Little Lamb, iroun Jenedy Paige

Ritembwa 18–24

Kiritimati

“Te Rongorongo ae Raraoi ae Kakimwareire”

Iangoia bwa e kanga iangoan bungiakin te Tia Kamaiu ao ana mition ni kona ni buokiira ni uota tamnein te rau ao te mimitong nakon tain te Kiritimati.

Korei Am Namakin

Bukin tera bungiakin te teei e uota te kimwareirei ae korakora? Tao ibukina te teei ae boou e kona n riki bwa kanikinaean te kantaninga. Iai taekan tabeua te maiu aika boou-reirei ni kaonaki ma taian konabwai are a kaoiira n iangoi bwa tera ae e na riki n taai aika ana roko ibukin te teei anne ao tera kamiimin bwaai are teuanne ke neienne are a na katiai. Aio e bon rangin ni koro nanon koaua ngke e bungiiaki Natin te Atua te Mwaane, Iesu Kristo. Akea riki te tai n aron aio are te kantaninga ea katukaki iroun te teei, ao e akea riki temanna ae bungiaki ma beritanakina ae mwaiti.

Ngke te anera e kaoiia taan kawakin tiibu ni ukora te teei ae boou ni nnen kanaia maan, e anganiia naba te rongorongo ae taekan te teei anne. Bon te rongorongo ibukin te kantaninga—bwa te teei aei e roko nakon te aonaaba ni kakoroa te mition ae tabu. Taan kawakin tiibu a karaoa aia rongorongo “ataaki n taabo nako … ao bwaai ni kabane are a ongoraea a miimi ni bwaai akanne are a tuangaki irouia taan kawakin tiibu. Ma Maria e kawakin bwaai akanne ni kabane, ao n iangoi inanona” (Ruka 2:17–19). Tao e na tamaroa n iriira ana katooto Maria n te Kiritimati aei: n iangoi inanom bwaai are ko a tia ni reiakin ae taekan te Tia Kamaiu n te ririki aei. E kanga ni kakoroa nanon Ana mition ni kabooira inanon rongorongo ae ko a tia ni warekia? Ao moan te kakawaki riki, e kanga Ana mition n tia ni bita maium? Ngkanne ko riai n namakina te kaungaaki n iriira aia katooto taan kawakin tiibu: ko na kanga ni karaoia bwa e na “ataaki n taabo nako” tera ae e a tia ni karaoia Iesu Kristo ibukim?

Iango ibukin te Kamatebwai i bon Iroum ni Koroboki aika Tabu

Mataio 1:18–25; 2:1–12; Ruka 1:26–38; 2:1–20

Iesu Kristo e karinanoa ni bungiaki ibuakora iaon te aba.

E ngae ngke ngkana ko a tia n ongo karakinan bungiakin Iesu Kristo ni mwaitin te tai mai mwaina, kamatebwaia n te tai aei ma te iango aio n am iango: “Te Kiritimati bon tiaki ti te bukamaruan aron Iesu n roko nakon te aonaaba ma ataakin naba bwa antai Ngaia—ara Uea ao te Tia Kamaiu, Iesu Kristo—ao bukin tera E roko” (Craig C. Christensen, “The Fulness of the Story of Christmas” [Te Moan Beretitentii taromauri ni Kiritimati, Rit. 4, 2016], broadcasts.ChurchofJesusChrist.org).

Tera ae ko ataia iroun Iesu Kristo imwain ae E bungiaki? (taraa, ibukin te katooto, Ioane 17:5; Motiaea 3:5; Reirei ao Berita aika Tabu 76:13–14, 20–24; Moses 4:2). E kanga te atatai aei n roota am namakinna ngkana ko wareka taekan Bungiakina?

Tera ae ko ataia bwa bukin tera Iesu Kristo e roko nako aon te aba? (taraa te katooto, Ruka 4:16–21; Ioane 3:16–17; 3 Nibwaai 27:13–16; Reirei ao Berita aika Tabu 20:20–28). E kanga aron te atatai aei n roota am namakinna ibukin te Tia Kamaiu? E kanga n roota aron maium?

Taraa naba 2 I-Korinto 8:9; Ebera 2:7–18; 1 Nibwaai 11:13–33; Aramwa 7:10–13; “The Nativity” (witeo), ChurchofJesusChrist.org.

1 I-Korinto 15:21–26; I-Korote 1:12–22; 1 Betero 2:21–25

Iesu Kristo e kakoroa nanon Ana mition ao e karekea ae N na bwabwai n te maiu ae akea tokina.

E ngae ngke karakin bungiakin Iesu e katobibiaki n taai ni kakai, Bungiakina e na bon riki bwa te bungiaki teuana ngke arona bwa tiaki ibukin te mwakuri ae korakora are E katia inanon Maiuna. Ngke Beretitenti Gordon B. Hinckley e kabwarabwara, “Iesu te merimeri mai Betereem e na bon riki bwa tii temerimeri temanna n akean Kristo te tia kabooira mai Keketemwane ao Tabwanou, ao kakoauan te tokanikai n te Mangauti” (“The Wondrous and True Story of Christmas,” Ensign, Dec. 2000, 5).

Keketemwane, iroun J. Kirk Richards

Kakoauaan ana mition te Tia Kamaiu ae mairoun te Atua ao Ana tangira ae mwaakaroiroi ibukiia tabeman e kuneaki rinanon nako te Nu Tetemanti. Man karinanin koroboki aika tabu ke rongorongo raa aika a roko nakon am iango? Ko riai n tarai rikaaki rinanon bwaai n ibuobuoki aei ke am tieno ni kamatebwai ao n rinanoi tabeua man te namakin are ko a tia ni kokorei. Ko kona naba ni wareka 1 I-Korinto 15:21–26; I-Korote 1:12–22; 1 Betero 2:21–25 ao iangoia e kanga te Tia Kamaiu ao Ana mwakuri n tia ni kakabwaia maium. Tera ae ko namakinna bwa e kaungako bwa kona bitia inanon maium? Ko na kanga ni kabongana mwaakan te Tia Kamaiu?

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Mataio 1:18–25; 2:1–12; Ruka 1:26–38; 2:1–20.Ko na kanga ni bukamarua bungiakin Iesu Kristo ma am utu? Aikai iango tabeua, ke ko kona ni karioa oin am iango:

• Warekia ke karaoa te kaotioti ni mwakoron Rongorongon Bungiakin Iesu Kristo n ikotaki.

• Mataku n te witeo “The Christ Child” (ChurchofJesusChrist.org).

• Ukori tabeua bwaai n ibuobuoki inanon “Jesus Christ” bwaai n ibuobuoki n te Gospel Library, riki inanon te tiekition n atuunaki “His Birth (Christmas).”

• Mataku n te taromauri ni Kiritimati man te Moan Beretitentii (broadcasts.ChurchofJesusChrist.org).

• Anenei anene n taromauri ibukin te Kiritimati, ke rineiia kaain rarikim ke raoraom bwa kona kawariia n anene nakoiia (taraa Anene n Taromauri, nambwa 201–14).

• Karaoa te mwakuri n ibuobuoki.

• Tuangiia kaain te utu bwa a na tarai kabwarabwaran rongorongoBungiakin Iesu Kristo are e anganiia iango ibukin bwaai ni katikiraoi ke katamaroa are a na kona ni karaoia ni kauringiia taekan Iesu Kristo.

1 I-Korinto 15:21–26; I-Korote 1:12–22; 1 Betero 2:21–25.Bukin tera ti kakaitau bwa e bungiaki Iesu Kristo? Baikara bwaintangira ae E a tia n anganiira? Ti na kanga ni kaotia Nakoina ara kakaitau? Am utu a kona n anenea te kuna are e reireiia taekan Ana mition, n aron ae “He Sent His Son” (Aia Boki n Anene Ataeii, 34–35).

“Te Kristo Ae Maiu: Aia Kakoaua Abotoro.”Ngkana ko tangiria ni buokiia am utu ni katurua aia iango iaon te Tia Kamaiu n tain te Kiritimati, tao ko kona ni kabanea tabeua am tai wareki ao kamatebwai n ikotaki “Te Kristo ae Maiu: Aia Koaua Abotoro” (ChurchofJesusChrist.org). Tao ko kona ni kamatenikunai kibuntaeka man “Te Kristo ae Maiu” ke tarai kabwarabwaran maiun te Tia Kamaiu inanon te Nu Tetemanti ake a boutokai rongorongo inanona. Ko kona naba ni kaoiia kaain te utu n tatabemaniia bwa a na korei oin aia koaua teuanne ke neienne iroun Iesu Kristo ao, ngkana ko kairaki n te wirikiriki mai ieta, warekia nakoia kain te utu.

Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae rineaki: “Once within a Lowly Stable,” Aia Boki n Anene Ataei,, 41.

Kanakoraoan Am Kamatebwai

Kakaea Iesu Kristo. Koroboki aika Tabu e reireiniira bwa bwaai ni kabane a kakoaua Iesu Kristo (taraa Mote 6:62–63), ngaia are ti riai n Taraia ni bwaai ni kabane. Ngkai ko wareki koroboki aika tabu, iangoia ni korea ke ni mwaaken kiibu are e reireiniko Taekana. Anaa te tai inanon boong imwain rokon te Kiritimati ibukin bwaai ake a katobibiko are a kakoaua Iesu Kristo.

The Nativity, iroun Brian Call