te teei ae e a tibwa bungiaki

Te Tiibu ae Uarereke, iroun Jenedy Paige

Ritembwa 18–24

Kiritimati

“Te Rongorongo ae Raoiroi ae Kakimwareirei”

Te reirei aei e anga te tai ni buokiia ataei ake ko reireiniia ni bukamarua bungiakin te Tia Kamaiu, maiuna, ao ana mition n tain te Kiritimati. Iangoa te titiraki aei ngkana ko katauraoi n anga reirei.

te aikaon ibukin te tibwatibwa

Kaunga te Tibwatibwa

Kaota te tamnei inanon te kamataata n te wiiki aei inanon Nakomai, Irirai—Ibukiia Aomata n Tatabemaniia ao Utu,, ao kaoia ataei bwa a na tibwaua te bwai ae ataia iaon bungiakin te Tia Kamaiu.

te aikaon ibukin te anga reirei

Reirei te Reirei: Ataei aika a Uarereke Riki

Mataio 2:1– 12; Ruka 2: 1–14

Iesu Kristo e roko nako aon te aba n aron te ataei.

Ataei a tatangira karakin bungiakin Iesu Kristo. Tera reirei aika a koaua ae ko noori ni karaki aikai are ko namakinna bwa a riai ni mataata iai ataei?

Waaki ni Kakukurei aika a Kona ni Karaoaki

• Wareka Ruka 2:1–14 nakoia ataei, ke kabwarabwarai bwaai aika a riki ni kiibu aikai ni kabongana “Mwakoro 5: E Bungiaki Iesu Kristo” (ni Karaki man te Nu Tetamenti, 13–15, ke te witeo are e irekereke ma ngaia iaon ChurchofJesusChrist.org). Kaoia ataei bwa a na korei tamnein baika a riki aikai ao ni kabonganai tamnei akanne ni karakina te karaki. Bukin tera ti kakaitau ngkai e a tia ni bungiaki Iesu?

• Kaoiia ataei bwa a na tuangko karakinaia Mwaane ake Taan Rabakau ake a iriira te itoi ni kakaea Iesu. Ngkana a tangira kauringaakiia n te karaki, taraa Mataio 2:1–12 ke “Mwakoro 7: Taan Rabakau” (ni Karaki man te Nu Tetamenti, 18, ke te witeo are e irekereke ma ngaia iaon ChurchofJesusChrist.org). Karabaa tamnein Iesu inanon te ruu. Korotamneia ke korea nako te itoi ae te beeba ao taua ieta. Kaoia ataei bwa aongkoa ngaiia mwaane ake taan rabakau ake a uotii bwai n tangira, ao kairiia ni katobibia te ruu ni kakaea Iesu. Buokiia ataei bwa ana iangoi bwai n tangira ake a na kona n angan Iesu.

• Anenei tabeua anenen te Kiritimati ke anene ma ataei (taraa Anene n Taromauri, nambwa 201–14; Aia Boki n Anene Ataei, 34–54). Tuangiia bwa a na tibwai bwaai tabeua man te anene are a namakinna bwa e bongana atakina.

E katorobubua Iesu n te Nne n Aroka are Ketetemwane

Keketemane, iroun J. Kirk Richards

Ioane 3:16

Iesu Kristo ngaia ae e karikia bwa n a kona ni manga maeka ma Tamara are i Karawa n te tai teuana.

A oota ataei ake ko reireiniia bwa bukin tera e roko Iesu Kristo nako aon te aba? Iangoia bwa tera ae e a tia ni karaoia te Tia Kamaiu ibukim ao ko na kangaa ni buokiia ataei ni oota bwa teraa ae e a tia ni karaoia Iesu ibukiia.

Waaki ni Kakukurei aika a Kona ni Karaoaki

• Uota te bwai n tangira ae batianaki ke te baoki nakon te kiraati ma tamnein Iesu Kristo inanona. Kanimwa te beeba ae mwakoro iaon, “Ioane 3:16” ao tuangiia ataei bwa aio te koroboki ae e kaotia bwa teraa te bwai n tangira anne. Wareka Ioane 3:16 ma ataei, ao kaoiia bwa a na ketinna bwa tera te bwai n tangira ao a na kaukia. Bukin tera te Atua e kanakoa Natina nakoira?

• Buokiia ataei bwa a na kabwanina te taeka: “E roko Iesu Kristo nako aon te aba bwa .” Ngkanne kaota te tamnei ae e irekereke ma Ana anga karea ni kamaiu te Tia Kamaiu, matena, ao Mangautina (taraa Gospel Art Book, nambwa 56–59), ao kakimototoa karakin bwaai aika a riki akanne. Ko kona naba n anenei anene bwa bukin tera Iesu e roko nako aon te aba, n aron ae “He Sent His Son” (Aia Boki n Anene Ataei, 34–35). Kaota am koaua iaon Iesu Kristo ao tera ae E a tia ni karaoia ibukim.

te aikaon ibukin te anga reirei

Reirei te Reirei: Ataei aika a Ikawai Riki

Mataio 1:18–25; 2:1–12; Ruka 1:26–38; 2:1–20

Iesu Kristo e roko nako aon te aba n aron te ataei.

Ko na kanga ni buokiia ataei ni kabotoa aia iango iaon Iesu Kristo n tain te Kiritimati?

Waaki ni Kakukurei aika a Kona ni Karaoaki

• Kaoa temanna te ataei bwa e na wareware n taekan bwaai tabeua aika a riki ake a irekereke ma bungiakin te Tia Kamaiu (taraa Mataio 1:18–25; 2:1–12; Ruka 1:26–38; 2:1–20). Kaoiia ataei bwa na ikaruoruo ni korotamnei iaon te burakibooti iaon baike a taekinaki ni koroboki aika a tabu. Teraa ae ti reireinaki iaon karaki aikai iaon Iesu Kristo?

• Kaoiia ataei bwa a na korei iaon moti ni beeba baike a kona ni karaoi ni buokiia ni katurua aia taratara iaon te Tia Kamaiu n tain te Kiritimati. (A kona ni karekei aia iango man te witeo “Good Tidings of Great Joy: The Birth of Jesus Christ” iaon ChurchofJesusChrist.org.) Kaoiia bwa a na tibwaua te bwai are a koroia. Kaungaia ataei bwa a na uota te beeba nakon mweengaia ao ni karaoa nanon te bwai are a koreia iaon te beeba ma aia utu.

• Anenei anene ni Kiritimati iaon te Tia Kamaiu (taraa Aia Boki n Anene Ataei,, 34–54; Anene n Taromauri, nambwa 201–14), ao kaoiia ataei bwa a na tibwa te raain man te anene ae mamaten nanoia.

Ioane 3:16

Iesu Kristo ngaia ae e karikia bwa n a kona ni manga maeka ma Tamara are i Karawa n te tai teuana.

Kona kanga ni buokiia ataei n rinanoa te bwai are atia n reiakinna n te ririki aei ao ni mataata bwa bukin tera a kainanoa Iesu Kristo inanon maiuia?

Waaki ni Kakukurei aika a Kona ni Karaoaki

• Korea iaon teuana te beeba Antai Iesu Kristo? ao n are teuana Bukin teraa E roko nako aon te aba? ao kanim iaon oon te kiraatiruum aika a kakaokoro. Kaoiia ataei n tatabemaniia bwa a na wareka teuana man kiibu ni koroboki aika tabu: Mataio 16:15–16; Ioane 3:16; 1 Nibwaai 10:4; Motiaea 3:8; Aramwa 7:10–13; 3 Nibwaai 27:14–15. Kaoiia ataei bwa a na kakaei reken titiraki, inanon koroboki aika tabu, ni kaekai uoua titiraki ake iaon te oo. Kaoiia bwa a na korea te reke ao ni kanimwa iaon te oo irarikin te titirake are bon kaekaana. Ti na kanga ni kaota ara kakaitau ibukin te bwai ae a tia ni karaoia te Iesu Kristo ibukira?

• Kaoiia ataei bwa a na korei ni karinanii iaon te burakibooti aran ke are e weweteaki iai Iesu are a kona ni iangoia (taraa Bible Dictionary, “Christ, names of”). Tera ae a reireiniira aara aikai iaon Iesu Kristo ao Ana mition? Bukin tera ti kainanoa Iesu Kristo inanon maiura? Ni buoka kaekaan te titiraki aio, kaota te witeo “Why We Need a Savior—A Christmas Message about Our Savior Jesus Christ” (ChurchofJesusChrist.org).

te aikaon ibukin te kamatebwai

Kaungaa te Kamatebwai n te Mweenga

Kaungaia ataei bwa a na ukoukora tao teuana te kawai ae a na buoka temana te aomata ke n roko ni kaan nakon Iesu Kristo n tain te Kiritimati aei.

Kanakoraoan Ara Anga reirei

Kaoiia ataei bwa a na tibwai bwaai ake a reiakin. A kona ataei n iai aia kairoro ae korakora ni karaoan ae raoiroi n aia utu. Kaungaia ataei ake ko reiakiniia bwa a na tibwa te bwaai are a reiakinii n te Moanrinan ma aia utu. (Taraa Reirei n ana Kawai te Tia Kamaiu, 30.)

iteraniba iaon waaki ni kakukurei: Iesu Kristo e roko nako aon te aba n aron te ataei