, “jab jeje kōn ink, a kōn Jetōb an Anij e mour.” Ilo am̧ riiti 2 Korint 3:1–3 ippān doon, kōmeļeļe wāween an waanjon̄ak ko ad āinwōt leta ko me remaron̄ “em̧ōj an armej otemjej jeļā,” rej kwaļo̧k m̧ool im tokjen gospel eo. Bolen kajjojo baam̧le remaron̄ je juon leta ak “enaan” n̄an kōmeļeļeik wāween an bar juon uwaan baam̧le erom̧ juon waanjon̄ak em̧m̧an kōn juon rikaļoor an Jisōs Kraist. Remaron̄ riiti leta ko n̄an baam̧le eo im leļo̧k n̄an ro uwaan baam̧le eo rej jeje n̄an er. Etke eaorōk n̄an meļeļe bwe mour ko ad rej “leta [ko] an Kraist”?

2 Korint 5:6–7.Ta meļeļein n̄an “etetal kōn tōmak, jab kōn loe”? Ta eo jej kōm̧m̧ane n̄an kwaļo̧k bwe jej tōmak ilo Rilo̧mo̧o̧r men̄e jejjab maron̄ lo E?

2 Korint 5:17.Baam̧le eo am̧ emaron̄ ke ļōmņak kōn ak kappukot waanjon̄ak ko ilo piktokin men ko me rej pān ilo oktak kabwilōn̄lōn̄ im erom̧ rikōm̧anm̧an eo ekāāl? (lale pija eo ilo jem̧ļo̧kin laajrak in katak in). Ewi wāween an gospel eo an Jisōs Kraist ukōt kōj?

2 Korint 6:1–10.Ekkar n̄an 2 Korint 6:1–10, ta meļeļe n̄an “ri jerbal an Anij”? (eoon 4). Ta men ko aorōk im repād ippān juon rikwaļo̧k naan an Anij?

2 Korint 6:14–18.Ewi wāween ad ļoor kapilōk eo an Paul to “diwōjtok jān eoļōpeir [ro rejjab mour jim̧we], im kamakeļo̧k iaami,” ilo ami iakwe ipeļakimi?

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Help Me, Dear Father,” Children’s Songbook, 99.

Kōkōm̧anm̧anļo̧k Ad Katakin

Kwaļo̧k mennin katak ko. Jet katak ko an gospel, āinwōt Pinmuur eo, emaron̄ pen n̄an meļeļe kake. Lōmņak in kōjerbal pija ko ak men ko me remaron̄ jipan̄ baam̧le eo am̧ meļeļe pedped in katak kwoj loe ilo jeje ko rekwojarjar.

N̄e jej oktak tok n̄an gospel eo an Kraist, ad oktak ekabwilōn̄lōn̄ me Paul ekar kōmeļeļeiki āinwōt erom̧ juon “ri kōm̧anm̧an ekāāl” (2 Korint 5:17).