Merekitereka e kakabwaia Aberaam, iroun Walter Rane. Ana bwaintangira te Tia Korobonna

Nobembwa 6–12

Ebera 7–13

“Mataniwiia Ibonga Ibukin Bwaai aika Raraoi aika Nang Roko”

Ngkai ko manga wareka te reirei aei, tarai iango aika ko karekei ibukin buokai am ataei. Te Tamnei e na buokiko ni karekei rongorongo n Ebera 7–13.

Kaunga te Tibwatibwa

Tuangiia ataei bwa a na tibwai bwaai ake a karaoi n aia utu n reiakina te euangkerio ni mwengaia. Kaoiia bwa a na tibwa baike a mamate iai nanoia n reiakinan te euangkerio ma aia utu.

Reirei te Reirei: Ataei aika a Uarereke Riki

Ebera 7:1-6

Te nakoanibonga e buokiira ni kawai aika bati.

Ebera 7:1–6 e anga te tai ae tamaroa ni kabwarabwara nkoia ataei kakabwaia n te nakoanibonga.

Waaki ni Kakukurei aika a Kona ni Karaoaki

• Kabwarabwara teutana bwa antai Aberaa, ao kabaonganaa Ebera 7:1–6 n reirei bwa Aberaam e kabwakaa ana kabwianibwai nakon Merekitereka(taraa naba Ana Rairairi Iotebwa Timiti, Karaikani Bwaai 14:36–40 [n te Bible appendix]). Kabwarabwara bwa Merekitereka iai irouna te nakoanibonga, are mwaakan te Atua, ao Merekitereka e kabaongana ni kakabwaia Aberaam. Ataei a kukurei ni katei kain te karaki n onea aika bebete, n aron te baunuea ao nnen te kabwianibwai.

• Kaoa te aomata e taua te nakoanibonga ae te Aaron ke te Merekitereka bwa e na kawara ami kraati ao n tibwaia nakoia ataei bwa tera ae e a tia ni karaoia ma te nakoanibonga ni kakabwaiaia aomata. Ngkanne kaota te tamnei nakoia ataei n otenanti n te nakoanibonga (te katooto, taraa tamnei 103–8 n te Boki n Tamnei n te Euangkerio). Buokiia ataei bwa a na atai bwaai aika kainnanoaki n otenanti n te euangkerio ao anga te tamnei nakon teuare e taua te nakonibonga anne.

Ebera 11:1–32

Te onimaki bon kakoauan bwaai ake ti aki noori.

E boni ngae ngke ti aki kona n noora Tamara are i Karawa ma Iesu Kristo, ti kona ni karikea ara onimaki Irouia ao n Aia berita, n ira aia katooto aomata aika kakaonimaki ake a kabwarabwaraki n Ebera 11.

Waaki ni Kakukurei aika a Kona ni Karaoaki

• Kaota tamnein Iesu. Kamenai bwaai inanon te umwanreirei bwa e na tei ibukin “kakoaua” bwa Bbon iai Ngaia e ngae ngke tiaki kona n nooria (n aron koroboki aika tabu, tamnein te Moan Kaotioti, ao tamnein te aonnaba). Kaoiia ataei bwa a na kakaei bwaai aikai, ao n tibwaia ma ngaia bwaai ake a na buokiira n onimakin Iesu bwa e maiu.

• Uota te iriba ae te beeba, ao tuangiia ataei bwa a na iriba moamoaia bwa a aonga n noora korakorana. Reireiniia bwa ti aki kona n noora te eea, ma ti kona n namakinna. N aron anne, tiaki kona n nooora Tamara are i karawa ma Iesu Kristo, ma ti kona n namakina Aia tangira ao ara onimaki bwa bon iai Ngaiia.

• Karakina rongorongon te aomata ae taekinaki n Ebera 11:4–32. Ko kona naba ni karekei karakinaia aomata man Karaki man te Nu Tetemanti. Tera ae a karaoia aomata akai ni kaota aia onimaki n te bwai ae aki kona n nooria? Tibwai kakabwaia ake ko karekei man am onimaki.

Ebera 13:5–6

Tamara are i Karawa ma Iesu Kristo a na bon aki kitaniira.

Tera kakatai aika ti noori? Tera te reirei man Ebera 13:5–6 ae kona ni buokiia?

Waaki ni Kakukurei aika a Kona ni Karaoaki

• Tarai karakin man te Nu Tetemanti ake a tia n reiakin ataei n t eiriki aei ike te Tia Kamaiu e buokiia aomata, n aron are E kamaiuia te aomata ae tenakibaina (taraa Ruka 5:18–26) ke ngke e kamwarakeia 5,000 aomata (taraa Mataio 14:15–21). Buokiia ataei bwa a na kamatenanoa te kibuntaeka aei “Te Tia Buokai te Uea” (Ebera 13:6).

• Kaoiia ataei bwa a na korei tamnein te aomata are e anga te rau nakoia ngke a maroaa. Wareka Ebera 13:5–6 nakoia, ao kaota am koaua bwa e na buokiira man aki kitaniira Tamara are i Karawa. Buokiia ataei ni korei aati beeba bwa e na rabuni korotamnei. Tera bwaai aika a kona ni buokiira ni kaaniia Tamara are i Karawa? Korei bwaai aikai n te aati beeba.

• Tuangiia ataei bwa a na anenea te kuna ae taekina ana tangira ma ana ibuobuoki Tamara are i Karawa ma Iesu, n aron “Tell Me, Dear Lord” (Aia Boki n Anene Ataei, 176). Ti na kanga n ataia bwa a kaan nakoira Tamara are i Karawa ma Iesu Kristo? Maroroakina te tai are ko namakinna bwa “te Uea [te Tia] Buokiko.”

Reirei te Reirei: Ataei aika a Ikawai Riki

Ebera 7:1–4

Taan kairiiri n te Ekareta a iriira te Tia Kamaiu.

Ko na kanga ni kabonganai kiibu aikai ni buokii ataei n oota bwa naake a weteaki bwa a na beku n ana Ekaretia te Uea a bon kakaonimaki ao a beku ibukiia aomata n aron are E karaoia?

Waaki ni Kakukurei aika a Kona ni Karaoaki

• Buokiia ataei n karinanii bwaai aika a atai ibukiia taan kairiiri aika Aberaam ao Merekitereka. A kona n kunea te ibuobuoki inanon Ebera 7:1–4; Aberaam 1:1–2; ao Ana Rairairi Iotebwa Timiti, Karikanibai 14:25–40 (in the Bible appendix). Tera Anua n Kristo ae iai irouia mwaane aikai are e buokiia n karinea te nakoanibonga?

• Tuangiia ataei bwa ana wareka Ebera 7:1–2 ao taratarai tenaan taeka ake a kabonganaaki n kabwarabwara Merekitereka. Tera ae ti uringa iroun Iesu Kristo man aara aikai? Buokiia n iangoi aanga ike Iesu bon te “Uea n rau.” Kaoiia bwa ana maroroakina taan taua te nakoanibonga aika banna ni katooto n iriira te Tia Kamaiu.

• Tibwaua am taneiai ike am onimaki inanon te Tia Kamaiu e kakorakoraaki ibukin ana mwakuri ni ibuobuoki te tia taua te nakoanibong ae kakaonimaki. Buokiia ataei n iangoi taai ike a tia ni kakabwaiaaki man te nakoanibonga.

Ebera 11

Tamara are i Karawa e kanuwanganiia ake iai aia onimaki.

Ebera 11 iai inanona katooto iaoia aomata are a kakabwaiaaki ibukin bwa a mwakuriia aia onimaki. Engaa mai buoakon karaki aikai ae e na riki bwa te kabanea n tamaroa ke n ibuobuoki nakoia ataei ake ko reiakiniia?

Waaki ni Kakukurei aika a Kona ni Karaoaki

• Kaoiia ataei bwa ana karinanii bwaai iaon te burakibooti iaon bwaai akea a reiakinna ibukin te onimaki man Ebera 11:1–3, 6. Anganiia ataei n tatabemaniia nako aran temanna are e taekinaki n Ebera 11, ao kaoiia bwa ana warekii kiibu ake a irekereke ma te aomata anne. Tuangiia bwa ana tibwauai kanikinaa tabeua iaon te aomata anne n te aro are a kona n keetinna ataei bwa antai te aomata anne. Tera ae a karaoia aomata aikai ni kaota te onimaki, ao tera ana kanuwanga Tamara are i Karawa nakoia? (Tamneia aomata aikai, taraa mwakoron O Tetemanti n te Boki n Tamnei n te Euangkerio.)

• Imwiin warekan tabeua katootoo aika kakaonimaki man Ebera 11, tuangiia ataei bwa ana korea taekan temanna te aomata ae a kina ae ea tia ni kaota te onimaki. Kaoiia tabeman ataei bwa ana tibwauai aia katooto ma te kiraati.

Ebera 12:5–11

Te Uea e boaia naake E tangiriia.

Kiibu aikai a kona n buokiia ataei n oota bwa Tamara are i Karawa, ara karo, ao tabemwaang a kaetiia ibukina bwa a tangiriia ao ana reiakinaki man kabwakaia.

Waaki ni Kakukurei aika a Kona ni Karaoaki

• Bootaki wareka Ebera 12:5–11, ao tuangiia ataei bwa a na kakaei bukina ngkai ti boaaki iroun Tamara are i Karawa (kaetaki ke katuaeaki). Tera ae ti reiakinna bwa bukin tera kai ara karo iaon te aba a kaetiia naba natiia? Tera arora ngkana ti kaetaki?

• Tibwai katoto aomata ni koroboki aika tabu ake a boaaki iroun te Uea ao a rairananoia (te katooto, taraa 1 Nibwaai 16:25–27; Ita 2:13–15). Aikai bon katoto aika tamaroa n taian reirei n Ebera 12:5–11?

• Imwiin warekan Ebera 12:5–11, kaoiia ataei bwa ana korei tabeua bwaai aike ana kataia n uringa ngkana iai ae e kaetiia ibukin kairuaia.

Kaungaa te Kamatebwai n te Mweenga

Kaoiia ataei bwa ana korei ke n korea tamnein te bwai ae a tia n reiakinna n te kiraati. Kaungaia bwa a na kabongana n tibwatibwa ma aia utu.

Kanakoraoan Ara Anga reirei

Kabonganai taian iteraniba ibukin te waaki ni kakukurei. Ngkai a tabe ataei n katiai aia waaki ni kakukurei n tain te kiraati, tina kabonganaa te tai n manga rinanon koaua man te reirei aio.