E wiingare Iesu Kristo ngke e tekateka irarikiia ataei aika kukurei

Te Tangira ae Kororaoi, iroun Del Parson

Nobembwa 27–Ritembwa 3

1–3 Ioane; Iuta

“Te Atua bon te Tangira”

Ana Reta Ioane ao Iuta a taekina ana tangira ma ootan Tamara are i Karawa. Ngkai ko kamatebwai n te wiiki aei, iangoia bwa bukin tera am ataei a kainnanoa Ootana ao ana tangira inanon maiuia. Uringnga n iangoi mwakuri ni kauring n te kanoa n reirei aei, tiaki tii ake a katauraoak ibukin te roro ake ko reireiniia.

te aikaon ibukin te tibwatibwa

Kaunga te Tibwatibwa

Kaoiia ataei bwa a na tibwaa te tai are a namakina iai ana tangira Tamara are i Karawa ao Iesu ke bukin tera a ataia ae Tamara are i Karawa ma Iesu bon Ootara.

te aikaon ibukin te anga reirei

Reirei te Reirei: Ataei aika a Uarereke Riki

1 Ioane 1:5–7; 2:8–11

Iriiran Iesu e anganai te oota inanon maiu.

E koroboki Ioane iaon te oota n reireiniira korakoran Tamara are i Karawa ao Iesu inanon maiura. Ianogia bwa ko na kanga ni buokiia ama ataei n reiakina te oota are A anga.

Waaki ni Kakukurei aika a Kona ni Karaoaki

• Tuangiia ataei bwa a na atong bwaai aika a kona n oota. Tuangiia kakawakin te oota, n aron buokan kamaiuan taian aroka, kaotaan kawaira, ao ibukin te kaabuee. E reke te mataata bwa Iesu e anganira te oot, ngkana a ikaruoruo ni kaota tamnein Iesu Kristo ao a atonga ae kangai, “Te Atua bon te oota” (1 Ioane 1:5). Kaota am koaua bwa Tamara are i Karawa ma Iesu Kristo a kona n anganira te oota inanon maiura ngka ti kataia ni iriira are A taku.

• Kaoiia ataei bwa a na ikaruoruo n taua tamnein te taura ke taura te nenea. Ngkana e taua te tamnei te ataei, buokia bwa e na taekina te anga are e riki iai Iesu bwa te oota inanon maiura.

1 Ioane 4:10–11, 20–21

I kaota au tangira ibukin te Atua ngkana I kaotia nakoia tabemwaang.

Buokiia ataei bwa a na noora te reitaki imarenan te tangira are a koatia ibukin Tamara are i Karawa ma are a kaotia nakoia Natina.

Waaki ni Kakukurei aika a Kona ni Karaoaki

• Wareka 1 Ioane 4:11 nakoia ataei, ao anenea te kuna ae taekina ana tangira te Atua n aron “My Heavenly Father Loves Me” (Aia Boki n Anene Ataei, 228). Tuangiia ataei bwa a kanga n ataia ae a tangiraki iroun Tamara are i Karawa. Imwiin am reke, kaoiia ataei bwa ana inga imarenaia ao n taekina ae kangai, “Te Atua bon te Tangira, ao E tangirai te Atua.”

• Wareka 1 Ioane 4:21 nakoia ataei. Kaoiia bwa a na maroro iaon ke ni karaoi mwakuri ake a kona ni kaota iai aia tangira ibukin raoraoia, n aron te inga ke te kororeta. Tera aia namakin raoraora ni karaon aei? Tera ana namakin Tamara are i Karawa ngkan ti karaoi bwaai aika raraoi nakoia tabemwaang?

1 Ioane 2:3–5; 5:3

I kaota au tangira ibukin te Atua man kawakinan Ana tua.

E reirei Ioane bwa ana “tua te Atua a bon aki karawawaata” (1 Ioane 5:3). Ma, iran tuua bon te kawai are ti kaota iai tangira ibukina.

Waaki ni Kakukurei aika a Kona ni Karaoaki

• Wareka 1 Ioane 5:3, ao tuangiia ataei bwa a na kakauonga nakon te reirei man te kibu aei iaon kaotan ara tangira ibukin te Atua. Kaoiia ataei bwa a na taekina tuua nakon are a kona. Tera ara namakin ngkana ti ongeaba nakon ana tua Tamara are i Karawa?

• Kaoiia ataei bwa a korea tamnein te mwakuri are ti kona ni kaotia nakon Tamara arei Karawa bwa ti tangiria. N aron te katooto, a kona ni korei tamneia ngke a kawakina teuana te tua are a bon taku.

• Bootaki anenea te kuna ae taekina te ongeaba, n aron “Choose the Right Way” (Aia Boki n Anene Ataei, 160–61). Tera ara namakin ngkana ti ongeaba?

te aikaon ibukin te anga reirei

Reirei te Reirei: Ataei aika a Ikawai Riki

1 Ioane 2:8–11; 4:7–8, 20–21

I kaota au tangira ibukin te Atua ngkana I kaotia nakoia tabemwaang.

Ti na kanga ni buokiia ataei ni mataata bwa tangiran te Atua bon tangirai aomata—e boni ngae ngke a kaokoro ke e matoa karekean tangiraia?

Waaki ni Kakukurei aika a Kona ni Karaoaki

• Tuangiia ataei bwa a na iango te aomata are e boou n aia reirei ke n aia uoote ao e tuai kinaia kaain te tabo. Tera ana namakin te aomata aei? Kaoa te ataei bwa e na wareka 1 Ioane 4:7–8. Tera ae taku te kibu aei ae ti kona ni karaoia nakon te aomata aei? Kakaei riki aekakin rongorongo aikai, ke tuangiia ataei bwa a na kakaei taai ake a kona iai ni kaota te tangira.

• Tuangiia ataei bwa a na wareka 1 Ioane 4:7–8, 20–21, ao kaoiia bwa a na korea teuana te kibuntaeka ni kakimototoa te reirei are a karekea man kiibu aikai. Imwiin aia tibwatibwa, karakina rongorongom ke te rongorongo man te Rao ke Riaona are ko taku bwa e katerei raoi reirei ni kiibu aikai (taraa, n aron te katooto, “Say Hello to Halim,” Rao, Tuun 2019, 8–9; ke Riaona, Tuun 2019, F18–F19). Kaoiia ataei bwa a na tibwauai katotoon te kakai are mairouia. Ti na kanga ni kaota te tangira nakoia aomata?

1 Ioane 2:3–6; 4:17–18; 5:2–5

I kaota au tangira ibukin te Atua man kawakinan Ana tua.

Te ongeaba nakon tuua e bebete ngkana ti oota raoi n taian koaua aika koreaki n 1 Ioane 5:3. Ko na kanga ni buokiia ataei n tarai tuua bwa tiaki karawaawata ma taai ni kaota aia tangira ibukin te Atua?

Waaki ni Kakukurei aika a Kona ni Karaoaki

• Kaoiia ataei bwa a na korei kawai iaon te burakibooti are ti kona iai ni kaota ara tangira ibukin te Atua. Ao bootaki wareka 1 Ioane 2:5–6; 5:2–5 ni karekei iango. Bukin tera kawakin tuua e kaota ara tangira ibukin Tamara are i Karawa?

a katorobubua te utu n tataro

Kawakin ana tua te Atua e buokai n tokanikai n te aonnaaba.

• Wareka 1 Ioane 4:17, ao kabwarabwara nakoia ataei bwa a riai n “tauraoi n tain te motikitaeka” e nanonaki te tauraoi ao namakinan te rau ngka ko tei imatan te Atua n tain te motikitaeka. Tera ae e reirei te kibu aei n te bwai ae ti kainnanoia ni karekea te tauraoi aei? Tera tabeua bwaai aika ti kona ni karaoi bwa ti aonga n tauraoi n tei imatan te Atua?

Iuta 1:18–22

I kona ni kakaonimaki e ngae ngke a waningareai aomata.

Ibukina bwa ngaira bon ana reirei Iesu Kristo, aomata a waningareira ibukin ara koaua ke aron maiura. N kiibu aikai ao iai ana reirei Iuta n aron te kakaonimaki n taai aikai.

Waaki ni Kakukurei aika a Kona ni Karaoaki

• Tuangiia ataei bwa a na tibwai rongorongoia ike a waningareaki iroun te aomata ibukina bwa a karaoa ae raoiroi. Kaoiia ataei bwa a na wareka Iuta 1:18–22 ao taraia bwa tera arora ni kakaonimaki ngkana ti waningareaki irouia aomata. Korei baike a kunei iaon te burakibooti, ao maroroakinii kawai are a kona n iira nanon taeka n reirei aikai.

• Kakimototoa miin Riaai (taraa 1 Nibwaai 8:1–35), tuangiia tabeman ataei bwa a wareki tabeua kiibu man 1 Nibwaai 8:26–28, 33. Maroroakina aroia aomata n te kateitei are bubura man totoa bwa aroia taan waningare are e taekinna Iuta. Tera ae ti kona ni karaoia bwa ti na aki rootaki irouia aomata ake a wanigareira ke aki boraoi ni iango ma ngaira? (taraa 1 Nibwaai 8:30, 33).

te aikaon ibukin te kamatebwai

Kaungaa te Kamatebwai n te Mweenga

Kaoiia ataei bwa a na karaoa aia kawai ni karaoa te mwakuri ni kaura aia taura nakoia aia utu.

Kanakoraoan Ara Anga reirei

Ataei a rangi n takaremwaremwa. N taai tabetai ko na bae n namakinna bwa korakoraia ataei bon te tutuki man aia kamatebwai. Ma ko kona ni kabongana aroia ae a kakamwakuri ngkana ko tuangiia bwa a na katei kain, korei tamnein, ke a na anenea te reirei. (Taraa Reirei n ana Kawai te Tia Kamaiu, 25–26.)

iteranibaan te waaki ni kakukurei: iriiran Iesu e anganai te oota inanon maiu