“Nobembwa 20–26. 1 ao 2 Betero: ‘Kimwareirei n te Kakatonga ae Aki Konaaki n Atongaki,’” Nakomai, Iriirai—Ibukin te Moanrinan: Nu Tetemanti 2023 (2021)
“Nobembwa 20–26. 1 ao 2 Betero,” Nakomai, Iriirai—Ibukin te Moanrinan: 2023
Kristo e Tataekina te euangkerio n te Aba n Tamnei, iroun Robert T. Barrett
Nobembwa 20–26
1 ao 2 Betero
“Kimwareirei n te Kukurei ae Akea Kabotauana ao te Mimitong
Moana am kamatebwai n 1 ao 2 Betero ma te tataro. Uringnga bwa am katauraoi ae moan te nakoraoi ibukin am angareirei bon man rinanon oin am atatai ke taneiai ao te kamatebwai n te utu.
Kaunga te Tibwatibwa
Kaota tamnein Betero n te kanoa n reirei n te wiiki aei n Nakomai Iriirai—Ibukiia Aomata n Tatabemaniia ao Utu, ao kaoiia ataei bwa a na tuangko aia atatai iroun Betero. Kauringiia bwa Betero bon te tia kairiiri n te Ekaretia imwin mangautin Iesu, ao kabwarabwara bwa 1 Betero ao 2 Betero bon ana reta nakoia kaain te aro n te Ekaretia ni boong aikai.
Reirei te Reirei: Ataei aika a Uarereke Riki
I kona ni kukurei n taai ni karawaawata.
Iangoia bwa tera arom n reirei kiibu aikai n te aro are ataei a na rairaki iai nakon te Tia Kamaiu ngkana kaitara ma te kangaanga.
Waaki ni Kakukurei aika a Kona ni Karaoaki
-
Buokiia ataei n iangoi bwaai aika matoatoa ake e rinanoni Iesu, n aron te waningareaki ke te bwainikirinaki. Kabwarabwara bwa e na bon iai matoan te maiu aei. Wareka 1 Betero 1:6–7; 3:14 ao tibwa rongorongom ngke ko kaitara ma “kataakin am onimaki” ao ana ibuobuoki te Tia Kamaiu nakoim ni karekea te kukurei. Ke ko kona n tibwaua rongorongon ana tataro Iotebwa Timiti n te Karabuuti ae Liberty ao te rau are e karekea mairoun te Atua (taraa Reirei ao Berita aika Tabu 121:1–8; 123:17).
Iotebwa Timiti inanon te Karabuti ae Liberty, by Greg K. Olsen
-
Kaota te tamnei ae oti iai Iesu ao tabeman riki aomata (te Gospel Art Book e mwaiti; ao aiuana naba ma Nakomai, Iriirai—Ibukiia Aomata n Tatabemaniia ao Utu). Tuangiia ataei bwa a na kakaea tamnein Iesu. Ngkana ti rairaki nakon te Tia Kamaiu, E kona ni buokiira ni karekea te kukurei inanon maiura.
E tangirai Tamara are i Karawa bwa N na riki bwa te katooto nakoia tabemwaang.
E reirei Betero bwa ngaira “ana aomata te Atua” ao ara mwakuri aika raoiroi a “neboa te Atua.”
Waaki ni Kakukurei aika a Kona ni Karaoaki
-
Kabwarabwarai bwaai aika a tei n okoro n te tabo, ke kaotii tamnein bwaai aika a onoti. Te katooto, te tembora e tei n okoro ibuakoia kateitei ake irarikina ke te maunga e rietata. Kabwarabwara bwa ngkana ti kawakin tuua, ti tei n okoro ao aomata a kona n noora aei. Marorokin “mwakuri aika raoiroi” are ko a tia nooria irouia ataei. Kabwarabwara bwa mwakuri aikai a “neboa te Atua”—a buokiia aomata n namakina ana tangira te Atua ao te nano ni beku i Rouna.
-
Katiaa kanoan ana iteraniba te waaki ni kakukurei ma ataei. A kanga aomata aika n te tamnei n neboa te Atua?
Tamnei n te abantamnei a reiakina naba te euangkerio.
Imwin matena, Iesu e nakon te aba n tamnei ao e kanoia tamnei aika raoiraoi bwa a na reirei nakoia tamnei ake a tuai ni butimwaea te euangkerio.
Waaki ni Kakukurei aika a Kona ni Karaoaki
-
Tuangiia ataei ibukin temanna ae ko kinaa ae e a tia ni mate. Kabwarabwarabwa ngkana a mate aomata, tamneia e kitana rabwataia ao e nakon te aonnaba n tamnei. Wareka 1 Betero 3:19 ao kabwarabwara bwa ngke e mate Iesu, e nako ni kawariia aomata n te abantamnei. Ikanne, E tuangiia tamnei aika raoiroi bwa a na reiakina te euangkerio nakoia tamnei ake a tuai butimwaea te euangkerio (taraa Reirei ao Berita aika Tabu 138:30).
-
Kaota tamnein te tembora. Kabwarabwara nakoia ataei bwa ngkana a ikawai riki, a na kona n rin n te tembora ao ni bwabetitoaki ibukiia aia bakatibu ake a tuai bwabetitoaki n te aonnaba. Buokiia ataei ni kanoaa te boki n riki (taraa te katooto n “Family History Coloring Pages,” ChurchofJesusChrist.org).
Reirei te Reirei: Ataei aika a Ikawai Riki
I kona ni karekea te kimwareirei n tain te karawaawata.
Ataei ake ko reireiniia a tia n rinanon te kangongoaki ma te waningareaki ibukin bwaai aika kakoauai. Kiibu aikai a kona ni buokai n taai aikai.
Waaki ni Kakukurei aika a Kona ni Karaoaki
-
Kakimototoi tabeua karaki ngke e bwainikirinaki Iesu, ke kaoiia ataei bwa a na wareki—taraa, te katooto, Mataio 12:9–14 or Ruka 22:47–54. Tuangiia ataei bwa ngkana kangongoaki ke ni waningareaki ibukin ma a maiuakina ana reirei Iesu Kristo. Tera aia namakin iai? Bootaki wareka 1 Betero 3:12–14; 4:13–14, 16, ao tuangiia bwa a na kakaea ana taeka Betero ibukin te rawawta “ibukin te waaki ae raoiroi.” Ti na kanga ni kukurei ngkana ti waningareaki irouia aomata ibukin karaoan ae eti?
-
Tibwaa rongorongom ngke ko karekea te kimwareirei ke te rau n tain te kakatai, ke tibwa aron te burabeti Iotebwa Timiti ni karekea te rau ngke e mena n te karabuuti ae Liberty (taraa Reirei ao Berita aika Tabu 121:1–8; 123:17). Ti na kanga ni karekea te kimwareirei ma te rau iroun Kristo inanon kataakira?
I kona n kakatauraoai n tibwaua te euangkerio n taainako.
Am ataei e na bati aia tai inanon maiuia are a na kona iai ni kaekai titiraki aika bati mairouia aomta ake e okoro aia onimaki. Iangoa bwa tera arom ni buokiia bwa a na “tauraoi n tainako ni kaeka.”
Waaki ni Kakukurei aika a Kona ni Karaoaki
-
Karakina te tai are ko titiraki iroun te aomata taekan te Ekaretia, ao kabwarabwara bwa ko tauraoi ni kaeka. Tuangiia ataei bwa e bati te tai are a na titiraki iai irouia aomata ni kaineti ma te Ekaretia. Bootaki wareka 1 Betero 3:15. Ti na kanga n ira ana reirei Betero n te kibu aei?
-
Buokiia ataei n iangoi tabeua aia titiraki aomata ake a na tabeki ibukin Iesu Kristo ma Ana Ekaretia. Tuangiia ataei bwa a na ikaruoruo ni kaota aroia ni kaekai titiraki aikai bwa a aonga “n tauraoi n tainako.” Taekan te Onimaki e anga koaua aika bebete are a kona ni kamanenai ataei ni kaekai titiraki ibukin te Ekaretia.
Tamnei n te abantamnei a reiakina naba te euangkerio.
Ngkana a mate aika a raoiroi, a na nakon te abantamnei n reiakina te euangkerio nakoia aomata ake a tuai karekea n te aonnaba aei.
Waaki ni Kakukurei aika a Kona ni Karaoaki
-
Korea iaon te burakibooti te mronron ao te rain i nuukana. Korea Te Aba n Tamnei ae te Bwaretaiti iaon iteran te mironron ao Te Aba n Tamnei ae te Karabuuti iaon iterana are teuana. Kaoa temanna te ataei bwa e na wareka 1 Betero 3:18–20; 4:6 (taraa 1 Betero 4:6, te bwai ae e na taraaki i nano a, ibukin Ana Rairairi Iotebwa Timiti). Kabwarabwara bwa ngke e mate Iesu, E nakon te aban tamnei ae te baretaiti. E tua nakoia tamnei aika raoiroi bwa a na reiakina te euangkerio nakoia tamnei ake n te tabo ni kainiin.
-
Kaoa te karo ke te kairake bwa e na roko n karaki nakoia ataei iaon te tembora ao karekean otenanti ibukiia aia bakatibu.
-
Kaoiia ataei bwa a na kanoaa te boki n riki (taraa te katooto n “Family History Coloring Pages,” ChurchofJesusChrist.org).
Kaungaa te Kamatebwai n te Mweenga
Kaoiia ataei bwa a na tibwaa aia riki ma kaain aia utu ao n tuangiia bwa a na karekei riki aia aara.
Kanakoraoan Ara Anga reirei
Ukoukoria ni kaotaia ataei ake ko reireiniia. Ko kinaia am ataei, ngaia are bitii bwaai n te kano n reirei aei ake ko taku bwa e na tobwai kainnanoia. Ko kona ni kabonganai mwakuri ni kauring n te boki aei, tiaki tii ake a koreaki ibukin te roro ake ko reireiniia. (Tara Reirei n Ana Kawaki te Tia Kamaiu, 7.)